|
قصة جامدة موووووووووووووووت بصراحة
برافو عليك الله واكبر عليك بقى اقراى قل اعوذ برب الفلق علشان الحسد تاتا وصلت
ماشى ماشى ياختى اضحكى عليا بكلمتين ماانتى بقيتى تدخلى القصه كل فين وفين بس لمااشوفك |
|
لا بحد يعنى موهبه يا جميل انتى
بتفكرينى برجل المسحيل هههههههههههههههههه عمتا انا هقراها واحده واحده واتابع معاكى تسلم ايدك ودايما في تقدم هههههههههههه
منور ياتيتو واهلا بيك عضو جديد معانا فى القصه واتمنى تعجبك وشكرا ليك |
|
ايه يابنتى اللى انتى بتعمليه فينا دا بجد الحلقات جاااااااااااااااااااااااااااااااامده وبتوقفى فى اماكن بجد كملى بسرعه حرااااااااااام اللى بتعمليه فينا دا
شكرررررررررررررررا ليكى ياسويتىىىىىىىىىىىى
فين يابت الاغانى بتاعتك ولاالقصه مش شداكى زى اخر البنات المحترمين؟ |
|
يعنى جيتى على اللى بعدها ووقفتى دة اهم حاجة اللى بعدها دة
اعدى شوقينى كدة لما هموت منك لالالا بعد الشر عليكى ياقمرايه
خلاص والله قربت اخلصها |
|
ياريت يا ريرى تخلصى القصه قبل رمضان
لاننا اكيد مش هندخل الا قليل والله ياساره اناكنت ناويه اعمل كده
بس مش هينفع كل اللى فاضل حاجه بسيطه جدا اوعدك هتكون خلصانه اول اسبوع من رمضان انتظرى الحلقه الجديده غدا ان شاء الله وكل سنه وانتى طيبه ورمضان كريم |
|
ايـــــــــــه يا ريرى الجمال ده كله ... الحلقة أكتر من رائعة وموقف يوسف مع العجوز عجبنى جدا وبجد يدل انه اتغير 180 درجة...... وحلقاتك كلها مليئة بالمفاجأت .. علشان كده أنا بحبها موووووووووت وانتى على فكرة تستهلى الأوسكار فى التأليف ... بجد بسم الله ما شاء الله عليكى انتى مــــــــلكــــــــة الابــــــــــداع حبيبتى امواج
منوره ياثكره ميرسى على تعليقك الجميل وحبك للقصه وبجد شكرا ليكى ع المجامله الجميله دى فى ناس هنا بالمنتتدى يتفوقوا عليا فى الكتابه والاسلوب والثقافه منهم lionhmada وجه القمر عصفور المطر هتلاقيلهم هنا احلى شغل |
|
قصه جميييييييله جدااااااااااا
تحفه اوى اوى والله تسلم ايدك تقبلى مرورى |
|
قصه جميييييييله جدااااااااااا
تحفه اوى اوى والله تسلم ايدك تقبلى مرورى ميرسى ليك ياابوعلى
واهلا بيك عضو جديد معانا فى القصه تسلم ياجميل |
|
(الحلقة الحادية عشر) غادرت نور .. و قد سقطت بعض دموعها .. و عادت الى صديقتها سمر مرة أخرى ..
نور :- أنا فهمت اللعبة .. سمر فى دهشة : - لعبة أيه .. نور :- أقولك أيه اللعبة .. يوسف يقدم اعترافات بالجرايم اللى عملها .. و لحد ما يقدم اعترافاته .. أى جريمة ترتكب .. و القاتل مش معروف .. يكون يوسف هو اللى ارتكبها .. و بكدة تكون الشرطة بتقوم بواجبها .. و طبعا مين اللى هيصدق أنه برئ من الجرايم دى .. بعد اعترافاته أنه مجرم و قاتل .. سمر :- بس ممكن يكون هو القاتل فعلا .. نور :- لا .. أنا النهاردة اتأكدت مليون فى المية أنه برئ .. و اتأكدت هو بقى انسان أد أيه .. سمر :- و ناوية تعملى أيه ؟ صمتت نور قليلا .. بعدها نظرت اليها : - أنا مش هسجل اعترافاته تانى ... سمر فى دهشة : - أيه ؟!!! نور .. و كأنها تتذكر : - أنا لما رسمت خطتى .. و نجحت و بدأ يعترف .. كان هدفى أنه يتعاقب على جرايمه .. أما إن الاعترافات دى تكون سبب فى إنه يتعاقب على جرايم هو برئ منها .. يبقى كدة احنا اللى بنظلمه .. سمر :- بس دى مهمتك .. و ده مجرم و لازم ياخد عقابه .. مش ده كان كلامك .. نور :- فعلا كان كلامى .. بس لما حسيت أنه اتغير .. و سمعت كلامه مع العجوز اللى كان عنده .. قلت ليه احنا مش بنسامحه .. ده ربنا بيسامح .. ********* فى الوقت ذاته .. لم ينعم تفكير كل من حسام و منال بالهدوء .. و لا يزالا يفكران فى عودة يوسف اليهما مرة أخرى .. و قد أصابهما الغيظ حين فشلت محاولة منال .. عندما أخبرت نور بحقيقة يوسف .. لكنهما لم يفقدا الأمل فى عودته .. حتى جاء اليوم حين عاد حسام الى منال .. و قد ارتسمت السعادة على وجهه : - جت اللحظة اللى يرجع فيها كاسانو .. منال :- خلاص .. كاسانو اتغير .. و مش هيرجع تانى .. حسام :- بس دى اللحظة اللى كان مستناها طول عمره .. نظرت اليه منال فى ترقب .. أكمل :- كاسانو كان بيحلم طول عمره أنه ينتقم من اللى قتل أبوه و هرب .. :- أنا بالصدفة شفت النهاردة الرجل ده .. و عرفت عنه كل حاجة .. منال :- و أنت ازاى عرفت أنه هو ؟ حسام :- كاسانو كان محتفظ بصورته .. هى كانت قديمة أوى .. بس ملامحه زى ما هى .. منال :- و افرض إن فكرة الانتقام دى .. خلاص نساها .. حسام :- أنا اكتر واحد أعرفه .. و أعرف أد أيه هو كان مستنى اللحظة دى .. بس فى حاجة لازم نعملها .. منال :- حاجة أيه ؟ حسام :- المرة اللى فاتت محاولتنا فشلت لما نور عرفت حقيقة كاسانو .. عشان كدة المرة دى لازم نبذل مجهود أكبر .. و نلاقى ثغرة عند نور .. نقدر نبعد بها كاسانو عنها .. ********* أما نور فمازالت تتحدث الى سمر : - أنا لازم أبعد عن يوسف .. سمر فى تعجب : - تبعدى عنه !! نور :- اه .. خايفة اتعلق بيه أكتر .. و خايفة يتعلق بيا أكتر من كدة .. و لو عرف الحقيقة يرجع زى ما كان .. سمر :- دلوقتى أنا أقدر أقولك .. أنك حبتيه .. و أنا متأكدة .. نور :- أيوة حبيته .. بس عارفة نهاية الحب ده أيه .. الفشل .. ثم ضحكت .. و كأنها تسخر من نفسها : - كانت خطتى أساسها أنى أوقعه فى حبى .. و قدرت أحقق نجاح باهر .. بس قدر هو كمان يخلينى أحبه .. سمر :- بس هو ممكن يرجع مجرم تانى لو بعدتى عنه .. نور :- عشان كدة أنا خايفة من قرارى ده .. بس فى نفس الوقت عاوزة أثبت لنفسى .. أنه اتغير عشان نفسه هو .. مش عشان انسان تانى .. حتى لو كان الانسان ده .. أنا .. بعدها سمعت رنين هاتفها الخلوى .. فنظرت الى سمر : - هو .. سمر :- ردّى .. لم تقم نور بالرد .. حتى قام يوسف بالاتصال مرة أخرى .. فقامت بالرد تلك المرة .. يوسف :- الو .. نور .. أنتى فين ؟ نور :- أهلا يوسف .. أنا عند صاحبتى .. يوسف :- أنا قلقت عليكى .. و آسف لما كلمتينى المرة اللى فاتت .. التليفون حصل فيه عطل .. نور :- عادى .. و لا يهمك .. يوسف :- نور .. أنا حاسس أنك متغيرة .. نور :- لا .. أنا كويسة .. يوسف فى سعادة : - أنا من بكرة هستلم شغلى الجديد .. رجل الأعمال اللى هكون حارس لبنته .. خلاص رخص لى سلاح .. نور :- مبروك .. يوسف :- الفترة اللى جاية هكون مشغول .. بس فى أقرب فرصة أكيد هقابلك .. نور :- إن شاء الله .. بعدها صمتت .. و كأن صراع يوجد بداخلها .. :- يوسف .. ثم صمتت مرة أخرى .. يوسف :- نعم .. نور :- خد بالك من نفسك .. ابتسم يوسف :- أكيد .. أنتى كمان خدى بالك من نفسك .. بعدما انتهت المحادثة .. نظرت الى سمر .. و تساقطت بعض دموعها : - مقدرتش أقول له .. أنى لازم أبعد عنه .. :- حسيت أنه فرحان .. خفت أضّيع فرحته .. ثم مسحت دموعها : - أكيد شغله الجديد هيشغله .. و وقتها ألاقى سبب مقنع أبعد عنه بسببه .. ********* فى اليوم التالى .. ذهب يوسف لمقابلة رجل الأعمال و ابنته .. ليبدأ عمله الجديد .. و قد أحسن ذلك الرجل استقباله : - أنت من النهاردة واحد مننا .. كفاية أنى بأمنك على بنتى الوحيدة .. يوسف :- إن شاء الله أكون عند حسن ظن حضرتك .. أكمل الرجل :- بنتى يارا هتلاقيها هادية جدا .. و مطيعة لأقصى درجة .. بس أنا خصومى كتير .. و الزمن ده زمن صعب .. بيحصل فيه كل حاجة .. :- أنا عارف أنك متميز فى التصويب .. و الرماية .. بس المسدس اللى معاك ده حقيقى .. يعنى مش لعبة .. ممنوع أنك تستخدمه الا فى الضرورة القصوى .. يوسف :- أكيد .. أكمل الرجل : - يارا عايشة برة مصر مع مامتها .. و هى فى زيارة هنا شهرين .. أنت فى الفترة دى هتعيش معانا فى الفيلا .. و هتكون أجازتك فى نهاية كل أسبوع .. بعدها جاءت ابنته .. و قد أشار اليها : - دى يارا .. حياتى كلها .. ثم أشار الى يوسف : - يوسف .. هيكون معاكى الشهرين دول .. :- أنا بقى أسيبكم تتعرفو على بعض أكتر ... ثم غادر .. يارا :- أنت أول مرة تشتغل بودى جارد ؟ يوسف :- أيوة .. يارا :- أنا عاوزاك تعتبرهم شهرين ترفيه .. أنا عن نفسى بحب البيت أكتر .. و مش بخرج كتير .. بس أعمل أيه .. بابا بيخاف عليا جدا .. يوسف :- بس حضرتك عايشة برة مصر .. و لازم تخرجى تشوفى مصر و جمالها .. ضحكت يارا : - لا .. أنا اتربيت هنا .. و خلصت دراستى كلها هنا .. و سافرت بعدها أعيش مع ماما .. يوسف :- اه .. يارا :- بابا قال أنك هتعيش معانا هنا .. يوسف :- أيوة .. يارا :- أنت متجوز ؟ .. ضحك يوسف : - لا .. بس بفكر .. ضحكت يارا .. و ضحك يوسف .. و قد شعر يوسف بالسعادة من البداية الموفقة لعمله .. و تلك الفتاة التى تمتلك الكثير من الهدوء و البراءة .. ********* بعد مرور أيام .. قضتها نور فى التفكير .. و قد قررت الذهاب الى المقدم أحمد سرور .. و ما إن رآها : - فيه اعترافات جديدة ؟ نور :- لا .. يا فندم .. المقدم :- ليه ؟ صمتت نور قليلا : - أنا جيت لحضرتك النهاردة .. عشان أطلب اعفاءى من المهمة دى .. المقدم فى دهشة : - أيه ؟!!! نور فى حزن : - أنا مش هقدر أكمل .. المقدم :- ليه ؟ نور :- أنا مش مؤهلة للمهمة .. و بعترف بفشلى يا فندم .. المقدم :- بس أنتى بدأتى .. و لازم تكملى .. احنا مش بنلعب .. نور :- صدقنى حضرتك .. أنا فكرت كتير فى القرار ده .. و اكتشفت إن بقاءى فى المهمة مش هيفيدها .. و لازم انسحب منها .. و ده قرار نهائى .. أنا هطلب تكليفى بمهمة تانية .. شعر المقدم بغضب شديد .. و قد أمر نور بالانصراف .. و قد خرجت .. و ظلت تتحدث الى نفسها : - يا ترى اللى عملته ده صح ؟.. :- أول مرة فى حياتى أحس أنى ضعيفة أوى كدة .. :- أنتى حبتيه فعلا .. عشان كدة خفتى تكونى السبب فى دخوله السجن .. و لاّ خفتى عليه من ظلم المقدم ؟ .. :- اعترفى يا نور أنك حبتيه .. لا .. لا .. مش حب .. ده خوف عليه .. :- سواء كنت بحبه .. أو خايفة عليه .. لازم أبعد عنه بأى طريقة .. حتى لو جرحته جرح مرة أحسن جرح العمر كله .. و ظلت تحدث نفسها .. حتى أصابها التعب من كثرة ما تفكر به .. ********* تمر الأيام .. و كلما يحاول يوسف الاتصال بـ نور .. لا تجيب .. و قد شعر بالقلق .. و لا يعلم أن نور لا تجيب عمدا .. حتى شعرت يارا بـ قلقه ... يارا :- يوسف .. أنت متغير ليه ؟ يوسف :- أنا كويس .. يارا :- لا .. بجد أنت متغير ليه ؟ يوسف :- البنت اللى بحبها .. و ناوى أطلبها للجواز .. كل ما أحاول اتصل بيها مش بترد عليا .. و أنا قلقان عليها .. خايف يكون حاجة حصلت لها .. يارا :- أنت بتحبها للدرجة دى ؟ يوسف :- و أكتر كمان .. دى حياتى كلها .. يارا فى بسمة : - يا بختها .. أنها لقت انسان زيك يحبها .. :- أكيد هى جميلة أوى .. يوسف :- أنا مرة صّورتها من غير ما تعرف .. ثم أعطى يوسف هاتفه الخلوى لـ يارا .. كى ترى صورة نور .. يوسف :- هى دى صورتها .. يارا فى دهشة : - نور !!! |
|
اشطه جدا
بتقفى انتى ياريرى فى حتت صعبه اكيد طبعا الست يارا هتقوله انها تعرفها وتطلع صاخبتها وبكده يقرر انه يسبها ويقتل الراجل اللى قتل والده ياااااه تعبت ريرى ابوس ايدك انجزى فى القصه دى على قد ما تقدرى علشان بجد هموت واكملها |
|
اوووووبااااا
وقفة جامدة ياريرى يعنى يوم ما تعتزر عن المهمة ييجى اللى يكشفهاااااا موقف جااامد ومثير جدااااا مش عارفة بجد اقولك ايه بجد انتى كاتبة رائعة واخلتينى اتخيل ان حسام ومنال هما اللى هيعرفوه لابس فشلت توقعاتى وخلقتى شخصية تانية خالص مش متوقعة هى اللى هتقوله الحقيقة كملى كملى ده شكلها قصة جامدة تسلم ايك ياقمررر |
|
اشطه جدا
بتقفى انتى ياريرى فى حتت صعبه اكيد طبعا الست يارا هتقوله انها تعرفها وتطلع صاخبتها وبكده يقرر انه يسبها ويقتل الراجل اللى قتل والده ياااااه تعبت ريرى ابوس ايدك انجزى فى القصه دى على قد ما تقدرى علشان بجد هموت واكملها هههههههههههههههههههههه
الله اعلم برضه معلش بقى تعباكى معايا شويه وبعدالشر عليكى وقلنا اييييييييييييه الصبر يابنتى هى كده كده فى اخرها خالص |
|
اوووووبااااا
وقفة جامدة ياريرى يعنى يوم ما تعتزر عن المهمة ييجى اللى يكشفهاااااا شفتى بقى ؤبك لمايريد ان حاجه تتكشف وتبات هتبان ولو بعد 100 سنه دى قدره الخالق موقف جااامد ومثير جدااااا مش عارفة بجد اقولك ايه بجد انتى كاتبة رائعة ربنا يكرمك يااسما واخلتينى اتخيل ان حسام ومنال هما اللى هيعرفوه لابس فشلت توقعاتى وخلقتى شخصية تانية خالص مش متوقعة هى اللى هتقوله الحقيقة كملى كملى ده شكلها قصة جامدة تسلم ايك ياقمررر تسلمى يااسما
ومن عنينا هكمل |
|
والله حرام عليكى يا شيكا مارا ما الطبيعى انى هقولك تحفه وحلقه جميله جدا زى ما عودتينا
بس ونبى بقى يلا المفروض تخلصيها بقى عشان شهر رمضان خلاص يا الجمعه ياأما السبت عشان انا مستنى الفوازير كمان يلا بقى ونبى عشان خاطرى بقى خلاصيها |
|
الحلقة جامدة جدا
تسلم ايديك يلا كملي بسرعة |
|
خلاص ياريرى انا هنفذ لك امنيتك انامت اهو
بس وصيتى بلاش المنتدى كله تموتيه يا ظالمة كملىىىىىىىىىىىىىىىى |
|
والنعمة هضربك ,,,,,,,, اه يا نعل الدزمة
بس اما اشوفك يااااااااااااااا اممممممممممممممممم ,,,,,,,, مش عارفة اقول عليكي ايه ,,,,,,,, يا دزمة!!!!!!!!!!!!!!!! خلصي يابت بقى ,,,,,,,, |
|
وقفة انما ايييييييييييه......وقفة
بصى بقى يا ريرى انا اولا عاجبنى الصراع الداخلى لنور لانها دلوقتى فى حيرة من حاجتين: 1-انها تجرح يوسف لما تبعد عنه من غير سبب وده طبعا بعد ما تتطلب اعفاء من المهمة 2-انه لو عرف اشخصيتها الحقيقية ممكن يرجع زى ما كان وعمره ما هايقول انها حبته لانه هايعرف انها كانت بتمثل علشان شغلها لكن الصراع بعد كده هايتقلب ليوسف وده طبعا لانه هايعرف حقيقة نور اولا: لان يارا اتعرفت على صورتها بس ممكن يارا متكنش تعرف طبيعة شغلها وكل اللى تعرفه عنها انها متخصصة فى دراسة علم النفس وفى الحالة دى يبقى مفيش اى خوف لان نور دخلت المهمة دى بأسمها الحقيقى وتخصصها الحقيقى. اما ثانيا: لان حسام ومنال عاوزين يوسف يرجعلهم مرة تانية وده عن طريق انتقامه من الشخص اللى قتل بباه (ولو يوسف ما انتقمش اكييييييييييد هايمر بصراع تانى من التفكير فى القتل ام ترك الانتقام للمولى عز وجل) المهم...حسام عاوز يلاقى ثغرة فى حياة نور يخلى كاسانو يكره نور بيها وطبعا دول شغلتهم التحريات عن خصومهم يعنى اكيد هايلاقى ......وهايعرف كتيييييير عن اللى مستخبى و طبعا يقول ليوسف وتحصل المفاجأة اتمنى تكون توقعاتى صح ياااااااااااااااااااارب |
|
لا بجد جامده
القصه دى دمااااااااااااااااار بجد احلى من اخر البنات المحترمين عنصر التشويق فيها رااااااااااااائع بجد انتى مؤلفه جامده جدااااااااااااا ياريرى يلا كملى عشان نعرف الباقى |
|
ريري لما تبدع
 المنتدى كله يولع  من اول ما قرأت الحلقة قولت دي قفلة حلقة نار  الحلقة ممكن تصنيفها حتي الان ثالث الحلقات هدوئا بعد الحلقتين الاولي والثانية ودي حاجة كويسة لتخفيف حدة الصراع والتقاط الانفاس قفلة الحلقة ثاني اكثر القفلات سخونة بعد قفلة الحلقة الثامنة لان الحلقة الثامنة كانت القفلة صادمة وغير متوقعه بتاتا لاي قاريء  نقدر نقول على القفلة دي اكثر قفلة في الحلقات غموضا علشان كده حتلاقي الحلقة دي ولدت فضولا غير عادي كتر خير اي عضو او زائر عنده حتة الفضول عالية شوية  طبعا مفيش كتير تعليق على الحلقة ممكن نقول بس ان نور حسمت جزء الصراع بين الواجب والحب واختارت الحب  وهنا يمكن الاختيار منطقي علشان الحب له تأثير سحري  بالاضافة لشعورها بتغير يوسف الحقيقي الى الافضلبالاضافة الي شعور بنوع من توقع التأمر لظلم يوسف  وده يريح ضميرها من الشعور انها لا تؤدي واجبها وب شعور بالتقصير الي شعور بانها تدافع عن إنسان في طريقه انه ينظلم ظهور حسام ومنال في الحلقة ووضعهم في حيز الصراع طبعا ده طبيعي وجيد في الوقت ده لاعطاء القصة قدر من الاثارة  يفضل كده لغز الحلقة يارا ايه علاقتها بنور؟  بس كده دا اللي وصلي من الحلقة يفضل ايه كده اتوقعات المتواضعة والسيناريوهات الهبلة اللي بتعلب في دماغ الواحد  بعد ما بيخلص قرأة الحلقة وطبعا ملهاش لازمة علشان زي ما بيقولوا ايفتى ومالك في المدنية وطالما ريري موجودة مينفعش نحط توقعات وسناريوهات لكن اهو نكتبها طالما احنا في منتدى وبيسمحلنا نكتب وندردش ونقول اللي يجي على بالنا  مش قادر اقتنع بان ست يارا دي كده تعرف نور صدفه هو ممكن بس ده احتمال ضعيف قوي عامة لو الاحتمال ده اتوجد واشك فيه حتطلع قريبة ليها او زميلة او معرفة قديمة وفي الحالة دي حيبقى مفيش اي مشكلة بالنسبة لنور وعلاقتها بيوسف لاني معتقدش طبعا ان فيه حد يعرف ان نور عملية سرية لانه لوكل اللي يعرفهوها يعرفوا انها عميلة سرية يبقى كده عميلة علنية مش سرية هي كون انها تحكي لسمر على مهمتها انا بتعجبله بس ممكن ده يكون مقبول جدا في حيز الصديقة المقربة وكاتمة الاسرار اكتر من كده حيبقى تهريج لا يتناسب مع طبيعة عملها ولا مع ذكائها المتقد اللي وقعت بيه يوسف بدون ادني ذرة شك لديه فيها نيجي بقى للاحتمال الاقوى يارا وابوها طريقة وصول عرض العمل كحارس خاص من ابوها ليوسف لمدة شهرين عليه علامة استفهام كبيرة هو لقى واحد في النادي متمكن في الرماية  يشغله حارس خاص لبنته لحمايتها صعبة بكون ان يوسف المفروض انسان غامض يعني مش معروف اصله من فصلة يعني المنطقي انه لما يكون حد عايز حراسة خاصة بيجيبوا من شركة حراسات خاصة علشان بتكون دي ناس متدربة وهويتهم معروفة لكون الحراسة الخاصة مش انسان متمرس في الرماية فقط الا إذا كان الاب ساذج يعني هما حيبقى يارا وابوها دول ماشين وفق خطة مرسومة في إطار محدد وضع يوسف تحت النظر طول الوقت وتكبيل حركته وتدمير لعلاقته بنور والجزء ده مهتم به حسام ومنال لو صدق التوقع ده يبقى عندنا نور انتقلت من خانة الهجوم وضبط الحركة ليوسف وادانته الي موقف الدفاع ونفي اي صورة سلبية ترسم لها صراع نفسي جديد لنور عامة احنا في إنتظار اميرة الابداع لما تتحفنا بالحلقة الثانية عشر وزي ما بيقولوا إن غداً لناظره قريب ادينا مستنين وكل عام وانتم بخير ورمضان كريم |
|
المفروض اني اتجنن صح مش انتي عايزه كده
يالهوووووووووووووووووووووووووووووووووووووووووووووو وووووووووووووووووي منك يا ريري هموت بجد لازم يتنيل يوريها وتعرفو انها تبع البلويس الواد هيصدم يا حيني عليك يا يوسف الله معاك يلا ياريري يا مجنناني هلاقيه منين ولا منين اخلصي بالحلقه بسرعه ارجوكي محتاجه الجرعه |
|
حلقة جامدة وكنت حاسس ان فى علاقة بين رجل الاعمال ده بين يوسف وممكن يكون هو الى قتل بباه زمان مش عارف ليه
|
|
والله حرام عليكى يا شيكا مارا ما الطبيعى انى هقولك تحفه وحلقه جميله جدا زى ما عودتينا
بس ونبى بقى يلا المفروض تخلصيها بقى عشان شهر رمضان خلاص يا الجمعه ياأما السبت عشان انا مستنى الفوازير كمان يلا بقى ونبى عشان خاطرى بقى خلاصيها هههههههههههه
المهراجا وصل انت بقى تستنى الاتنين بس احتمال الغى الفواير عشان القلب الطيب عامل فوازير وانامقدرش انافسه بصراحه منورنى ياحووووووووده وبعدين مفضلش كتير يعنى |
|
الحلقة جامدة جدا
تسلم ايديك يلا كملي بسرعة منورانى ياقمر
ميرسى ياحبيبتى |
|
خلاص ياريرى انا هنفذ لك امنيتك انامت اهو
بس وصيتى بلاش المنتدى كله تموتيه يا ظالمة كملىىىىىىىىىىىىىىىى ههههههههههههههههه
ياخرابى رابى انتى موتى وكتبتى الوصيه هههههههههههههه يخرب عقلك والله ضحكتينى يابت انا ظالمه؟؟؟؟؟؟؟؟؟؟ ياجماعه هو انا ظالمه؟؟؟؟؟ سؤال يطرح نفسه عاوزه الاعضاء يجاوبونى هكمل هكمل بس برضه فى الميعاد بتاع الحلقات هههههههههههههههه |
 لا لا لا لا لا لا لا لا اقول اية بس ياربي.....والله حيرتيني معاكي مش عارف بجد انت لية متعمليش قصصك دي افلام ومسلسلات بجد انا تعبت من اني كل مرة ادخل ومعرفش ارد رد تستهلية يااختي بجد الحلقة دي بجد تستاهلي عليها جايزة ومتاكد لو انتي عايزة تخلي المسلسل دة 500 حلقة هتعمليهم 1000 كمان انتي بجد ................. هقول اية ................. غير يارب دايما بالتوفيق شكراااااااااا |
|
يـــــــــــــــــا نــــــــــهــــــــار أبيــــــــــــض !!!!!!!!
لأبجد انتى هايلة يا ريرى ... حتته موقف .. ما تصورتش انها تيجى من شخية جديدة زى يارا بس والله الواحد ماينفعـــــــــــــش يعلق بعد عبقرينــــوووووووو المنتدى - مش كده ولا ايـــــــــه- بس حقيقى قصة جميلة موووووت .. متتأخريش علينا لحسن كده احنا هنضـــــــــــيع..... ويارب عقبال القصص الجايـــــــــه ان شاء الله .. |
|
والنعمة هضربك ,,,,,,,, اه يا نعل الدزمة
بس اما اشوفك يااااااااااااااا اممممممممممممممممم ,,,,,,,, مش عارفة اقول عليكي ايه ,,,,,,,, يا دزمة!!!!!!!!!!!!!!!! خلصي يابت بقى ,,,,,,,, ههههههههههههههههههه
انانعل الدزمه ماشى ماشى ده انتى هتشوفى ايام سوده هحميكى زى البت سوكه العبيطه امممممممممممممممممم كفايه كده عليكى ولمااكلمك فى التليفون ههزقك شويه انتى والبت اختك الهبله اللى قاعده تقرا القصه دى قوميها يابت مش جوزها زمانه جاى ههههههههههههههه هتخربى بيتها ههههههههههههههه منوره ياام زياد وبوسيلى زياد اه صحيح بت يامون ايه رأيه فى اللعب اللى جيبناها النهارده خلى بالك يابت ياام زياد انا اللى اخترت اللعب يعنى زوقى مش البت الدزمه اللى قاعده جنبك دى بصى لماتقرى الرساله ناديها وخديها على خوانه واديها قلم على قفاها هههههههههههههه |
|
وقفة انما ايييييييييييه......وقفة بصى بقى يا ريرى انا اولا عاجبنى الصراع الداخلى لنور لانها دلوقتى فى حيرة من حاجتين: 1-انها تجرح يوسف لما تبعد عنه من غير سبب وده طبعا بعد ما تتطلب اعفاء من المهمة 2-انه لو عرف اشخصيتها الحقيقية ممكن يرجع زى ما كان وعمره ما هايقول انها حبته لانه هايعرف انها كانت بتمثل علشان شغلها ياسلام عليكى ياروروووووووووو انتى تعليقاتك بقت جامده بجد وبتسعدنى عشان بحس انك بتفكرى معايا فى القصه لكن الصراع بعد كده هايتقلب ليوسف وده طبعا لانه هايعرف حقيقة نور اولا: لان يارا اتعرفت على صورتها بس ممكن يارا متكنش تعرف طبيعة شغلها وكل اللى تعرفه عنها انها متخصصة فى دراسة علم النفس وفى الحالة دى يبقى مفيش اى خوف لان نور دخلت المهمة دى بأسمها الحقيقى وتخصصها الحقيقى. ههههههههههههههههههه ياجاااااااااااامد بس برضه متتوقعيش الاحداث والله انتوا بتدونى افكار عشان انااغير فيها واعملكوا مفاجات والله تمام اما ثانيا: لان حسام ومنال عاوزين يوسف يرجعلهم مرة تانية وده عن طريق انتقامه من الشخص اللى قتل بباه (ولو يوسف ما انتقمش اكييييييييييد هايمر بصراع تانى من التفكير فى القتل ام ترك الانتقام للمولى عز وجل) الله اعلم هتشوفىىىىىىىىىىىىى المهم...حسام عاوز يلاقى ثغرة فى حياة نور يخلى كاسانو يكره نور بيها وطبعا دول شغلتهم التحريات عن خصومهم يعنى اكيد هايلاقى ......وهايعرف كتيييييير عن اللى مستخبى و طبعا يقول ليوسف وتحصل المفاجأة هههههههههههههههههههه مخك شغال جامد فى القصه ومحيراكى انا صح؟ بس بجد شاطره يابت هتشوفى متسبقيش الاحداث ده فى تغير جذرى فى القصه اتمنى تكون توقعاتى صح ياااااااااااااااااااارب شكرا جزيلا ليكى يارورو نورتينىىىىىىىىىىىى |
|
لا بجد جامده
القصه دى دمااااااااااااااااار بجد احلى من اخر البنات المحترمين عنصر التشويق فيها رااااااااااااائع بجد انتى مؤلفه جامده جدااااااااااااا ياريرى يلا كملى عشان نعرف الباقى منوره ياساسو
هههههههههههه حلوه القصه دى دمار بجد سعيده لحبك للقصه وفعلا فيها فرق كبير بينها وبين اخر البنات المحترمين فى كاسانو قصه بوليسيه فى البدايه مزجت بها خيوط من الرومانسيه وعملت صراع داخلى بين الابطال وكمان غيرت الشخصيات وطريقه تفكيرها ونظرتها للحياه عملت صراع بين الحب والواجب وكذا نوع من الصراع لكن فى اخر البنات المحترمين فى قصه تانيه ومعنى تانى قدمت فكره للشباب يستفيدوا بيها وخصوصا شباب الجامعه لانى قربت فى القصه منهم بالاسلوب العامى اسلوب لغه الشباب الجامعى اسلوب فكاهى وواقعى وقدمنا عبره لكل البنات شكرا ليكى مره تانيه |
| مواضيع مشابهة: | ||||
| › يوميات بنت فى سنه اولى جامعه(قصه مسلسله) | ||||
