جبتلكم النهارده أجدد نكت عن الأحوال المصرية الحالية حيث اصبحت مصر محور اهتمام العالم
1 ) حسنى مبارك نفسه يمشى بس العيب مش فيه العيب فى الكرسى الكرسى عليه سوبرغلو
2) الريس: إخبرنى بصراحة يا عاطف ولا داعى للمجاملة أو النفاق
أمرك يا ريس
عاطف : أنا الأفضل ولا عبدالناصر ؟
عاطف : انت طبعا يا ريس .. جمال مين اللى كان بيخاف من الروس !!
ـ طيب أنا الأفضل ولا السادات ؟
عاطف : سادات مين ياريس اللى كان بيخاف من الأمريكان !!
طيب أنا الأفضل ولا عمر بن الخطاب ؟
عاطف : انت طبعا يا ريس .. عمر بن الخطاب كان بيخاف ربنا .. انت لأ
3)واحد بلدياتنا دخل الجيش ووقف حراسة على بوابة معسكر عدى عليه الشاويش
وقاله:اللواء "فريد" جه؟
قاله : ماجاش يا شاويش "خميس" وبعد ساعة رجع له الشاويش خميس وسأله اللواء "فريد" جه؟
قاله لسه ما جاش. وبعد ساعة أخرى رجع له تانى وسأله اللواء "فريد" جه؟
قال له لسه ما جاش. وبعد ساعة جه اللواء "فريد"
قاله العسكرى : أنت فين!! دا الشاويش "خميس" حيخرب بيتك.
4) كمال الجنزوري جه للريس بعد ما شاله من الوزارة وقاله عايز أعرف انت شيلتنى ليه ياريس ؟
قاله يا كمال يا حبيبي التغيير سُنة الحياه ،
قاله طيب شيلت وزير المواصلات ليه
قاله يا كمال يا حبيبي التغيير سُنة الحياة ،
قاله طيب ممكن أسالك سؤال طب ليه انت الوحيد اللى مابتتغيرش
قالوا ياروح أمك تغييركم انتم سُنة لكن أنا وجودي " فرض "
5) يقولك حسنى كان عاوز يغيـر دولارات و مش لاقي في السوق , فراح منادي نظيف:
مفيش دولارات في السوق ليه يا انت نظفت السوق ؟ -
نظيف :الحج و العمرة ياباشا خلصوا على الاحتياطي -
بقولك ايه ..حج ابه وبتاع ايه .. من السنة الجاية الحج يبقى في مصر -
نظيف:يا باشا .. ازاي بس -
اتصرف -
بعد يومين رجع نظيف و قاله : كله تمام يا باشا خلاص الحج حيبقى عندنا
الريس: طب و الكعبة حتعمل فيها ايه ؟ -
حنعملها في ميدان الحجاز - مصر الجديدة و يبقوا يلفوا حواليها -
الريس: طب و السعي ؟ -
ياباشا يبقوا يجروا في طريق صلاح سالم لغاية المطار و يرجعوا -
الريس: و عرفه ؟ -
يطلعوا المقطم ياباشا -
الريس: طب و رجم إبليس يا فالح ؟ -
إتعب معانا شوية بقى يا ريس......
6) واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايزايه
قاله : حسني مبارك خطفوه و الفدية 5$مليون دولار
ولو الفدية ماتدفعتش .. الخاطفين هددوا يدلقوا
عليه بنزين و يولعوا فيه
و احنا بنجمع تبرعات .. تحب تشارك؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين
7) بيقول لك سوزان وجيمي(جمال) وحسني راكبين عربية بسواق
حسني قال انا لما بروح افتتح مشروع مليون واحد بيصفقوا لي
سوزان قالت انا لما بروح مستشفي السرطان نص مليون بيصفقولي
راح جمال قال لما بدخل مقرالحزب ربع مليون بيصفقوا لي
راح السواق قال لهم وانا اذا دخلت بيكم في الحيطة دلوقتي 80 مليون حيصفقوالي
8)مبارك والعائله طالعين بالطياراه:
مبارك انا عايز ارمي 100جنيه وافرح عيله مصريه
زوجته:اقسمها نصين وفرح عيلتين مصريتين .
ابنه جمال:اقسمها 4ارباع وفرَحاربع عائلات
الطيار :ارمي نفسكوفرح 80مليون مصري
9) ذهب نظيف عندما كان نائبا الى نزهة فوجد تمثالا للجندي المجهول يققف ممسكاً ببندقيته فاقترب منه وأخذ يتأمله، فقال له التمثال: لقد تعبت من الوقوف فأحضر لي حصاناً أركب عليه، فتعجب نظيف مما حدث ، وعندما عاد أخبر مبارك بما جرى، فلم يصدقه ، وطلب من نائبه أن يذهب سوياً للتحقق من الأمر وعندما وصل نظيف ومبارك واقتربا من التمثال قال التمثال لنظيف: لقد طلبت منك حصاناً وليس حماراً
10) ست بتشتكى لسوزان بتقولها الراجل باع نص البيت والدهب عشان يجوز الواد ردت عليها وقاتلها دا انا جوزى باع الشعب كلة عشان يجوز الواد
11) مرة سيادة الريس حسني مبارك مد إيده في جيبه لقي 5 مليون جنيه!!
فزعل قوي وخاف وقال إيه الفلوس دي؟ دي الفلوس دي حرام؟
فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ
وهو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي
بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10
مرات.
الريس راح لقي عمنا عاطف عبيد فقال له: أنت بتعمل إيه هنا؟ أنت هتلف كام لفة؟
عمنا عاطف:78 لفة.
الريس: يخرب بيتك أنت؟ ده أنت خربت البلد!!
عمنا عاطف: أنت جاي علي انا؟ روح شوف علاء ابنك جايب موتوسيكل وبقاله 3 أيام
بيلف
12) حسنى مبارك مات وراح على الجنة داخل ولا همة حد وقفة ملاك على الباب قالة رايح فين قالة انت متعرفنيش انا حسنى مبارك وداخل يالا وسع رد الملاك قالة لا كل اللى يدخل اسمة مكتوب هنا ودور على اسمة ملقهوش قالة اطلع على جهنم راح واخد نفسة ورايع على جهنم قابلة الملاك قالة اسمك قالة مبارك دور على اسمة لقاة مكتوب قالة انت تفضل ماشى لما تلاقى بوابة 7 مكانك هناك فضل ماشى سنين وايام وصل بوابة واحد وسنين وايام وصل بوابة اتنين تعب راح مخبط على بوباة 3 طلعلوة واحد شعرة منكوش وشكلة فظيع قالة انت عايز اية قالة عاز بوبة 7 قال رد علية واقلة لية كدة دا انا ابولهب وبوابة 3