نجوم مصرية
منتديات نجوم مصرية المنتدى العام أخبار مصرية



الحقيقة كاملة حول سالى زهران , هل هى شهيدة ام منتحرة ؟

 

قبل قراءة هذا الموضوع نرجوا الدعاء بالرحمة لكل مسلم
شوفت عدة مواضيع حول حكاية منتشرة الفترة الاخير بتقول ان سالى زهران شهيدة التحرير توفت فى سوهاج وليس القاهرة واقوال تقول انها انتحرت وليس شهيدة حيث انتشرت اراء عبر المواقع والمنتديات تؤكد انها انتحرت وليس شهيدة كما اذاعه وسائل الاعلام .

سالى زهران الذى نعتبرها حتى وقتنا هذا انها شهيدة ضحت بحياتها من الحرية حيث طلب اهلها رفع صورة لها بالحجاب ليتم تداولها عبر وسائل الاعلام والمواقع بدلا من المنتشرة لها





ترددت انباء بأن اهل سالى زهران ظهروا على قناة otv وقالوا ان ابنتهم كانت تريد ان تذهب للمظاهرات وان والدتها منعتها فحاولت النزول من البلكونة فاختل توازنها وسقطت .

فيديو لوالدة سالى زهران تقول انها توفت فى سوهاج نتيجة سقوطها من البلكونة




فيديو تسجيل لاحد الشهود على ضرب سالي زهران في ميدان طلعت حرب



اليكم بعض الادلة المنتشرة على المواقع والتى تؤكد الاشاعه المنتشرة

تم التعليق على هذه كلاتى " ان احد مستخدمى الفيس بوك بحث عن صفحة خاصة بعائلة سالى و وجد صفحه خاصة بهم لم يجد سوى 3 تعليقات يدعوا لها بالرحمة رغم انه في تلك الحالة العائلة كلها ستكون فخورة بتلك الابنة الصغيره و بانها شهيدة المظاهرات او كما يسمونها الثورة و كانو سيهللون لها و يقيمون الافراح على شهيدتهم الصغيرة "

لكن الصفحة ليس فيها اي شىء من هذا القبيل و هذا غريب ؟؟



المهم فى دى تعليق الاخ احمد زهران في الصفحة تاكيد على كذب هذا الادعاء و ان اخوها قال انها ماتت في سوهاج.

صور اخرى من جريدة المصرى اليوم تحتوى على بعض الاراء ول تلك الاشاعه







اخبار منتشرة فى موقع يدعى سوهاج كما تقول بعض المنتديات

انتحار الانسة سالي زهران
ألقت بنفسها من الدور العاشر بشارع الجمهورية لتصبح جثة هامدة
وذلك لان اخوها منعها من الخروج في المظاهرات
خال البنت دي يبقى زميل بابا وه حكاله على الخبر
وطبعاً انا استغربت اوي لما لقيت صورها منتشرة عالفيس بوك انها من ضمن شهداء الثورة
!!!!!!!!!!!!!!!!!!!!!!!!!!
هل هي فعلاً كدة شهيدة أم لا
أنا من رايي المتواضع انه مهما كانت الاسباب مينفعش اغضب ربنا واموت منتحرة
قامت الجموع المتفرقة فى سوهاج بثورة غضب فى سوهاج فى شارع البحر وميدان الشهيد وميدان الثقافة وكانت كاميرا سوهاج اون لا ين وسط هذه الجموع وحاول الأمن منع مصورينا من تصوير المظاهرات وتلك التنديدات التى تطالب بإسقاط النظام وقام المتظاهرين بتكسير عدد من اليفط المؤيدة للنظام وحرقها واستمرت هذه المسيرة ما يقرب من الساعة والنصف حتى فرقتهم قوات الأمن بالقنابل المسيلة للدموع وخراطيم المطافى وبعد المظاهرات شهدت سوهاج حادثة انتحار آنسة سالى زهران حيث ألقت نفسها من الدور العاشر بشارع الجمهورية لتصبح جثة هامدة عقب انتشال اخيها من المظاهرات .


تابعوا معنا كل ما هو جديد حول ما يدور عن سالى زهران , لمعرفه هل هى شهيدة ام منتحرة ؟







تابع نجوم مصرية على أخبار جوجل، إضغط هنا





المقال "الحقيقة كاملة حول سالى زهران , هل هى شهيدة ام منتحرة ؟" نشر بواسطة: بتاريخ:
akhamis17
فيديو يؤكد ان ما يدور اشاعه
نسال الله ان ينتقم من كل من يحاول ان يسىء لابطال التحرير


akhamis17
رد احد اعضاء المنتديات

موضوع سالي زهران بجد بجد بقي مستفز جدا
البنت دي انا اعرفها شخصيا واعرف عائلتها كلها
ودي من سوهاج مش من القاهرة بس كانت بتشتغل في القاهرة
بس اهلها مقيمين هنا في سوهاج
ويوم جمعة الغضب اتصلت بي صديقة لي وقالتلي خبر وفاتها
في الاول بكيت كتير واتاثرت اوي لاني اعرفها شخصيا ولانها صغيرة في السن هي عندها 23 سنة
وبعدين نفس الصديقة قالتلي انها ماتت منتحرة وانها رمت نفسها من الدور التاسع في عمارتهم فوق صيدناوي بشارع الجمهورية بسوهاج
والسبب ان اخوها رفض خروجها للمظاهرات طبعا سبب غريب اوي للانتحار
وطبعا جوزي رفض اني اروح اعزي والدتها لان المنتحر لا تجوز عليه لا صلاة جنازة او عزاء
وكل اهل سوهاج عارفين الموضوع ده
فوجئنا كلنا بعد كده بصورها علي النت وعلي التليفزيون بانها شهيدة المظاهرات
وانها ماتت في ميدان التحرير طبعا كلنا صعقنا ايه الكدب ده ؟ معقولة كده!!!!!
من منتحرة الي شهيدة!!!!!!!!!


ودلوقتي اي اغنية وطنية الاقي صورتها أول صورة
فين المصداقية انا لما بشوف صور الشهداء بتأثر اوي وببكي علي سنهم الصغير
لكن لما بشوف صورة سالي باشعر بغصة
طيب الشهداء ماتو ازاي وانا اعرف منين انهم شهداء ميدان التحرير


انا سمعت اني في عالم مصري عايز يكتب اسمها علي مركبة فضائية متجهة للمريخ
بصراحة انا كنت مش عايزة اتكلم في الموضوع ده لان سالي دلوقتي في عالم الاموات بس الساكت عن الحق شيطان اخرس

يا جماعة اللي من سوهاج يدخل علشان يأكد كلامي لان الموضوع انتشر في سوهاج زي النار في الهشيم
Eragon88
اتقوا الله في الشهداء
هو الحزب الواطي مش هيبطل
akhamis17
اتقوا الله في الشهداء
هو الحزب الواطي مش هيبطل
ربنا ينتقم من مثيرى الفتنة وبيحاول يسىء لشهداء التحرير
ايتن
لية كل حد في مصر حلو لازم يطلعوة وحش
ربنا يرحمك
سالي شهيدة حرام كدة
thanks
roro13
اللى كانو معاها فى ميدان التحرير هما اللى قالو انها ماتت متأثرة بجراحها بعد مابلطجى ضربها على راسها وبعدين الفيديو ده هو اللى مستفز جدا
akhamis17
لية كل حد في مصر حلو لازم يطلعوة وحش
ربنا يرحمك
سالي شهيدة حرام كدة
thanks
فعلا لازم كل بطل حقق نجاح كبير
تحوم حوليه اشاعات
وانا لما قريت الموضوع ولقيت كلام كتير حوليه قولت نشوف
راي اعضاء نجوم مصرية

شكرا لمرورك
medo ghupa
الله اعلم فلندعوا لها هي جميع امواتنا بالرحمه
akhamis17
اللى كانو معاها فى ميدان التحرير هما اللى قالو انها ماتت متأثرة بجراحها بعد مابلطجى ضربها على راسها وبعدين الفيديو ده هو اللى مستفز جدا
فعلا انا اريقت ده على كذا موقع وبالنسبة للفيديو احنا بنحاول نجمع اكبر
معلومات عن الموضوع واحنا كلنا مساندين لسالى وواثقين الحد اللحظة دى
انها شهيدة
akhamis17
الله اعلم فلندعوا لها هي جميع امواتنا بالرحمه
ربنا يرحم كل مسلم
اجتماعى اخر حاجه
بصراحه امر عجيب اوى لو الناس دى فاضيه ومش لاقيه حاجه تكتب عنها روحوا شوفوا الطاغيه القذافى ولو هى مؤامره احب اقلهم العبوا غيرها خلاص الى كان بيظبط الامور مشى زمن الاشاعات انتهى
akhamis17
بصراحه امر عجيب اوى لو الناس دى فاضيه ومش لاقيه حاجه تكتب عنها روحوا شوفوا الطاغيه القذافى ولو هى مؤامره احب اقلهم العبوا غيرها خلاص الى كان بيظبط الامور مشى زمن الاشاعات انتهى
فعلا عندك حق
safy480
طب احنا عايزين نعرف هى شهيدة و لا لا كل واحد بيقول حاجة غير الثانى
akhamis17
والدة سالى زهران : سالى سقطت من البلكونة بعد اختلال توازنها فى سوهاج


mahmoud elsharkawy
انا عايز افهم حاجة هى هتفرق معاكم فى اية انتحرت ولا استشهدة دة اجراها... او صوبها عند الله

مش من عندكم ...ولا معاش ولا اسم شارع هينفهعا فى الاخرة ...

اتقى الله واذكروا محاسن موتاكم
akhamis17
شاهد على تعرض سالى زهران للضرب من بلطجية فى شارع طلعت حرب


mahmoud elsharkawy
انت شايف حاجة ......

طيب هنصدق مين ونكدب مين

اهـــــــــا انا عرفت دــــى فزورة صح

تعرف تحلها اصل انا مش عارف ........
akhamis17
انت شايف حاجة ......

طيب هنصدق مين ونكدب مين

اهـــــــــا انا عرفت دــــى فزورة صح

تعرف تحلها اصل انا مش عارف ........
والله ياباشا انا بعرض كل حاجة خاصة بالموضوع
عشان اشوف راى الناس وخصوصا ان والدتها ظهرت
وشاهد ظهر وبالنسبة للحقيقة ربنا وحده الى يعلمها
princess.moon
اختلااااااااال تواااااااااازنهااااااااا

ركزوا شوية ياجماعه في الحتة دى ........... كانت بتهدد والدتها بس

لانها كانت عايزة ترجع تانى في المظاهرات

ولما والدتها رفضت ..... راحت عالبلكونة بس اختل توازنها ووقعت في الشارع وماتت

هى شهيدة حسب نيتها للمطالبة بحقى وحقك وحق كل المصريين ....... ومش منـتحرة

وتحتسب مع شهداء الثورة لانها كانت بتعمل كده عشان الحرية

حرااااااااااام اى حد يقول عليها كلمة وحشة

حسبى الله ونعم الوكيل في اى حد يقول انها منتحرة وكلام فارغ من ده

كلااااااااااااب الحزن الواطي مش عايزين يبطلوا

ربنا ينتقم منهم
akhamis17
اختلااااااااال تواااااااااازنهااااااااا

ركزوا شوية ياجماعه في الحتة دى ........... كانت بتهدد والدتها بس

لانها كانت عايزة ترجع تانى في المظاهرات

ولما والدتها رفضت ..... راحت عالبلكونة بس اختل توازنها ووقعت في الشارع وماتت

هى شهيدة حسب نيتها للمطالبة بحقى وحقك وحق كل المصريين ....... ومش منـتحرة

وتحتسب مع شهداء الثورة لانها كانت بتعمل كده عشان الحرية

حرااااااااااام اى حد يقول عليها كلمة وحشة

حسبى الله ونعم الوكيل في اى حد يقول انها منتحرة وكلام فارغ من ده

كلااااااااااااب الحزن الواطي مش عايزين يبطلوا

ربنا ينتقم منهم

متفق معاكى تماما
موعدنا الجنه
ده بدل ما نقول ربنا رحمها ونقرلها الفاتحه
يقولو عليها انها منتحره
حسبى الله ونعم الوكيل
akhamis17
ده بدل ما نقول ربنا رحمها ونقرلها الفاتحه
يقولو عليها انها منتحره
حسبى الله ونعم الوكيل

ربنا يرحمها ويرحم جميع المسلمين
godzela55
يعني ماتت منتحرة ولا شهيدة هتفرق في ايه ؟ .. حتي الشهداء منقدرش نحكم اذا كان ربنا هيحتسبهم شهداء ولا لا .. فمفيش داعي بقي نقعد نقول نطت من البلكونة وشربت سم والكلام العبيط دة .. والاصل اساسا هو النية .. معتقدش ان وحدة بتحب بلدها للدرجادي ولقت ان حلمها بيتحقق والبلد وبتنهض تقوم ترمي نفسها من البلكونة عشان منعوها من مظاهرة !

فإذا كان اللي بيتكلم مجنون يبقي المستمع عاقل .. وانا طبعا بحب المنتدي يتابع كل الاخبار .. بس انا مختلف جدا مع الاخ احمد خميس في وضعه للموضوع دة لانه نقاش لن يؤدي لشيئ سوي الاساءة للشهداء .. وفي النهاية هنقعد نقول البيضة اللي جت الاول ولا الفرخة ؟ ومش هنوصل لنتيجة
akhamis17
يعني ماتت منتحرة ولا شهيدة هتفرق في ايه ؟ .. حتي الشهداء منقدرش نحكم اذا كان ربنا هيحتسبهم شهداء ولا لا .. فمفيش داعي بقي نقعد نقول نطت من البلكونة وشربت سم والكلام العبيط دة .. والاصل اساسا هو النية .. معتقدش ان وحدة بتحب بلدها للدرجادي ولقت ان حلمها بيتحقق والبلد وبتنهض تقوم ترمي نفسها من البلكونة عشان منعوها من مظاهرة !

فإذا كان اللي بيتكلم مجنون يبقي المستمع عاقل .. وانا طبعا بحب المنتدي يتابع كل الاخبار .. بس انا مختلف جدا مع الاخ احمد خميس في وضعه للموضوع دة لانه نقاش لن يؤدي لشيئ سوي الاساءة للشهداء .. وفي النهاية هنقعد نقول البيضة اللي جت الاول ولا الفرخة ؟ ومش هنوصل لنتيجة
حرية الراى مكفولة والمنتدى زى مبتقول لازم يتابع كل الاخبار المنتشرة وعليها جدل كبير
ومش الانترنت كمان لوحده هو الى قال كده ده كمان وسائل الاعلام
ظهرت والدة سالى على برنامج على قناة otv وشرحت الامر وقالت انهم قالوا عليها تعرضت للضرب من بلطجية,وانا عرضت الموضوع بعد ظهور فيديو على اليوتيوب يسىء ليها وظهور شاهد يقول انه شافهافى شارع طلعت حرب واعتدى عليها مجموعه بلطجية , ووالدتها طلعت قالت ان كل ده اشاعه وانها توفت فى سوهاج .
وانا متفق فى الراى معاك ان ده نصيبها وربنا وحده يعلم ان هى شهيدة ولا لا ؟
وكل الى نقدر نقوله ... ربنا يرحمها ويرحم كل المسلمين .
أميرة الورد
( اذا اتاكم فاسق بنبأ فتبينو ان تصيبو قوما بجهالة )صدق الله العظيم

اللهم ارحمها واغفرلها وارحم جميع اموات المسلمين
لا إله إلا أنت سبحانك
غنى كنت من الظالمين
Ahmed Diso
انا اعرف واحد كان رايح يسرق المتحف المصري
اضرب بالنار و مات و احتسب شهيد و صورتة موجودة مع الشهداء
جدة مصرية
فى كلتا الحالتين نطلب من الله سبحانه وتعالى ان يجعل روحها الطاهرة بالجنة
ولأن النية كانت الدفاع عن الوطن والمشاركة بجانب شباب الثورة بالتغيير من الفساد الى الاصلاح
والبنت رحمها الله كانت بالمظاهرات محمولة على الأكتاف وكانت تهتف بكل وطنية مع الثوار وذلك قبل اليوم الذى توفت فيه
الله يرحمها رحمة واسعة
Al yasergi
لا حول ولا قوة الا بالله ، مفيش فايدة في التحليلات الكبيرة والتخوين والكلام الفاضي اللي ملوش لازمة ..
وائل غنيم وبعد كده سالي زهران وبعد كده بقية الشهدا ، وبعد كده تيجي ناس تشكك في موقعة الجحش وتقولك دي كانت هلوسات ، وبعد كده يجي يقولك ثورة ايه ؟؟ انا مسمعتش على حاجة اسمها ثورة حصلت في مصر ؟؟

ياراااااااااااجل دا حتى عمرو موسى دلوقتي بقوا يشككوا فيه ؟؟؟؟
لا حول ولا قوة الا بالله

سالي زهران ماتت شهيدة في شارع شامبليون بعد ما اتضربت على راسها واتبهدلت من بلطجي وهيا مروحة بيتهم ودا كلام كل الناس اللي كانت في التحرير وشافوها وخلصوها من ايدين البلطجية

الله يرحمك ياسالي .. معلش انتي في الجنة ان شاء الله عشان كده بيحسدوكي وعايزين يشوهوا صورتك

ارجوكم اتأكدوا مليون % قبل ما تنقلوا او تحللوا حاجة لأنكم كده بتساعدوا في تشويه الحقيقة وربنا هيحاسبكم حساب عسير

انا شيلت صورتها قبل الحجاب ، لأن اهلها طلبوا كده وواضح ان لسة في ناس مش فاهمة ومصرين يحطوا صورتها قبل الحجاب .. لو سمحت متحطش تاني ولو لقيت ليها اي صورة من غير حجاب في اي موضوع تاني يقابلك شيلها وربنا هيجازيك خير



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
بالصور الحقيقة كاملة حول الشهيدة سالى زهران , هل هى شهيدة ام منتحرة ؟
بالفيديو: سالي زهران لم تمت علي يد البلطجية بل وقعت من البلكونة
منى زكي تجسد "سالي زهران" شهيدة ثورة مصر
صورة سالي زهران شهيدة الثورة بالحجاب التي طلب اهلها نشرها

Powered by vBulletin Version 3.8.8
Copyright ©2000 - 2019, Jelsoft Enterprises Ltd
جميع الحقوق محفوظة © fmisr.com منتديات نجوم مصرية