انـا الشهيد

انا اللى طول عمرى مقولتش لأ

دخل الرصاص قلبى وقلبى اتشق

ولما قولت لقيتنى فجأة بموت

مبسوط لأنى بموت علشان الحق

انا الشهيد اللى كان اسمى فلان

مصرى ومصرى الأصل والعنوان

وصورتى اهى مرفوعة فى الميدان

بأيدين منى ومينا وعبد الحق

انا اللى لحد ما موت كنت بموت

فيكى يا مصر ولا اتسمعلى صوت

كنت اشتكى يخدونى بالنبوت

والظلم ياما فوق دماغى دق

والظلم ياما فوق دماغى دق

هقولها تانى ومش هوصيكم

بلدى وأمى امانة فى ايديكم

قوتكوا تبقا منكم فيكم

وصوتكوا هيخلى الحجر هيرد

انا اللى لحد ما موت كنت بموت

فيكى يا مصر ولا اتسمعلى صوت

كنت اشتكى يخدوننى بالنبوت

والظلم ياما فوق دماغى دق

والظلم ياما فوق دماغى دق

رحم الله شهداء مصر
وأسكنهم فى جنة الخلد
اللهم أمين