نجوم مصرية
منتديات نجوم مصرية المنتدى العام منتدى الحوار العام



تابع نجوم مصرية على أخبار جوجل




ما تيجوا نفكر فى مصر بجد .......

 

ما تيجو افكر معاكم بصوت عالى اذا سمحتولى يعنى




1- صفحة كلنا خالد سعيد الادمن بتاعها مش مصرى عميل.
2- وائل غنيم جاسوس .
3- شبكة رصد اجانب وعملاء .
4- 6 ابريل وكفاية والاخوان والغد والجمعية الوطنية للتغير والبرادعى
...والوفد والله اعلم مين كمان نصبوا فخ للشباب واستغلوهم لصالح اجندات خاصة.
5- قناة الجزيرة والعربية وبى بى سى وروسيا اليوم والحرة والراى
وسى ان ان وغيرهم كتير مأجورين.
6- المندسين مع الشباب البرىء مدربين على استفزاز الشرطة فى المظاهرات وقابضين .
7-حزب الله والاخوان فتحوا علينا السجون فى نفس التوقيت تقريبا زى ما حصل فى تونس .
8- اقسام الشرطةاتحرقت ومقرات الحزب الوطنى شرحه.
9- الاخوان المسلمين اعتدوا على المتحف لان فيه اصنام ونهبوا اثارنا.
10-عرب نزلة السمان بجمالهم وخيولهم وحميرهم وسنجهم وقنابلهم وووو
تابع نجوم مصرية على أخبار جوجل


والعناصر الاسرائيلية المخربة اندسوا فى وسط الناس عشان يدبحوهم فى التحرير.
11- غير بقى الاسرائيلين اللى فى كل المحافظات والجواسيس والاغذية المسمومة
والتطعيمات المسمومة حقيقة واشاعات وهيسة.
12- كارنيهات افراد الشرطة المزورة والمسروقة لكن باسماء افراد شرطة فعلا.
13-كل اجهزة الدولة ما عدا الجيش الحمدلله انهارت فى يومين .
14-لو الرئيس والحكومة سابوا البلد دلوقتى هتخرب نتوحد ولا للفتنة وكله عشان مصر
<<<<<<<<<<<<<<<<<
بالله عليكم فى اكتر من ده خراب يبقى الحكومة دى وجهاز المخابرات ده كان بيعمل ايه
طول السنين اللى فاتت وازاى سيناريو معروف زى سيناريو تونس عدى عليهم طيب يعدى على
الاغبيا اللى زينا ماشى.......(دى كل ساعة من وجودها معناها خراب اكتر وماخفى كان اعظم)
لما عقول الشباب دى اتلعب بيها طول الشهور اللى فاتت هما كانوا فين .
وبعدين هو لما ابنى يغلط ان كان غلط اقتله سواء برصاصة او تحت عجلات الامن المكزى
او بحرب ايام الجاهلية.
وهل جهاز الشرطة ضعيف لدرجة انه ارهق من المتظاهرين قام انسحب فى وقت واحد.
تلفزيوننا العريق بقى المظاهرات شغالة والدماء تهدر وهو بيذيع يبقى انت اكيد فى مصر
وخبر عن مكالمة تليفونية غاية فى الاهمية وبيحتفل بعيد الشرطة (اطمن), ورصيف نمرة 5
ومشكورا خصص القناة التانية وكل القنوات المنضمة ليها لتلقى الاستغاثات فقط
هههههههههههه عشان الناس تطمن اوى طبعا ويحموا نفسهم ويهدوا (اماااال )
ويعرفوا قيمة الشرطة.
وفجأة سبحان الله نصرة من عند ربنا مظاهرات تأييد وهجوم على كل القنوات من المؤيدين
نفس الاصوات ونفس الكلام شوف ازاااااى ومظاهرة الكورنيش اللى فيها الناس اللى معروفة
ومتسجل معاهم برامج انهم من المهاويس اللى بيتبعوا الكاميرات فى اى مكان شوفوهم فى
الماتشات وصلاة الجمعة فى القناة الاولى مع حبة وجوه من الكومبارس (مواطنين وحقهم مفيش خلاف)
دى مجرد ملاحظةعلى الصدف وللا مظاهرة الحب (مذبحة التحرير) وبالصدفة
ده عشان هم نيتهم حلوة بس يشتغل النت ونعرف ان الناس اللى عليه عملا بس كان عليه
نفس الهجوم بالجمال والالفاظ والاتهمات اللى كانت فى الميدان برده.
اللى بيقولوا ما كانتش ثورة والمطالب اتحققت فعلا ما كانتش ثورة كان كل اللى بنسمعه
عنها انها وقفة وليهم شوية مطالب وانا واحدة من الناس مكنتش مهتمة واستنيت اسمع اخبار
الدوشة والناس اللى هيتقبض عليهم وعادى مظاهرة زى اى مظاهرة من اللى لابتودى ولا بتجيب
شوية ناس عايزة تعمل قلقل يعنى بس فاكرة كويس اوى ان كان من اول مطالبها قانون الطوارىء
والمادة 88 من الدستور لضمان انتخابات حرة ونزيهةوطبعا حل المجلسين الموقرين
( لو حسن النية متوفر ليه تم تجاهل المطالب دى؟؟؟)
ولا للتوريث ولا لفترة ولاية جديدة والمادة 76و77واتفاقية الغاز والوظائف
وفاكرة كويس اوى ان كان شعارهم ( رغيف .. حرية .. عدالة اجتماعية)
لكن يوم واحد من الايام الماضية ومن اول يوم وحق دم الشهدا كافى جدا لانها تكون ثورة
والا نبقى نستاهل الذل ياريت نفوق ونتوحد بجد وننسى الكسل والتهاون فى حقوقنا وننسى الخوف
عشان ينسانا ونفتكر ان الله هو الحق والعدل.
علينا مؤامرات كتير اوى واللى مستنين لنا وقعة كتير اوى والساكاكين مستنيانا ده صحيح فعلا وظهر فى
الايام اللى فاتت جدا كله له اغراض برة وجوه واجندات داخلية وخارجية (كل الناس بقيت بتقول اجندات)
بس احنا ما وقعناش احنا ان شاء الله والحمد لله بنقوم وهنشد حيلنا بامر الله.
( ننظف ونخرج الاول من المستنقع ده ونصحى ونعرف فين الحق بعون الله هنقوى جوى وبرة)
واللى بيقولوا خدم وحارب لكن نهب وظلم هو واسرته واعوانه بما يكافىء فضله واكتر والفضل لله
وحربه وخدمته كانت عمله وواجبه ودلوقتى برده احنا بنساله عن عمله وواجبه ,وبعدين فى حالة
لو قضاء الله نفذ والاعمار بيد الله كانت برده البلد هتخرب ولا ده العناد والجبروت والخروج الكريم
اللى اتفعصوا فى الارض كانت فين كرامتهم بلاش كل اللى اتهانوا السنين اللى فاتت
(مع ان كلهم بشر سواسية عند الله).
واللى لسة خايف لما ربنا يسألك ليه مقولتش كلمة حق هتقوله عشان خوفت من عبدك
( ماعرفتش ان ربك اقوى ؟)
وفرق كبير بين الفتنة والدفاع عن الحق والتمسك بيه ( ان الله لايغير ما بقوم حتى يغيروا ما بانفسهم)
0(ولينصرن الله من ينصره) وفى النهاية وجهات نظر وحريات بس على الاقل لو مش عايزين الفتنة
بجد يبقى نبطل نتهم بعض ونحترم بعض ونحافظ على بعض مها كانت آرأنا ,
ونقول يارب خليك معاناو وصل مصر و وصلنا كلنا لبر الامان.











المقال "ما تيجوا نفكر فى مصر بجد ......." نشر بواسطة: بتاريخ:
mannon
انتى حضرتك ناقلة رد وعملاه موضوع ؟ طيب على الاقل اذكرى دة !
princess.moon
انتى حضرتك ناقلة رد وعملاه موضوع ؟ طيب على الاقل اذكرى دة !

ههههههههههههههه

العكس يامنون ........ دى صاحبة الكلام الاصلى وانا اخدته من عالفيس بوك ورديت بيه لانه بجد احساسي يعنى مش كوبي لمجرد النسخ ..... لا

وكمان هي بنت خالتى اصلا واختى ......... في بيتها يعنى .....

مش حد غريب
ههههههههههه
وردة حمراء
شكرا بجد ليكى
كلامك دة حاجة تشرف
أميرة الورد
انا هرد عليكى بس بكرة يا نيزو
عنية زغللت ناو
والحوار طوييييييييييييل

لي عودة ان شاء الله
قلب هادى
منون نورتينى بجد واشكرك على تركيزك وعلى النصيحة
واحنا بج بخير طالما حسن النوايا متوفر
قلب هادى
مون مون حبيبى هههههههههههه وحشتينى انت فين
قلب هادى
وردة حمرا ميرسىليكى والشرف لى ولينا كلنا قريب ان شاء الله
قلب هادى
حنونة حبيبتى فى انتظارك سلا متك ياقمراية



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
تيجوا نلعب سوى...... الدعوا عامه
أشخاص تحدوا الله عز وجل

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية