اقبل مواطن مصرى يدعى (أ.ف) يعمل بمحل مجوهرات عالمى باحى الفنادق الشهيره بدبى على سرقة مجموعه من الالماس قدرت قيمتها بحوالى 9.5 مليون درهم وذلك قبل ساعه واحده من سفره من الامارات متجها الى الاسكندريه .
وفور وصوله مطار الاسكندريه كان فى انتظاره شقيقه الاكبر والذى يعمل موظف باحدى المصالح الحكوميه وفور علمه بالواقعه قام بصفع اخيه على وجهه وقام بحجز تذكره بسعر مضاعف واجبره على العوده على نفس الطائره لاعادة المسروقات .
وهذا ماحدث بالفعل وعاد الى دبى وقام بارجاع المسروقات الى محل المجوهرات الذى كان يعمل فيه منذ 5 سنوات وقام اصحاب المجوهرات بالاتصال بشقيقه الكبير وشكره على امانته . بس ياريت قبل كتابة اي خبر من شانه الاساءة لاي جنسيه يرجى تحري الدقه وذكر مصدر الخبر
واكيد حضرتك مشرف قد الدنيا ومش المفروض تفوت عليك حاجه زي كده
وبعدين القصه واضح انها مش منطقيه نهائيا
مجوهرات بالملايين مع شاب لوحده ازاي قدر يخرج بيها من مطار دبي واحنا عارفين قد ايه الاجهزة والسكانرات بتكشف كل حاجه يبقى خرج بيهم ازاي من هناك؟
طيب لو فرضنا انه قدر يهرب بيهم من مطار دبي وده مستحيل تقدر تقولي مر بيهم ازاي من مطار الاسكندرية؟
طيب لو فرضنا انه مر ايضا بكل سهوله من كل الاجهزة والتفتيشات
في حد عاقل يعمل عملية سرقه ويروح برجله ويعترفلهم انه حرامي وان اخوه ضربه على وشه بالقلم فايقظ ضميره وعلشان كده قرر انه يعود مرة اخرى ليواجه مصير محتوم وهو السجن بعد اعترافه بالسرقه
هل يعقل هذا؟
الا يوجد سفاره للامارات هنا في القاهرة وممكن جدا يرسل هذه المسروقات الى السفارة ليتم اعادتها مرة اخرى الى صاحبها (مثلا يعني) واكيد تكلفة سفره من الاسكندريه للقاهرة حتكون اقل من ثمن التذكرة المضاعف اللي بتقول انه دفعها زي الشاطر علشان يروح يقولهم انا حرامي واتفضلوا المسروقات وكمان انا معاهم فوق البيعه؟؟؟؟ والله حاجه تضحك
ارجو من الاخوة الذين يخطون باقلامهم اي اخبار والسلام بغرض الفرقعه الاعلاميه ارجوهم ان يتوخوا الحذر فيما يكتبون ويتقوا الله ويحترموا عقولنا
وشكرا
