شارك الخبر عبر الفيس بوك
وسط هتافات المتظاهريين اليوم اثناء الاحتفال بنجاح الثورة صعد وائل غنيم الى المنصة لالقاء كلمة
ولكن يجد المتظاهريين فى نفس واحد يرددون " انزل انزل يا جبان يا عميل الامريكان " حتى تم منعه من القاء كلمته ليخرج من ميدان التحرير مغطيا وجهه بالعلم بعد تمكن رجال الجيش من حمايته قبل ان يتعرض للهجوم من احد المحتجون ويرجع ذلك الى ما حدث فى الفترة الاخيرة بعد دائرة الشك التى تحوم حول وائل غنيم وهذا ما عرضه الفيس بوك وبعض المواقع .

شاهد وائل غنيم يطرد من ميدان التحرير

الراجل دة محترم يا جماعة
وكلها اشعات بيعملها النظام الفاسد علشان يشوهوا صورته

والله محد عارف حاجه شويه يتكلمو عنو حلو ويقولو ابن حلال ومتربى وشوية يجبولو كام صوره فيها رمز بتاع مش شركه لم اعرفها وصور اخرى بها ميداليا فى يده وهذا المشهد تكرر فى اكثر من صور وموضع

احسن
ههههههههههههههههههههههههههههههههه
يستاهل
بنى ادم مالوش لزمة عمل لنفسه قيمة ع الفاضى
وصدق نفسه انه مهم

يا جدعان هو ممكن صحيح شاف نفسه و دا دايما الشعب المصري مبيحبش حد كبير عليه

عندنا كرامة و مش بنقبل ان حد يقودنا
يعني محدش يزلنا ولا الكلام دا كله ولا يغصبنا علي حاجة
دائما المصري حر
دائما المصري مؤمن
دائما المصري غيار علي حريته
دائما المصري يكون قوي

كل لما يطلع حد مننا حلو ولية هدف يبقي لازم يطلعوة وحش
ممكن اعرف هو عمل اية وحش لحد دلوقتي الثورة ونجحت عايزين اية تاني

كل لما يطلع حد مننا حلو ولية هدف يبقي لازم يطلعوة وحش
ممكن اعرف هو عمل اية وحش لحد دلوقتي الثورة ونجحت عايزين اية تاني

ايتن هو عمل ايه اصلا
ادخلى على يو تيوب و اكتبي وائل غنيم
هتشوفى مهازل كتير و تناقضات في شخصيته

أكيد فيه حاجة غلط لأن وائل غنيم شاب محترم ولا أحد ينكر دوره الكبير فى هذه الثورة الرائدة ويجب عليه أن يدافع عن نفسه

بصو بقا الكل يقرا الموضوع ده فيه حقيقة وائل غنيم انا لقيتو على مدونه ومعرفتش اخد الموضوع كوبى او انقلوو
الموضوع الى قصدك عليه عرضناه على المنتدى ..مفيش داعى تضع روابط خارجية

يا جماعة اى حد اخد شهرة لازم يبقى ليه مناقضين ودى مش اى شهرة دا الشاب اللى طلع القوة اللى داخل الشباب وخلاهم متحمسين ارحموه بقى لازم يبقى فيه حد بيتكلم عنه وحش

هو فعلا معملش حاجة البركة في الناس اللي نامت في الشارع طول الثورة هو نام كام يوم في الميدان
احسن انهم عملوا كده هو هيعمل فيها ريس

بعين الله --كل شوية بحال 00000000000000000000000

والله الراجل كان يجب التعامل معه بصورة اكثر حضارية
بالنسبة لى شخصيا هو غير مقنع وباحس انه بيمثل

انا قرات ان اللى منعه كان من حرس القرضاوى اللى هوه ضمن الاخوان المسلمين اللى عاوزين يسقوا الثوره

ربنا يريحنا من الاخوان المسلمين اللى هوه حزب سياسى بيتلاعب بالدين للوصول للحكم

احنا خلاص بنصدق اى اشاعه تتقال

ارجوكم فكروا شويه
محتاجين حبه ثقه بالنفس وائل كان ممكن يكون شهيد دلوقتى

ده قدم روحه على كفه فداكو وفدا مصر

احنا اسفين يابنى حقك علينا

الاصدقاء الافاضل فليكن لكل منا راى ولكن دون سب الاخرين او اتهام احد
اريد ان اوضح انه يجب عدم ترديد الاشاعات ما لم يتم التاكد منها

احنا مبنحبش حد يأخذ الكلام عننا

ارجوا من الاخوة الأعزاء عدم الأنسياق وراء الأشاعات المغرضة و التافهة التى يحاول أذناب النظام الفاسد السابق بما فيها أمن الدولة لأحداث ما يسمى بالثورة المضادة لأجهاض ثورتنا المباركة
وأرى ان هذا الموضوع ل يستحق كل هذه الضجة .

معلش ياجماعة النفوس لسة متوترة وكمان لسة في اعتقالات .. نهدى على بعض شوية لحد الامور تستقر

ستختلف الأراء بإختلاف الألسنه والأفكار ومصادر المعلومات
ربنا يكون فى عوننا كشعب ومنظلمش حد
ويكون فى عون كل مظلوم وينصر الجيش المصرى على اللى هو فيه
امين يا رب

ياجماعه من الاخر نص الناس الي معارضه وائل غنيم معارضينه بس علشان هوه شغال مع








جوجل

ونفسهم يكونوا مكانه طبعا

كان لازم من زمان

الثورة تتحدث عن نفسها أرجو من كل المصريين وانا معكم أن نهدأ ونرى ماذا سيفعلون بنا خلال الفترة المقبلة علشان ما يبقى في حجة بتوقف الاقتصاد والسياحة ومسيرة الانتاج نصبر شوية وبعدين احنا صبرنا 30 عاما مش مشكلة يا اخوانى وأخواتى أن يكون 30 عام وثلاثة أشهر أو ستة حتى وننتظر مع الحكومة المسيرة للأعمال مع العلم أن معجب جدا بوزير المالية أرى أنه فاهم وشريف ومش حرامى وتاريخه أمامه وأيضا ألسيد/ أحمد شقيق أرجو أن يكونوا في الحكومة الجديدة إن شاء الله وربنا يرحم شهداءنا وأرجوكم لا تنسوا شهداء الثورة ودعونا نعمل لهم حاجة وشكرا يا شعب مصر على هذه الثورة التى هى من غير زغيم منفرد ولكن زعيمها هو شعب الشرفاء مصر المظلومين والمقهورين ولكن يدنا بيد بعض لنرتفع بمصر وتصبح من الدول العظمى إن شاء الله والفاتحة للشهداء وشكرا
اخيكم السيد الزقاقى - ميت غمر - دقهلية

الزقاقى
ارجو أن ننتظر غدا والثورة تتحدث عن نفسها ولا وائل غتين ولا إسراء هم المتحدثين باسم الثورة خلوا الناس تشتغل وانا مثلكم انتظر تنفيذ المطالب كلها وبشفافية وربنا يرحم الشهداء الفاتحة لهم جميعا وعقبالنا مثلهم نكون شهداء الواجب
وشكرا
السيد الزقاقى - دقهلية - ميت غمر

والله حرام علينا بجد الراجل تعب وكمان خلونا نحب بعض بجد ونثق في بعض أكتر من كدة وبعدين عميل ولا مش عميل المهم النتيجة بالنسبة لشعب مصر كله مربحة لكن الشك ال فينا هيضيع لنا كل حاجة شفتوا قادة العالم بيقول ايه عن شعب مصر في جريدة المصري اليوم بلاش يغيروا فكرتهم عنا تاني ارجوكم نساند بعض وبلاش نهاجم بعض

فيه ثوره مضاده بتتعمل ضد الثوره

ياجماعه من الاخر نص الناس الي معارضه وائل غنيم معارضينه بس علشان هوه شغال مع


جوجل

ونفسهم يكونوا مكانه طبعا

بلعكس مع احترامى الكامل لرايك
بس انا واحدة من الناس و بعتقد انه مثلى ناس كتير
مضايقه منه لانه فعلا متناقض يظهر بيبكى و بيعصر عيونه عشان ينزل دمعتين
و بعدها بشوية الاقيه طالع بيرقص و يغنى و بيشتم فى الريس
و مرة تانيه الاقي له فيديو مع مجموعة من صحابه بجد بيسخر مننا كشعب مصر
و مضايقة منه لانه بينسب لنفسه فضل مش له
حتى صفحة خالد سعيد ناس كتير اختلفت عليه ان مش هو صاحب الصفحة
لان فى اكتر من صفحة باسم خالد سعيد
وحتى لو هو صاحبها فعلا دة مش مبرر و لا هو الى عمل الثورة
الثورة مش لوائل و لا اسراء و لا حتى البنت التانيه دى اسماء تقريبا
الثورة للشعب الى اتبهدل و اتقتل و الى فقد بنته و الا ابنه و الا زوجها
مش لوائل الى عمال يتنطط من قناة للتانيه و يتكلم عن الثورة و يعين نفسه يتكلم بلسان الشباب ابدا

حررررررررررررررررررام عليك