السلام عليكم ورحمة الله وبركاته


طبعا المطاهرات خلصت والشعب اخد جزء من حقه فى صورة وعود

والمولد اتفض والناس اللى فى ميدان التحرير هتزهق وهتمشى فى الاخر لان مبارك مش هيتنحى

والتوبيك ده مش بيعبر عن راى معين سواء معارض او مويد

هو مجرد توبيك للضحك فقط

وهنا هنعرض كل الصور والفديوهات والنكت المضحكة الخاصة بميدان التحرير

وهنبدا بالنشيد الوطنى للمولد لنشيد القومي لمولد سيدي التحرير :
ذهب الليل طلع الفجر والشعب اتحرر .. اتحرر
شاف مبارك قاله اتنحى .. والنظام فرفر .. فرفر
الشعب قالوا سيب السُلطة وخلينا فى حالنا
شد نفسه وبعت حرسه وراح جر شكلنا
...قامت الناس قعداله وحلفت ماهى رايحة بيوتها
.........وادى جزات الى يتلامض مع الشعب بتاعنا

وبرضو منقدرش ننكر اغنية المولد مراجيح (وعيال بشوشوش دراويش)



وندخل بقى ع النكت

يعنى ايه كوكاكولا زيرو ...
** يعني مصر تعمل مظاهرات والجزائر تلغي قانون الطوارىء-
**يعنى العساكر والظباط تأخد أجازة نص السنة واحنا نوقف خدمة طول الليل-
**يعني احنا نعمل ثورة والمساجين هما إللي يتحرروا-
**يعنى تبقى واقف فى اللجنه الشعبيه بتحشش و يجى البوكس تقوم تفتشه


بلطجي للعربيه:العيال بيرموا علينا قنابل بلوتوث


مذيعة تسأل صعيدي
لو نجحت مصر في المظاهرات النهارده حيحصل ايه؟
قال الصعيدي:
اظن هنقابل تونس في النهائي


لحكومة اللي تخاف من فيسبوك و تويتر ويوتيوب اخرها تحكم

"farmville


المـــراة خيالهــا واســـع و سريـــــــــع .. ففــي لحظــة واحــدة تنتــقل من :
الاعجــاب
الى
الحــب
الى
.........الـــزواج !!
ثـــم ،
يا انــــــا يا حسنى فى البلد دى :


البنات قالو للريس...ياريس جوزنا كل الشباب الى فى ميدان التحرير واحنا هنخليهم يمشوووو..راح كل الشباب الى فى الميدان ردو فى نفس واحد وقالو: لااااااااااا احنا اسفيييييين يا صلااااااااااااااااااااااااح ^_^


عاجل جدا :الجراح العالمى مجدى يعقوب يصل الى مصر لعمل جراحة فصل التوأمين مبارك والكرسى


عمر سليمان : حسني مبارك ده هو أبونا كلنا ، محشش : ده إحنا طلعنا ولاد حرام يا رجالة


لتليفيزيون المصرى دايما مثبت الكاميرا ع النيل الظاهر كده مستنيين السمك يخرج يقول نعم لمبارك

بـــيـــقـــولـــك مـــبـــارك لـــمـــا قـــابـــل عـــبـــد الـــنـــاصـــر و الـــســـادات فـــســـألـــوه خـــرجـــوك مـــن الـــحـــكـــم ســـم و لا و مـــنـــصـــه قالهم لأ فـــيـــس بـــوك !!!!!!

ليه الريس مش راضي يفهم الشعب؟ لأن أجندته أجنبية


متصلة بالتلفزيون المصرى: أنا ساكنة في ميدان التحرير وأؤكد أن كل اللى في الميدان أخوان مسلمين. المذيع : عرفتي ازاي؟
قالت : شفتهم بعيني بيتوضوا و بعدين يصلوا.....!!!!!!


لنهاردة فى اللجنة الشعبية وقفوا عربية الشرطة ومصرين يدفعوا السواق غرامة عشان مش رابط الحزام

ندخل بقى ع الصور





























































































مش عايز حد ينزعج من التوبيك

الشعب المصرى يشتهر بخفة الدم

حتى فى وقت الازمات


ولو على راى انا شخصيا

مبارك اخطا كتير فى حقنا

بس يمشى دلوقتى لا مش ينفع

مش خوفا من الفوضى والكلام

لا لتغير الدستور

لانه هو الوحيد فى مصر اللى يملك ده





سوال التوبيك بقى


ما الفرق بين التلفزيون المصرى وسبيس تون ؟






يلا يا جماعة انطلقو اللى عنده كلمة يقولها واللى عنده نكته يقولها


واللى عنده تعليق ع الصور ييقول
واللى معندهوش حاجة يقولها

نسيت على فكرة مبارك عايز يمشى وكل حاجة

بس هو مش عارف عشان حظر التجوال


اة والشعار الجديد

الشعب يريد اخلاء الميدان

هو وحش ولا اية

عاجل : المتظاهرون فى التحرير يرفعون سقف المطالب مش هنمشى اوباما يمشى

ههههههههههههههههه واللة قادرين ويعملوها هههه
نورت

جامد ي ايتن تسلم ايدك مجهوووووووووووود خرافي

نورت يا جميل

خبر عاجل ((( مازال الصعيدة يطالبون مبارك بالتنحى))

مبارك: إيه الأخبار يا عمر؟؟... قال له: كله تمام يا ريس. بعنا المصانع وبعنا الشركات وهربنا الأثار وحولنا الفلوس بره و مش فاضل غير الشعب ... مبارك: كويس كده، إنقل المسلمين السعودية و المسحيين أمريكا ... و ابقى إقفل وتعالى

ههههههههههه حلوين اوي واللة
ميرسي يا جميل

انا هعمل الموضوع دة تجميع للنكت

دة اذا كان حد عندوا مانع يعنى

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا
عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين

فكرة حلوة
وطبعا محدش عندة مانع

مره كان البرادعي وواحد من الاخوان و احمد عز
ركبين في عربية بسواق

قال البرادعي : انا لما بخطب في الناس بيصقف
لي مليون واحد

فقال الراجل اللي من الاخوان : انا لما بدخل
المسجد بيصقفلي نص مليون واحد

فقال احمد عز : انا لما بدخل الحزب بيصقفلي
ربع مليون واحد

فرد السواق و قال: انا لو دخلت بكم في حيطه
هيصقفلي 80 مليون واحد

ن فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا نظيف ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا نظيف..
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- نظيف
- نعم يا ريس
ماتنساش ..... توكيل الزلط لعلاء....هههههههههههههههههههه

niiiiccccccccccccceee

thanks ...........

هههههههههه
نكت جامده قوووى
وصور جميله يا تونه
من الاخر الموضوع كله تمام
تسلم ايديك

نورتي يا قمر

تسلمى حلوين اوى

thanks.........

انتى فين مش عارفة اوصلك

انا موجودة
نورتي يا قمر