|
جميله اوى ومستنيه الحلقات القادمه
|
|
جميله اوى ومستنيه الحلقات القادمه
_____ اشكرك ..على ردك.. وان شاء الله تابعى..الباقى.. |
|
انا زارنى طيفك فى منامى.. أجمل فى الحب يا حبيبتى...هو اننى أحبك..وأجمل ما فى حبى لك...أنه كالمجهول....أتى فجاة.. وبرغم إقترابه منى...وسريانه فى دمى....فإننى لا أعرف أسراره.. كيف أتى...وكيف تملكنى... ويزداد حبك جمالا...كلما عجزت عن معرفته.. الحب يا حبيبتى...لا يعرف الحدود والاماكن...ولا يعرف الأزمنة...و....و.. .........أحبك.... موضوع حلقتنا النهاردة..أصدقائى ..عن .........الحب من خلال الإنترنت.. هل هناك حب من خلال الإنترنت...؟؟ هل هناك حب...إلا عندما تتلاقى الأعين ..والوجوه..؟؟ لماذا دائما نبحث عن المجهول..الذى غالبا ما يسبب لنا الصدمة والألم...؟؟ هل يتحول ذلك الحب الى سراب..؟؟ أم ينتج عنه..زواج وحب للأبد.....وهل يستمر ذلك الزواج طويلا...؟؟ كلمنا.....إحكيلنا عن تجربتك... وهنستقبل اتصالاتكوا ...بعد هذه الأغنية... خايف أقول اللى فى قلبى.........فيروز.. كان هذا هو صوت أسامة منير..فى البرنامج الشهير على نجوم إ ف إم...الذى كان يستمع إليه أدهم..وهويكتب أحد مواضيعه على المنتدى...ويتابع مواضيعه السابقة ..ويضع الردود.. كان من بين الأقسام التى يحبها أدهم..قسم المسابقات...لما به من مواضيع مرحة...وردود تثير الضحك..والتسلية. وقسم الحب والرومانسية....كان يضع به بعض خواطره واحاسيسه... وبينما هو يقلب بين صفحات المنتدى... وجد من بين المواضيع فى قسم الاهداءات والترحيب... موضوع....رحبوا بيا...انا عضوة جديدة... توجه ادهم الى الموضوع..ووضع الرد.. اهلا وسهلا....بالعضوة الجديدة. .ونورتى المنتدى..ويارب المنتدى يعجبك.. وتفيدى وتستفيدى... لكن.....ما هذا الاسم.. ما هذه .. ما هذه الصدفة.. ما هذا الحنين.... .............يبدو اننى قد أصبت العنوان.. ************* أنا زارنى طيفك فى منامى..... قبل ما أحبك.... طمعنى بالوصل وفاتنى....وأنا مشغول بك.. أخذت سلوى تدندن مع هذه الأغنية الرائعة لفيروز.. وهى تضع اول مواضيعها..على المنتدى.. فى منتدى الاهداءات والترحيب.. ثم قامت بوضع عدة ردود على بعض المواضيع فى الاسلامى.. والادب والشعر...والرومانسية.. واستوقفها ذلك الموضوع......وبدات تقرأ..... (( انا شمس...ولكنها مكسوفة.. انا قمر ...ولكنه مخسوف.. أنا سحاب.....لكن بلا ماء.. انا برق....ولكن بلاصوت.. انا نجمة...ولكن بلا بريق.. انا فارس...ولكن تاه منه الطريق.. انا موجود...ولكن كيف الوجود...وقلبى مكبل بالاغلال ...حزين مفقود.. انتظرك يا شمسى ...ويا قمرى.. انتظر الشروق... وانتظر النهار الجديد.. اعلم ان اغلال قلبى ستذوب.. جاءتنى العرافة..هذه الليلة.... قالت لى.... قصتك ستكتب على اوراق الشجر.. ستنقشها كل الدنيا بحروف من نجوم....على صفحات سماوية.. يراها كل البشر..درر ولالىء.. غدا سيأتى الربيع ...وتنزاح الغمة... سينبت زهرك ...وتغنى حدائقك.. ويتناقل الناس أخبارك...وحكاياتك.. فرحت....بقول العرافة..... وانتظرت.. اتمتم الان مناجيا.....متى هذا الفرج..؟؟ وأعود إلى مرقدى...أنتظر هذا الغد الموعود.. بكل الحب...بكل الشوق...بكل الصبر ..والحنين.. وأقطع شوط العمر جلدا لغا يتى..... شراعى صبرى....والمقادير مركبى.. )) كلام جميل جدا...ايه الروعة دى.. تسلم ايدك.. والله كلامك اثر فيا جدا... كان هذا هو رد سلوى على ذلك الموضوع.. لكن.....ما هذا الاسم.. ما هذه .. ما هذه الصدفة.. ما هذا الحنين.... وتثاءبت سلوى.....واستسلمت للنوم.......وحلمت بفارس الاحلام.. فى الحلقة القادمة... - أدهم.....تاه.. - سلوى ....غريبة. الى اللقاء.. |
|
ياسلام علي التشويق
بجد تسلم ايدك |
|
تسلم أناملك يا ابراهيم
جميله الحلقه دي يا باشا القصه بتزداد تشويق وجمال |
|
ياسلام علي التشويق
بجد تسلم ايدك شكرا يا حنان.. ويارب باقى الحلقات تعجبك |
|
تسلم أناملك يا ابراهيم
جميله الحلقه دي يا باشا القصه بتزداد تشويق وجمال القصة بتزيد جمال بردك عليها يا باشا الباشوات.. القصة دى من غيرك ولا تسوى.. |
|
الحلقه جامده جداااااااا
وفى انتظار الحلقه الجديده متتاخرش علينا بقى |
|
ماشاء الله عليك
بقى انا اغيب شويه ارجع الاقيك كاتب القصه الجميله دي بحييك عليها بجد انت موهوب بس انا معنديش صبر نفسي تكتب كذا حلقه في يوم واحد بس بردو هفضل متابعه ابداعاتك يا جميل وخصوصا الموضوع دا بحييك يا قمر |
|
في انتظارك يا ابراهيم
متغيبش عننا كده |
|
اية ياعم الجمال دة
اية الحلاوة دي مستنييييييييييييييييييييييييييين الباقي بجد جميلة جداا |
|
لو الزمان يرجع...واختار.. وجدت سلوى نفسها فى ارض غريبة...واسعة ملساء باللون الازرق..نظرت الى السماء...لم تكن سماء بالمعنى المفهوم.. ولكنها كانت مليئة بالكلمات الكثيرة جدا.. كلمات متداخلة..ولكنها لم تفسر منها شيئا.. كان يحيط بتلك الارض ...اسلاك رفيعة متشعبة.. وسمعت اصواتا تناديها...اصوات تعرفها وتالفها لكن لا ترى احد.. تشعر ان بينهم اصدقاء..ولكنها تحاول ان تراهم..ولا تستطيع.. من بين هذه الاصوات.. سمعت صوتا حانيا رجوليا....صوت شاب يناديها... تعالى يا سلوى.... نظرت يمينا وشمالا...لم تجده... تكرر النداء... قالت / انتا مين.. قال / انا الفارس.. قالت/ انا بستناك من زمان.....تعالى خدنى.. وظهر الفارس..لا يظهر وجهه ولكنها تشعر انها تعرفه منذ زمن بعيد... ظهر وهو يمتطى حصانا ابيض.. مد يده اليها لتركب معه..وهمت ان تمد يدها...ولكن.. لكن ...ظهر اناس كثيرون...جذبوها الى الوراء... حملوها ..ووضعوها فى مكان غريب.. جاءها حصان اسود..... قالوا لها ..اركبى هذا الحصان.. من هؤلاء الناس...ما هذا الحصان....ما هذا المكان..اشعر انى غريبة.. قالت / لا ..انا عايزة الحصان الابيض....انا عايزة الفارس.. انا عايزة الفارس.. سلوى......سلوى..... استيقظت سلوى على صوت اختها هناء..وهى تناديها... هناء / فارس ايه يا سلوى....صباح الخير.. سلوى وهى تتثاءب / مش عارفة ..دا حلم ولا كابوس...خير اللهم اجعله خير.. هناء / قومى يلا ....ابقى احكيلى الحلم بعدين..ورانا شغل كتير النهاردة...جايلنا ضيوف.. سلوى / عمتك طبعا..؟؟ هناء / ايوا....وكمان مجدى معزوم عندنا على الغدا..وهنخرج بعد الغدا...وانا عملالك مفاجاة.. سلوى / لا ...لا ....متقوليش.. ********* وقف أ دهم وسامح امام محل ملابس فى احد المولات بوسط البلد.. ادهم / ايه الموضة الغريبة دى....الواحد مش لاقى حاجة يشتريها..زى الناس.. سامح / ايه رايك فى البنطلون الساقط دا..ولا التى شيرت ابو ترتر...يجنن..دا ممكن ينورلك فى الضلمة.. ادهم / انا مش عارف الشباب اللى بتلبس الحاجات دى...دماغهم فيها ايه.. سامح / كل واحد له طريقة تفكير..وكل واحد فاكر نفسه اشيك واد فى روكسى.. ادهم / تفتكر مين الغلطان...المحلات..ولا اذواق الناس.. سامح / لا طبعا..الذوق العام...لو فيه حد مش هيشترى...طبعا المحلات مش هتعرض..لكن هما بيلاقوا ناس تشترى.. ادهم / خلاص مش هشترى النهاردة.. سامح / ابقى تعالى معايا نروح المحل اللى بشترى منه.. ادهم / انا حلمت حلم غريب اوى امبارح يا سامح.. سامح / احكيلى...تعالى اعزمك على ايس كريم واحكيلى...وانا بفسر احلام ايه...كدا.. ادهم / دا من امتى دا..اوعى تقوللى انك بتقرا الفنجان والكف كمان.. سامح / انا قريت كتاب بن شيرين ..قبل كدا..بتاع تفسير الاحلام دا.. ادهم / شيرين ...ايه يا بنى ..اسمه بن سيرين.. سامح / شيرين...سيرين..اهم كلهم مطربين.. انطلق ادهم وسامح فى الضحك..وتوجهوا الى محل الايس كريم.. سامح / تاخد ايه يا ادهم..انا هاخد مانجو وفراولة.. ادهم / وانا نوجا وفانيليا.. سامح وهو يتذوق الايس كريم / الله ع الجمال..لذيذ اوى هنا الايس كريم.. ادهم / ايوا فعلا..لذيذ..انا بسمع انهم جايبين شيف من ايطاليا مخصوص.. سامح / انتا عارف البولة هنا بكام.. ادهم / خلاص يا عم انتا هتذلنا....ايه البخل دا.. سامح / المهم خلينا فى الحلم.. ادهم / كنت ماشى لوحدى..فى مكان فيه هدوء وسكون .. ظهرت لى بنت جميلة جدا...ورقيقة جدا ..زى الملايكه.. صورتها مش بتروح من بالى..ابدا.. مسكت ايدى...ودخلتنى مكان جميل مليان خضرة وزهور.. ومشينا فيه شوية ..وبعدين ...دخلتنى مكان غريب زى الصحرا.. حسيت بالعطش...كان فى ايديها ميه.. لكن سابتنى عطشان وبعدت....ناديت عليها مردتش..ناديت عليها تانى ..قالتلى خليك عندك.. وبعدت اكتر واكتر.... كنت حاسس ان فيه حاجة بتبعدها عنى بدون ارادتها... وراحت....وسابتنى فى الصحرا لوحدى...تايه..عطشان.. قوللى بقا تفسر الحلم ازاى ...يا بن شيرين انتا.. سامح / بص يا سيدى...انتا كنت نايم من غير غطا...ومن غير شراب كمان...صح.. ادهم ضاحكا / صح يا فالح.....طيب بص هناك كدا... نظر سامح الى مكان ما اشار ادهم.. وفغر ..فاه...ونظر باعجاب ولهفة.. فى الحلقة القادمة.. - سلوى...لا تعطى لها بالا.. -ادهم ..يستغرب من قرار سامح المفاجىء.. الى اللقاء.. |
|
رائع
ويسعدنى انى اول واحده اشوف الحلقه دى وارد عليها تسلم ايديك بجد |
|
رائع
ويسعدنى انى اول واحده اشوف الحلقه دى وارد عليها تسلم ايديك بجد وانا كما ن يسعدنى ان انتى اول رد على الحلقة.. ومبسوط اوى انها بتعجبك.. تسلمى يا رافعة معنوياتى دائما.. |
|
وأنا سعيد اني أكون تاني واحد يكتب رد على الحلقه دي بعد أجمل ملاك وهي سلمى
جميله يا ابراهيم ومنتظرين المزيد ان شاء الله |
|
وأنا سعيد اني أكون تاني واحد يكتب رد على الحلقه دي بعد أجمل ملاك وهي سلمى
جميله يا ابراهيم ومنتظرين المزيد ان شاء الله انتظر ردك...دائما .. بفارغ الصبر.. تحية من خالص اعماقى.. الى ....... روميو |
|
انا كنت ايه..قبل ما اشوفك.. كانت المفاجاة التى جهزتها هناء لاختها..سلوى.هى ان تاخذها معها وهى تشترى فستان الفرح.. وفرحت سلوى... وذهبت مع اختها مساءا.. ثم عادوا....والسعادة تملاهم.. اجتمعت الاسرة كلها...ليحتفلوا بالفستان..ثم بداوا يتجاذبون اطراف الحديث... كانت عمة سلوى متواجدة...ترمق سلوى بعينيها بين الحين والحين.. وسرعان ما همست باذنها.. العمة / سلوى انا عايزاكى فى كلمتين على انفراد.. سلوى / انتى تامرى يا عمتى...تعالى معايا الاوضة بتاعتى.. ذهبت سلوى وعمتها الى الغرفة.. العمة / سلوى ...انا هاكلمك فى موضوع..بينى وبينك..ومش عايزة ردك دلوقتى...فكرى على مهلك وابقى ردى عليا.. سلوى / خير يا عمتى... العمة / خير ان شاء الله يا حبيبتى.. بدات سلوى تستمع الى عمتها وهى فى ذهول واستغراب.. كانت غير مقتنعة تماما بما تقوله عمتها... فى داخلها تابى كل كلمة من كلماتها.. ظلت تستمع دون ان تبدى اى امارات للغضب او الاستنكار..حتى لا تضايق عمتها.. ظلت تستمع..وهى اذن من طين ..واذن من عجين..ولا تعطى لها بالا.. لكن كانت كل خلجاتها...ترتجف.. وزادت ضربات قلبها من وقع كلمات عمتها.. كانت تشعر بالخوف من القادم...ومن المجهول.. اسكتى باة يا عمتى...كفاية كدا.. كانت هذه هى الكلمات التى كانت تحادث بها سلوى نفسها.. واخيرا.... صمتت عمتها.. *********** التفت سامح الى حيث اشار ادهم..فوجد تلك الفتاة التى كان قد قابلها فى الكافى مع ادهم...واحس انه كان يريد ان يراها...وانه كان يشتاق اليها... هذا الشعور تجاهها لم يشعر به تجاه اى فتاة...كان يحادثها ...ووقف ينظر اليها برهة...ولم ينتبه الا على صوت ادهم.. ادهم / ايييييييييييييييييه.......انتا رحت فين يا بنى..مالك.. سامح / مش عارف...لكن البنت دى شدتنى جدا...تصدق انى بفكر فيها من ساعة ما شفتها.. ادهم / يا سلام...ما هو دا طبعك...تتعلق بواحدة وبمجرد ما تكلمك تبقا عادى.. سامح / لا لا...المرة دى فيه حاجة غلط...او ممكن تقول حاجة صح.. ادهم / ربنا يهديك.. سامح / انا مش مروح النهاردة الا لما اكلمها... ادهم / هو بالعافية....ممكن تحصل مشكلة...وبعدين صاحبتها اللى معاها دى مشكلة لوحدها.. سامح / ما هو لازم افكر فى طريقة..فكر معايا يا ادهم انا مرتبك.. ادهم يضحك / بصراحة اول مرة اشوفك بالشكل دا..لكن انا فرحان فيك.. سامح / بص بص ...دول بيبصوا هنا..وبيضحكوا.. ادهم / اكيد افتكروا موقفك معاهم. .ارسل سامح ابتسامة الى الفتاة...فبادلته الابتسامة.. سامح / الحق يا ادهم ..دى بصتلى وضحكت.. ادهم / ايوا يا عم ...ماشية معاك...خلاص كدا...ضحكت يعنى قلبها مال..على راى عمور.. سامح / طب استاذن انا..وحاول تشغل صاحبتها دى.. ادهم / صاحبتها...لا لا..متحاولش..انتا اتجننت ولا ايه..انا هستناك هنا ومتتاخرش.. توجه سامح نحو الفتاة وصديقتها مرتبكا..يخشى من اى رد فعل.. ودار بينهم حوار..وعاد سامح وهوسعيد.. ادهم / هيه..ايه الاخبار.. سامح / اشطا ..لكن صاحبتها واقفة زى اللوح مش عايزة تتحرك.. ادهم / عملت ايه يعنى.. سامح / اتكلمنا شوية..وحبيت اخد نمرتها رفضت..قولتلها اشوفك امتى تانى..قالتلى انا موجودة كل خميس فى كاريزما كافى..الساعة سبعة.. ادهم / ايه ...ناوى تقابل ولا ايه.. سامح / لا ...الظاهر انها ملهاش فى الجو دا..بس المهم اشوفها وبس.. ادهم / يخرب عقلك ..انتا حبيتها ولا ايه.. سامح / احتمال...... صمت سامح لفترة ..ثم قال../ ادهم..انا قررت اخطب.. فى الحلقة القادمة.. - سلوى.. خائفة من المجهول.. - ادهم..مذهول من سامح.. - اول الغيث....قطرة الى اللقاء.. |
|
لا بجد جميلة اوووى انا ازاى مقرتهاش من بدرى
جيت متأحرة انا بس بجد تحفة اوووى بسرعة بقى كملها لحسن الواحد متشوق اووووى |
|
حلوة جدا
متتأخرش علينا عايزين الباقي |
|
لا بجد جميلة اوووى انا ازاى مقرتهاش من بدرى
جيت متأحرة انا بس بجد تحفة اوووى بسرعة بقى كملها لحسن الواحد متشوق اووووى القصة نورت بوجودك يا جولييت.. والبيت بيتك فى اى وقت... واشكر ردك الرقيق.. |
|
حلوة جدا
متتأخرش علينا عايزين الباقي حاضر..حاضر...يا حنان.. ودايما منورة مواضيعى.. |
|
طريق حياتى..مشيته قبلك فى ليل طويل.. خلاص يا سلوى....اتفقنا...فكرى براحتك وردى عليا..لم تتكلم سلوى..ولم تنبث ببنت شفة..ولم تستغرب لكلام عمتها.. لانها كانت تتوقع ذلك الكلام ..من تلميحاتها السابقة.. ولكن كان يعتريها احتجاج هائل...وكانت تصرخ فى اعماقها بالرفض...لطلب عمتها.. تركت العمة سلوى فى الغرفة وخرجت... وتركتها مع هواجسها ..وخوفها من المستقبل.. وتركتها ...تفكر.. ودخلت اختها عليها.. هناء / مالك يا سلوى...انتى قاعدة مبلمة كدا ليه.. سلوى / عمتك يا ستى المرة دى ..قالتها مباشرة كدا...بدون تلميحات.. هناء / قالت ايه.....؟؟ حكت سلوى لاختها هناء ما قالته عمتها...وهى تنتفض من الغضب...والخوف.. والدموع تترقرق فى عينيها..واختها تشفق عليها ... هناء / خلاص يا ستى...قوليلها انك رافضة الموضوع من اساسه...محدش بيغصب حد على حاجة.. سلوى / انا الموضوع دا مش فى دماغى خالص دلوقتى...لكن انا مش عايزة ازعلها..لكن لو اتكلمت فيه تانى....انا هاقولها.. هناء / الخوف تروح تقول بابا...ويبقى الموضوع رسمى...وانتى عارفة بابا بيحبها اد ايه...ومش هيقدر يرفضلها طلب.. سلوى / هى لحد دلوقتى ...تمام....هى قالتلى فكرى وقوليلى بينى وبينك.. دمعت عينا سلوى...وقالت لاختها / انا خايفة يا هناء...خايفة.. واحتضنتها اختها....وهى فى قرارة نفسها..تخاف ايضا على اختها.. هناء / متزعليش نفسك ومتخافيش....محدش بياخد غير نصيبه..تصبحى على خير.. اومات سلوى براسها.... وحاولت ان تذهب عن نفسها الخوف... ولم تستطع... جلست الى الانترنت... ودخلت الى منتديات نجوم اف ام....وراحت تتصفح.. تحاول ان تهرب من همومها.. ********* نظر ادهم الى سامح مندهشا من كلامه.. ادهم / تخطب ايه يا بنى.....اوعى تقوللى انك هتخطب دى.. سامح / ايوا...دى....لكن انا هاحطها تحت الاختبار لفترة.. ادهم / معقول....سامح اللى بيتكلم قدامى دا.. سامح / بص يا ادهم ..البنت فيها كل الصفات الشكلية اللى ا نا عايزها...لكن فاضل بقا انى اشوف اخلاقها..واسال عليها ..وكدا.. ادهم / انا بحلم .....حد يقرصنى يا جدعان.. سامح / بابا يا ادهم عاوز يخطبلى بنت واحد صاحبه...وانا اساسا مش طايق صاحبه ولا طايق بنته.. ادهم / وبعدين....هتروح تقوله انا شفت واحدة ماشية فى الشارع..وعاوزك تروح تخطبهالى.. سامح / لا ..طبعا..الموضوع عاوز شوية تفكير...سيبها بظروفها.. ادهم / انا اتمنالك الخير والله يا سامح...انا عاوز اجوزك واخلص منك.. سامح / قوم قوم يلا نروح...انا عاوز اقعد مع نفسى شوية... ادهم / يلا ..دانتا طلعت داهية.. ذهب كلا من سامح وادهم الى منازلهم.. وجلس ادهم الى منتداه المفضل على الانترنت..كعادته كل ليلة... وتذكر...ذلك الاسم..وتلك التى صادفها اخر مرة.. وراح يبحث عنها... ************* اغلقت سلوى المنتدى..اخر مرة وهى مستغربة من ذلك الانجذاب... وتلك الصدفة التى قادتها الى ان ترد على الموضوع الذى اعجبها.. كانت سلوى..قد سجلت باسم نور.... وهواسم بطلة المسلسل التركى الرومانسى الشهير.. ووضعت صورتها...صورة نور.. وكان الموضوع الذى اعجبها وجذبها ..يحمل توقيع اسم العضو مهند...ويضع صورته.. وهذا هو اسم وصورة البطل... ماجعلها تدخل هذه المرة...وهى تبحث عن مواضيع ذلك العضو ومشاركاته.. اين هو الان.... وجدته فى منتدى المسابقات.. يكتب المواضيع...ويضع المشاركات... تبين لها من قراءتها..لردوده..روحه المرحة...وحب الاعضاء له.. كانت مواضيعه تحمل اكبر نسبة مشاهدة... يبدو انه عضو قديم فى المنتدى.. بدات سلوى..تضع ردودها ..فى منتدى المسابقات..على مواضيع مهند.. وهو يرد...عليها ولا يتجاهلها ابدا... كان يرد...بخفة دمه المعتاده...وقفشاته الخفيفة.. وكان فى كل مرة تقرا رده....تشعر انه بقربها...كانه امامها مباشرة..تحادثه ويحادثها..وجها لوجه.. كانها تعرفه منذ زمن... لم تنشغل سلوى فى تلك الليلة..الا بمواضيع مهند..ولم تضع ردا الا عنده. وكأن المنتدى..اصبح خاليا من كل الاعضاء ..الا مهند.. ولكن...لفت نظرها وهى تتصفح..وتقرا...تلك التوقيعات الجميلة لبعض الاعضاء.. وتلك الصور الموضوعة فى التوقيع.. أنا عاوزة أنزل توقيع....أنزله إزاى.. حاولت مرارا وتكرارا....وباءت محاولاتها جميعا بالفشل.. أعمل إيه...أعمل إيه.. مفيش قدامى غير حل واحد.... الحلقة القادمة.. - ماذا فعلت سلوى.. - أدهم....يضع قدمه..على سلم القدر.. - الى اللقاء.. |
|
تمام اوووووووى
حلو ترتيب الافكار بتخليتى شايفة القصة |
|
جميل اوى
فى انتظار باقى الحلقات |
|
تمام اوووووووى
حلو ترتيب الافكار بتخليتى شايفة القصة _____ انا سعيد بمتابعتك يا جولييت الجميلة.. وانتظر دائما ردك.. |
|
جميل اوى
فى انتظار باقى الحلقات حالا.... الحلقة تنضج على نار هادئة.. حتى تكون كاملة النضج.. من عينيا يا سلمى.. |
|
كان اجمل يوم قد تحدث اشياء فى حياتنا..ولا ندرى لماذا حدثت..وكيف حدثت..ونسلم للقدر.. ما الذى يحدث عندما يرتبط شخص بكاتب ما...او مطرب ما...او ممثل معين.. ما الذى يحدث عندما نرى شخصا لاول وهلة ...فنشعر اننا نعرفه...انه قريب منا.. فترتاح له قلوبنا...ولا ندرى ما هذه الديناميكية التى حدثت.. انه الارتياح النفسى... او لو شئت قل...انه القبول.. هذا ما حدث لادهم...عندما راى تلك ..وذلك الاسم.. صورة واسم نور...بطلة المسلسل الشهير.. كان قد سجل باسم مهند...ووضع فى الرمزية له ...صورة مهند. .كان كمن امسك باول الخيط.. كمن وضع قدمه اليمنى..على اول درجة من درجات سلم القدر... اذن هو الثنائى الشهير... وقصة الحب التى الهبت قلوب المشاهدين.. كانت تلك الصدفة التى قادته الى ان يبحث عن تلك العضوة.. ويحرص ان يرد على مواضيعها ومشاركاتها.. يبدو من طريقة كتابتها...واسلوبها انها رقيقة... هادئة ...ملتزمة.. رقيقة....لان ردودها بها نوع من الشياكة والاناقة والرقة.. هادئة... لهدوء كلماتها البعيدة عن التعصب.. ملتزمة...تكتب دائما فى المنتدى الاسلامى وردودها تنم عن شخصية مثقفة دينيا.. اذن والاسم وتلك الصفات... يا لها من عضوة...تلك التى تعلقت عينى بها .. يبدو ان المنتدى اصبح له اهمية كبيرة.. الامر لم يعد يقتصر على تفريغ الموهبة....موهبة الكتابة.. او التسلية...او اللجوء الى المنتدى للهرب من براثن الحياة...ومشاكلها.. الامر يبدو اكبر من ذلك...بكثير.. بكثير جدا... ********* ليس لدى سلوى طريقة..الا ان تسال اقرب الاعضاء الى نفسها.. واكثر الاعضاء...مرونة...وحب للاخرين.. واستعدادا للمساعدة..... مهند.. ولكن كيف تطلب منه ذلك.. توجهت سلوى الى الملف الشخصى لمهند..من الممكن ان ترسل له رسالة خاصة... ولكن انها خطوة جريئة نوعا ما.. لا انكر..ان الصدفة قد القت بظلالها على ....نفسى...وروحى.. ولكن ليس الى هذا الحد.. الحد الذى يجعلنى..اراسل عضوا... قد يتخيل اننى اسعى لصداقته...او احاول التقرب منه.. اولا يجب ان ادقق النظر..فى شخصيته.. راحت تقرا مواضيع ومشاركات مهند...ولكن هذه المرة بعين ثاقبة....عين باحثة عن شخصية مهند.. لانها تؤمن بالمقولة التى تقول.....قل لى ماذا تكتب ....اقل لك من انت.. لم تجد من بين الردود..والمشاركات الخاصة بمهند ..ما يشير الى انه من هؤلاء التافهين.. الذين يدخلون المنتديات لصداقة الفتيات فقط.. بالعكس....مواضيعه تعكس شخصية مثقفة ...واعية.....جادة..... بالرغم من مرحه وقفشاته التى تثير الضحك احيانا.. انها معادلة صعبة...ان يجمع الشخص بين الثقافة والجدية.....وبين المرونة والشخصية المرحة كانت سلوى...كمن يحمل ميكروسكوب.....ويبحث عن اى فيروسات او ميكروبات لفظية وكلامية..بين ردود مهند...ولكنها لم تجد ...ما يشيبه.. مواضيع هادفة.....ردود مهذبة...... اذن.... العضو مهند...شخصية محترمة.. ومع ذلك كله...لن اراسله.. وصرفت سلوى عن راسها تلك الفكرة.. وراحت تكتب احد المواضيع....وترد على مشاركات الاعضاء.. ولكن ما هذا..؟؟ ما هذا الرد...؟؟ انه احد ردود الاعضاء..ولكنه تجاوز الحدود.. وتمادى بالالفاظ...ما جعل سلوى تستشيط غضبا... وردت عليه باسلوب مهذب ...وافهمته انه يكتب فى منتدى محترم..ولا يجب عليه ان يتحدث بهذا الاسلوب.. ولم يرتدع...وتمادى فى اسلوبه الفج.. .ماذا تفعل سلوى...؟؟ انها لم تتعود ان تسب احدا...او تدخل فى سجال..او معارك..لان هذا الاسلوب بعيد عن شخصيتها.. سوف تتجاهله.. وتجاهلته سلوى..ويبدو انه مصمم على اسلوبه الفظ...فعاود الهجوم... الم يره احد..ليرد عنى...الم يره مدير المنتدى..او اى من المشرفين.. وزاد غضبها... قررت سلوى...ان تخرج من المنتدى نهائيا... ...ولكن هناك...ما اثناها عن قرارها.. ورقص قلبها فرحا... فى الحلقة القادمة.. - ما الذى اثنى سلوى...عن قرارها.. - أدهم...والحنين.. الى اللقاء.. |
|
جميلة اووى
مستنية الحلقة الجاية بسرعة |
|
جميله اوى الحلقه دى
تسلم ايديك |
|
جميله جدا الحلقه دي يا ابراهيم
انا اول ما بدخل ع المنتدى بجري على القصه دي بسرعه وحتى قبل ما اسجل اسمي انت مبدع يا صديقي |
