نجوم مصرية
منتديات نجوم مصرية منتدى المواهب منتدى موهوبين الادب والشعر



يا حسني بيه ... مستني إيه .. ؟

 

يا حسني بيه
مستني إيه ؟
بلدك خلاص
جماد وناس
معدش طايقك
تمشي عليه
انزل وشوف
تلقى الألوف
جماهير بتهتف
معدش خوف
طلبها ترحل
من غير عناد
من غير كسوف
كسوف ده إيه ؟
يا حسني بيه
ارحل وشكراً
على اللي فات
تلاتين سنة
عشنا في هنا
شكراً يا سيدي
ارتاح بقى
نفسي أدوق
طعم الشقا
والعكننة
تلاتين سنة
************************************************** ****

تلاتين سنة
وحكمك رشيد
شعبك سعيد
لا فيه طواريء
ولا فوارق
بين الغني
وبين الفقير
وفيه ضمير
والكل راضي
ومفيش قواضي
ونهب لأراضي
والعدل ساد
مفيش بطالة
ولا فساد
ولا بلطجة
وتزوير إرادة





وكل مادا
الخير زيادة
ومصر صبحت
بلد الريادة
وأغلى عُملة
هي الجنيه
شكراً يا بيه
طبعا بتسأل
إزاي وليه ؟
************************************************** *

ما هوّه ده
دور الإعلام
تلاتين سنة
كدب و أوهام
راجعين ورا
ويقول قدام
بلدك بتغلي
واسأل لاظوغلي
وإعلامنا هادي
والأمر عادي
وكله تمام

لكن كفاية
شبابك قام
وقال مطالبه
ولابد تقبل

بلدك بيدبل
والحل ترحل
بلاش تجيب
عاليه واطيه
يا حسني بيه
مستني إيه ؟








تابع نجوم مصرية على أخبار جوجل، إضغط هنا





المقال "يا حسني بيه ... مستني إيه .. ؟" نشر بواسطة: بتاريخ:
nonosh
بجد من اجمل ما قرات بعد الثوره

تسلم ايدك وانتقائك للمفردات

خالص تقديري
ali_gh
شكرا لك (nonosh )
فكلماتك مشجعة لي لعمل المزيد
strangerofthenight
كلامك جميل ,,

لكن تفتكر كم من الايادى طالت النصيب من وراء ذلك ,

تفتكر من المستفيد ,,

الشماعة وقعت واتكسرت خلاص ,

افتكر حدوروا على شماعة تانية ,,


شكراااااااااااااااااااا
ali_gh
كلامك جميل ,,

لكن تفتكر كم من الايادى طالت النصيب من وراء ذلك ,

تفتكر من المستفيد ,,

الشماعة وقعت واتكسرت خلاص ,

افتكر حدوروا على شماعة تانية ,,


شكراااااااااااااااااااا

فيه مقولة لعادل الإمام في مسرحية الزعيم بتقول "الشعب إلي مصيره في إيده هو الحاكم"

وأهم شئ حدث في الثورة هو تحقيق هذا الهدف

نعم هناك في الشعب المصري بعض العيوب لكنها انتهت مع الثوار



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
معرفة ترتيب الطالب في الثانوية العامة السورية 2013 علي مستوي القطر السوري و مستوي محافظتك و مدرستك
صور تامر حسني 2010 - احدث صور تامر حسني - بوسترات تامر حسني جديدة
تقرير مدير المدرسة والموجه الفنى - من ملف ترقية المعلمين من مستوى وظيفى إلى مستوى وظيفى أعلى
بالصور : مستند جديد يفجر مفاجاة في قضية السندريلا "سعاد حسني "

Powered by vBulletin Version 3.8.8
Copyright ©2000 - 2019, Jelsoft Enterprises Ltd
جميع الحقوق محفوظة © fmisr.com منتديات نجوم مصرية