مرسيه يا ريري علي القصة دي
وبالاخص الحلقة دي

و عرفتيتقفي عند حته جامدة
نزلي بقي بقيت القصة

مرسيه يا ريري علي القصة دي
وبالاخص الحلقة دي
و عرفتيتقفي عند حته جامدة
نزلي بقي بقيت القصة

منوره ياشيموووووووووو
العفو ياحبيبتى

بجد قصة جميلة جدا
بس علي فكرة انا عن نفسي زهقت من نور جدا
هو في رخامة بالشكل دة
وبجد تسلم ايدك

بجد قصة جميلة جدا
بس علي فكرة انا عن نفسي زهقت من نور جدا
هو في رخامة بالشكل دة
وبجد تسلم ايدك

اه طبعا فى بنات غلسه كده كتييييييييييييييير
هههههههههههه
نورت يااحمد

ياريرى مش مهم القصه تكون كبيرة
خلصيها واعملى غيرها

ياريرى مش مهم القصه تكون كبيرة
خلصيها واعملى غيرها

اصل فعلا حلقاتها قليله
وانابحب اشوقكوا
وبعدين ياساره صدقينى الكتابه بتبقى عمليه متعبه جدا
ولسه معنديش اى افكار جديده لقصصجديده
ومش حابه انزل عن مستوايا اللى انتوا اتعودتوا عليه
وحاضر من عنيا مش هتأخر ياساره عليكى
ميسرى ياحبيبتى لاهتمامك

ايه ياست ريرى كل ده
انتى اتاخرتى علينا اوى المره دى

ايه ياست ريرى كل ده
انتى اتاخرتى علينا اوى المره دى

لا مااتاخرتش ولاحاجه يابكاشه
اناكتبت حلقتين فى اسبوع واحد نتيجه ضغط منكوا انتوا يااجمل اعضاء
حاضر من عنيا

(الحلقة السادسة)

أخبرت نور يوسف أنها لن تستطيع الذهاب معه الى ذلك الحفل ..
فنظر اليها يوسف .. و قد شعر بالصدمة :

- ليه ؟!!
نور :- أنت بتقول ان الحفلة دى يوم الجمعة اللى جاى .. يعنى بعد أسبوع .. و أنا مشغولة جدا يوم الخميس و الجمعة و كمان السبت .. و مش هقدر أجى ..
يوسف فى حسرة :
- ده أول طلب ليا !!
نور :- يوسف .. خليك مكانى .. يوم الخميس لازم أسافر بنى سويف .. لأن ده ميعاد استلام كتب هتساعدنى فى الرسالة .. و الكتب دى مش موجودة الا فى مكتبة هناك .. و أنا ما صدقت لقيتهم و حجزتهم .. و أكيد هكون مرهقة جدا لما أرجع ..

يوسف و مازال يمتلك أملا فى ذهابها معه الى الحفلة :
- طيب ده الخميس .. و الحفلة الجمعة ..
نور :- استنى .. شوف بقى هكون مرهقة أد أيه .. و مع ذلك هسافر يوم الجمعة الاسكندرية ..
يوسف فى دهشة و غيظ :
- نعم !!! .. ليه ؟!
نور :- هناك حصلت جريمة قتل .. و الحمد لله هناك ظابط أعرفه .. هيخلينى أعمل حوار مع القاتل .. و مع أهل المجنى عليه .. و ده هيساعدنى جدا فى الرسالة ..
يوسف فى غيظ شديد :
- الرسالة تانى !! بس برضه .. تقدرى ترجعى القاهرة قبل الحفلة ..

صمتت نور قليلا :
- بصراحة بقى .. فيه حاجة كنت هقولك عليها .. بس قلت بلاش أحسن ..
يوسف :- حاجة أيه ؟!!
نور :- أنا هسافر من اسكندرية على البلد عند ماما .. لأنها اتصلت بيا .. و قالت ان فيه عريس متقدم ليا .. وهيزورونا هناك يوم السبت ..
يوسف فى دهشة مرة أخرى :
- أيه .. عريس !!! .. و لازم يجى الأسبوع الجاى ؟!!
نور :- اه .. هو صحيح معيد فى الجامعة .. و فى نفس مجالى بس بيموت فى البنات .. و آه لو بنت بصت له .. ينسى الدنيا عشانها .. و أنا مش موافقة عليه .. و مش هوافق أبدا .. بس ماما أصرت أنى لازم أقابلهم طالما هيزورونا ..

بعدها أخرجت هاتفها الخلوى :
- شايف صورته عاملة ازاى .. أنا اتجوز واحد زى ده !!

نظر يوسف الى تلك .. بعدها أمسك بهاتفها .. و قام بارسال تلك الى هاتفه الشخصى .. فنظرت اليه نور فى دهشة :
- أنت أخدت ليه ؟!!
يوسف فى ابتسامة :
- عاوز احتفظ بصورة عريس نور ..
قامت نور بضربه بيدها برفق :
- قلت لك مش هوافق .. بعدين أنا مش شايفة أنك حسيت بالغيرة و لا حاجة ..
يوسف :- لا طبعا .. أنا زعلان جدا .. هو اسمه أيه ..
نور :- مين ؟!!
يوسف :- العريس ..
نور :- اسمه محمد ثروت .. ليه ؟!!
يوسف :- أصلى حبيته جدا ..
نور فى حزن :
- تعرف .. أنا كان نفسى أحضر معاك الحفلة .. بس أنت أكيد قدرت ظروفى ..
:- اه لو معايا مصباح علاء الدين .. و كل الحاجات دى تتعمل و أنا فى مكانى ..

ابتسم يوسف :
- من هنا ليوم الجمعة مين عارف أيه اللى هيحصل ..
بعدها واصلا حديثهما .. حتى ودعها .. و عاد الى البيت ..



*********


عاد يوسف الى بيته .. و يفكر هل انتهى كل ما خطط له بعدما رفضت نور أن تذهب معه الى الحفل .. و لابد أن يجد حلا .. و بعد تفكير طويل .. قام بالاتصال بـ نور .. وعرف منها عنوان تلك المكتبة بـ بنى سويف .. و اسماء الكتب التى تريدها دون أن يخبرها ماذا سيفعل .. بعدها اتجه الى كل من حسام و منال .. و نظر اليهما :

- فيه تعديلات جديدة دخلت الخطة ..
حسام :-خطة أيه ؟!!
يوسف :- المهمة الجاية ..
منال :- و أيه هى التعديلات ؟!
نظر يوسف الى حسام :
- حسام .. أنت هتسافر بنى سويف قبل يوم الخميس ..
حسام فى دهشة :
- أيه .. بنى سويف !!!
يوسف :- أيوة .. فيه هناك مكتبة مشهورة .. عنوانها فى الورقة دى .. و هناك هتلاقى كتب محجوزة باسم نور .. هتدفع تمنها و تجيبها .. بس لازم قبل يوم الخميس ..

حسام :- نور .. البنت !!!
يوسف :- أيوة ..
حسام فى غيظ :
- و أنا أسافر أجيب لها كتب ليه .. ؟؟ و كمان بنى سويف !!
يوسف فى حزم :
- كله فى سبيل المهمة ..

بعدها نظر الى منال :
- انتى عليكى الدور الاكبر فى التعديلات دى ..
منال :- أنا !!!

أخرج يوسف هاتفه الخلوى .. و أشار الى صورة الشاب الذى يريد الزواج بـ نور :
- دى صورة معيد فى كلية الآداب .. و عاوز يتقدم لجواز نور ..
منال فى حيرة :
- أنا مش فاهمة ..
يوسف :- من سوء حظنا .. أنه هيزور أهلها يوم السبت .. و نور كدة هتسافر بلد أمها يوم الجمعة ..
منال ولازالت فى حيرة :
- برضه مش فاهمة ..
أكمل يوسف حديثه :
- من حسن حظنا .. أنه بيموت فى البنات زى ما عرفت ..
أنا بقى عاوز العريس ده ينسى نور الأسبوع ده .. طبعا أنتى عارفة هتعملى أيه ..
منال :- اه .. بس ده مش وسيم خالص ..
يوسف :- استحملى .. قدامك كام يوم .. عاوز أسمع أنه خلاص مش هيتقدم لـ نور فى اليوم ده ..
حسام فى غضب :
- أيه اللى بيحصل ده .. أنا حاسس أننا بنشتغل عند نور دى ..

بعدها أعطى يوسف منال اسم ذلك الشاب .. و هو يثق فى قدرتها فيما ستفعله .. لما تمتلكه من شدة جمال و أنوثة عالية تستطيع أن تجعل من أمامها يعيد تفكيره كثيرا ..



*********


فى اليوم التالى .. بدأت منال خطتها .. و كيف تجعل هذا الشاب لا يذهب الى زيارة أهل نور فى موعده .. و قد اتجهت الى محل عمله فى الجامعة .. و معها صورته .. و ظلت تبحث و تسأل عنه حتى وجدته .. فدخلت عليه فى ابتسامة :

- أنت الدكتور .. محمد ثروت ؟!!
نظر اليها .. و قد اهتز من جمالها :
- اه .. أيوة أنا ..
منال فى رعونة :
- أنا كنت بقرأ كتاب فى علم النفس .. و مش فاهمة أى حاجة .. و عرفت أنك متمكن من علم النفس .. ممكن تشرحه ليا ..
نظر اليها فى فرحة :
- بس كدة !!
منال فى رعونة أكثر :
- أنت شكلك محترم أوى ..
أكملت :- الكتاب كبير أوى .. أنا بكون موجودة فى القاهرة أيام الاتنين .. و التلات .. و السبت .. بس .. لأنى مش من القاهرة .. حضرتك فاضى فى المواعيد دى ؟!!

فى فرحة وكأنه هائما :
- أنا .. أيوة .. أكيد فاضى .. حتى لو مشغول ..

ضحكت منال .. و واصلا حديثهما .. و استطاعت منال أن تستغل أنوثتها .. و تسيطر على عقله ..



*********


أما حسام فقد استقل القطار .. و اتجه الى بنى سويف .. و بعدما وصل هناك ظل يبحث عن تلك المكتبة .. ليحضر الكتب التى تريدها نور .. و قد بحث كثيرا .. و أصابه الارهاق .. و شعر بالضيق .. و كأنه قد حدث له ما لم يحدث فى حياته .. حتى وجد تلك المكتبة .. و وجد صاحبها .. فنظر اليه .. و كأنه لايطيق نفسه :

- فيه كتب هنا علم نفس .. محجوزة باسم نور ..
صلحب المكتبة :- هى اسمها نور أيه ؟
حسام :- أنا مش عارف .. بس هى من القاهرة .. و الكتب عن علم النفس ..
صمت الرجل قليلا :
- اه .. افتكرتها ..
ثم عاد ليكمل :
- بس دى ميعاد استلامها يوم الخميس .. يعنى لسة يومين ..
حسام :- أنا خطيبها .. و عاوز أعمل لها مفاجأة .. ثم أخرج نقود من معه و أعطاها للرجل ..

أخذ الرجل النقود .. ثم نظر اليه :
- ثوانى .. هجيب لك الكتب حالا ..

انتظر حسام قليلا .. حتى شعر بالصدمة حين وجد كم الكتب الهائل الذى يحضره الرجل .. فنظر اليه فى حسرة :
- أيه ده .. كل ده !!!
الرجل :- أيوة ..
حسام فى غيظ قى صوت خافت :
- أنا بكره نور .. و بكره يوسف .. و بكره نفسى ..



*********


عاد حسام الى القاهرة .. وما ان وصل ذلك البيت الذى يجتمع فيه مع يوسف و منال .. حتى وجد منال تصل هى الأخرى .. و قد وجدا يوسف فى انتظارهما ..

حسام فى غيظ :- أنا عملت كل المطلوب منى .. جبت الكتب .. و بعتهم لعنوان شقة نور .. و أكيد وصلتها ..
يوسف فى سعادة :
- جميل جدا ..
منال :- ده العريس ده طلعت عينه زايغة أوى .. ده بمجرد أنه شافنى مكنش مصدق نفسه .. و كم كلمة منى حسسته أنى حبيته من أول نظرة .. و اطمن أنا اتفقت معاه أنى هقابله يوم السبت و هو وافق ..
يوسف فى سعادة أكبر :
- رائع ..

و لم يكمل حديثه .. حتى وجد هاتفه الخلوى يشير الى اتصال نور .. فقام بالرد

نور فى فرحة :
- يوسف .. أنا لقيت مصباح علاء الدين ..
يوسف فى مكر :
أيه ..
نور :- أيوة .. مشاكل نهاية الأسبوع اتحلت ..
يوسف و كأنه مندهش :
- ازاى !!
نور :- الكتب و صلت لباب الشقة .. و ماما اتصلت قالت ان العريس عنده ظروف .. و مش هيقدر يجى يوم السبت ..
يوسف :- مش معقول .. يعنى تقدرى تيجى الحفلة ؟!!
نور فى حزن :
- للأسف .. زى ما قلت لك .. لسة مشكلة واحدة .. أنا هروح اسكندرية يوم الحفلة عشان أعمل تقرير يفيد الرسالة .. و رغم أنى هخلص بدرى قبل ميعاد الحفلة .. بس المشكلة ان ميعاد قطر القاهرة من هناك هيكون متأخر ..

صمت يوسف فترة ليست بالقليل :
- نور .. أنا هاجى معاكى اسكندرية بالعربية بتاعتى .. و بعد ما تخلصى نرجع .. و نروح الحفلة سوا ..
نور فى سعادة :
- مكنتش أعرف أنك بتحبنى كدة ..
يوسف :- أيه !!
نور :- لا .. مفيش حاجة ..



*********


بعدما انتهت المكالمة .. نظر الى كل من حسام و منال :
- أنا هروح اسكندرية مع نور يوم الجمعة .. هناك جريمة قتل و عاوزة تعمل تقرير عنها فى رسالتها .. و هحاول أوصل بدرى على قد ما أقدر ..
منال فى غضب :
- أنا من رأيى .. نختار أى بنت من الشارع أحسن ..
حسام فى سخرية :
- لا .. أنا من رأيى نلغى المهمة دى .. لو كل مهمة كدة يبقى نرتاح .. و نقعد فى بيوتنا أحسن ..
نظر اليهما يوسف فى حزم :
- أنا واثق فيها ..
:- أنا عاوز كل حاجة تكون جاهزة بمجرد ما نرجع من اسكندرية .. بدلة الحفلة .. و الكاميرا ..



*********


فى صباح يوم الجمعة - صباح يوم الحفلة - .. استقل يوسف سيارته و قد اتجه الى نور .. ليسافرا معا الى الاسكندرية .. و ما ان رأته .. حتى اتجهت الى سيارته .. و جلست بجواره .. بعدها بدءا طريقهما الى الاسكندرية ..

نور فى سعادة :
- أنت وقعت ليا من السما .. أنا عمرى ما بحب السفر فى القطر ..
ابتسم يوسف ابتسامة مصطنعة :
- أنا مقدرش أسيبك تسافرى لوحدك ..
نور :- ياه .. ده أنت بتخاف عليا بقى ..
يوسف :- طبعا ..
نور :- بجد أنا مبسوطة أوى ... ثم سكتت ..
بعدها نظرت اليه :
- و لّا كل ده عشان أحضر معاك الحفلة ..
يوسف فى مكر :
- ما هى الحفلة كمان هكون معاكى ..
نور :- اه .. صح ..
تحدث يوسف الى نفسه :
- دى عبيطة ..



.........


بدأ الوقت يمر .. و يواصلان حديثهما .. حتى اقتربت السيارة من الأسكندرية ..

نور :- أنا فى الأول هروح قسم الشرطة .. هناك هعمل مقابلة مع القاتل .. و هسجل بعض النقط .. و بعدين نروح بيت أهل المجنى عليه .. و أعمل مقابلة تانية .. طبعا أنت هتيجى معايا ..
يوسف :- لا .. أنا مش هدخل القسم .. أنا هستناكى فى العربية لحد ما تخلصى ..
نور :- ليه ؟!
يوسف :- كدة .. مبحبش أدخل أقسام .. بتشاءم .. بس ممكن آجى معاكى عند أهل المجنى عليه ..
نور :- خلاص و أنا مش هتأخر .. هحاول أخلص بدرى على قد ما أقدر ..



*********


وصلت السيارة الى قسم الشرطة .. و قد غادرتها نور .. و ظل يوسف فى السيارة ينتظرها .. و كعادتها مر وقتا طويلا حتى عادت نور مرة أخرى الى السيارة .. فنظر اليها يوسف فى غضب :
- أنتى اتأخرتى جدا ..
نور و كأنها لا تبالى :
- دول ساعة و نص بس .. على اما قدرت أجمع النقط اللى محتاجاها ..

بعدها ركبا السيارة .. و اتجها الى بيت المجنى عليه فى ذلك الحادث .. و قد ذهب معها يوسف الى ذلك البيت .. و ما ان دخلا حتى التقت نور بـ أرملته .. و بدأت تسألها بعض الأسئلة عن زوجها الذى قتل .. أما يوسف فلم يرفع عينه عن تلك الطفلة الذى لا تكف عن البكاء لمقتل أبيها .. و قد اقتربت من أمها .. و لا تزال تبكى و احتضنتها ..

و يوسف لا يحرك ساكنا .. و ينظر اليها .. حتى لاحظت نور ذلك حين اقترب من الطفلة .. و بدأ يداعبها ويحرك يده على شعرها الأملس .. و كأنه تحرك شئ بداخله ..

حتى انتهت نور من عملها .. و قد غادرا سويا و صورة بكاء الطفلة لا تفارق يوسف ..



**********


عاد يوسف و نور مرة أخرى الى القاهرة .. و قد طلب منها أن تعد نفسها للحفل .. و أنه سوف ينتظرها بمكان ما أمام دار الأوبرا .. أما هو فقد عاد الى بيته .. و أعد نفسه .. و ارتدى بذلة أنيقة .. و أخد تلك الكاميرا معه ..


.........


اتجه يوسف الى الحفل .. و وجد نور قد وصلت .. و قد ارتدت ثوبا أنيقا زاد من جمالها .. فابتسم :
- أنتى جميلة أوى النهاردة ..
نور فى دعابة :
- طبعا ما أنا عارفة .. ثم نظرت الى الكاميرا :
- أيه ده .. يلا صورنى ..
يوسف :- للأسف .. أنا اشترتها و فوجئت بها فى الطريق أنها مش شغالة .. هحاول فيها و احنا فى الحفلة .. ممكن تشتغل ..
نور :- طيب خليها معايا ..
يوسف :- لا ... ثم نظر اليها :
- مش عاوز اتعبك ..

بعدها أمسك بيدها ليدخلا الحفل .. و قد زادت دقات قلبه .. و لمع بريق عينه عند بوابة الدخول الالكترونية .. لكنه لم يحدث شئ .. و مر كل شئ بصورة طبيعية كما توقع المهندس مروان .. و قد ابتسم يوسف لذلك .. و دخلا الحفل و جلسا ..

نور :- تصدق أنى أول مرة ادخل الأوبرا ..
يوسف :- أنا دخلتها كتير .. أنا بحب الحفلات جدا ..

بعدها شاهد هدفه يصل الى الحفل .. ثم بدأ العرض .. و قام يوسف بضبط ساعته ..

نور :- يوسف .. أنا مش فاهمة أى حاجة من العرض ده ..
يوسف و لا يزال يرقب هدفه :
- ده عرض أوبرالى عالمى .. هتفهميه مع مرور الوقت ..
ضحكت نور :
- حتى لو مفهمتش .. كفاية أنى معاك ..
يوسف :- أيه ..
نور :- يوسف .. حد قالك قبل كدة أنه بيحبك ..
يوسف :- أنا .. لا ..
نور :- و لا عمرك حسيت أن حد بيحبك ..
يوسف :- قصدك حب من بنت يعنى ؟
نور :- أيوة ..
يوسف :- لا ..
نور :- تعرف .. أنا مشكلتى أنى جريئة جدا .. بس معاك كنت مترددة أقولك .. و لما عملت كل ده عشان نحضر الحفلة مع بعض .. لازم أقولك أنى ....
قاطعها يوسف :
- عملت أيه ؟!!
نور فى ابتسامة :
- يعنى الكتب اللى وصلت لباب الشقة .. و العريس اللى طار .. و سفر الاسكندرية .. عرفت أنك بدأت تحبنى ..

ابتسم يوسف لكنه لم يتحدث .. ثم بدأ الوقت يمر .. و يوسف يتابع هدفه بدقة .. و ينظر الى ساعته .. و الجميع مهتم بذلك العرض .. حتى اقترب وقت التنفيذ .. و أخرج يوسف تلك الكاميرا .. حتى ساد الظلام قاعة الحفل ..

ليه بقى كده
مش تكملى
الله ايه الحتت اللى بتقطعى عليها دى ياريرى
هاضربك

مبدعة وفنانة فعلا
تسلم دماغك على الحلقة
ههههههههههههه كل يغني على ليلاه
شوف هو بيظبط الدنيا ليها ازاي علشان يقضي مصلحته ومهمته وهي ترجمة افعاله الي انها افعال المحبين
هههههههه عامله زي ترجمة جوجل تديلوا مقال يترجمهولك تطلع الترجمة حاجة بعيدة خالص عن اللي في المقال

في إنتظار مفاجأتك في الحلقات القادمة
لسه حستنى اسبوع يا ربي لحد ما تحن علينا بالحلقة الجديدة
يلا ربنا يصبرنا بقى

يلا بالتوفيق دائما

أنا لسه شايفه القصه دى انهارده بجد الحلقات جميله والقصه مثيره
بجد دماغك دى جامده اوى بس مش تتاخرى فى الحلقات علينا

ليه بقى كده
مش تكملى
الله ايه الحتت اللى بتقطعى عليها دى ياريرى
هاضربك

وانا معاكي ياساسو ....... هنمسكك يابت ياريري نضربك حتة علقة .........

خلصي ........ بقى يابت كمليييييييييييييييييييي

ليه بقى كده
مش تكملى
الله ايه الحتت اللى بتقطعى عليها دى ياريرى
هاضربك

ههههههههههههههههههههه
معلش بقى ياساره ياقمر
ماانالازم اقطع على حتت زى دى عشان اشوقكوا
بس انا المره دى كتبت حلقه طويله عشانك يابت ياللى عاوزه تضربينى
اهىء اهىء

مبدعة وفنانة فعلا
تسلم دماغك على الحلقة
ههههههههههههه كل يغني على ليلاه
شوف هو بيظبط الدنيا ليها ازاي علشان يقضي مصلحته ومهمته وهي ترجمة افعاله الي انها افعال المحبين
هههههههه عامله زي ترجمة جوجل تديلوا مقال يترجمهولك تطلع الترجمة حاجة بعيدة خالص عن اللي في المقال

في إنتظار مفاجأتك في الحلقات القادمة
لسه حستنى اسبوع يا ربي لحد ما تحن علينا بالحلقة الجديدة
يلا ربنا يصبرنا بقى

يلا بالتوفيق دائما

يانهار يانهار
تسلم يابشمهندس
ميرسى ع الكلام الجميل ده
ههههههههههه ضحكتنى والله
فعلا جوجل ده زكى اوىىىىى
انابحط فيه جمل مش مقالات كمان بيترجمها بالعكس
ربنايهديه
ههههههههههههههه
احن عليكوا
طب عشان خاطرك انت مش هخليها اسبوع ولاحاجه
يومين كده وانزل حلقه
ماشى
استنانى بس عشان عندى فكره لقصه قصيره انا ايه تحفه يارب تعجبك

أنا لسه شايفه القصه دى انهارده بجد الحلقات جميله والقصه مثيره
بجد دماغك دى جامده اوى بس مش تتاخرى فى الحلقات علينا

ايوه ياختى اخيرا حنيتى علينا وشفتى القصه
ماشى ماشى
هطولك ازاى بس ماانتى سافرتيلى الامارات
مش مشكله لماتنزلى مصر تان هتشوفى هعمل فيكى ايه

وانا معاكي ياساسو ....... هنمسكك يابت ياريري نضربك حتة علقة .........

خلصي ........ بقى يابت كمليييييييييييييييييييي

اه يادزمه يارباط الدزمه
هههههههههههههههه
هتضربى صاحبتك وانتيمتك يابت
ماكانش العشااااا
هههههههههههههههه
طب ايه رايك مش هخلص
وعقابا ليكى مش هتصل بيكى غير لماانتى تصالحينى
وعشان تصالحينى يبقى تجيبيلى كوبايه كركاديه وواحده دنش
فاكره يابت
كانت احلى ايام
ده احنا كنا مدمنين دنش فى الشغل
ههههههههههههههههه

يانهار يانهار
تسلم يابشمهندس
ميرسى ع الكلام الجميل ده
ههههههههههه ضحكتنى والله
فعلا جوجل ده زكى اوىىىىى
انابحط فيه جمل مش مقالات كمان بيترجمها بالعكس
ربنايهديه
ههههههههههههههه
احن عليكوا
طب عشان خاطرك انت مش هخليها اسبوع ولاحاجه
يومين كده وانزل حلقه
ماشى
استنانى بس عشان عندى فكره لقصه قصيره انا ايه تحفه يارب تعجبك

عشان خاطري حلقة كمان يومين
دا انت كده كسبت ثواب في الاعضاء اللي متابعين الحلقات
شكرا لكي على حنيتك
تحياتي واحترامي

عشان خاطري حلقة كمان يومين
دا انت كده كسبت ثواب في الاعضاء اللي متابعين الحلقات
شكرا لكي على حنيتك
تحياتي واحترامي

هههههههههههههههههه
مين الست اللى بتزغرت دى
هههههههههههههه
ام حزومبل دى ولاايه
شكرا ع الزغروته اللى جلجلت فى المنتدى
شفت بقى اناحنينه ازاى
من عنيا يابشمهندس

هههههههههههههههههه
مين الست اللى بتزغرت دى
هههههههههههههه
ام حزومبل دى ولاايه
شكرا ع الزغروته اللى جلجلت فى المنتدى
شفت بقى اناحنينه ازاى
من عنيا يابشمهندس

اه شفت
تسلم عنيك وتشوفي بيهم خير خلق الله في المنام في الدنيا قبل الاخرة

ياااااااااااااااه ياريرى انتى بتيجى
عند الحتت اللى احنا بنبقى فيها خلاص هانموت ونعرف ايه اللى حصل وتقطعى
هاتنزلى الجديدة امتى؟؟؟؟؟؟؟؟؟؟؟؟؟؟؟؟؟

جميله اوى ياريرى ياقمر
بس نفسى بجد اعرف ايه اللى هيحصل
ريرى بليز تلحقينى قبل ما اتجنن من كتر التفكير
ههههههههههه

اه شفت
تسلم عنيك وتشوفي بيهم خير خلق الله في المنام في الدنيا قبل الاخرة

شكرا ليك على الدعوه الجميله دى
ربنا يكرمك يارب

ياااااااااااااااه ياريرى انتى بتيجى
عند الحتت اللى احنا بنبقى فيها خلاص هانموت ونعرف ايه اللى حصل وتقطعى
هاتنزلى الجديدة امتى؟؟؟؟؟؟؟؟؟؟؟؟؟؟؟؟؟

بعد الشر عليكى يارورو ياحبيبتى
انا هنزل الحلقه الجديده حالا عشان خاطر عيونكوا
بس ماتتعودوش على كده
لانى حاليا مشغوله بعمل قصصى جديد
اتمنى ان ينال اعجاب الجميع
ادعيلى يارورو

جميله اوى ياريرى ياقمر
بس نفسى بجد اعرف ايه اللى هيحصل
ريرى بليز تلحقينى قبل ما اتجنن من كتر التفكير
ههههههههههه

واحده تقولى هتموت وواحده تقولى هتجنن
كده هتخلونى اتوقف من المنتدى عشان بموت الاعضاء
هههههههههههههه
حاضر حاضر يابت هنزل حلقه اهو
انتى كده بتفكرينى بفيلم محمد هنيدى
ارجوك ادينى الحقنه محتاجه الجرعه بسرعه
ههههههههههههههه

(الحلقة السابعة)

ساد الظلام قاعة الحفل .. و أخرج يوسف تلك الكاميرا التى تعد بمثابة مسدسا كاتم للصوت .. و ما ان وجهها نحو هدفه .. و كاد أن يطلق الرصاص حتى تذكر تلك الطفلة التى رآها فى الاسكندرية مع نور .. و دموعها حين قتل والدها .. فاهتزت يداه و ابتعدت عن الهدف .. بعدها حاول تمالك نفسه و صوب تلك الكاميرا مرة ثانية .. لكن صورة الطفلة لم تفارقه .. فلم تستطع يده أن تطلق الرصاص .. حتى أعيد الضوء مرة أخرى و لم يقتل ذلك الهدف .. بعدها نظرت اليه نور فى دهشة :

- يوسف .. أنت عينيك بتدمع ..
يوسف :- أيه !!!
نور :- هى الحفلة اللى أنا مش فاهمة منها حاجة .. مؤثرة للدرجة دى ..
ابتسم يوسف :- تقريبا مؤثرة ..

بعدها أخرجت نور منديلا ورقيا .. و قد مسحت به تلك الدموع التى تواجدت على وجه يوسف .. فنظر اليها فى ابتسامة :

- يلا .. نخرج ..
نور :- و الحفلة !!
يوسف فى ابتسامة :
- أنا بصراحة مش فاهم أى حاجة أنا كمان ..

ضحكت نور .. و خرجا معا من ذلك الحفل .. و ظلا يسيران
و نور تضحك و تتحدث :
- و تقول لى أنك أوبرالى .. و بتموت فى الحفلات .. ثم أكملت :
- بس أنا أول مرة أشوف دموعك ..
يوسف :- تصدقى أنها كانت دموع فرح ..
نور فى دهشة :
- دموع فرح !!!
هز يوسف رأسه :
- بكرة تفهمى كل حاجة ..

بعدها صمت يوسف .. و يتذكر نفسه حين فعل كل شئ حتى ينفذ تلك الجريمة .. و ما ان تذكر تلك الطفلة حتى تحول الى شخص آخر .. لا يهمه تلك النقود التى دائما ما كان يسعى اليها .. أو سيرته الاجرامية التى طالما أراد أن تكون الأفضل .. حتى قاطعت نور تفكيره :

- يوسف .. أنت سرحت و لا أيه ..
نظر اليها :- نور .. أنا آسف ..
نور :- آسف على أيه ؟!
يوسف :- مش مهم تعرفى دلوقتى ليه أنا آسف .. بس لو عرفتى فى يوم أرجوكى تسامحينى ..
نور فى حيرة :
- أنا مش فاهمة حاجة ..

بعدها أكمل يوسف حديثه :
- تعرفى أنك أجمل حاجة حصلت لى فى حياتى ..
نور فى سعادة :
- يوسف .. بجد !!
يوسف :- و الله العظيم بجد .. و المرة دى فعلا بقولها بجد .. أنا دلوقتى أسعد واحد فى الدنيا .. فاكرة لما قلتى لى أنى أنقذتك مرتين من غير ما أعرفك ..
نور :- أيوة ..
يوسف :- لو غرقتى ألف مرة .. أنا كنت هنقذك الألف مرة ..
نور فى ابتسامة :
- عارفة أنك انسان .. و انسان كبير أوى ..
يوسف :- أنا لما سافرت معاكى اسكندرية النهاردة .. كنت مسافر شخص .. و رجعت شخص تانى خالص ..
نور :- للأحسن و لاّ ؟
يوسف :- للأحسن .. ثم صمت .. بعدها ضحك :

- تعرفى نفسى أخدك .. و نطلع القمر ..
نور :- أيه الرومانسية دى كلها .. مش ملاحظ أنك اتكلمت كتير النهاردة ..
يوسف :- فاكرة لما قلتى أنى أول واحد يهتم بيكى .. أنا بقى عمر ما حد اهتم بيا .. حتى كل اللى أعرفهم .. بالنسبة لهم حاجة بتجيب فلوس و خلاص .. و أول ما الفلوس تروح هيكونوا أول ناس يسيبونى ..
نور فى دهشة :
- ياه .. هى الحفلة غيرتك كدة !!
يوسف :- نور .. أنا بجد عاوزك تفضلى معايا .. نفسى أكون يوسف .. مش حد تانى ..
بعدها واصلا حديثهما .. و قد أوصلها الى بيتها ..



*********


عاد يوسف يسير بمفرده .. و يشعر بسعادة بالغة و ارتياح لم يشعر بهما من قبل .. حتى وجد رجلا عجوزا يجلس على ضفة النيل .. و يصطاد فى ذلك الوقت المتأخر .. فجلس بجواره يتأمل منظر النيل .. و يتذكر نفسه فى كل جريمة قتل اقترفها .. و تساقطت دموعه .. حتى نظر اليه العجوز :

- ياه .. أنت همومك كبيرة للدرجة دى ؟!!

سكت يوسف .. و لم يتحدث فصمت العجوز .. و واصل الصيد .. و بعد لحظات نظر اليه يوسف .. و قد مسح دموعه :

- تعرف يا حاج .. أنا لى واحد صاحبى .. كانت مشكلته أنه شايف الدنيا من جهة واحدة بس ..
:- صاحبى ده عمل كل حاجة غلط فى حياته .. سرق و قتل و كل حاجة تتصورها ..
:-كان يقتل .. و يفرح أن رصيده بيزيد .. و عمره ما فكر مين اللى بيقتله .. و لا هو أيه بالنسبة لأهله .. و لا مصير أولاده أيه ..
:- كان يقتل وعارف مصير نفسه .. اما هيموت مقتول زى اللى قتلهم .. أو يتحكم عليه بالاعدام ..

و العجوز يواصل صيده .. و أذنه تستمع الى يوسف الذى يواصل حديثه :

- فى لحظة ربنا بعت له ملاك .. بدل ما يحافظ على الملاك ده .. حاول يستغله أنه يقتل تانى ..
فى سخرية من نفسه :
- شفت صاحبى ده حقير أد أيه ..
أكمل :
- النهاردة كان كل همه أنه يقتل انسان .. بس القدر بعت له طفلة فكرته بنفسه لما أبوه مات مقتول .. و افتكر دموعه .. و حس بالطفلة لأنه عارف الشعور ده .. بس نسى كم مرة كان سبب فيه لناس كتير ..
و فى اللحظة اللى كان هيقتل فيها الانسان ده .. لأول مرة يفكر فى حياته أنه يبص على الجهة التانية من الدنيا .. و سأل نفسه يا ترى أولاد الضحية دى هتسامحك و لا لأ ..

نظر اليه العجوز .. و قد أخرج سمكة كبيرة اصطادها :

- أنت شايف السمكة دى كبيرة أد أيه .. أكيد أكلت سمك كتير غيرها .. بس فى النهاية شبكت فى الصنارة .. حتى لو فضلت فى الميا هتيجى سمكة أكبر منها و تاكلها ..

:- صاحبك ده لو فضل فى طريقه .. هيبقى عامل زى السمكة .. و كويس أنه عارف مصيره .. زى ما أنت قلت يا القتل يا الاعدام .. بس فيه حاجة كمان نساها ..

يوسف :- أيه هى ؟!!
ابتسم العجوز :
- ان ربنا غفور رحيم ..
بعدها سمع العجوز آذان الفجر .. فنظر الى يوسف :
- قوم بينا نصلى ..
يوسف :- أيه !!
العجوز :- نصلى .. سيب صاحبك هنا .. و تعالى أنت صلّى ..

ابتسم يوسف .. و قد ألقى بتلك الكاميرا التى كانت معه فى المياه .. و قد اتجه الى الصلاة مع ذلك العجوز .. و ما ان انتهى من الصلاة .. حتى شكر ذلك العجوز .. فنظر اليه العجوز فى ابتسامة :
- أنا رجعت السمكة الكبيرة للميا تانى .. أكيد مش هتاكل سمك صغير بعد كدة ..
يوسف فى ابتسامة :
- أكيد ..



*********


ضحك يوسف .. و قد فهم ما يقصده ذلك العجوز الحكيم .. و قد عزم على أن يعود الى بيته .. لا ليمكث به .. و انما ليأخذ مقتنياته .. و يرحل عنه .. حتى وجد كل من حسام ومنال فى انتظاره ..

حسام فى غضب :
- أيه اللى حصل ؟ .. أنا عرفت أنه خرج سليم ..
يوسف :- أيوة ..
حسام :- ازاى .. و التعب اللى تعبناه .. و الفلوس ..
يوسف :- ده اللى همك .. الفلوس .. نصيبك أنا هعطيه لك .. و أنا مش هقتل تانى ..

حسام فى دهشة :
- أيه الكلام ده .. يعنى أيه مش هتقتل تانى ؟
يوسف فى سخرية :
- هى معناها صعب للدرجة دى ؟
منال:- كاسانو .. أنت أكيد تعبان ..
يوسف :- آه نسيت .. فيه انسان لازم اقتله .. و أكيد هقتله ..
منال :- مين ده ؟
يوسف :- كاسانو ..
بعدها نظر الى منال:
- أنا اسمى يوسف .. أنا هسيب لكم البيت ده من حقكم .. اتصرفو فيه .. أنا هبعد .. هسكن فى أى مكان يكون لـ يوسف و بس ..
منال :- يوسف .. أنت نسيت أنى بحبك ..
يوسف :- أنتى بتحبى كاسانو .. كاسانو مخزن الفلوس .. صدقينى يوسف مش هينفعك ..
منال :- نور السبب فى اللى أنت فيه ده ؟

لم يرد يوسف .. و لم يستمع الى حديثهما .. بعدها حزم أمتعته و قد رحل ..



*********


شعر كل من حسام و نال بالغيظ .. والغضب الشديد ..

منال :- أكيد البنت دى هى السبب .. من أول ما دخلت حياته .. و حياته اتغيرت ..
حسام :- آه .. أنا كنت حاسس .. واللى خفت منه حصل ..
منال :- أنا استحالة أسيبه يضيع منى ..
حسام فى سخرية :
- يضيع !! ما خلاص ضاع ..
منال :- لا .. البنت دى لازم تخرج من حياته مهما كان التمن ..



*********


مرت الأيام .. و بدأ يوسف حياة جديدة .. و قد حصل على مسكن جديد .. و بدأت علاقته بـ نور تزداد .. و أصبحت السعادة شعار حياته .. و يشعر بسعادة نور كلما كانت معه .. حتى نظرت اليه ذات مرة :

- يوسف .. هو أيه اللى حصل لك ..
يوسف :- أنا سعيد أوى أنى معاكى ..
منال فى دعابة :
- ده احنا اتغيرنا أوى ..
يوسف فى ابتسامة :
- اتغيرت للأحسن ..
نور :- تصدق .. أنى لحد دلوقتى مش عارفة أكمل الرسالة .. أنا شكلى هفشل فيها ..
صمت يوسف :
- لا .. أكيد هتكون أحسن رسالة ..
نور :- أنا عاوزة أعرف كتير عنك .. أنت كل ما تكلمنى عن ماضيك تسكت ..
يوسف :- الماضى ده مرحلة و انتهت .. خلينا فى الحاضر ..
نور :- عندك حق .. بس أنت مفكرتش ترجع بطل رماية من تانى ..
يوسف :- لا .. بس أنا ناوى اشتغل ..
نور :- تشتغل ؟!
يوسف :- أيوة واحد أعرفه من زمان .. قدر يلاقى لى شغل فى شركة حراسات خاصة فى ايطاليا ..
نور وقد ظهر الحزن على وجهها :
- ايطاليا !!!
يوسف :- أنا لسة بفكر .. بس تقريبا كدة هرفض .. أنا خلاص قررت أنى مش هسيبك تانى ..



*********


مرت الأيام .. و تعلق يوسف بـ نور أكثر و أكثر .. و زادت غيرة منال .. التى كانت تتابع أخباره .. حتى وصلت غيرتها الى أقصى حدودها .. و قد ذهبت الى نور فى شقتها .. و ما ان رأتها نور .. حتى اندهشت :

- أنتى مين ؟!!
منال :- أنا .. تقدرى تقولى كدة واحدة خايفة عليكى ..
نور فى دهشة :
- خايفة عليا !! .. من أيه ..
منال :- من كاسانو ..

يابنت اللذين آمنـــــــــوا

يخـــــرب بيت الكفــــــره والمشـــــــركين

والنعمــــــــة هكلـــــــك علقـــــــــة .......... يابت خلصي يابت

ما بين طرفة عين وانتباهها ............................. يغير الله من حال الي حال

دعيني ارفع القبعة احتراما وتقديرا لإبداعك

بصراحة كنت متوقع تغيير لحياة يوسف بس بصراحة زي ما كتبتلك قبل كده بخاف من اسلوب السذاجة في التحول اللي بشوفه في الافلام المسلسلات التافهة اللي بينحصروا غالبا بين الحب غيره كده فجأه او حد عزيز عليه يموت يقوم ايه يفتكر ربنا ويتوب

انما دمعة طفل
يااااااااااااااااااااه اقصى درجات الرومانسية

فيه انشوده قديمة افتكرتها لما تعايشت مع يوسف في لحظة الدمعة دي فاكر مطلعها بس لانه عجبني
دمعة طفل بين الخدود ............................. لوحه حزن ماله حدود
أبدع خيالي بصنعها ............................. ومسافراً خلف الحدود

فعلا اللحظة دي في القصه متتفوتش

كمان الجزء بتاع العجوز والسمكة والصلاة جزء جميل ومؤثر انهيت قرأت الجزء ده لقيت جاء في دماغي الاية الكريمة
{إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء }

هههههههههههه تلاقيكي بتقولي ايه الواد الرغاي ده كل ده رد
بس انا حابب اكتب تفاعلي مع الاجزاء اللي بتعجبني في القصة

في النهاية لا يسعني إلا ان اقولك ربنا يوفقك لما فيه الخير
في إنتظار تكملة القصة الممتعة دي
انا بقى حقولك عكس الاعضاء كملي براحتك لازم تاخدى وقتك علشان التسرع ممكن ياخدك لطريق النمطية والتكرار لانهم سهلين قوي
وشكرا

الواحد بعد رد lionhmada مش لاقى كلام يقولوا
بجد معاه حق اسلوبك جميل اوى وبحس ان بيخرجنى من العالم اللى انا عايشة فيه
الى عالم القصة واحداثها وكأنى كنت موجودة لحظة بلحظة مع كل حدث وكل كلمة بتتقال
دايما بتغلبى التوقعات يا ريرى ربنا معاكى يا رب وتكتبى قصص اكتر واكتر وفى انتظار الحلقة الجديدة
ان شاء الله

الصراحه هيه قصه روعه و جميله