فى البدء كان الحنين

..الشمس تنثر النور والاشراق..
الزهور تبسمت للمهج والاحداق..
والنسيم يخطو..والروض يزهو..والدنيا تتقنع بكل الالوان الحلوة..
الانباء افتقدت روميو وجولييت..وقيس وليلى..ومجنون لبنى....
لان زحمة الحياة..وزحف المادة على القلوب والنفوس شغل الجميع..
فقدنا حديث الحب...ولو جاء فهو حب ملوث..ككل شىء جميل لوثته يد البشر..
فقدنا الحديث عن العفاف..عن الروح...عن الوفاء..عن معانى الحق والخير والجمال..
حكايات ...شكايات...الوان ...اشكال...تدور وتتوالد..وينتج عنها معانى مشوهة...وعواطف مشوهة..
زيف يلبس قناع الحق..وباطل يتزيا بزى الجمال..غدر يلبس ملابس الوفاء..
ود بلا ود..عهد بلا عهد....والشياطين ترتدى ملابس الاحرام...
فمالى والاهتمام..وقد فقدت الحياة وانا حى..وانعزلت واعتزلت..
فمالى وللشمس...والقلب متبلد..
ومالى والروض..والنفس جريحة..
ومالى والحب...واين الحب..
يا ليتنى عشت الزمان الجميل..مع الصادقين..مع العاشقين..

...............وبينما انا فى تلك الحالة...اذ بزغ من الليل فجر جديد..
عاد الزمان الجميل...وعاد العاشقين..وبدات الحياة تنبض من جديد..
قصة حب ..رائعة...عايشتها لحظة بلحظة...وكلمة بكلمة..
تاثرت بها كثيرا...كنت اراقبها من بعيد....وانا اتذكر قصص الحب الخالدة..
كنت اسمع الهمس بين السطور..وكنت اراقب لحظات الحب عبر صفحات من الرقة والعذوبة..
لم يكن هذا منى فضولا..ولا تجسسا...ولكننى كنت كمن يبحث عن درة مكنونة..فى كومة من النفايات....
كنت كمن يبحث عن الاشياء الجميلة والنادرة..فى متحف من الكراكيب عديمة الفائدة...
كنت كالهارب من غابات استوائية سكانها جميعا من الحيوانات المفترسة....الى الجنة الغناء الخضراء سكانها من الملائكة النورانية..
...وها انا ذا..اليوم احتفل مع نفسى...بمرور عام..كامل على بداية تلك القصة..او بالاحرى بداية متابعتى للاحداث....وانشر ها بين ايديكم..واتمنى ان اوفيها حقها...
لانها تستحق كل تقدير...هى وابطالها...الذين كتبوا اسمائهم بحروف من عشق..بين قصص الحب الخالدة.....على الاقل بالنسبة لى انا..
ولا اشك...اننى بذلك قد اوقظ الحنين فى القلوب....
فعندما يستكبن القلب للحنين...تغنى كل الجمادات من حولنا...اغانى حزينة او فرحة...وتذوب الدنيا من حولنا ...ونذوب فى الدنيا ..ولا ندرى اين نحيا ...ويقولون عنا مجانين..
عندما يستكين القلب للحنين...فان هذا يعنى ان صلابتنا قد انكسرت...
وان تظاهرنا بالقوة..او القسوة..انما هو مجرد طلاء ..كطلاء الاظافر..سهل خدشه..سهل ازالته..
وتعلن الحقيقة عن نفسها..بان القلب مزروع من الفه الى يائه..محبة ووجدا وشوقا..
الحنين....فرح طاغ يحتل كل النفس...او وهن طاغ يحتل كل النفس..
لا شىء فى المنتصف..لا حلول وسط...لا شىء بين بين...
صفحة تكتب السعادة بكل سطورها...او صفحة تكتب الالم بكل سطورها..
اعذرونى.....لا اقبل سماع شىء عن الحنين الا من ملتاع...
اعزائى....المحبين فيهم من الملائكة الكثير..لذلك هى اكثر المخلوقات طعنا وضربا من الشياطين..
الى هنا ..اترككم مع الاحداث................
********
سلوى/ يا ادهم ...انتا ليه مش بتكلمنى زى الاول..
ادهم / لازم يا سلوى تعرفى ان الوضع تغير دلوقتى..
سلوى / لكن انا مش عاوزة غير انى اسمع صوتك ..واطمن عليك..
ادهم ساخرا / تطمنى ..هه..صدقينى انا كدا بتعذب..وانتى كمان بتتعذبى..
سلوى / لكن بعدك عنى هو اكبر عذاب ليا...كمان هتعذبنى اكتر..
......سادت فترة من الصمت....وصوت بكاء سلوى...يسمعه ادهم عبر المحمول..

ثم قالت سلوى مرتبكة / طب 00 يا ادهم..معلش ..انا هاقفل دلوقتى..واكلمك بعدين..
.....وضع ادهم التليفون جانبا...ونظر الى جهاز الكمبيوتر امامه..وهو يتطلع الى ذلك المنتدى..
الذى شهد على قصة ذلك الحب ...الذى ابى الا ان يكون الى ارشيف الذكريات...وارشيف ذلك المنتدى..
وبدا..ادهم يستعيد بذاكرته بداية ذلك الحب...الذى ملك كل كيانه ..
وزفر تنهيدة عميقة...وترقرقت عيناه بالدموع...وزادت ضربات قلبه....وارتعش جسده...وهو يهمس لنفسه....سلوى...هو انتى ليه سبتينى.....واسلم نفسه للحنين..وبدا يتذكر البداية..

نلتقى فى الحلقة القادمة...

...................

شعرك اكتر رصانة من النثر الفكرة حلوة بس البناء الفنى به بعض التشويه ارجو ان تركز على البناء اللغوى وبناء الصور

...................
اشكر مرورك يا كاكى..
ويكفينى منك تلك النقاط..

شعرك اكتر رصانة من النثر الفكرة حلوة بس البناء الفنى به بعض التشويه ارجو ان تركز على البناء اللغوى وبناء الصور

شرفنى مرورك..وجه القمر..
ولكن عذرا ...فليس هذا نثرا او شعرا...انها قصة مسلسلة..
وتلك كانت مقدمة للقصة...

فى البدء كان الحنين..للحب..

..توجه ادهم كعادته الى كاريزما كافى..وجلس فى الركن المفضل لديه..واخرج تليفونه المحمول..واتصل بصديقه سامح..
ادهم / ايه يا سامح ..انتا مش جاى ولا ايه..
سامح / ايوا يا ادهم..ثوانى واكون عندك..
وضع أدهم التليفون على المنضدة..ثم نادى الويتر ليحضر له مشروبا..وما هى الاثوانى ووجد سامح بجواره...
أدهم / ايه يا بنى اتاخرت ليه..
سامح / كان فيه حتة بنت واقفة بره الكافى...تقول للقمر انزل وأنا اركب مكانك..
أدهم / يا سلام..هو انتا مش هتبطل عينك الزايغة دى..
سامح / هو فيه احلى من الجمال...بص بص..اللى داخلة ع الباب دى..
نظر أدهم الى الباب ولم يجد الا فتاة سمينة جدا..
ادهم / ايه دى... دى تلاقيها كانت موقفة المرور كله...مش انتا بس..
سامح / يا عم مش دى....اللى وراها..
ادهم/ اه عندك حق..هيا امورة...بس اركز علشان هما هنا فى الكافى بيحترمونا..وبعدين يا اخى انا كنت عاوز اتكلم معاك شوية..
سامح / ارغى ياعم.....سامعك..
ادهم / انا خلصت الجامعة ومش عارف اعمل ايه...
سامح / مش بتقول باباك عايزك معاه فى المكتب..
ادهم / لكن انا مش بحب النظام دا...كنت عاوز استقل بنفسى..
سامح / هو فيه حد لاقى شغل اليومين دول..وبعدين انتا بتحب شغل الديكورات والتصميمات...يعنى شغلك هوا هوايتك..
ادهم / مش عارف بأة ..
سامح / خليك مع باباك وشوية شوية ربنا يكرمك..وتفتح مكتب ليك لوحدك....
أدهم / مع ان مخك لاسع..لكن مش عارف ليه بستشيرك..وبقتنع برايك...
سامح / يا بنى انا دماغى دى متكلفة..انا بشرب كابوتشينو كل يوم......تشرب ايه..؟؟
ادهم / انا شربت...اشرب انتا...

************
(بتعملى ايه يا سلوى .....؟؟)
كان هذا السؤال..الذى جعل سلوى تنتفض مذعورة وهى منهمكة فى الجلوس على جهاز الكمبيوتر تتصفح الانترنت...
سلوى / ايه يا هناء...خضتينى..
هناء / اتخضيتى يا كميلة...حد يتخض من أخته حبيبته....انتى بتعملى ايه كدا..
سلوى / انا بحتفل بالنت...أخيرا بابا ..اقتنع ووصل النت..
هناء / بصراحة هو كان خايف من موضوع النت دا...بس هوا طبعا بيثق فينا..
سلوى / متعرفيش يا هناء فين الاقى أذاعة نجوم اف ام..عاوزة اسمع اسامة منير وانا بتصفح..
هناء / أكتبى على محرك البحث...نجوم اف ام......تعرفى مين هيزورنا بكرة..
سلوى / مين يا ترى..؟؟
هناء / عمتك جاية م البلد هى والعائلة الكريمة..
امتقع وجه سلوى...ونظرت الى اختها هناء....ثم شردت بذهنها....

فى الحلقة القادمة..
- ماذا حدث لحسام..؟؟
- سبب زيارة عمة سلوى..

الى اللقاء...

رائع يا ابراهيم وفي انتظار باقي الحلقات
بس ابقي كبرها شويه عشان انت كده بتشوقنى زياده

رائع يا ابراهيم وفي انتظار باقي الحلقات
بس ابقي كبرها شويه عشان انت كده بتشوقنى زياده

اشكرك ندى...وان شاء الله مش هاتاخر..
وبعدين انا اقصد التشويق دا طبعا..

عندما تعشق العين النظر الى اجمل الكلمات ... وعندما يزوغ القلب لسماع احلى الرنات

فهنا تيقن كل اليقين انك تقرأ وتسمع ... ليس لقلم يدور ويجول ولكن لانسان خطفته الدنيا فاتت به من جديد لكن بقلم ديجور ..لا يهدأ ولا يئول الا لكلام زاغت له كل العيون وحنت له كل القلوب ..فمنه من التشويق ما يكون وله من الاحترام اكبر من كذا وكذا فيا الله لقد جنت العقول ..


خالص تحياتى .. فالابداع منك صفه ونعمه من الله عز وجل ادامها عليك ...

بالتوفيق ان شاء الله ..

لكن سؤال يحيرنى ..

بخصوص العنوان ... فانا يدور فى زهنى الكثير من المعانى لكن بعد قرائتى لاول الاحداث وليست احداث القصه بدات الملم معانيها بتفسير ذلك العنوان ...

ولكن من اعماق قلبىلو ادركت ذلك المعنى اذا كان بالصحيح ... فانا من الان وحاضرا وغائبا ساقف لك احترام وتقدير

لاختيار ذلك المعنى للتعبير ... وان لم يكن ما انا بقاصده ... فليس على العكس ما اقول ولكن يزيد ايضا الاحترام والتقدير ..


((الملائكه لا تأكل العسل ))

اخى وصديقى ...العزيز الذى اكن له كل الاحترام..ميدو..
كلامك اعجز امامه دائما عن الرد...فانا لم اجد ردا يفوق الموضوع نفسه الا رد ودك الغاليه..التى اعتز بها واضعها فوق راسى..
يسعدنى تواصلك ونقاشك...ومتابعتك للقصة...وهذا ما يؤكد لى ان القصة قد اثارت انتباهك..واشغلت فكرك وعقلك..
اما بالنسبة للعنوان..فانا اتركه ..لكل قارىء ليتخيل معناه كيف يشاء..
تحياتى الخاصة..اليك...صديقى الغالى..ولا تحرمنا من تواصلك الذى يسعدنى..

عايزه اعرف فى باقى ولا لا بجد عايزه اكملها ويسلمو الايادى

عايزه اعرف فى باقى ولا لا بجد عايزه اكملها ويسلمو الايادى

اه طبعا يا روز...لسة فيه باقى..احنا لسه قولنا حاجة..احنا فى البداية..
تابعى ان شاء الله..والحلقات الباقية هتنزل تباعا..

لو حكينا يا حبيبى...نبتدى منين الحكاية..

أدهم / بص لى يا سامح...بلاش التسبيل بتاعك دا....مش عاوزين مشاكل..
سامح / البنت جامدة جدا يا ادهم..مش قادر اقاوم..
ادهم / أيوا خليك كدا لحد ما نتطرد ان شاء الله.
سامح / نتطرد ايه يا بنى ..انتا مجنون....دا كان الكافى دا يتشمع..
أدهم / اه ما انا كل ما اعدى على محل متشمع....يقولولى سامح اللى مشمعه..
سامح / اه يا خفيف...بص بص..دول رايحين يدفعوا الحساب عند الكاشير..يلا يلا نمشى..
أدهم / ايه..اعقل يا بنى...احنا كل مرة بنطلب الحساب ع الترابيزة..
سامح / قوم بسرعة ...قوم ..
توجه ادهم الى الكاشير لدفع الحساب ...بينما خرج سامح وراء الفتاتين..
ولحق به أدهم وهوغير راضى عن ما يفعله سامح..
وظل وراءهم سامح وهو يعاكس ويقول / اعرفكم بنفسى..سامح الهادى...تالتة اعدادى..
ضجرت الفتاتين من معاكسة سامح...وفجاة..التفتت اليه الفتاة السمينة..وقالت بصوت أجش./.
مش هتحترم نفسك بأة..
توقف سامح..ونظر الى أدهم .
.وقال /اجرى.. اجرى.

********
.

هناء / فيه ايه يا سلوى...وشك اتغير ليه..
سلوى / لا ..لا مفيش حاجة..
هناء /..عيب دا انا اختك..اول ما جبت سيرة عمتك..لقيتك اتغيرتى..
سلوى / اصلها بتفضل تقوللى كلام غريب كدا..
هناء / زى ايه يعنى..
سلوى / يعنى...كبرتى وبقيتى عروسة ..ايه الجمال دا...انا مش هسيبك ابدا..كلام كدا..
هناء / هوا دا كلام يزعل..
سلوى / انتى فاهمة قصدها كويس يا هناء..
هناء / دى جاية علشان تحضر فرحى.....وهتفضل معانا ليوم الفرح..
سلوى / يعنى هتقعد معانا اسبوعين....يا دى الخنقة..
هناء / ايه يا سلوى...عيب تقولى كدا...انتى لازم تبقى عادى..
سلوى / انا مقصدش حاجة والله....انا بحبها جدا...لكن كلامها بيخنق..
قوليلى يا هناء....انتى بتحبى مجدى خطيبك..
هناء / هههه....انتى لسة جاية تسالينى دلوقتى...اه طبعا بحبه وبموت فيه...دا كل حاجة فى حياتى..
سلوى / يا عينى يا عينى...اموت انا فى الرومانسية..
هناء / انا يا سلوى مش متخيلة حياتى من غير مجدى...دا بالنسبة ليا الهوا اللى بتنفسه...وروحى اللى عايشة عشانها...وهو كمان بيحبنى وبيموت فيا ...وانا كل حاجة فى حياته..
سلوى / اهو انا نفسى ارتبط بحد احبه ويحبنى كدا.....نفسى اعيش قصة حب جميلة تنتهى نهاية سعيدة...
زيك انتى ومجدى ..
هناء / ان شاء الله يا سلوى...محدش عارف النصيب فين..يلا تصبحى على خير..
اسيبك علشان تنامى..وتحلمى بفارس الاحلام....اللى هيخطفك ع الحصان الابيض..
سلوى / ماشى يا هناء....تصبحى على خير...
توجهت سلوى الى سريرها..وحاولت ان تسلم نفسها للنوم...
ولكن...
ابى النوم..
ان يداعب اجفانها...
ولم تنم..

فى الحلقة القادمة..

- ادهم....لا يجد من يحبها..
- سلوى...واحساس غريب..

الى اللقاء...

جميل جميل جميل

فى انتظار بقيه الحلقات

اشكر مرورك يا سلمى...
ان شاء الله الحلقات تباعا..

جميله جدا الحلقات
كان نفسي الحلقات تبقى اطول من كدا علشان استمتع اكتر

تسلم ايديك

جميله جدا الحلقات
كان نفسي الحلقات تبقى اطول من كدا علشان استمتع اكتر

تسلم ايديك

يسعدنى متابعتك..صديقى العزيز..
وتسلم ع الرد..
وان شاء الله هاحاول..اطول الحلقات شوية..
المشكلة انها بتيجى طازة من الفرن على المنتدى..
اتمنى متابعتك الدايمة..

انا متشوقة اوى للحلقات القادمة

بجد جامدين جدا جدا

واسفه انى ردى جه متاخر

بجد ممتازة وفى انتظار القادم

انا متشوقة اوى للحلقات القادمة

بجد جامدين جدا جدا

واسفه انى ردى جه متاخر

بجد ممتازة وفى انتظار القادم

وانا و الله يا سونا متشوق اكتر منك..هههه
يسلملى مرورك الغالى..
وعاوز رايك ومرورك باستمرار.

حرام عليك ابراهيم طولها شويه تعبتنا معاك
بس تصدق الحلقه دى جامده
يلا تسلم ايديك

حلقه جميله فعلا واحداثها روعه


تسلم ايدك يا باشا

حرام عليك ابراهيم طولها شويه تعبتنا معاك
بس تصدق الحلقه دى جامده
يلا تسلم ايديك

حاضر من عينيا يا ندى.

القصة من بدايتها مشوقة ورائعة
معلش انا جيت متأخرة
بس فعلا قصة تستحق الرد
يلا كملها واحنا متابعين معاك

حلقه جميله فعلا واحداثها روعه


تسلم ايدك يا باشا

اشكرك يا ميدو..
ويسعدنى جدا ان الحلقا ت بتعجبك..

القصة من بدايتها مشوقة ورائعة
معلش انا جيت متأخرة
بس فعلا قصة تستحق الرد
يلا كملها واحنا متابعين معاك

اشكرك يا حنان على مرورك الغالى..
ونورتى القصة بردك..
ويسعدنى متابعتك..

احنا قصة حبنا ليها ...اكتر من بداية..

انطلق أدهم وسامح الى سيارة الاخير..وهم يضحكون من الموقف..
أدهم / لحظة واحدة وكانت هتبلعنا.....الله يخرب عقلك يا سامح..
سامح / اركب ...هتروح فين دلوقتى..ع البيت ولا ناوى تسهر..
أدهم يركب السيارة / لا..ع البيت..هاسهر على النت ..على فكرة انا مسجل فى منتديات نجوم اف ام..وكاتب شوية مواضيع ..لوووووووووز...ابقى ادخل وشوفها..
سامح / أكيد كاتب فى الرومانسية ..والكلام الخايب بتاعك دا..
أدهم / دى خيابة...خليك انتا مع المذذ بتوعك اللى طاير معاهم..لغاية ما هتقع على جدور رقبتك..ان شاء الله.
سامح / انا يا بنى انسان واقعى...حب ايه ونت ايه...اللى انتا جاى تقول عليه..
أدهم / ماشى يا عم الواقعى..
سامح / انا مستغرب ازاى واحد روش طحن زيك وامور كدا....وعايش فى الرومانسية دى..واحد غيرك كان دوخ كل بنات البلد..
أدهم / ليه يا عمى...هى واحدة بس مفيش غيرها...اديها كل حبى وعينيا وقلبى...ليه اشتت تفكيرى واعيش فى الهلس...لكن الاقيها فين دى..
سامح / انتا بنى أدم غريب ..عمرى ما شفت واحدمش بيبطل هزار وضحك ومرح..وفى نفس الوقت..رومانسى وبتاع مشاعر..تركب ازاى دى..
انزل انزل...انتا جبتلى اكتئاب..
أدهم ينزل من السيارة..بعد ان وصلوا الى منزله..
ادهم / يلا بالسلامة...موبايلات وكدا..اوك..
سامح / اوك..
توجه أدهم الى منزله..ود ق جرس الباب..وفتحت والدته..فطبع قبلة حانية على خدها...
أدهم / سلاموا عليكوا0يا اجمل ام فى العالم...
الام / وعليكم السلام يا بكاش...
أدهم / فين الشباب ..وبابا..
الام / جوا بيتفرجوا على التلفزيون..
أدهم / طب انا داخل أنام..
الام / مش هتتعشى...
أدهم / لا...هاقعد شوية على النت ..وانام...يلا باى..
توجه أدهم الى غرفته...وغير ملابسه..وقام بتشغيل الكمبيوتر..ودخل الى المنتدى الذى سجل فيه منذ عدة ايام..وبدأ يتصفح وهو يستمع الى اذاعة نجوم اف ام...
وبرنامج أنا والنجوم وهواك...
وكان موضوع الحلقة ...
مثيرا..

*******************

حاولت سلوى ان تنام..ولكنها لم تستطع...
فقررت ان تتصفح النت .. حتى ياتيها النوم..
كتبت سلوى فى محرك البحث.....نجوم اف ام...وضغطت على أول اختيار..فظهر لها البلوج غير الرسمى..لنجوم اف ام..
ووجدت ضالتها المنشودة...التى تبحث عنها..وهى إذاعة نجوم اف ام...وسرعان ما دخلت اليها....وبدأت تستمع..
وجدت بأعلى الصفحة كلمة المنتدى....وضغطت عليها...وبدأت فى قراءة مواضيع المنتدى..
ما زال المنتدى فى بدايته....عدد الاعضاء قليل...والمواضيع إلى حد ما قليلة..
أعجبها منتدى الحب والرومانسية....وأيضا منتدى المسابقات..به بعض المسابقات والالعاب التى تثير المرح وتروح عن النفس..
المنتدى الدينى ايضا...رائع ....يشبع ميولها الدينية...
اسجل فى المنتدى دا .... ولا ايه...شكله كويس..
بدأت تحادث نفسها..
لا لا بلاش.....اشوف منتدى تانى....مليان شوية..
وراحت سلوى تتصفح الانترنت...وتبحث عن منتديات أخرى...تجولت وتصفحت..
قرأت وسافرت عبر الصفحات...من أقصى اليمين إلى أقصى اليسار.
وعادت...
عادت إلى المنتدى من جديد..
ليس به ما يجذب...ليس به أغانى ولا افلام...ولا تحميل....ولا غرف دردشة..
ولكن به روح جميلة....لم تشعر بها فى أى منتدى أخر..
هناك شىء ما ....
لا تدرى ما هو..
إحساس غريب إنتابها ..وجذبها الى التسجيل ..
وبدأت مرة أخرى...تحادث نفسها.....
خلاص....ها سجل فى المنتدى دا.....
وبدأت تسجل..
لكن يا ترى....أسجل با سم أيه..عاوزة اسم حلو كدا..
اممممم............اممممممممم...
وجدتها....
ها سجل بالاسم دا...إسم جميل..على إسم بطلة المسلسل الشهير..
وسجلت سلوى....
الأ ن....ستتمكن من تصفح المنتدى بحرية..
الأن....سوف تضع الردود..
الأن....سوف تدخل إلى الملفات الشخصية..
الأن...ستتعرف الى صديقات جديدات..
الأن.....سوف تكتب اراءها ومواضيعها..عبر المنتدى....
الان...
تبدأ القصة..

فى الحلقة القادمة..

- أدهم و حلقة..أنا والنجوم وهواك..
- الموضوع الذى أعجب سلوى..

إلى اللقاء..

برافو برافو

بجد تجنن جدااااااااا

مش عارفه اقولك ايه والله

تستاهل وسام على كده

سلمى..
اعجابك بالقصة..
هو أكبر وسام..

الــلــه علــيــك يــا إبــراهــيــم يــا عــظــيــم

إيه الجمال ده يا باشا

شوقتني أعرف باقي القصه

وان كنت أتمنى ان تنزل خمسين حلقه في اليوم

لكن احب أن أبدي إعجابي بإسلوبك الرائع وسردك المميز

لك مني أجمل تحيه وسلام