انا مش ملاك
********
تعبت م السكوت وم الكلام
تعبت م اليالى والسهر
تعبت م العذاب وم الالام
قلبك خلاص بقى حجر
وعرفت ايه معنى الحياه
مش أى فُرقه نقول قدر
وعايزنى أنسى الماضى لا
انا مش ملاك انا بشر
************
مشوارنا كان فى أوله
قصه جميله تتحكى
بس القلوب اتحولوا
حتى القمر شافنا بكى
ووقفت فى وسط الطريق
ضاعت وتاهت خطوتى
وصرخت انا صرخة غريق
ولا حد سامع صرختى
وعرفت ايه معنى الحياه
مش أى فُرقه نقول قدر
وعايزنى أنسى الماضى لا
انا مش ملاك انا بشر
***********
كل الجروح ممكن تطيب
إلا جرحك م الحبيب
جرح عمره سهر الليالى
لا له دوا ولا له طبيب
واللى مكتوب ع الجبين
مستحيل يوم نمسحه
و قلبى عمره ماشاف حنين
ولا حتى لحظه تفرحه
وعرفت ايه معنى الحياه
مش أى فُرقه نقول قدر

وعايزنى أنسى الماضى لا
انا مش ملاك انا بشر
***********

شعر غنائي جميل وكلام حقيقي مش خيال
ومفيش عندي اي كلام اقوله غير الله الله
ويسلم فكرك واتمنالك التقدم
مع مودتي

اشكرك يا جورج ...واشكر وجودك فى المنتدى....وكلامك راقى جدا ...وانت شاعر محترف..