انا اكره مصر
و بكره المصريين
و بكره الديمقراطية
و بكره الحرية
و بحب التسلط
و بحب الصوت العالي
و بحب ابيع بلدي
و بحب اكون اناني
و بحب الشعب المصري يقول علي اني حمار
و اني مش فاهم
و اني ماليش في السياسة
و اني بحب نفسي و بس
و اني مش بسمع كلام حد
و اني بيعت البلد بوجبتين
و بعت البلد ب 50 دولار
و ساهمت في خراب البلد
و ساهمت في افشاء الفوضي في البلد
و ساعدت الحاقدين علي بلدي في شماتتهم فيما يحدث

و ساعدت ذوي النفوس الضعيفة
و ساعدت الانتهازيين
و ساعدت اللصوص في نهب بلدي مصر
و ساعدت في تشويه صورة بلدي مصر امام العالم اجمع
و ساعدت في ضرب السياحة
و شوهت صورة الانترنت عند كل مصري مش عارف يعني ايه انترنت
و ساهمت في خسائر لقناة السويس التي اممها الرئيس الراحل / جمال عبد الناصر
و ساهمت في خراب اركديا
و ساهمت في سرقة كارفور
و ساهمت في حريق و سرقة هايبر وان
و ساهمت في الخراب و الدمار اللي شمل كل ربوع مصر
و شاركت في تهريب المسجونين
و بحب رأيي هوا اللي يمشي حتي لو كل مصر مش موافقاني
و ساهمت في قتل و جرح الابرياء
و في الاخر هاموت شهيد زي ما قالولي
و مصر هاتبقي بلد حرة مستقلة بفضلي انا و صحابي العملاء
اعتقد هذا حال كل عميل واقف في ميدان " التخريب " ميدان التحرير سابقا
و اللي عنده حاجة يتفضل باضافتها

ربنا يحلها من عنده هوا سبحانه قادر

ايوة أنا عندي حاجة أخيرة ..

ربنا يشفيك ويفتحلك عنيك

العالم كله اتكلم عن مصر الحضارة ومصر الكبيرة بعد ثورتنا ، حتى التلفزيون المصري اللي كان محسوب على النظام السابق غير فكرته وبيقول علينا الأحرار الشرفاء
وانت لسة بتقبض من الحزب الواطي اللي خرب مصر ووصلنا للانفجار

وبعدين عيب تحشي موضوعك اعلانات عن مدونات تافهة وكلمات ملهاش علاقة عشان مصلحتك وبس

كلامك جد جدا وتمام
لكن للعميل فعلا للحيوان اللى بيسمع كلام الغرب

لكن دول ميجوش حاجه جمب شبابنا المصري
لان فعلا كان فيه شباب مصريين بجد مش عجبهم الظلم والجوع والخراب
وكانوا شباب رجاله بجد وماتوا شهداء فعلا

المخربين اللى انت تقصدهم موجودين فعلا بس بدأوا بعد ما شباب مصر قال شروطه ومشي
لكن اللى في الميدان لحد الان هما المخربين العملاء لاسرائيل وامريكا

شكرا يا رجالة و نلتقي بعد الفاصل

ربنا يشفيك

ربنا يشفيك

الاستاذ / mazeeeka

اتقي الله فيما تقول

فين هي الاعلانات اللي بتقول عليها
يا ريت توضحها لي
او توضحها لزوار المنتدي الكرام
و مين قال لك اني حزب وطني
انا لا انتمي الي اي حزب
و هذا ليس معناه تنكري للحزب الوطني
و الحزب الوطني كما يعلم الجميع هوا اكبر حزب في مصر
يعني اكبر عدد اعضاء في مصر
يعني اغلب المصريين بينتموا للحزب الوطني
و لو انت بتستهزأ بالحزب الوطني معني كدة انك بتستهزأ باغلب شعب مصر
و مش معني و جود عدد من الفاسدين في حزب معين ان تحكم عليه انه حزب العملاء

و تقول عليه الحزب الواطي
و يبدوا انك من الناس اللي محتاجة تتوظف
راحت حكمت علي كل الموظفين بالبطالة
و تقريبا رأيك
لو مش معانا تبق مع التانيين

و هوا انت فهمت اني بقول انه من قاموا بالتظاهر هم من قاموا بتخريب البلد
انا قصدي انه البلطجية و الناس اللي هربت من السجون
خرجوا علي حس المظاهرات و استخبوا في وسط المتظاهرين و فعلوا ما فعلوه بمصرنا الحبيبة

كلمة اخيرة
اريد عودة الاستقرار
هذا ما اريده فقط

لا اله الا الله

تصدقوا بالله انا مش عارفه مين الصح ومين الغلط

بس حاسه اننا انتصرنا

حاسة انى فرحانة

فرحانة بشباب مصر اللى اثبتو للعالم كله انهم رجالة وميقبلوش الظلم والفساد

ع العموم ربنا يقدر نا ولمصر الخير

اوافقك الراى

ربنا يشقيك
ولا حولة ولا قوة الا بالله العلي العظيم

ammmmmmmmmmmen

يا عالم فوقو بقي
الحرامية و البلطجية
بينتهزوا اي فرصة
لاشاعة الفوضي في البلد عشان هما عايزين الفوضي تستمر

ربنا يحلها من عنده هوا سبحانه قادر

مصر مش وحشة اوووي كدة
فيها حجات حلوة كتير
نشوف الحلو علشان نعرف نبني مصر
ثانكس

اعتقد هذا حال كل عميل واقف في ميدان " التخريب " ميدان التحرير سابقا
التحرير اعظم مكان ف مصر هو اللي جمع المصررين ف مكان واحد
واللي ف التحرير مكنوش عملة لو كدة تبقي مصر كلها عملة وخاونة ولا اية

يا تونة
انا مش قصدي الثوار و الشهداء
دول عملو حاجة
كانت فوق مستوي تفكير البشر في فترة معينة
انا قصدي
اللي بيروحوا لحد دلوقتي
جمعة النفير
و جمعة اللم المهابيل
و انا شخصيا اعتقد انه اللي علي حق منم مش فاهم هوا بيعمل ايه
هما قلة
و تندس داخل تظاهرتهم
جموع من البلطجية و اللصوص
و الافاقين
حسبنا الله و نعم الوكيل

مش مهم واضافه علي كلامو اللي قالو تاني بقول مش مهم هو حنا ناكل عيش من ورا ده !!

مش فاهم كلامك ياعم الزائر
يا
ادارة انا غلبت اقول بلاش الزائر يعلق
انا مش فاهم كلامه اتواصل معاه ازاي بقي عشان
اسأله يقصد ايه
ما علينا ما دمتم شايفين ده في مصلحة المنتدي
اه بالمناسبة
هوا حزب الاخوان هوا فعلا الحزب الوطني الجديد ولا ده كلام و بس ؟؟؟؟؟؟؟

ميدو ماس

اللى فهمته من ابياتك انك بتتكلم عن فئة الكارهين لمصر

ولكن انت بتحب مصر وناقم على من يفعلوا ضد مصر

بس لم تتضح بالضبط واقصد انك لم تعبر عما تشعر به

اتجاه من يخربوا مصر او لم تحدد موقفك منهم ولكنك لم تقصد

وتركت لنا فهم مقصودك

هل تحليلى مضبوط ام لالالالالالالالالالالا ؟؟؟

هرد عليك رد بسيط جدا فى جملتين فقط لا غير

أولا أتقى الله لأنه داين تدان و زى مادلوقتى بتشوه صورة الناس ربنا أكيد هيخلصه فيك

ثانيا لو جيت على نفسك و نزلت يوم 28 يناير 2011 كنت هتعرف أن نفس الناس الموجودة فى ميدان التحرير من اليوم دة هما هما نفس الناس إلى موجودة دلوقتى , الفرق الوحيد بــــس أن فيه ماتت مننا و لحد دلوقتى مش عارفين نجيب حقهم
يبقى أزاى من سنه و نص كنا أحسن ناس و دلوقتى خونه رغم أننا نفس الأشخاص

أية ياجماعه انتوا طلعتوا الراجل كانة جاى من العباسية وجاى يقول الكلام
اختلاف الراى لايفسد للود قضية .... وبعدين اعتصامات ووقفات فى الوقت الى بتمر بيه مصر حاليا
فهو دمار لمصر -- مصر الان بتحاول توقف على قدميها برئيسي جديد ولسا مفيش خطوات للسلم
نروح احنا باعتصام ووقفات نعطل مصالح البلد يبقا ولا هنوقف ولا هنخصى سلم الى الامام بالعكس هنكون بنزحف للخلف ومش بعيد

ويسقط مجلس الكلاب العسكري عميل امريكا واسرائل والسعودية ...ان كنتم عاوزين تعشوا عبيد للسلطة انتوا حرين بس محدش يجبرنا نعيش جبناء وبنتمسح في البيادات زيه .....سيبقي ميدان التحرير ميدان الاحرار الشرفاء وسيبقي مجلس العار خائنا وعميلا وسيسقط من يستبيح دمائنا وان كنت بتكره مصر فاحنا اللي بتقول علينا عملاء وخونة بنحبها ومش هنفرط في حريتها بالساهل

أية ياجماعه انتوا طلعتوا الراجل كانة جاى من العباسية وجاى يقول الكلام
اختلاف الراى لايفسد للود قضية .... وبعدين اعتصامات ووقفات فى الوقت الى بتمر بيه مصر حاليا
فهو دمار لمصر -- مصر الان بتحاول توقف على قدميها برئيسي جديد ولسا مفيش خطوات للسلم
نروح احنا باعتصام ووقفات نعطل مصالح البلد يبقا ولا هنوقف ولا هنخصى سلم الى الامام بالعكس هنكون بنزحف للخلف ومش بعيد

شكرا يا سيدي
و شكرا لكل واحد علق باحترام
و مزيد من الشكر لكل واحد علق باسلوب مش محترم
الموضوع ده انا عملته بعد الثورة ايام الجمع الاستفزازية اللي قولت عليها
جمعة النفير و جمعة المهابيل
مع احترامي الكامل لقدسية بوم الجمعة
انما ده كان رايي وقتها هما عملوه كدة الجمعة اللي ما فيهاش تضاهر
تلاقي الصيع مالية الميدان
و الجمعة اللي فيها وقفات
تلاقي داخل تظاهرتهم
جموع من البلطجية و اللصوص مندسة
هانت

زي اللي حصل من كام يوم
لما قالو اصل لما يجي ميعاد تسليم السلطة
العسكر مش هايسلموها (( طبعا شافوها في الفنجان - و ربما في المنام )) يا سيدي ابقي اتظاهر براحتك و اقلع هدومك كمان في الميدان
ما حدش هايقول لك انت غلط
بس دلوقت لا عايزين استقرار عشان نختار الريس اللي في اجواء هادية


ربنا يحلها من عنده هوا سبحانه قادر

و يبقي لينا ريس
يطلع بقي فلول يطلع بتاع فول المهم يبقي عندنا ريس
اصل احنا من زمان اوووي من غير ريس و حالنا يصعب علي ........... علينا
كلمة اخيرة
و الله العظيم انا لا انتمي لاي حزب
و انا لم اكن منتمي للحزن الوطني
ولا حتي لما بقي اسمه حزن الحرية و العدالة
انا قاعد اهو و بكرة لما يجي الريس تشوفو ايه اللي هايحصل لو مين مسك مش هايعجب
و بعدين احنا في زمن اسود
كل واحد يقول لو المرشح بتاعه ما نجحش يبقي فيه تزوير
لو فلان اللي نجح يبقي فيه تزوير و نعمل ثورة
احنا عايزين استقرار بقي
كفاية
هو لو اللي في بالك ما نجحش يقي لازم و حكما ولا بد في تزوير
ده في اي شرع ده ؟؟؟
شكرا لكل المحترمين
و شكرا لمن يحترم الرأي و الرأي الاخر
و شكرا لمن لا يحترم احد ولا يحترم حتي نفسه

السلام عليكم

ليه الادارة مابتحذف الموضوع دة هو بيكره مصر ليه بيكتب فى منتدى مصرى ويقول الكلام ده


ليه ؟

السلام عليكم

ليه الادارة مابتحذف الموضوع دة هو بيكره مصر ليه بيكتب فى منتدى مصرى ويقول الكلام ده


ليه ؟

يا افندم
انا مصري و فخور ببلدي مهما حصل فيها
حضرتك لو قريتي الكلام
انا كنت كاتبه من اكتر من سنة و كان انتقاد لاوضاع معينة وقتها
لكن الردود جددت الموضوع تاني

يا جماعة الموضوع ده هنا من التاريخ ده
2011-02-04, 21:33
و غرضي منه انبه الناس ان اللي بيعمل كدة مش مصري و لا ثورجي ولا له دعوة بالثورة

يعني اللي عمل كل ده يبقي عميل مش يبقي مصري
ده كان غرضي اني اسرد الاحداث كلها اللي بتحصل في الوقت ده
من نهب و سرقة
و اتلاف ممتلكات الدولة و ممتلكات الغير
يعني اللي حرق اركاديا ده كان ثائر علي ايه بالظبط
علي النظام
طيب و ايه دخل اركاديا بالنظام
و الهجوم اللي كان علي هايبر
ده كان ليه
علي فكرة
حتي كتابة هذه السطور اركديا زي ما هيا للاسف
بعد كل الوقت ده
لسة لم يتعافي المركز التجاري كليا
و الله كل ما اعدي من قدامه لازم عيني تدمع غصب عني
من اللي حصل له
.
اللي بيحب مصر ما يخربش مصر
و بالمناسبة اللي حصل في العباسية في الفترة الاخيرة
ده ما كانش له لازمة من الاول
تواجد الثوار ولا اللي مش ثوار
و الله ما عدنا عارفين مين الحرامية و مين البلطجية و مين الثوار
الناس اللي كانت عايزة تعمل فوضة في البلد قبل الانتخابات الرياسية بايام
الناس دي مع مين ولا تبع مين و لا عايزة ايه من البلد
حسبي الله و نعم الوكيل
حسبي الله و نعم الوكيل
الاستاذة الفاضلة اللي طلبت من الادارة حذف الموضوع
عايز اشكرها جداااا
لانها بتحب مصر بجد
لمجرد انها قرأت اني اكره مصر طلبت حذف الموضوع
عايز اشكرها عشان حسيت انها غيورة علي البلد بجد
بس انا وضحت كلامي عشان لو كان حد فاهم الموضوع غلط
انا مصري
باحب بلدي
و ربنا ينتقم من الظالمين

حد جاي ؟
.
.

ولا الدور الجاي ؟؟؟

واضح ان جوه عقلك الدفين صرصار مزعج مقار عايز رشه بالبايجون او قاتل الناموس الجبار

شكرا يا افندم
علي المعلومات اللي اكتشفتيها حضرتك
فعلا كنت حاسس بحاجة بتزن
علي فكرة في حاجات تانية في عقلي ما حدش يعرفها
اكيد حضرتك اكتشفتيها
علي فكرة
كلمة مكار بتتكتب كدة مكار مش مقار

معلش المره الجايه هاخذ بالي من اخطائي .. انت ليه ناقم علي الدنيا والثوره والبلد الدنيا علي مائة لون متغيره ومش ممكن هتكون علي حال واحد النهارده وحش بكره احلي حاول تتفائل اضحك للدنيا الدنيا هتضحقلك انما لو خلتها سواد
علي طول مش هتاخذ من ورائها غير الهم .. هل النهارده مثل امبارح ... علي فكره الكل تعبان مثلك للاحداث والتخريب
اللي بيحصل جوه البلد ومحدش راضي بالتخريب لان في ناس اضررت كثير من وراء هذا وناس كثير مصدومه مثلك يعني
مش انت لوحدك المصدوم .. انا اسفه علي التعليق الخايب اللي كتبته في حقك .. لاني مكنتش قرات موضوعك كويس

معلش المره الجايه هاخذ بالي من اخطائي .. انت ليه ناقم علي الدنيا والثوره والبلد الدنيا علي مائة لون متغيره ومش ممكن هتكون علي حال واحد النهارده وحش بكره احلي حاول تتفائل اضحك للدنيا الدنيا هتضحقلك انما لو خلتها سواد
علي طول مش هتاخذ من ورائها غير الهم .. هل النهارده مثل امبارح ... علي فكره الكل تعبان مثلك للاحداث والتخريب
اللي بيحصل جوه البلد ومحدش راضي بالتخريب لان في ناس اضررت كثير من وراء هذا وناس كثير مصدومه مثلك يعني
مش انت لوحدك المصدوم .. انا اسفه علي التعليق الخايب اللي كتبته في حقك .. لاني مكنتش قرات موضوعك كويس

انا اللي اسف
لان الموضوع مش منسق
فتلاقي اغلب الناس تزهق و تمشي
او تشتم و تمشي
بس
لو الموضوع اتقرأ كويس الناس بتفهم قصدي ايه
يبقي دي غلطتي مش غلطة حضرتك
و بعدين الموضوع اساسا من ايام الثورة لما كان عندنا ثورة
نفسي مصر تبقي احسن من الاول مش زي الاول