حبيت أفيد الفتوكات اللى عايزين يعرفوا أمواس الحلاقة الحريمى حلوة ولا أيه
بصوا انا بحب السويت جداً بس بردو ساعات بلجأ لـ shaving
بصراحة بيسعف ساعات فى وقت زنقة بس انا مش بعمل غير رجلى من فوق يعنى من بعد الركبة و المنطقة الحساسة و ساعات إيدى بس تحت ذراعى أبداً لازم سويت ده اللى أتعودت عليه المهم حبيت اوى بجد العلبة و الموس طبعا لونة بينك و بيجيى فى علبة كدة بيتحط فيها من برا و جوة العلبة فى جزء كدة بتشيلى و تربكى فى العلبة من ورا علشان تعلقيها فى الحمام و جوة العلبة كمان فى شفرة هدية مقفولة فى علبة صغيرة اوى حاستها بتاعت بنات اوى بجد و كمان شكل الموس مختلف خالص عن بتاع الولاد المهم انتوا هتشوفوا الصور

وأحب أقولكم انها مريحة و بتبقى ناااااااعمة زى السويت بالضبط وحتتنتطى من النعومة
و العلبة ب 54 تقريبا و هى عبارة عن موس فى شفرة طبعا و العلبة بتاعتة و معاها فى العلبة شفرة هدية و سئلت عن الشفرات الى بتتباع لوحدها قالى بيبقوا 4 شفرات بـ 60 جنيه تقريبا

و تقريبا الشفرة الوحدة تستخدميها لحد 5-8 مرات او لحد ما تبقى باردة كدة تغيرها علطول لانها مش هتشيل الشعر كويس
ده بالنسبة لأسعار جيليت
فى طبعاً أنواع تانية
آخر حاجة جبتها من كام يوم مجموعة 4 ماكينات بس اللى بتبوظ بتترمى خلاص مش بيتغير الشفرة بتاعتها زى جيليت دى بقى كانت حوالى 18.5 تقريباً مش فاكرة بس يعنى مش عدت 20 جنيه
تمام كده أسيبكم بقى مع الصور












إنشاء الله تكونوا أستفدتم يا قمرات