السلام عليكم ورحمة الله
بحبك قوى يا بلدى ... وعايزاكى دايما تكونى أحسن
بس بخاف قوى برضه على ولادى
فرحانه باللى بيحصل ...عايزه التغيير للأفضل
برضه عشان ولادى
بس مش قادره أنزل ولا أشارك

لو إنتى زيى
شايفه اللى بيحصل
ونفسك تشاركى
بس ماتقدريش
عشان أم
عشان حامل
عشان ظروفك ماتسمحش
أو حتى عشان خايفه من اللى ممكن يحصل


تعالى أقولك أنا فكرت فى إيه
سألت نفسى
هو أنا فرحانه ليه بالمظاهرات...وعايزه منها إيه
أنا مش عايزه النظام يسقط
لأن بدل النظام هايبقى فيه فوضى وخراب

لكن أنا ليه مطالب من النظام
نفسى يسمعها ويحاول يغيرها للأحسن

عشان كدا
كل واحده فينا مش قادره تنزل
قومى هاتى أى ملايه قديمه أو بياضة مخده أو أى حتة قماشه مش محتاجاها
وإكتبى عليها بالقلم الماركر بخط كبير إنتى عايزه إيه
وعلقيها على بلكونتك
إنشريها زى الغسيل بمشبكين

قولى لجارتك وكل اللى حواليكى
وكل صاحبه ليكى

إكتبى إنتى عايزه إيه
أنا كتبت
أنا عايزه ولادى يتعلموا كويس
عايزه مرتب يكفى إحتياجاتى الأساسيه
عايزه حياة كريمه

كل واحده تكتب طلب وتعلقه
من حقنا كأمهات وستات بيوت نشارك وبقوه
لو كل واحده عملت كدا
أكيد هايكون لينا صوت ودور

البنات ينزلوا يخبطوا على البيوت ويقولوا للستات يعملوا إيه

إكتبى إنتى عايزه إيه
عايزه تشتغلى ومش لاقيه شغل
عايزه تاكلى ومش لاقيه أكل
عايزه مرتب محترم يكفى بيتك
عايزه تعليم كويس لولادك

كل واحده تدخل تشارك معانا
خلينا نبدأ حمله ستات البيوت والأمهات
يكون ليهم صوت

ومن بلكونتى هاوصل صوتى

مطالب ستات البيوت


انا بقى عوزة حاجة بسيطة خالص عوزة لما اروح اشترى خضار محسش انى بسمم اسرتى بالاكل المسرطن وانى بصرف فلوسى وبشترى المرض بفلوسى واطبخو لاولادى تفتكرو ده حقى ولا مش من حقى ولا علشان مقدرش اشترة خضار بدون مواد مصرطنة اكل المسرطن



انا بدئت وبما انى خطاطه بكتب للمتظاهرين على القماش

كتبت لكل اطفال شارعنا حته قماشه صغيره عايزين نعيش ربع عيشه بنت جمال

وانا كتبت عايزه ولادى واخواتى وجوزى نعيش فى سلام




الحمد لله بقى فى شرعنا اربع اعلام كبار غير الصغيرين
والله والله ستات مصر دول عسل

إيدى واحدة .. و انتِ إيدك برضه واحدة .. مدى إيدك ويّا إيدى .. إمسحى دمعة وليدى
عايز أصرخ لك و عاجز .. أسمعِك أو تسمعينى .. نفسى أقول لِك ألف حاجة .. بس آه لو تفهمينى
يا بلدنا يا بلد .. هو من إمتى الولد بيخاف من أمه .. لمّا في الضلمة تضمّه .. "

سكت الكلام في لسانـــــــــــــــــي
والوضع مش انســــــــــــــــــــاني
مسلم ومسيحي ميــــــــــــــــــــــن
ما كلنا مصرييــــــــــــــــــــــــــن
لا عمر فرق بينا عدو ولا ديــــــن
وهنفضل دايما ايد واحده عايشيــن
وانصرنا يارب دايما علي الخاينين
واوعي تقول انا مين وانت ميـــــن
قول كلنا مصريـــــــــــيـــــــــــــن

مع صوت أدانك جرس

في الشدة صاحيين لك

من امتا كانوا الحرس

هما اللي باقيين لك.

- مصر اللى نقشت حجر وعلمتنا العد

مصر اللى جيشها عبر مصر اللى بنت السد

لا تعبنا يوم م السفر ولا كل مجدافنا

والدفه لو مالت نعدلها بكتافنا

دى واحدة .. و انتِ إيدك برضه واحدة .. مدى إيدك ويّا إيدى .. إمسحى دمعة وليدى
عايز أصرخ لك و عاجز .. أسمعِك أو تسمعينى .. نفسى أقول لِك ألف حاجة .. بس آه لو تفهمينى
يا بلدنا يا بلد .. هو من إمتى الولد بيخاف من أمه .. لمّا في الضلمة تضمّه .. "