بعد مرور 23 يوم على بدايه السنه الجديده اكتشفت المصادر الامنيه المصريه ملابسات ما حدث في ليله راس السنه
وكشفت الغموض عن منفذى عمليه كنيسه القديسين الشنيعه بالاسكندريه الذى ادمى قلوب المصريين جميعا

وها هم الان يشفوا صدورنا بالاعلان عن منفذي العملية


جاء تصريح مصدر امني مسئول عن طريق تسريب بعض المعلومات السرية بعد اعلان اللواء وزير الداخلية ( حبيب العدلى )
فى الاحتفال السنوي في عيد الشرطه المصرية عن وجود الادلة الدامغة لارتباط منفذ عملية القديسين بالاسكندرية بالجيش الاسلامي الفلسطيني بوجود الادلة الدامغة لدي ادارة وزارة الداخلية اكد المصدر أن مرتكب حادث تفجير كنيسة القديسين بالإسكندرية يدعي أحمد لطفي إبراهيم محمد،مسلم مصري وقد سبق له التردد علي قطاع غزة خلال فترة زمنية قام خلالها بالتواصل مع جيش الاسلام الفلسطينى وتم اقناعه بإستهداف دور عبادة المسيحيين واليهود ضمن فرضية الجهاد.
ونوافيكم تباعا ببقية التفاصيل

اكد ت وزراة الداخلية أن اسم منفد التفجيرات المصرى ويدعى أحمد لطفى إبراهيم محمد ( 27 عاما ) خريج كليه الاداب قسم مكتبات جامعة الاسكندرية من مواليد محافظة الإسكندرية سنة 1984

http://100fm6.com/vb/showthread.php?t=245531

الداخليه تصدر بيان يوكد فيه ملابسات الحادث
بالتفصيل مؤكدا بذلك رده علي نفي الجيش الاسلامي للخبر
وهو ان المتهم من خلال اعترافته لجهاز حمايه امن الدوله
وطبقا لاعترافاته المكتوبه انه انضم الي الجيش الاسلامي الفلسطيني من خلال شبكة الانتر نت
وقد تم تكليفه في عام 2010 بحصر دور العباده اليهوديه والمسيحية
الكبيره بالاسكندريه لتكون هي نقطة الانطلاق لهم في مصر

اعترافات المتهم اكدت تكليفه بتجهيز وحده سكنيه في منطقة طوسون بالاسكندريه
وباستاجار سياره لتكون هي الوسيله لاجراء العمليه الانتحاريه
ولكنه اكد باقتراحه علي التنظيم بان يقوم بها انتحاري وليس عن طريق سياره لانها ستكون لها تاثير اكبر

وفي ضوء ذلك لا يسعني الا ان اقول تلك الكلمات
يا جاني في كل مكان
حادثة وانت العنوان
شايف نفسك انسان
تقتل وتقول ده ايمان
تزرع جرح في كل مكان
قصدك فرقة بين الاوطان
رايح تقتل حنا ومينا
وكمان مرقص ويا محمد
وقعوا ضحية هما كمان
للعدوان عدوان غاشم
ضغط الزر بدون مايقدر
وحدة شعب حب الوحده
وحدة مسلم ويا مسيحي
يكونوا ايد واحده
تضرب يد الظالم دايما
بكل الشدة
عمر رصاصك مايفرقنا
دايما وحدة

اكد المتهم ايضا بانه كان مكلف باجراء مسح شامل لمنطقة المنشية بالاسكندريه وخاصهالمعبد اليهودي بالمنشيه لجعله الهدف اثني بعد تاكدهم من نجاح احداث الكنيسة
http://100fm6.com/vb/showthread.php?t=245531

اكد المتهم بوصول برقيه اليه بعد اعقاب احداث الكنيسة من الجيش الاسلامي الفلسطيني
تهنئه فيها بنجاح العمليه وبالانجازات الكبيره التي حققتها العمليه
نتيجه لجهوده المبذوله في نجاح العمليه

مش مصدقه بيان الداخليه


شكرا على المجهود

وزاره الداخليه تفجر مفاجاءة بتصريحها بان السيدة حنان عبد العزيز والتي اتصلت باحدي البرامج الفضائية بعد احداث الكنيسة هي اول خيط رئيس للقبض علي المتهم
حيث ادلت بشهادتها امام القيادات الامنيه بالاسكندريه بكل تفاصيل ماحدث معها
حيث اكدت في اقواله انها عندما كانت تجلس علس صفحة الفيس بوك وجدت شخصان يتحدثون عن احداث سوف تقع بالاسكندرية في الساعة الثانية عشر
ومن تاكيدها انها صور البروفايل الخاصة بهم علي الفيس بوك هي لرموز تخص تنظيم الجيش الاسلامي الفلسطيني

الرئيس عباس يعلن عن معاقبة الجيش الاسلامي الفلسطيني اذاتبين له بالادلة مسئلية الجيش عن واقعة كنيسة القديسين

شعار جيش الاسلام الفلسطيني كان من ضمن صور البروفايل علي الفيس بوك امام حنان عبد العزيز

مش مصدق حاسس انه سيناريو من سيناريوهات الداخليه

سيناريو وش اصلا الست بتاعة الفيس دي كان باين من كلامها انها عمرها ما شافت الفيس ولا يمكن كمبيوتر
بتوقل لقيت عالوول بتاعي ناس بتشيت !!!
على اساس انهم صحابها او اساس ان الفيس صفحته الرئيسية فيها شات
وبقول متعرفهمش
يعني ضايفنها عالفيس كاصدقاء يقولولها هنفذ عملية ويمشوا !!

كلام فاكس اوي !! :s

وزارة الخلية يتقول أن عندها أدله دامغة
أيه اللى هتكدب ليه

مجهود مميز جدا
تسلم ايدك

ازاى على صفحة الفيس بوك وبروفايلها اتنين بيكلمو ؟؟؟؟؟؟؟؟
اول مرة اعرفها بصراحة ناس هتكلم على بروفايل واحدة على اساس انو شات ويقولو عن تفجيرات وبتاع

لو كان المتحدث مجنون فالمستمع عاقل

ياجماعه انا فيه حاجه عايز اقولها
حقيقى فعلا على برنامج الحياه والناس بتاع رولا خرسا واحده اتكلمت وقالت كان فيه محاذثه على الفيس بوك و قيل فيها ان فيه عمليه هتتنفذ الساعه 12

المكالمه ديه حصلت فعلا بعد يوم او اتنين من العمليه


وعلى فكره يا جماعه
مستحيل يكون ده سيناريو لان ببساطه كده فعلا منفى العمليه هيقومو بعمليات تانيه عادى جدا انا شايف ان الدخليه ممكن تعمل موضوع السيناريوهات ده فى قضايا فرديه زى مثلا قضيه بنى مزار

صحيح كان في كلام على الفيس بوك على حادث انتحار الساعة 12

بس كلام الاخت بتقول ان اتنين بس الى كانو بيكلمو
في شات يعنى
هل على الفيس بوك شات ممكن يدخل فيه اكتر من اتنين؟

يا جماعة اكبر دليل علي ان الحوار مفبرك هو ان النيابة قالت ان بيان الداخلية معندهمش علم بيه وقالوا ( سمعناه زينا زيكم ) يعني طبقا للقانون يبقي كلام الاخ حبيب يبله ويشرب ميته .. انما طبعا لدولة بوليسية لا تحترم القانون يبقي هيلبسوها للجماعة دول .. وبعدين اساسا ازاي العادلي يعلن عن الجريمة .. دة اذا كان في جهة سيادية مصرية هي اللي كانت بتحقق في الموضوع يعني ببساطة المخابرات ودول مش تابعين للعادلي .. يبقي ازاي يطلع يفتي بقي ..
بلد العجايب

الاسلام بريئ منهم

وبصراحه يعملوها الفلسطنيون

وبعدين ليه بقينا نكذب الداخليه والخارجيه ونكذف انفسنا كمان

بصراحه

انا شايف ان الفلسطنيون كلهم حقد على مصر وتذكروا احداث الحسين وغيرها

وكل من يقيم خارج مصر يعرف مدى كرهم وحقدهم على مصر والمصرين

شكرا على مجهودك الاكثر من رائع

تحياتي

الاسلام بريئ منهم

وبصراحه يعملوها الفلسطنيون

وبعدين ليه بقينا نكذب الداخليه والخارجيه ونكذف انفسنا كمان

بصراحه

انا شايف ان الفلسطنيون كلهم حقد على مصر وتذكروا احداث الحسين وغيرها

وكل من يقيم خارج مصر يعرف مدى كرهم وحقدهم على مصر والمصرين

شكرا على مجهودك الاكثر من رائع

تحياتي

عيب عليك لما تقول كدة
يعني لما تسيب اخوك يتقتل وتروح تحط ايدك في ايد اللي بيقتله ومجوعه ومبهدله
منتظر منه ايه يعني ؟ يجي يقدملك فروض الولاء والطاعة ؟

وزاره الداخليه تفجر مفاجاءة بتصريحها بان السيدة حنان عبد العزيز والتي اتصلت باحدي البرامج الفضائية بعد احداث الكنيسة هي اول خيط رئيس للقبض علي المتهم
حيث ادلت بشهادتها امام القيادات الامنيه بالاسكندريه بكل تفاصيل ماحدث معها
حيث اكدت في اقواله انها عندما كانت تجلس علس صفحة الفيس بوك وجدت شخصان يتحدثون عن احداث سوف تقع بالاسكندرية في الساعة الثانية عشر
ومن تاكيدها انها صور البروفايل الخاصة بهم علي الفيس بوك هي لرموز تخص تنظيم الجيش الاسلامي الفلسطيني

ده الي هوا ازاي يعني؟؟؟؟؟؟؟؟؟؟؟؟؟؟؟
حسبي الله ونعم الوكيل فيكي يابلد

انا معاك لانى كنت ليا صديق فلسطينى كان دايما يقول ان القرية بتاعتهم بتكرة المصرين مبالك الجيش بق

حسبى الله ونعم الوكيل

هههههههههههههههههههههههههههههههه
يا جماعه إسمعوا من الودن دي وطلعوا من الودن التانيه

الرئيس الفلسطيني لرؤساء تحرير الصحف المصرية:
تفجير الإسكندرية مخز .. لايجب التهاون مع جيش الإسلام إذا ثبت تورطه