كشفت وثائق نشرها موقع ويكيليس أن لقاء جمع بين الشيخ حمد بن جاسم وزير الخارجية القطرى ومسئول إسرائيلى وكشف فيه الشيخ جاسم أن الدوحة تتبنى خطة لضرب استقرار مصر بعنف وأن الجزيره ستلعب الدور المحورى لتنفيذ هذه الخطة

كان ويكيليكس قد أشار إلى أن لديه 7 وثائق عن قطر نشر منها 5 وثائق وتستر على وثيقتين بعد تفاوض قطر مع إدارة الموقع الذى طلب مبالغ ضخمة حتى لا يتم النشر لما تحويه من معلومات خطيرة عن لقاءات مع مسئولين إسرائيليين وأمريكان وأن هذه اللقاءات كلها للتحريض ضد مصر

وأشارت الوثيقة إلى أن الشيخ حمد بن جاسم وصف مصر بـ الطبيب الذى لديه مريض واحد ويجب أن يستمر مرضه وأن المريض الذى لدى مصر هو القضية الفلسطينية فى إشارة منه إلى أن مصر تريد إطالة أمد القضية الفلسطينية دون حل

وأكدت الوثيقتين أن وزير الخارجية القطرى الشيخ جاسم وعدد من المسئولين الإسرائيليين والأمريكان أنه بمجرد خروج المصريين إلى الشارع فإنه سيكلف قناة الجزيرة ببث كل ما يشعل الفتنه فى الشارع ليس فقط بين المصريين والنظام ولكن بين المصريين بعضهم البعض

تتحدث الوثيقة التى حملت رقم 432 بتاريخ 1-7-2009 عن اللقاء الذى استغرق 50 دقيقة بين الشيخ حمد بن جاسم وقناة الجزيرة والذى تحدث فيه فى عدد من الموضوعات بما فيها المصالحة الفلسطينية وعملية السلام و شن هجوم شرس على مصر وسياساتها بشكل مباشر

أما الوثيقة الثانية وحملت رقم 677 بتاريخ 19-11-2009 تحدثت عن دور قناه الجزيره فى تطبيق سياسة قطر الخارجية فى تصفيه حسابها مع اعدائها

ايوة كدة بانوا على حقيقتهم

لازم نخلى بالنا يا شباب مصر

حرام يا جماعه ال بتقولوه ده اذا جاءكم فاسق بنبأ فتبينوا
تصدقوا كافرين يحاولون ايقاع الفتنه بيننا .. حرام كدا
وكيف هذا والجزيره هي الوحيده التي تفضح اسرائيل بشكل كامل ألم تراها في احداث غزه وما فعلته الجزيره في تحريك الرأي الدولي ضد اسرائيل ..... أعقلوا ما تقولوه أولاً

حرام يا جماعه ال بتقولوه ده اذا جاءكم فاسق بنبأ فتبينوا
تصدقوا كافرين يحاولون ايقاع الفتنه بيننا .. حرام كدا
وكيف هذا والجزيره هي الوحيده التي تفضح اسرائيل بشكل كامل ألم تراها في احداث عزه وما فعلته الجيزره في تحريك الرأي الدولي ضد اسرائيل ..... أعقلوا ما تقولوه أولاً

شوف انا معاك ان الجزيره مش هى الشيطان نفسه وانا نفسى فى كتير من الاوقات بفتحها عشان اعرف اخبار معينه بس هى ليها سياسات واضحه اوى ضد مصر يعنى مثلا فى الايام اللى فاتت كان كان كل مالرئيس يقول بيان يطلعوا هما فى نفس اللحظه اللى بيخلص فيها الكلام فى العاجل عندهم ان المواطنين يرفضون ما قاله الرئيس فى بيانه يعنى الكلام المفيد فى الاخر ان الجزيره زيها زى اى قناه اخبار تانيه ان كانت العربيه او البى بى سى او حتى النيل للاخبار كلهم ليهم سياسات بيتبعوها وكلهم بيكذبوا وبيلفقوا اخبار فى اوقات كتير المهم ان احنا نكون واعيين ونعرف ايه اللى يتصدق وايه اللى ميتصدقش

قلبى بيبكى عليكى يابلدى
م اللى بعوكى واللى خانوكى
قلبى بيصرخ مليون آآآآآآآآآآآآه
بعد الكل م داس عليكى
شبابنا طالبوا بالاصلاح
واحنا معاهم على الفلاح
وبنقولك يابلدى فداكى
الاغراب دخلوا بنا غيروا اغلب تفكيرنا خلونا نمشى وراهم من غير من نشوف حوالين
ياشبابنا اتقوا الله وبصوا وشوف بعنينا خليكوا شباب جدعان واحمونا ومتجوش علينا
لا لا لا لا للتخريب لالالالالا للترهيب
خلوا الريس يستنى معاكوا عارف ايه ممكن ينفعنا
هو هيمشى بعد شويه بس نكون رجعنا امنا
ارجوكوا قولوا لغيركم
قلبى بيبكى عليكى يابلدى نفسى اشوفك زى زمان الفرحة فيكى والامان
قلبى بيبكى عليكى يبلدى


ارجوكوا حكموا عقولكم
صبرتوا 30 سنه مش قادرين تستنوا كام شهر
حسبى الله ونعم الوكيل فى كل ظالم

اللى متعرفهوش ان لسه من شويه ناشطه بتعترف انها اتدربت على ايادى امريكيه ويهوديه فى امريكا وقطر
على قلب نظام الحكم
مش بعيد هم من زمنا بكرهوا الخير لمصر
وحسبى الله ونعم الوكيل

لا الجزيرة مش شياطين

بل هم مخطلطون عرب على يهود

مش متاكد

شوف موقع وكيبديا وكمان ويكيليكس

هائولاء فقدوا معانى العروبة لتشويه بلاد المسلمين

شوف انا معاك ان الجزيره مش هى الشيطان نفسه وانا نفسى فى كتير من الاوقات بفتحها عشان اعرف اخبار معينه بس هى ليها سياسات واضحه اوى ضد مصر يعنى مثلا فى الايام اللى فاتت كان كان كل مالرئيس يقول بيان يطلعوا هما فى نفس اللحظه اللى بيخلص فيها الكلام فى العاجل عندهم ان المواطنين يرفضون ما قاله الرئيس فى بيانه

ياحبيبي ال انت ممكن تكون متعرفوش ان في شاشات الأن في ميدان التحرير تبث قناة الجزيره ويراها جميع المتظاهرين وبعدين الناس بتتفرج على الخطاب واول ما الخطاب بيخلص بيهتفوا ضد الخطاب وبيقولوا اننا مستمرون ف المظاهره ودي انا شوفتها بنفسي بعد الخطاب وطبعا الجزيره ليها مراسلين ف الميدان فبالطبع بيوصولوا صوتهم للجزيره ويقوله ان المتظاهرين بعد الخطاب هتفوا ضد مبارك ومصرون على استكمال التظاهرات وال انت متعرفوش ان الناس ف اخر خطاب مش بس هتفت ضد مبارك لا دول كمان قلعوا الجزم ورفعوها بأديهم
حبيبي الجزيره تنقل الواقع فعلا والأنسان الملتصق بالحدث والمتابع له يعي ذلك جيدا لاكن الهواه ال قاعدين ف بتهم وبيشقروا ع الاخبار كل مده والتانيه دول ال هيحسوا انها بتكبر الموضوع لاكنها ف الحقيقه تنقل الموضوع بكل تفاصيله

تعرف الحاجه ال بتخلي بعض الناس تقول ع الجزيره كده ايه؟
ان الجزيره عندما تهتم بالخبر تسخر كافة امكاناتها له وتسعي هي للحصول على الخبر لاكن باقي القنوات الفضائيه غير التابعه للحكومه تنتظر حتي يصل لها الخبر
لاكن قنوات الحكومه تخفي الخبر وتنقل ما يتفق مع سيايات حكامها
ارجوا ان تحكم عقلك اولا وتفكر في ما اقوله جيدا

انا برد عليك انت صاحب الموضوع لانك بتتكلم بعقلانيه برده
لاكن واحده زي الأخت غرام ندي ال بتقول :
ان في واحده ناشطه بتعترف انها اتدربت على ايادى امريكيه ويهوديه فى امريكا وقطر
على قلب نظام الحكم

فده مش محتاج اي تعليق على الاطلاق أقولها ياريت بدل ماتقول كلام هي مش فاهمه فيه اي حاجه !! تهتم بالي تفهم فيه .. لأنه مش اي حد يقعد يقول اي كلام ويسبب فته وهو لا يعي ما يقول .. ربنا يهدي

قطر عاوزه ايه من مصر ؟؟
دا المصرين اللى فيها ممكن يعملو انقلاب
ويحكمو البلد دي

حسبنا الله و نعم الوكيل

والله اليهود بيستغدموا كل وسائلهم

من قنوات فضائية\ ومن شباب محرض \ ومن جهات من خارج مصر لضرب كل شئ فى البلد\

وكل شئ قد تتصوره


تستهلوا تستهلوا كل ضربة تخدوها عشان تمشوا ورا القنوات اليهودية دى


هل هتقلى القناة الاولى محرضة اللى هيا من مصر

ولا القنوات اللى برة مصر مصرية


رضوا على نفسكم وكفاية بلدكم بتنهار زى الصومال

عشــــــــــــــــــــان مصـــــــــــــــــــر

طبعا هذا كلام لا اساس له من الصحة ، ولا لماذا لم يرفق المصدر
كلنا يعلم ان اسرائيل اكثر دولة تريد عدم الاطاحة بالنظام الحالي لمصر ، وذلك للخدمات الجمة التي يقدمها له من غاز ومشاركة للحصار في غزة ....
حتى ان ناتنياهو يبدي قلل واضحا من السطلة الحيدة لمصر بعد سقوط مبارك ان شاء الله
واظن ان هذا المقال تم نشره من اعوان النظام الفاسد

المتظاهرون اللى هتفوا ضد الريس كام الف
مليون
10 مليون
20 30 40 مليون
مصر فيها 85 مليون مصرى ولو كان 30 مليون رفضينه فالباقى عايزينه مش حبا فيه بس عشان فهموا الغرض من بقائه وهو كتم السنة الغرب والقول لهم مش انتو اللى هتلعبوا بينا
احنا هنرجع الامان لبلدنا احنا هنخليه لغايه ما نختار بعقل وبوعى مش هنقبل اللى هتجبوه لينا من بره يحكمنا مش هنرضى

انا برد عليك انت صاحب الموضوع لانك بتتكلم بعقلانيه برده
لاكن واحده زي الأخت غرام ندي ال بتقول :
ان في واحده ناشطه بتعترف انها اتدربت على ايادى امريكيه ويهوديه فى امريكا وقطر
على قلب نظام الحكم

فده مش محتاج اي تعليق على الاطلاق أقولها ياريت بدل ماتقول كلام هي مش فاهمه فيه اي حاجه !! تهتم بالي تفهم فيه .. لأنه مش اي حد يقعد يقول اي كلام ويسبب فته وهو لا يعي ما يقول .. ربنا يهدي

يا استاذ الاختلاف فى الرأى لا يفسد للود قضيه فى الاخر احنا مصريين ومصلحه بلدنا اسمى من اى شخص ومن اى شئ فوق الجميع حتى ولو كان الريس
اما بالنسبة للناشطه رأيتها على الشاشه وقولتكم انا لم اصتنع خبرا حتى لو كنت اشك بيه
ثانيا لو هى مش حقيقيه المراسلات اللى بتأكد تورط امريكا وحالة التأهب فى اسرائيل وبينها وبين قطر اكيد موجوده على ويليكسس وابقى اتأكد
ثانيا على اعتبار انهم لا توجد وثائق تؤكد كده تقدر تقولى ليه اوباما بيطالب بنقل السلطه رغم ان مصلحته مع مبارك
ليه قطر بالذات وقناة الجزيرة تصر على بث الاحداث ليه مركزة مع مصر م اليمن بردوا فيها ثورة
ما تونس لسه فيها شغب ما الاردن وسوريا فيها ثورة هتندلع يوم الجمعه
هتقولى عشان اهمية مصر هقول كانت اخذت جزء كبير فى اعلامها
والباقى للاحداث فى باقى المنطقة لكن اصرارها بكل الطرق والوسائل لبث ما يحدث فى مصر يثير الشك انا من مشاهدين الجزيرة حتى تبن لي انها تثير نفوسنا ضد بلدنا اكثر من الريس

طبعا هذا كلام لا اساس له من الصحة ، ولا لماذا لم يرفق المصدر
كلنا يعلم ان اسرائيل اكثر دولة تريد عدم الاطاحة بالنظام الحالي لمصر ، وذلك للخدمات الجمة التي يقدمها له من غاز ومشاركة للحصار في غزة ....
حتى ان ناتنياهو يبدي قلل واضحا من السطلة الحيدة لمصر بعد سقوط مبارك ان شاء الله
واظن ان هذا المقال تم نشره من اعوان النظام الفاسد

ولما يجيلهم واحد هيقدم تسهيلات اكتر ليهم مش يضحوا بمبارك بردوا
لا العقل ولا السياسه تقول ان امريكا واسرائيل هتسمح للشعب المصر يختار واحد يقف فى وجههم
هتهئ الوضع لغاية ما نختار واحد عميل ليهم واحنا فاكرينا اننا اخترناه برضانا امثال البرادعى وغيره
فكروا شوي

استغفر الله العظيم ياااااااااارب
لسه فى عقول بتفكر بالشكل ده
ماهو ده اللى جايبنا للوراء بقالنا ثلاثين سنه
حرام عليكم تضيعو مجهود اخواتكم اللى بيتدبحو دلوقت فى ميدان التحرير
على ايد مين على ايد اللى انتو بتدافعو عنه
بيتدبحو علشانه كلنا علشان بلدنا تشوف نور الحرية
خدعكو بشوية كلام قال زيه كتيييييييير من زمان
ولسه بتصدقو اعلامه الفاسد
ياجماعة حرااااااااااااااااام
حرااااااااااااااااااااام بجد

لسنا نسمع اعلامه ولا نوافق عليه نحن نسمع صوت العقل هو مش ماشى هو مش ماشى غير لما تنتهى مدته يبقى نفكر ونحضر نفسنا
ميدان التحرير مش هيضيع يعنى لو فضينا المظاهرة دى منقدرش نعمل غيرها
مصر فوق الجميع وفوق مبارك
نحن نقول اتبعوا دييييييييييييينكم شهر محرم من الاشهر الحرم تريدون الحريه وتقاتلون فى شهره المحرم
اتقوااااااااااااا الله اتقوا الله واحقنوا الدما
اذا كنا منقسمين بين نعم ولا فيوم الانتخابات سوف تتحد كلمتنا
تركنا لك الفرصة فاخرج سالمنا او مقتووووووووووووووووولنا
سوف تقول مصر كلها كلمة واحده سوف تكون مصر يدا واحده
نحن نبين لكم اننا لا نريد مبار حبا له ولكننا نريده فقط فى تلك الفترة حتى نفكر ونختار بعقولنا من يمثلنا فى امان
يعنى لو مشى مين برأيك يمسك البلد هتقول البرادعى هقول خائن بكل الطرق
هتقول مين احنا مش بلد ذات اهميه قليله حتى يتركنا الغرب حتى نختار حاكم والله بعدها لو جابوا لهم عمر بن الخطاب بردوا هيعترضوا لاننا لا نعرف من هو
خلونا نشوف اللى هيرشحوا نفسهم ونختار واحنا ذو ذهن صافى خلونا نعدى ببلدنا لبر الامان
يارب نقى عقول شبابا اللهم قد بلغت

أخي القنوات المصرية تضهر في وجة واحدة فقط ..... الجزيرة تظهر في الوجهتين فلما كل هذا التشويه لها

هي ساعدتنا كثيرا في تونس لاضهار الحقائق التي كان التونسين يرسلوها لها

انا عندي سؤال يرد على كل هذا و ارجوا انتجيب عليه بنفسك

من هي "الدولة" الوحيدة التي ليس من مصلحتها خروج مبارك ؟؟؟ جوابك على السؤال هو إطهار خطئ الموضوع و بوضوح

يا استاذ الاختلاف فى الرأى لا يفسد للود قضيه فى الاخر احنا مصريين ومصلحه بلدنا اسمى من اى شخص ومن اى شئ فوق الجميع حتى ولو كان الريس
اما بالنسبة للناشطه رأيتها على الشاشه وقولتكم انا لم اصتنع خبرا حتى لو كنت اشك بيه
ثانيا لو هى مش حقيقيه المراسلات اللى بتأكد تورط امريكا وحالة التأهب فى اسرائيل وبينها وبين قطر اكيد موجوده على ويليكسس وابقى اتأكد
ثانيا على اعتبار انهم لا توجد وثائق تؤكد كده تقدر تقولى ليه اوباما بيطالب بنقل السلطه رغم ان مصلحته مع مبارك
ليه قطر بالذات وقناة الجزيرة تصر على بث الاحداث ليه مركزة مع مصر م اليمن بردوا فيها ثورة
ما تونس لسه فيها شغب ما الاردن وسوريا فيها ثورة هتندلع يوم الجمعه
هتقولى عشان اهمية مصر هقول كانت اخذت جزء كبير فى اعلامها
والباقى للاحداث فى باقى المنطقة لكن اصرارها بكل الطرق والوسائل لبث ما يحدث فى مصر يثير الشك انا من مشاهدين الجزيرة حتى تبن لي انها تثير نفوسنا ضد بلدنا اكثر من الريس

لا ده مايعتبرش أختلاف ف الرأي ده اسمه نقل أخبار كاذبه واتهام باطل واثارة الفتن بين أبناء الدول العربيه الشقيقه .حتي صيغة الكلام باين انها مفبركه بتقولي واحده اتدربت على ايادي امريكيه ويهوديه في امريكا وقطر!!!!!
يعني انا مش عارف انتي صدقتى الكلام ده ازاي عشان تنشريه المفروض ان الواحد قبل ماينشر حاجه يتأكد منها .. وبعدين عشان تبقي عارفه فيه صحفيين وكتاب تعروفوا على صوت الفاسقه دي ومنهم الكاتب بلال فضل وقال انها سيئة السمعه في مجال الصحافه وان ده كذب وفبركه
قوليلي بقي حضرتك ال حصل ده معناه ايه ؟؟؟ معناه انك تسببتي في نقل أخبار كاذبه ينتج عنها اثارة الفتن والكراهيه
يعني حضرتك عملتي مصيبه من غير ما تدري ياريت ياجماعه متستهتروش بحاجه زي كده
ولعلمكوا الموضوع ده كله الأن أصبح باطل لان تم التأكد انه لا يوجد وثيقه من ويكليكس بهذا الشأن على الأطلاق يعني الموضوع طلع فبركه ع الفاضي
أحنا فالحين بس نخرب بأيدينا ونثير الفتن ونزيد الكراهيه بينا وبين أخواتنا العرب

بالنسبه ليكي غرام ندي انا اسف لو كنت زودتها ف كلامي انا عارف انك متقصديش انك تنقلي اخبار كاذبه بس بجد زهقت من كل شويه الاقي حد عمال يكتب اي كلام وهو ولا عارف بيعمل ايه

وبالنسبه لموضوع اوباما ده
لو تلاحظي معي اول خطاب للرئيس اوباما وفهمتيه كويس هتلاقيه مؤيد جدا جدا لمبارك ومساند له كفايه ان وزيره الخارجيه في البدايه كانت بتقول احنا واثقين في نظام مبارك لانه نظام قوي ومستقر واوباما نفسه انحاز لمبارك في البدايه وكذلك نتنياهو رئيس اسرائيل كلم حكام العالم كله عشان يساند مبارك ويدعم وجوده.. لاكن مع استمرار المظاهرات واشتدادها وظنهم ان نظام مبارك اوشك على نهايته فبدأوا يحاولوا يكسبوا الشعب لصفهم لانه اصبح الأقوي
انت لو تلاحظي او تعرفي سياسة امريكا الحقيقيه مكنتيش قولتي كده لان امريكا هي دائما تساند الأقوي لما يحقق مصلحه لها وبالطبع مصلحتها مع بقاء مبارك ولذلك ساندته ودعمته في البدايه لاكن لم حست ان خلاص نظام مبارك قرب ينتهي غيرت كعادتها من لهجتها
ولعلمك اوباما نفسه قالها ف الاخر .. قال انه يريد كسب صداقة الشعب المصري

وبالنسبه للجزيره
فحضرتك لو كنتي تابعتي الأحداث منذ اندلاعها يوم الثلاثاء 25 يناير تجدين ان الجزيره لم تكن مهتمه على الأطلاق بتلك المظاهرات وناس كتير اتصلوا على الجزيره وعاتبوها هذا اليوم انها غير مهتمه بما يحدث في مصر وانا نفسي استغربت انها مش مهتمه بمصر وكانت مهتمه وقتها بالوثائق الفلسطينيه ومهتمه اكتر بمظاهرات لبنان ال حدثت في نفس اليوم وكانت اخبار مصر في اليوم ده كانت بالقطاره وفضلت كدا ليوم الاربع والخميس
لاكن مع بدايه الجمعه وتحول الأحداث في مصر من كونها مظاهرات إلي ثوره بدأت الأهتمام الطبيعي لها بمصر ولعلمك انتي لو بتبعي الجزيره ع طول هتلاقيها لم بتمسك خبر او حدث بتسخر كل امكاناتها له تعرفي لو كنتي شوفتيها باستمرار ايام حرب غزه مكنتيش قولتيلي كده .. كانت 24 ساعه يوميا اخبار عن غزه فقــــــــــط زي معملت كده على مصر ده بالأضافه إلي اهمية مصر في المنطقه كلها زي ماانت شايفه كل الدول مهتمه بال بيحصل ف مصر
والجزيره اصلا بطبيعتها اي خبر بتمسكوا بالبلدي كده "بتفليه" وده ال حصل ف حرب غزه لو خدتي بالك فما بالك بمصر وهي الأهم في المنطقه كلها
ياريت ياجماعه بجد متنقولش اخبار او افكار الا بعد التفكير بها جيدا والتأكد منها
وانا اسف مره تانيه ليكي غرام ولو في شئ تاني حابه تناقشي فيه انا على استعداد
وربنا يهدي الأمور ويسلمنا جميعاً من كل شر

هي فين الوثائق دي يا جماعه ولا هو كلام وخلاص؟؟؟

موقع ويكيليكس كذب وجود الوثيقة اساساً
لا وشوفو بقى الوثيقة دى واتفرجو على الفضايح
ياللى بتدافعو عن الحكومة المصرية ومبارك
تخيلو التفكير الاجرامى وصل لحد ايه
تخيلو التفكير ده ممكن يجيبلنا مصايب ايه تانى لوقعد فى الحكم الكام شهر دول كمان
ده هينتقم من الشعب وماحدش يقولى ده مالوش دعوه اللى حواليه هما السبب..

وثيقة من ويكيليكس تكشف خطة الداخلية لمواجهة المظاهرات الشعبية
http://wikileaks-a.blogspot.com/2011...g-post_30.html