اولا الخبر تم تاكيده حاليا ان انبوب الغاز الذي تم تفجيره هو المتجه الى الاردن وليس الى اسرائيل كما اشيع اولا حيث ان المتجه الى اسرائيل يمر في البحر، في حين اكدت بعض المصادر الاخرى الصحفية ان الخط يمد الاردن واسرائيل معا !
وكان مصدر امني في شمال سيناء قد اعلن انه في ساعة مبكرة من صباح يوم السبت قد تم تفجير انبوب الغاز الطبيعي الذي يصل بين مصر والاردن قرب منطقة الشيخ زويد الحدودية مما اسفر عن ارتفاع السنة اللهب والدخان التي شوهدت من قبل سكان غزة على بعد 70 كيلو متر

وقد قامت السلطات المصرية باغلاق خط الانابيب لمنع تسرب مزيد من الغاز كما يذكر ان مصدرا امنيا اخر افاد ان مصر اعلنت حالة التاهب القصوى !

ولهذا كنا على منتديات نجوم مصرية ننادي بالاستقرار وعودة الهدوء لان من يقف في التحرير خاليا اصبح يحارب مصر ومبارك معا وهذا مرفوض... لقد كان متظاهرو 25 يناير ابطالا وحققوا مكاسب لم يتخيلها احد ولكن لابد من الوقوف عند حدود العقل والحكمة...

فعلا ياعبدو الوضع بيسوء اكتر ، والمشكلة ان لجنة الحكما الى المفروض يكونوا هما صوت العقل لسة بيقولوا يرحل وميرحلش ، مش عارف والله الناس دى عايزة اية ؟ اقتصاد مصر قرب يقل للنص يعالم حرام !

كل ساعة بتعدى هتعوز اكتر من شهر بعد كدة لتعويض خسائرها

اللهم احمي مصر
يا استاذ عبدة اتمني من المشرفين ان الاخبار تنزل بسرعة مش بعد ساعة و اكيد انتا عارف الخبر بعد ينزل ساعة خلاص خلص و انا بارسل ليك ان حضرتك تضع الخبر في عاجل و مفيش اي رد
ارجوك تسمع لي .. انا و الله بحب المنتدي دة

اولا الخبر تم تاكيده حاليا ان انبوب الغاز الذي تم تفجيره هو المتجه الى الاردن وليس الى اسرائيل كما اشيع اولا حيث ان المتجه الى اسرائيل يمر في البحر...
وكان مصدر امني في شمال سيناء قد اعلن انه في ساعة مبكرة من صباح يوم السبت قد تم تفجير انبوب الغاز الطبيعي الذي يصل بين مصر والاردن قرب منطقة الشيخ زويد الحدودية مما اسفر عن ارتفاع السنة اللهب والدخان التي شوهدت من قبل سكان غزة على بعد 70 كيلو متر

وقد قامت السلطات المصرية باغلاق خط الانابيب لمنع تسرب مزيد من الغاز كما يذكر ان مصدرا امنيا اخر افاد ان مصر اعلنت حالة التاهب القصوى !

ولهذا كنا على منتديات نجوم مصرية ننادي بالاستقرار وعودة الهدوء لان من يقف في التحرير خاليا اصبح يحارب مصر ومبارك معا وهذا مرفوض... لقد كان متظاهرو 25 يناير ابطالا وحققوا مكاسب لم يتخيلها احد ولكن لابد من الوقوف عند حدود العقل والحكمة...

الحكومه يا عزيزي هي من تصنع الدوشه والاضطرابات
الحكومه هي حكومه عصابه وبلطجه
وقمع الثوره المصريه 25 يناير هي شاهد علي ذلك
الجميع يؤكد أن مفجر الكنيسه بالاسكندريه هم رجال العادلي
فهم عصاب متامره علي البلد
نهبوا البلد واكلوا ثرواته
لنا الله

طيب ما يتنحى بقى ويريحنا وخلاص والاخوان قالوا انهم مش هيترشحوا

عـاجل: مصر تعلن أن حريق أنبوب الغاز في العريش كان نتيجة تسرب للغاز

هى المشكله مشكله اخوان لغاية دلوقتى مش عارفين مين عدونا
ياناس ارحمونا بقى ارحمونا
احنا مش مع مبارك
ونفسنا يرحل بس دلوقتى فى مشكله بلدك بتضيع وانت واقف بتتفرج
بالعقل الحكومه عايزة الثقه ترجع هتعمل اللى بيحص ده ولا فى ايد مش عايزه الوضع يتغير سواء من جوه او من بره ايد مش عايزه الوضع ينتهى وتفضل ضد مبارك
فكروا شويه ياناس فكروا
ازاى النظام الحالى عايز يستمر ويهدى الوضع وفى نفس الوقت يخرب البلد ازاى

حسبى الله ونعم الوكيل فى كل ظالم
حسبى الله ونعم الوكيل

والله كل هذا بفعل الحكومة علشان تلهي الشعب وتلفه حولها والحقوا بقى الدنيا هتخرب لو سبناكم

مشكلة ان اغلبية المصريين بتمشي ورا الاشاعات بدون تحقق من الامور ارجو التحقق قبل نشر الاشاعات

بااااااارك الله فيك اخي الفاضل

والبشر اللي في التحرير(( لو تنحي مباااااارك)) لن تنتهي مطالبهم اصبحنا لعبة بايديهم

يااااااااااااااريت نشوف الامور بنظرة ابعد

سيحااسبو امام الله علي الخساااائر لانهم ليسو من بدأ ثورتنا وثورة شباب مصر

يا جماااااااعة والله الشباب اللي هناك والله المسألة اصبحت شخصية بينه وبين الريس

مش مصر ومطاااااااااااالب شعب

يعني دا كلام معقول؟
هيدخلوا اسرائيل باديهم؟
يعني العادلي هيفجر الكنيسة لمصلحة مين؟
النظام عاوز يزعزع نفسه؟
عاوز اسرائيل تقول مصر مش عارفه تامن اتفاقاتها معانا؟

دا معقول؟

يعني دا كلام معقول؟
هيدخلوا اسرائيل باديهم؟
يعني العادلي هيفجر الكنيسة لمصلحة مين؟
النظام عاوز يزعزع نفسه؟
عاوز اسرائيل تقول مصر مش عارفه تامن اتفاقاتها معانا؟

دا معقول؟

حط بقى النقط على الحروف هتلاقى الهدف الوحيد دلوقتى ان المسيحيين ينقلبوا على حسنى هما كمان ويخرجوا للشوارع ، بعد ان اعلن البابا تأيدة للرأى القائل " اعطاء فرصة للتغيير "

يعنى اشمعنا اكتشفوا دلوقتى !

حلوه ذريعه دي

أنا والله مش عارف كل الناس اللى عايزة المظاهرات تنتهى علشان الإستقرار يعود والهدوء يعود وطبعا كلنا عايزين المظاهرات تخلص النهاردة قبل بكرة بس ليه السادة الأفاضل اللى بيطالبوا بإنتهائها بيطالبوا طرف واحد فقط وهو المتظاهرين ليه مفيش حد فيكم قال لمبارك يرحل علشان الناس تروح لبيوتها
قال إيه يردوا عليك ويقولك الشرعية تقول إنه يكمل فترته طيب بالذمة إنتوا مش مكسوفين من نفسكم يعنى معنى كده إن مبارك أتى بالشرعية إزاى طيب وتزوير الإنتخابات وتزوير نعم ولا هى دى الشرعية من وجهة نظركم اللى أتى بيها مبارك

ياجماعه الجروب ده ناس عملته عشان الموضوع ده والادمن بتاعه اعرفه معرفه شخصيه وهو طموحه في الجروب ده انه يوصل بيه انه يكون مؤثر زي كلنا خالد سعيد وغيره
فاتمني كلنا نساعده ونعمل لينا صوت نقدر نغير بيه

http://www.facebook.com/shababForMasr

للأسف كل اللذين يطالبون ببقاء مبارك هم اشخاص يبحثون عن مصلحتهم الخاصة دون النظر لمصلحة البلد .. احب اقولك يا عبده باشا يا احد مؤيدي مبارك السفاح أن حضرتك شخصيا هتعتقل لو الثورة انتهت لانك سمحت بتغطية الثورة ودة طبعا طبقا لقانون الطوارئ .. ونصيحتي ليك متتفرجش علي القنوات المصرية سواء ارضية او فضائية لانها قنوات مليئة بالأكاذيب .. لو حضرتك شايف ان الجزيرة قناة بتسخن خلاص اتفرج وعلي الحرة او البي بي سي .. اتفرج علي أي تلفزيون محايد في العالم هتعرف الحقيقة

يا شباب والله الحكومه دي بتتلاعب بينا طيب لما هو النهرده اقال جمال والشريف من الحزب معملش كده ليه من اول يوم ولا ماكنشي يعرفهم وانهم من اكبر المفسديين في البلد وبعدين ما جمال مبارك مدان زي احمد عز وهو شريكه في كل حاجه ليه حضرة النئب العام ما منهوش من السفر والتحفظ علي امواله في البنوك الي هيا مليارات بره وجوه ولا لسه الواسطه شغااااااااااااله وبعدين طول ما راس النظام موجود لا امل في الاصلاح حد يقولي الريس ما احترمش احكام القضاء في وقف تصدير الغاز لاسرائيل ولا بطلان احكام القضاء في 99%من الانتخابات الي فاتت دي كلها وسائل تهدئه وبعد ما الناس الي في التحرير تروح زي مالافاضل بيقولوا هتلاقي الناس دي كلها برأأأأأأأأأأأه ودمتم
وبعدين انتوا فاكريين ان الثوره بتحصل كل يوم انسوا لو الثوره ماحققتش جميع اهدافها والله ماهتقوم قيامت مصر ابداااا ولا حد هيعرف حتي يقول رايه في السر والمعتقلات واسعه وتشيل
ربنا يحمي شباب التحرير ويوقف معاهم ويأيدهم بالنصر ان شاء الله وعلي فكره دا رأي كل المثقفيين الاحرار