عايشين حياتنا بنقابل اصحاب و جيران و قرايب و اهل و في وسط كل دول نقرب من حد معين نقرب ليه هو بالخصوص نحبه و يحبنا و منقدرش نستغني عنه مهما حصل و نعيش معاه و نتمني يكون جنبنا يكون مكان سرنا و احنا مكان سره
و لكن
شويه و نلاقي المشاكل بدات و لاتفه الاسباب و كان الاتنين الي بيحبوا بعض دول لسه عارفين بعض دلوقتي و لا يفهموا بعض اساسا و نبدا نتخانق و نتصالح نتخانق و نتصالح لحد لما احد الطرفين يياس من العلاقه و يقرر عدم العوده سعتها هيبقي حال الطرف التاني ايه؟ انهيار و تعب و شوق للحبيب طب ما هو كان بين ايديك و انت عمال تغلط و تغلط ليه يا جماعه لما بنحب بنبقي خلاص كاننا ملكنا الحبيب و مهما نعمل هو معانا و لما يضيع مننا ندور عليه و لو رجعلنا نضيعه تاني و مش بنتعلم من غلطنا
عاملين زي الي معاه جوهره عمال يلعب بيها و لما تضيع يبكي عليها و يدور عليها و لو لقاها يضيعها تاني
طب ليه احنا مش نفهم الحب من الاول و نراعي ربنا في الحبيب من الاول؟ و لا انتوا ايه رايكم مستني اراءكم