السلام عليكم
وإن شاء الله تكونوا كويسين في الصيام
عوده للتعليق على الحلقة
اللي ممكن نسميها حلقة الصراعات بلا شك
رانيا بتخلينا نلهث وراها من صراع لصراع بلا توقف
بالرغم زي ما شفنا الحلقة اللي فاتت نور غلبت مشاعر الحب على الواجب الا انه لسه في بقايا صراع داخلى مش عايز يعترف بكده زي ما شفنا فضفضتها لسمر
يعني دا راجع يمكن حسب رسم الكاتبة رانيا للشخصية حتى الان ووصلنا منها انها دايما عندها الواجب هو اللي بتأديه فلحظة ما حست انها بتتخلى عن الواجب فيه شعوري داخلي من الضمير مع المشاعر
يعني حسب تفسير وتقسيم فرويد للنفس البشرية يقف ( الانا ) في هذا الصراع بين ( الهو ) <<الغرائز والفطرة>> وبين ( الانا الاعلى ) <<الضمير والواجب والاخلاقيات>>
ايوه تمام كده
الله عليك ياحبيب والديك
ههههههههههههه
طبعا اول مشهد درامي قوي وحزين بين يوسف ونور
صمتها اللي بيعبر عن التضحية بالنسبة ليها وبيعني ليوسف حساب عقل نور
ودموعها اللي بيعني للاتنين بمشاعر الحب والفراق من داخلها
وطبعا كلام يوسف اللي كان يجمع بين الحزن والعتاب وجلد الذات
مشهد نور مع نفسها قدام المراية مشهد درامي جيد برضة
فيه توضيح للعذاب اللي بتعيشة بين التضحية من اجل الحبيب والحب اللي بيعصف بكيانها
وجلد الذات لشعورها بحب مجرم ونداء القلب اللي بيسامح الحبيب لانه اتغير وبقى كويس
الاصعب بقى انه اتغير وبقى كويس علشانها
هو ده فعلا اللى كنت متوقعه ترد عليه من امبارح
وقلتلك ان الحلقه مليانه صراع وتوقعت انك هتختار المشاهد دى وتعلق عليها
مشكور بجد
ظهور حسام وتمرير صراع داخلي جيد ليوسف في وقت من اصعب الاوقات بالنسبة ليوسف
يعني واحد بيقدم له حلم وامل نفسه يحققه طول عمره
في وقت اتغير للافضل من اجل حلم وامل جديد متمثل في نور
في لحظة فقد الامل الجديد بيظهرلوا الامل والحلم القديم
مع احساسة بمتعة التغيير الجديدة والحياة في النور ومذاق الخير
وإن كان في النهاية استطاع تغليب مشاعر الخير اللي نبتت من جواه
ريري ادتنا حبه اكشن علشان متحرمناش من حاجة ومحاولة قتل يارا
بس النقطة اللي توصل في المشهد ده انه يوسف اصبح متغير بالفعل
ويرى حياة الناس غالية ومهمة مش من السهل القضاء عليها حتى لو كان في سبيل الصح ومعاك كل الحق
ههههههههههه جزء بقى انه يعرف نور بطلة سباحة وغطس
معناه انه حيبدأ ينبش ورا نور
خط التشويق الجديد لريري
هههههههههههه
بجد انت هايل
ريري المره دي بتقطع كل الخيوط وبكده يتوقف سيل التوقعات اللي كان نازل من الاعضاء في الحاقتين اللي فاتوا
يعني بتقطع خيط يارا وابوها بأنه يكون ابوه رجل اعمال وسياسي
بتقطع خيط حسام ومنال لما بيقرر الضابط القبض عليهم فورا
ريري سايبانا نستنى نبدأ معاها من جديد
اهو حنقعد مستنين اميرة الابداع في الحلقة الجديدة