بعد ان ترددت انباء فى جنبات الفيس بوك عن نية الكثير من الشباب النزول الى الشارع يوم 25 يناير والدعوة الى ثورة مماثلة لما حدث فى تونس

نرجو مشاركتنا رايك عن حدوث ثورة فى مصر وهل انت مؤيد ام معارض وان حدثت هل ستشارك فيها ام انك ستؤيدها بدون مشاركه

وسابدا برايى .. انا مثل الجميع معترض على الفساد والاوضاع الاقتصادية والاجتماعية السيئة جدا التى نحيا فيها وارغب بشدة فى التغيير ولكن

حدوث ثورة شعبية فى مصر لن تمر مرور الكرام مثلما حدث فى تونس - وان كانت ثورة تونس لم تمر بسهوله حتى الان - حيث اننا نعانى من اثر الفتنة الطائفية والارهاب

مما يعنى ان اى ثورة شعبية مثل تونس ستؤدى الى انتشار القتل والارهاب ومن الممكن ان نمر بنفس الظروف التى تمر بها تونس الان مثل حظر التجوال واغلاق الجامعات والمدارس وستصاب البلاد بالشلل الكامل لمدة ليست بالقصيرة

هذا بجانب اننا ملاصقون لليهود الذين لن يتركوا فرصة ذهبية مثل هذه الفرصة ومن الممكن جدا ان ندخل حرب طويلة الامد نعانى بسببها من جديد

فما رايك فى هذه الاحداث وهل تؤيد الثورة وان كنت تؤيدها هلى ستشارك فيها

نرجو المشاركة والتفاعل فالامر جدى وسيحدث

انا عن نفسى رائى من رائك وهو ان الحال فى مصر مش ولا بد

وانا غير مؤيد للثوره لاننا ما بنصدق نتقدم شويه هو ممكن يكون التقدم مش واضح بسبب الظروف اللى احنا فيها


بس هو فى تقدم للبلد فى مجالات كتيره ومننسا اننا بلد عانت كتيييير جدا من الحروب وبالرغم منكثره الحروب الا اننا لسا موجودين فى بلاد حصلها ربع اللى حصلنا واختفت دلوقتى واللى موجودين منهم عايشين عيشه مش ولا بد خالص

فا احنا احسن من غيرنا وانا رائى ان ممكن يحصل مظاهرات اعتراض بجد ومطالبه بتغير اشياء معينه والحكومه اكيد المره دى هتنفذها لان الظروف مش فى صالح التنفيض من جانبهم زى كل مره

لكن ثوره زى تونس دى لو حصلت يبقى نقول علينا وعلى بلدنا يلا السلام علشان احنا اعدائنا اكتر من اعداء تونس بكتيييير اوى ومنهم اللى جمبينا زى ما قولت فمش هينفع انقلابات خالص علشان نحافظ على اللى وصلنا ليه من بعد الحرب

وفى النهايه انا لا اؤيد الثوره ولكن اوئيد الاعتراض وعرض مطالب وهيتم تنفيذها

اسف انى طول فى الكلاك لكن الموضوع ده فيه كلام كتير جدا ميكفهوش موضوع

تحياتى للجميع واتنمى التوفيق لينا ولبلدنا الجبيبه مصر

انا عن نفسى رائى من رائك وهو ان الحال فى مصر مش ولا بد

وانا غير مؤيد للثوره لاننا ما بنصدق نتقدم شويه هو ممكن يكون التقدم مش واضح بسبب الظروف اللى احنا فيها


بس هو فى تقدم للبلد فى مجالات كتيره ومننسا اننا بلد عانت كتيييير جدا من الحروب وبالرغم منكثره الحروب الا اننا لسا موجودين فى بلاد حصلها ربع اللى حصلنا واختفت دلوقتى واللى موجودين منهم عايشين عيشه مش ولا بد خالص

فا احنا احسن من غيرنا وانا رائى ان ممكن يحصل مظاهرات اعتراض بجد ومطالبه بتغير اشياء معينه والحكومه اكيد المره دى هتنفذها لان الظروف مش فى صالح التنفيض من جانبهم زى كل مره

لكن ثوره زى تونس دى لو حصلت يبقى نقول علينا وعلى بلدنا يلا السلام علشان احنا اعدائنا اكتر من اعداء تونس بكتيييير اوى ومنهم اللى جمبينا زى ما قولت فمش هينفع انقلابات خالص علشان نحافظ على اللى وصلنا ليه من بعد الحرب

وفى النهايه انا لا اؤيد الثوره ولكن اوئيد الاعتراض وعرض مطالب وهيتم تنفيذها

اسف انى طول فى الكلاك لكن الموضوع ده فيه كلام كتير جدا ميكفهوش موضوع

تحياتى للجميع واتنمى التوفيق لينا ولبلدنا الجبيبه مصر

لا اتفضل وراي حضرتك تمام واعتقد انه راى اغلب الناس المحترمه واللى بتفكر بالعقل

نعم للتظاهر والاعتراض ولكن لا للفوضه العارمة وخصوصا فى مصر