بجد ربنا يهديهم
بجد والله احنا كناا بنسمع كلام فى الشاارع
والمعكسات فى التلفوووووون
ده بجد سوووووووء تربيه
بجد والله احنا كناا بنسمع كلام فى الشاارع
والمعكسات فى التلفوووووون
ده بجد سوووووووء تربيه
|
بجد ربنا يهديهم
بجد والله احنا كناا بنسمع كلام فى الشاارع والمعكسات فى التلفوووووون ده بجد سوووووووء تربيه |
|
بصى يا قمر انتى قولتى مع احترامى لكل كلامك الا انى مش موافقة عليه لان مش مصر بس اللى بيحصل فيها كده ده كل العالم بيبقى فيه الظاهرة ديه تقدرى تقوليلى لو عايزة متتعكسيش هتروحى فين ع الاقل هنا ف مصر لو حد سمع نصايح من حد و بيقوله يبطل المعاكسة عشان كذه و كذه و كذه و انا جربت ف اكثر منحاجة فاحمدى ربنا انك ف مصر انا ماقولتش ان مصر بس اللى بيحصل فيها كده انا عارفة ان الموضوع ده موجود فى العالم كله لكن احنا منقدرش ننكر تزايد الموضوع ده بشكل رهيييييب اوى فى الفترة الاخيرة وبعدين ليه يكون موجود من اساسه ليه ما نتلتزمش بدينا وتعاليمه السمحة بصراحة مقدرش اقول غير ربنا يهدى كل الشباب والرجالة يااااارب و تعقيبا على كلامك بصى انا معاكى ف كل ده بس البطالة و الحاله الاقتصادية السيئة كل ده حصل ليه عشان اللى بتعمله ده اصلا ازاى يبقى بتعاكس ف ديه و ديه و ربنا يوفقك ف الشغل و يديك فلوس و تتهنى مهو انت اللى حطيط نفسك ف المشكلة ديه و كمان ده مش مبرر انك تعاكس او تتحرش ببنت لا دور على شغل و حط ف دماغك ان طول مانت بترضى ربنا ربنا هيوفقك صدقنى و متخليش الشيطان يوذك و يقولك ملكش دعوة عاكس و الكلام ده استعيذ بالله من الشيطان الرجيم صدقنى ربنا مبينساش حد بيحبه و بيعمل كل حاجة عشان يرضيه اولا اللى انا قولته ده كان من وجه نظر علماء الدين لأنهم شايفين ان الظروف المحيطة جعلتهم يرتكبوا الجرائم دى انتقاما وكأنها هتقلل من احباطهم وتعبهم لكن بصراحة انا بقى مش مع ده لان انتقامهم بيجى فى حد مالهوش اى ذنب وبعدين بصراحة كدة وزى مابيقولوا عذر اقبح من ذنب وفى الاخر يا قمر عايزة اقولك شكرا لانك قدمتى فكرتى ونشرتى رسالتى وكمان انتى ليه بتقولى انك قدمتى الحلقة بشكل مش كويس انا عن نفسى عاجبنى الحلقة اوى والتفسيرات اللى فى الاخر جزاكى الله كل خير يارب و عندك حق بينتقموا من حد ملوش ذنب يلا ربنا يهديهم و مستنياكى ف بقية الحلقات باذن الله |
|
حبيت اكون اول واحد يرد بجد الموضوع معروض بطريقة اكتر اكتر من رائعة في بداية كلامي احب اشكر طبعا ريهاام و moon star علي الحلقة الي بجد بتتكلم عن موضوع في وجهة نظري اخطر من موضوع التدخين.. بجد انا مش لاقي اي كلام اقولو بعد الي قراتة بجد الموضوع...... كامل انا مش هقول غير كلمة انتي كررتيها اكتر من مرة مبقاش في دم بجد كان عندك حق فيها انا وانا ماشي مع اختي ..... بلاش واللة مع امي ...مش عارف الناس دي بقت ......... مش هقول غير حديث الرسول صلي اللة علية وسلم (افعل ماشئت فكما تدين تدان ) بجد حطو الحديث دة قاعدة قدامكو بجد صح صح 100% لو مكانش في اختك يبقي امك يبقي بنتك تبقي بنت خالتك , بنت عمتك انا مش هقول ان في بنات دلوقتي بيحبو يتعاكسو ..وبيدو فرصة للشباب يعملو فيهم كدة ويعاكسوهم ومش هقول بيبقو فرحانين وهما بيتعاكسو العيب مبقاش من الاولاد بس للاسف انا شايف ان طول الموضوع وانتي بتقولي ان اللبس حرية شخصية ويلبسو الي هما عايزينة ... وميتعاكسوش والله انا معاكي ومش معاكي معاكي فان دي حرية شخصية فعلا ودي بقي علاقة بينهم وبين ربنا وبين اهلهم بس مش معاكي فان البنت تلبس ملابس زي دي وكمان تنزل اماكن هي عارفة انها هتتعاكس فيها لو نزلت كدة (دة لو مكانتش قاصدة ) .................................... اما بقي عن موضوع الاغتصاب الي بجد حاجة تزعل يخبر اس....... اية بجد الاستفتائات دي......لا لا بجد اية الي حصلنا الفقر و البطالة و الحالة الزفت الاقتصادية ( الله يخرب............. الي عاملين فينا كدة ) ولو...ولو ..فين دينا فين اخلاقنا ....... احنا روحنا فين...... اية الي وصلنا لكدة بس........ اية بجد مش لاقي كلام اقولة غير.......... لا حول ولا قوة الا بالله وشكرااا بس فيه نقطة انى انا مقولتش للبنات البسوا اللبس ده عاادى ذا كنت انا اول واحده معارضة للبس اللى البنات بتلبسوا و شكلهم بيبقى مستفز فازاى اقول البسوا كده و كمان انت قولت ديه حاجة بينها و بين ربنا فموضوع اللبس مندخلش فيه او ممكن نقولها كنصيحه اتقبلتها كان بها متقبلتهاش منعدش بقى نقولها و كمان ذا كان اهلها موافقين على كده ربنا يهديهم و منتظرة حضرتك ف بقية الحلقات باذن الله |
|
الله الله الله الله الله عليكى انتى بجد مواضيعك هايلة
و منتظراكى ف بقية الحلقات |
|
بجد حلووو جدااااااااااااااااااااا ياريهام
واسلوبك جميل اوووى والفكرة جت فعلا فى الوقت الصح بجد شكرررا ليكى ياريهام ومنتظرة باقى الاجزاء على ناررر  asmaa
|
|
حلوة اووووووووى بجد الحلقه وقدمتيها بشكل راااائع اووووى ياريهام
رااااااائعه منك بجد والاروع انها بتناقش قضيه مهمه جدااااااااااااا وهى المعاكسات والاغتصاب ونفسى اى ولد قبل ما يعاكس او يمشى مع بنت يفكر بس انه يحطها مكان اخته اكيد ولا عمره هايفكر انه يعمل كده معاها ولا يعاكسها ولا يقربلها وللاسف انتشار الافلام الاباحيه على النت والصور والمناظر والافلام بيزيد من كل ده وبيحصل مع كل البنات مش مع اللى لبسهم وحش بس انتى كده ياريهام اتكلمتى فى جزء من اللى كان فى دماغى باقى كده جزء وتكونى كده جبتى اللى كنت عايزاه يارب الحمله دى تنجح وتجيب تاثير داااااايما بتختارى موااااضيع حلوة مهمه جدااااااااااا ومااعتقدش ان فى اى كلام يتقال بعد كلامك فى الحلقه انتى شملتى كل حاجه وربنا يهدى شبابنا جميعا |
|
اولا احب اشكرك يا ريهام على حلقاتك الحلوه دي
ثانيا بقى بجد احسنتي في اختيار مواضيعك وبصراحه انا عايشه براااااااااا مصر واحيانا بشوف الكلام دا بس مش بيبقى اوفر يعني وانا لما بنزل مصر اجازات بردوو بشوف الحكايه دي وبصراحه بسبهم يهوووهوو وبمشي لاني بتاكد انهم مختلين عقليا هههههههههه والله يعني لما يعكسوو وكدا هيستفيدوو ايه نفسي افهم والله العظيم انا بستحقرهم جدا الله يهدي الجميع |
|
السلام عليكم.... ازيك يا ريهام ياللى منورة المنتدى كله بمواهبك
اولا.... احب اوجة رسالة لكل الاعضاء الجمال فى منتدانا منتدى نجوم اف ام ( صحيح انا اتأثرت بشدة من حلقة التدخين واضراره ونويت اقلع عن التدخين لكن لما شوفت اسمى مكتوب باللون الاحمر قولت التدخين احسن بكتير لاننى مش بحب اللون الاحمر خالص .... ثانيا ... انا بشكرك جدا جدا جدا على موضوع الحلقة لان الموضوع ده مدايق ناس كتير منهم انا انا مش بتعاكس ولا حاجة لكن كل يوم تحصل مشكلة فى المكان اللى مقيم فيه بسبب النيلة المعاكسة وطبعا انا ليا اخوات بنات ممكن يصحونى من احلى نومة علشان اجيب لهم لبن ولا اى حاجة من الماركت لانهم مش بينزلو يشترو من الشارع بسبب الناس اللى فاضية للمعاكسة وانا من رأيى ان اى حد بيعاكس واحدة ماشية فى الشارع ده بسميه انسان ناقص تربية ومش محترم لانه زى ماعمل فى بنت من البنات هيتعمل فيه انسان همجى مش يعرف حاجة عن الاخلاق ولا الذوق وانا كده وصلت رأيى لكل واحد عاكس واحدة ماشية او حاول يدايقها ميرسى ليكى عالحلقة الجامدة دى تحياتــــــــــــــــــــــى,,,,,, |
|
شكرا على الموضوع
واكيد نقص الوعى الدينى هو الاساس فى هذا الموضوع مع انتشار القنوات والمواقع الاباحية وان الشهوة الموجودة في الرجل قوية جدا , وبتعمل ضغط نفسي رهيب عليه.. وكمان الشاب اللى حاسس انه مش هبيقى ليه مستقبل في البلد دى, وانه مش هيلاقى شغل بعد كدة وحتى لو لقى شغل مش هيبقى مرتب كويس ممكن يفتحله بيت ولا هيعرف يجيب شقة يتجوز فيها, ومع ذلك كل ده مش عذر طبعا لانه بيعمل حاجة تغضب ربنا سبحانه وتعالى.. لكن من وجهة نظرى اساس القضية هى الحالة الاقتصادية ,وفقدان الامل في المستقبل ,وفقدان القدوة. |
|
السلام عليكم
طبعا حلقة مهمة جدا وبها كلام وإحصائيات مذهلة وفي غاية الخطورة بصراحة مش عرف اقول ايه بعد الاحصائيات اللي جبتيها والاسباب التفصيلية للمشكلة بجد بقت مشكلة مستفزة جدا فعلا الموضوع ده بيضايق وفعلا الصحبة ليها دور يعني اصحابي ما شاء الله محترمين ولذلك حتى لو انضم لينا زميل ومريض بداء المعاكسة ده بيحترمنا وبيمشي عدل ومحترم المشكلة لما بيكون واحد زميلنا بيحب الموضوع ده لما بسأله بتستفاد ايه يقولك يا عم البنت بتحب تتعاكس وبعدين ياما علقت وصاحبت بنات بعد ما عكستهم عامة ربنا يهدينا ويكرمنا ويبعد عننا شر انفسنا تحياتي وتقديري للحلقة الممتازة لي عودة في حالة فكرت او طرأ على بالي تعليق مفيد في موضوع الحلقة وشكرا |
|
اولا انا متأسف جدا علي التأخير في الرد
بس المهم الظاهرة دي بجد انتشرت بطريقة غريبة جدا والمشكلة اني بلاقيها في كل بلاد اروحها بس المشكلة واحدة عند كل الناس وهي سوء التربية او اصحاب السوء " افعل ما شئت كما تدين تدان " بجد كلمات بسيطة جدا لكن معبرة ومعناها قوى جدا الواحد لما بيعمل حاجة زى كدة مش بيفكر في ربنا ولا اخته او اقرب الناس اليه وهي والدته ومش عارف كمان ان دة ممكن يترد في اخته او والدته كل همه هي ان البنت تعجب بيه وبس بس انا للأسف كنت بشوف حاجة زى كدة بس الغريب اني لقيت البنت متقبلة الكلام دة بجد حاجة غريبة جدا بس انا عاوز اعرف فين دور الاباء من دة الاباء زى ماقولتي دورهم سلبي دة حقيقي طيب انا هقول حاجة حصلت حقيقي واكيد كلنا سمعنا عنها الحكاية دي حصلت من حوالي شهر شاب عنده حوالي 40 سنة اتعدي علي امرأه عجوزة عندها حوالي 90 سنة يعني في سن والدته انا بجد زهلت اول ما سمعت الخبر دة وللأسف انها حصلت هنا في مصر واللي بجد ضايقني جدا ان المجرم دة اخد براءة حسبي الله ونعم الوكيل انا مش عارف احنا لية بقينا سلبيين في حاجات كتير احنا لو حطينا ربنا في المقام الاول عندنا والله العظيم مش هتحصل حاجة من دة بس للأسف احنا كل همنا الدنيا ومشاغلها واللي بيحصل دة وفي كتير من الاباء لو عرفوا ان ابنهم عمل حاجة زى كدة بيكون ردة علي الموضوع دة " يابني متعملش كدة تاني " لا والله هو دة اللي قدرك عليه ربنا والله انا كان ليا واحد صاحبي كان بيعمل كدة ومكنتش بمشي معاه علشان اللي بيعملوا دة ومرة واحدة لقيته التحي وبقي متدين خالص سألته عن التغيير المفاجئ دة وكنت بقولة علي اللي كان بيصدر منه قبل كدة ردة عليا هو انه بكي مكانش مصدق انه كان بيعمل كدة قالي انا مش عارف ازاي انا كنت غافل عن ذكر الله انا مكنتش بصلي ولا كنت بعرف كتاب ربنا دة فيه اية بس الحمد لله ربنا هداه ويارب يهدي كل شباب المسلمين انا كنت عاوز اكمل كلامي بس لقيت نفسي هطول عليكم اكتر من كدة وشكرا ليكي ياريهام علي الحلقة الجميلة دي ومن نجاح لنجاح |
|
شكرا لكل اللى تابعوا الحلقة و يا رب تكون بجد عجبتكم و بجد كلكم نورتونى و منتظراكوا ف بقية الحلقات باذن الله و ربنا يهدينا كلنا يا رب
|
|
موضوعك جميل جدا يا رب ناس تحرم اما تسمع الكلام ده ونمشي مرة بسلام يا رب والله انا بشكرك جدا وبهنيك على الامتياز الرائع ده
|
|
سوري انا دخلت متاخره بس قرات كل الحلقات وعجبتني جدا وجزاكو الله كل خير وبجد فرحت جدا ان كتير منكو مشترك والموضوع شاده وبجد عايز يتغير
بس انا ليه راجاء ممكن علي اد منتو اتشدتو كده اوي وعاملين تقولو السلبيات الي فينا وفي الشباب وعارفين الصح من الغلط ايه بقي هنفضل نقول يعني ولا ايه مش هنعمل حاجه مثلا يعني عن الحلقه الاولي الصحبيه بين الولد والبنت اوكي كلكو قلتو رائيكم ومشاء الله كلكو اهتميتو ونزلت فيديو لناس خبره وانا بجد استفت بس يا هل تري كل الي قرو الموضوع نفسو ولو جزء فيه مثلا يعني الي كان مصاحب بنت وكده وبيخرجو اتصل بيها قالها بقولك ايه انا خايف من ربنا لان الي احنا بنعمل كده حاجه غلط وانا بحبك وخايف عليكي وعلي نفسي ممكن علاقتنا تكون في النور عملت كده ولا لا ؟ روحت كلمت اختك وقولتلها علي الحلقه واتفهمت معاها متخبيش حاجه عنك ولو هي في علاقه في حيتها تقولك عشان تشاركها برائيك وتنصحها وتفهمها وهكذا هل كل واحد فيكم عمل كده انا عن نفسي قولت لاتنين اصحابي بجد بيفهموني وبيعملو زي واقتنعو برائي ورائيكم وقررو فعلا ان كل الي يعرفوهم وعلي صداقه بشباب هيحاول ينصحوهم اما للحلقه التانيه بتاعت التدخين كلكو بردو قلتو معلومات بجد مفيده والفيديو مؤثر جدا بس ياتري كل الي فيكم وبيشرب سجاير فكر ان يبطلها مش هضحك علي نفسي فكرت طيب انك بدل ما تشرب علبه في اليوم تخليهم 6 سجاير وهكذا بالتدريج لحد ما تبعد عنها طي ولو مش بتشرب سجاير فكرت تقول لصحابك اكيد هيقلولك بس يا بني ملكش دعوه فكك من الحورات ديه انت بايدك تخليهم يحترمو رائيك وينفذو لما تعملهم وحش عشان هما مش عايزين يخافو علي صحتهم لما هما هيشوفو البعض كلامهم قل مبقاش زي الاول خروج وهزار وكده بجد هيحسو انكو خايفين عليهم وهيحاولو يبطلو سجاير وانتو تبقو جمبهم وتقوهم مثلا انا وانا بقرأ عن التدخين كان اخويا جمبي وهو مدخن وبجد زهقت من الكلام معاه بسبب التدخين ووريتو الفيديو الي انتو رافعينو عارفين ولا الفيديو اثر فيه انا وريته مني رد فعل مش حلو ده مش خايف علي صحتو يبقي انا هخاف عليه بجد بحاول انصحو وكل شويه اقوله اضرراها بس ساعات في ناس دماغها متركبه غلط يعني مثلا السجاير ديه مش مدمره للصحه بس وكمان للفلوس لما يكون شخص بيشرب علبة سجايريوميه من النوع الغالي مثلا 10 جنيه شو فو بقي في الشهر هيشرب سجاير بكام يعني موت وخراب ضيار بجد انا تعبت من الموضوع ده وبحاول بكل جهدي عشان اخلي كل الي اعرفهم يبطلو تدخين اما استوصو بالنساء فده موضوع معلق علي نفسه لان كلنا عارفين ان ده حرااااااااام وعلي فكره كل شاب واثق مليون في الميه وهو بيعاكس بنت ان اختو بتتعاكس ويتعمل فيها اكتر من كده ونو كومنت بقي عشان انا تعبت من الرغي ميرسي كتير اوووووووووووووي علي البرنامج الروعه ده ويارب يتحقق لافعال مش مجرد كلام |
|
انا مش عارفة اقول حاجة تاني بعد كلامك الجميل ده ياريهام ياقمررررررر انتي
بس انا عايزة اقول حاجة ................. المشكلة مش في لبس البنت ......... واقرب مثال :- انــــــــا انا لبسي كله عبايات واسدالات .......... ومع ذلك بسمع كلام زي الزفت في الشارع ........ بس للاسف مش بعرف ارد عليهم ,,,,,,,,,,,,,,,,,,, انا ببص بس مندهشة من التصرفات ,,,,,,, وبعد كده بمشي من المكان ده خااااااااااالص ............... ربنا يهديهم ويرجعلهم عقلهم ............ وربنا يستر علينا من الزمن الاسود اللي احنا عايشين فيه ده ........... تسلم ايديكي يا ريهام ,,,,,,,,,, ومنتظرين الباقي ياقمررررررررررر |
|
بجد تحفة انا احيكي على الموضوع الرائع
|
|
اسفه ياريهام على التاخير فى الرد
وبجد الموضوع هايل جدا ومنتشر جدا جدا انا شايفه ان المعاكسات دى بقت روتين فى حياة معظم الشباب وحاجه اساسية عند كل البنات بردة لدرجة ان سعات لو بنت عدى عليها يوم من غير ماتتعاكس تحس ان حاجه نقصاها لانها خدت على كده والغلط راجع من الطرفيين البنات,,والاولاد البنات فعلا دلوقتى البنات لبسهم مستفز جداااااا دى زى ماتكون بتقول للولاد تعالى عاكسنى بصراحه يبقي حرام عليه لو مراحش عاكسها لان هى اللى بتدفعه لكده وفى برده بنات محترمات بيتعكسو وفى بنات مايتبصلهمش اصلا وبيتعاكسو معنى كدة انة روتين (عادة) منتشرة فى المجتمع مش بس فمصر لا فكل الدووول واولهم السعودية وبيبقي فيها معاكسات على العيوون ودى اخطر من اللى فمصر عن تجربة يعنى الاولاد زى ماانتى قلتى ضعف ايمان واسباب تانية كتير تسلم ايديكى على الموضوع الجميييييييييل |
|
ريهااااااااااام ايوة ع دا موضوع دا بجد موضوع خطييييير جدا وجدير جدا بالمناقشة
انتى كل المشاكل ال بتناقشيها ف برنامجك دا ما شاء الله عليها كلها مشاكل هامة وضرورية وبتقابلنا ف حياتنا يعنى امبارح ريهام ف صبايا كانت بتناقش نفس الموضوع دا التحرش والاغتصاب و التعدى والمعاكاسات وكدا جابت فيديو هما مصورينو فظيع يا بنتى شغلنى جدا وضايقنى جدا جدا فيديو ل شباب وقفين قدام مدرسة بنات وهما طالعين وع كل جميب فوق ال 50 شاب واتفرجى بقى يا الله ع دا منظر زبالة فعلا هقولك اية ال شوفتة اولا الشباب وقفين للبنات ع هيئة تجمعات وكدا وكل جروب شباب يصطادول شوية بنات طالعين ثانيا يجوا عند البنات ويدخلوا وسطهم واتفرجى ع قلة الادب وخدش الحياء بطرق متعددة ثالثا يشدوا الطرحة م البنت يحط ايدو ع كتفها يشدها م وسطها وباقى الاماكن انتول عارفينها ثالثا يصور البنات بالموبيل ويزوق واحد صحبة ع البنات ويخبط البنت رابعا الكلام البذئ ال بيقولوة والتصفير والمشاورة ويكتبلها رقمة ويدولها ف ايدها او يحطة ف شنطتها خامسا يدخل وسط البنات يخليهم يتفرقوا عن بعض وكل واد يقرب م بنت وحجات تانية اخر قذارة وقلة ادب والبنات زى ما انتى قولتى بتخاف تكلم وبتكسف ومبيبقاش عندها الا انها تعيط كمان جابوا بنت ف برنامج صبايا اتكلمت بكل جرائة ما شاء الله عليها هى اخصائية تمريض ف مستشفى ف المقطم تقولك ف اليوم بالسبع بنات يقفوا ناس بموتسكيل او عربيات يخطفوا منهم الشنط ويسرقوهم او يضربوهم وهما راكبين ويضربوا بايدهم ع مناطق ..........................انا اسفة جدا بس دا ال بيحصل ............. ف المقطم دا بقى بيقولك بمعدل 7 جرائم تحرش او سرقة بتحصل ف اليوم ال هى بتسمع بيهم بس كمان شوقين التوك توك دول ناس اعوز بالله ازبل خلق الله يمشوا يلطشوا ف الناس ويعكسوا ف البنات وطبعا كلهم جهلة وزبالة ف اتفرجى بقى يا ريهام ع الالفاظ الزبالة تبقى قرفانة من وشة وعوزا تشتمية انا بمشى ف الشارع بلف حولين نفسى من الشباب ممكن ولد تلاقى شكلة محترم اوى ويعكسك ويقولك كلام مش كويس يصف اماكن ف جسمك تبقى مضايقة ومش عارفة تعملى اية ؟؟؟ ممكن تدخلى محل تلاقى واحد شغال يعد يحلو عليكى ويقولك هاتى رقمك وانتى حلوة وانتى مزة وكلامك كدا فعلا يضايق احنا ممكن نكون بنكلم الكلام دا بس بنات كلنا مع بعض مش اى حد مع اى حد ولا واد غريب يقولك انتى حلوة وجسمك حلو انا بكلم بالفاظ عامة وكدا بس هوة دا ال بيتقال يا جماعة والله دا ال بيحصل دلوقتى مبقاش فى حررية انك تمشى وتلبسى او تخرجى والله انا قللت خروجى جدا م فترة بسبب المعاكسات طب لية لية يعنى كدا اتحبس عشان شوية ناس معندهمش لا ادب ولا اخلاق ولا تقوى وايمان لية الانحلال دا والسفالة دى يعنى ممكن والله وبيحص شاب يكون معدى وانا اسفة يكون شكلة ميجبش بائع ولا بواب او كدا وتلاقى هدومة عاااادية جدا وشكلة عادى جدا وتكونى ماشية وهوة جى ف وشك وتخافى منة وتبقى متاكدة انو هيعكسك ف هتخاى ع نفسك وتمشى بعيد عنو وتفاجئى انة مجاش جمبك ولا قربلك بس فعلا يا جماعة (*الادب فضلوة على العلم*) دا انسان متربى ويعرف ربنا وادبة دا هيكون سبب ف انة يدخل الجنة ممكن يكون ع اد حالة ومش عايش ولا متمتع ف الدنيا انا ش بكلم ع الحال الحمد لله ع كل شئ بس افهمونى انسان زى دا اية ال يخلية يعمل كدا ويحترم نفسة ويخاف عليكى ويخاف يكلمك غير انو متربى واخلاقة عالية واللهى هوة دا الشاب المحترم ال تامنى نفسك علية ومعاة طب انا هحيلكوا ع موقف حصل معايا ** كنت ماشية لوحدى ع البحر ف اسكندريا عندنا وبعدين الاقى ولد يسمكنى من ايدى وبيشدنى وعيزنى امشى معاة بالعافية يا لهوى انا ف سعتها عنيا دمعت وقلتلة انت مين سيب ايدى سيب ايدى مرداش ومسكنى جامد جدا روحت بقى منادية رجالة مشيين ف الشارع وقلتلهم الحقونى عوزنى امشى معاة بالعافية قلولوا انت مين قلهم قال اية انو قريبة قلتلة قريبة مين يا مجنون انت دنا اول مرة اشوفك يلا بينا نطلع ع لاقسم وشوفوا قريبى ولا لا دا مريض شكلة ف واحد كتر الف خيرة قالة معاك بطاقة يا ابنى انت قالة اة قالوة وريهانى وف سعتها الرجالة خدونى ركبونى تاكسى وحسبولى وخلونى اروح * شوفوا الشباب الممتاز ال اخلاة عالية دفعوا عنى كانوا رجالة كبار وشباب كمان وكدا اقولكم حاجة ممكن يكونوا من ضمن الشباب ال وقفوا شباب بيعاكس بس ميحبش يشوف بنت ف موقف زى دا ويسيبها ولا يمشى وملهوش دعوة ولا يعاكس معاهم مش كل الشباب وحشة بس اغلبهم وحشين جدا انا بجد بدات استجير من كتر كدا والله طب اقولكم حاجة تانية احناعندنا محل نظارات ف بقف اشتغل فية وابيع وكدا زباين بيدخلولى مخصوص يعكسونى ويقولولى انتى شكلك امور وانتى عنيكى يهبلوا وكلام غريب طبعا شغلى بيحتم عليا انى اضحك ف وش كل الناس ايا كانوا عشان المعاملة بتخلينا نكسب زبون بس طبعا بقولهم لو انت جى تعاكس يبقى تاخد بعضك وتمشى احسن عشان متشوفش وش متحبش انك تشوفة ولو عاوز نظارة او عدسات انا تحت امرك بس ياريت اسلوبك يبقى احسن م كدا عشان مخليش اى بنت م ال شغالين يبعولك او مش نبيعلك اصلا شوفوا السفالة والجراة بتاعة الشباب يا الله ع دا جيل منيل بستين نيلة فعلا انا لما حد بيعكسنى ف الشارع بس معاكسة اوفر وا كدا او حد يفكر يقربلى يا الله ع ال بعملة ببصلة من فوق لتحت وبقولة ما انت مش محترم هقولك اية ما انت لو محترم كنت قليت ادبى عليك بس انت اخرك يتبصلك من فوق لتحت يا زبالة اسفة بس انا مش بقدر اسكت ولا امشى وبس بكون اتعصبت واترفزت يعنى انت متقبلش حديكلم اختك ف الشارع وماشى تعاكس ف بنات الناس لا احترم نفسك واتهزء عشان تحرم تبقى ماشية ف امان الله تلاقى واحد جة من راكى خبط فيكى وتبصيلة يبرقلك ويطنحلك وبرود بقى وبيكون قاصد والله احنا لازم نتكلم ونوضع حل ف الموضوع دا واى حد لية قاريب ف سلك النيابة او مديرية امن سؤاء مديرية امن القاهرة او اسكندريا او .......... وعندنا ف اسكندرية اعلى نسبة معاكسات زى ما يكونوا خلاص يعنى مورهمش غير كدا ولا اخدنها مهنة ولا اية متعرفيش طب لية مش بنسال نفسنا لما البنت تلبس لبس خارج حبة او ضيق او كت او تكون بشعرها او حتى بطرحة ومحترم والله وبردو يعاكسوا طب ما فبلاد برة بيمشوا شبة عريانين ومحدش من الاجانب بيبص ع غيرهم وهما ماشيين لية ( عشان متربين وبيعرفوا ف الاحترام كل واحد ملوش دعوبيغروا ف الشارع مش معنى كدا ان كلهم كدا لا بس فيةكتير ) يا جماعة ويا شباب لو كل واحد قبل ما يبص لبت ويتفحص جسمها ويعكسها ويتحرش بيها شاف (اختةاو بنتة او حبيبتة او جارتة او خطيبتة او مراتة ) والله لا هيحترم نفسة ولو كل واحد افتكر ربنا والثواب والعقاب ونتيجة العمل دا ووغض بصرة والله لا هنبقى من احسن دول العالم مش من اسؤاهم المعاكسات دى بتهدد الاقتصاد السايحى ف مصر زى ما ريهام قالت السياح هيخافوا يجوا هيخافوا ع نفسهم راعوا ربنا وخافوة عشان ربنا يرعيكوا ويراعى اهليكم وبناتكم وزواجتكم والله يا ريهام انا راى فعلا لو حد يعرف اى حد ف سلك النيابة عسكرى امين شرطة مؤمور قسم ظابط وكيل نيابة عميد نقيب لواء ى حد نعرفة وسطة او كدا لازم نخليهم يشددوا المراقبة ف الشوارع ويزودا العساكر والظباط ف الشوارع واللجان وكدا ارجوكم وبالله عليكم تخدوا الموضوع محمل جد وتدرسوة كويس عشان بناتنا ونسائنا وعشان بكرة وبعدو وعشان بكرة يبقى احسن ومتنسوش اننا بنى ادمين محتاجين حد يخاف علينا وشباب واخوات يحمونا مش ف غابة احنا ( استوصوا بالنساء خيرا ) |
|
مشكورة على المجهود الرائع ده
|
|
طبعا موضوع مهم وانتشر اوى الايام دى
سواء كانت البنت محجبه او لاء لبسها عارى او لاء والشباب بقه بيسموا اللبس بتاع البنات مبرر للي بيعملوه طبعا ده نقص في الدين والتربيه مهما البنت لبست ده مش يديك الحق انك تتحرش بيها زى مايكونوا بيقولوا طالما انتى لبسه كده بقه يبقي حلال فيكى نتحرش بيكى طبعا لا تعليق علي كلام ناس زى دى مش هقول غير ربنا يهديهم وكان فى جروب علي الفيس بوك اتعمل بمناسبه الموضوع ده كان اسمه انا مش هتحجب وانت هتتأدب وده طبعا مش اعتراض علي الحجاب لكن دى حريه شخصيه فعلا وميرسي علي التوبيك الهايل ياقمر |
|
~~ شكـــــ اخي على الموضوع الجيد ــــــرا ~~
~~ نحن في انتضار جديدك ~~ |
|
بجد الموضوع اكثر من هايل
|
|
ا
لحلقة الخامسة من برنامج يلا نغير حياتنا السلام عليكم و رحمة الله و بركاته .....( استوصوا بالنساء خيرا ) الجزء الثانى اهلا بيكم ف حلقة جديدة من برنامج يلا نغير حياتنا الجزء اللى فات اتكلمنا عن المعاكسات و التحرش و الاغتصاب و نقشينا الاسباب و شوفنا احصائيات جديدة و غريبة ف نفس الوقت و اتنقشنا فيها و قولنا هنعمل جزء تانى نقول فيه ازاى نعالج المشكلة ديه تعالوا نشوف كذة حاجة نعالج بيها المشكلة ديه و لو احنا اخدناها و عملنا بيها واحدة واحدة ان شاء الله نقضى على الظاهرة ديه تعالوا نشوف مع بعض ازاى نعالج القضية الخطيرة ديه ..... العـــلاج لو كانت محاربة المخدرات و التدخين علشان نحافظ على العقول فمحاربة المعاكسات متقلش اهمية عن محاربة التدخين و المخدرات لان لما نحاربها ميبقاش علشان نحافظ على العقل و بس لا بنحافظ على الاخلاق و الشرف و الاعراض فاكيد العقل مش هيستقيم من غير اخلاق و الاخلاق مش هتستقيم من غير ايمان يقويها و يحفظها . وعلاج هذه الظاهرة ينقسم إلى عدة أقسام [color="rgb(153, 50, 204)"]اول حاجة : الآباء والأمهات[/color] (ا) المراقبـــة والمراقبه تنقسم الى قسمين الأول : ــ مراقبـة الله تعالى مراقبة ربنا من أعظم الأمور اللى بتساعد على محاربة الظاهرة ديه و مراقبة المولى سبحانه و تعالى تستدعي التزام الاب و الام بكل الآداب الشرعية والتكاليف الربانية فميقصروش في أمر من الأمور عشان يكون الاب و الام قدوة حقيقية لابنهم أما بقى لو الاب و الام خالفوا اوامر ربنا و متأدبوش بآداب الشرع المطهر ففين بقى القدوة اللى ابنهم هيخودها و يرجعوا ف الاخر يقولوا ابنى بيعمل كده ليه . [color="rgb(255, 0, 255)"]الثاني : ــ اتقان التحكم في الأبناء [/color]لازم الاب و الام يعرفوا الناس اللى بتخالط ابنهم ، و لازم يعرفوا برده اللى بتخالط البنت و ده ضرورى و مهم ، لازم الاب بدوره انه يقعد مع اصحاب ابنه ، و الام تقعد مع صديقات ابنتها ، و الاب يروح مكان تعلم ابنه ويعرف الاب هو بيخالط مين و بيعرف مين لكن مش اسمه اب و خلاص ولازم الاب يظهر له انه بيراقبه عشان يخاف اولا من الله ثم منه ، لاقيته مثلا بيتكلم ف التليفون لوحده على طول و بالساعات لازم تعرف ايه سر المكامات ديه تساله و تقعد معاه لان انت هتتحاسب على ولادكم دول فلازم تراعوا ربنا فيهم وبرده الام لازم تراقب بنتها و متسيبهاش مع التليفون لوحدها و تعرف هى بتتكلم مع مين و تركز مع بنتها شوية علشان اهم حاجة ف المشكلة ديه هى سوء التربية عشان كده لازم الاباء و الامهات يخدوا بالهم من ولادهم عشان هم دول اللى هيساعدوهم لما يكبروا و هما دول اللى المجتمع ياما يتاخر بيهم ييتقدم بيهم و الفيصل الوحيد ف كده التربية ثم التربية ثم التربية . (ب) الحكمة في التوجيه والمراقبة الحسنة من الأسباب الأكيدة اللى أدت ببعض الشباب والفتيات للوقوع في الظاهرة ديه هو ان احنا فقدنا التوجيه والتربية الحسنة وده ازاى بقى ....؟ يعنى مثلا لما الابن او البنت تغلط ف حاجة الاب و الام مش بيختاروا طريقة التوجيه الصح لا دول بيوبخوه توبيخ شديد جدا يمكن اكبر من الخطأ اللى هما وقعوا فيه بالعكس دول لو عملوا التوبيخ ده هيلاقوا فيه ثغرة بينهم و بين ابنهم او بنتهم و انا عندى وحدة صاحبتى كده للاسف لدرجة انه مبقاش فيه اى كلام بينها و بين ابوها و امها و طبعا لو ملقاش التوجيه السليم من الاباء حول خطورة ظاهرة المعاكسات ديه اكيد مش هيلاقى غير الخزى و العار و اكيد مش هيلاقى اللى يوجهوا صح و بالتالى هيقع ف كوارث و يرجعوا الاباء يلوموا نفسهم على عملوه طب ماكان من الاول ثانياً : ــ النصح والتوجيه العام المر ده لا بد منه في اى علاج عايزين نعديه فمثلا لو بصينا ازاى العالم هب بأسره عشان يحارب المخدرات و التدخين ، اكيد كلنا شوفنا وسائل الاعلام بتعمل ايه عشان تحاربه و كذلك الحكومة اللى حطت على علبة السجائر و فعلا فيه ناس بطلت كل ده بالنصح بالتوجيه فلازم ننشر النصح والتوجيه العام و نعرفهم خطورة ظاهرة المعاكسات بس سواءا بقى من خلال الاعلام أو في المنتديات العامة او مثلا عقد الندوات والمحاضرات عشان نكشف عوار الجريمة ديه و نعرف ازاى نعالج المشكلة ديه و نحاول بكل جهدنا ان احنا نعالجها مش بس بالكلام لا بالفعل مش اتكلم بس و اقول لا بالفعل صدقونى هنتقدم وهنا بقى لازم وقفة مع المدرسين والمدرسات أقول فيها ان مسئوليتكم كبيرة جدا ويقع على عاتقكم الجزء الأكبر لأنكم حملة رسالة مقدسة ومكلفين بإبلاغها لمن تحت ايديكم مش بس للتدريس و نقول كلام ف الكتب لا بالتربيه نعلمهم الاخلاق و القيم لان ياما شوفت ناس مش متعلمة بس متربية تربية ما شاء الله عليهم و ناس متعلمة مفيهاش اى نقطة من التربية فالتربية ثم التربية ثم التربية لانها اساس المجتمع قال صلى الله عليه وسلم : ( كل راع مسئول عن رعيته ) و طبعا مفيش شك أن الطلبة والطالبات راعايا للمدرسين والمدرسات وهما أمانة في رقبتهم هيتسالوا عليها ومسئولين عنهم يوم القيامة فلازم يوجهوهم و يعرفهم ايه الظاهرة ديه يعرفوهم راى الشرع و يكلمهم بالتوجيه السليم و يتعامل معاه زى ابنه عشان ميقعوش ف الظاهرة ديه او اى ظاهرة سيئة تانية وبرده مننساش الدعاة والخطباء فعلى عاتقهم بتقع مسئولية كبيرة قدام ربنا في تبيين مثل الامور ديه والتحذير من الوقوع فيها بالتي هي أحسن وتوجيه الجيل إلى المثل العليا والخلق الكريمة . ثالثاً : ــ الصــلاة ربنا سبحانه و تعالى قال ..: ( إن الصلاة تنهى عن الفحشاء والمنكر ) الصلاة هي أوثق عرى الإيمان و هى أهم أركان الإسلام بعد الشهادتين , الصلاة اثرها مبيختفيش الا على الناس اللى قلبهم مليان بالظلم و الجهل و البعد عن منهج ربنا و منهج الحق , الصلاة هى قوام الدين و عموده و منهاالانسان بيتقرب من ربنا و لما يتقرب من ربنا اكيد نفسه صافية و اكيد مش هيفكر انه يعاكس بنت او يعمل اى حاجة ياذيها لانه هيكون قريب من ربنا ديه اسمها صلاة يعنى صلة ما بينك و بين ربنا عود نفسك انك تقرب من ربنا عشان تنقذ نفسك و تنقذ المجتمع و تنقذ اخواتك و بناتك و امك لو كل واحد قرب من ربنا اوى صدقونى المجتمع ده هيتغير هنقضى على الظاهرة ديه متقولش هو انا لوحدى اللى هغير المجتمع متوقفش عندك بس لا اتكلم خلى عندك دور ف الحياة قولهم الكلام ده و اكيد كلنا هنقرب من ربنا و نصلى و اكيد الظاهرة ديه بعون الله اولا و اخيرا و بايدينا هنقضى عليها . رابعاً : ـ خلاصة الكلام وخلاصة الكلام أقول أن أسباب الوهن اللى وقعنا فيه والوباء و المرض اللى غرقنا فيه ده هو اول حاجة : الابتعاد عن منهج الحق سبحانه القائل : ( إن هذا القرآنَ يهدي للتي هي أقومُ ويُبشرُ الذين يعملون الصالحاتِ أن لهم أجراً كبيرا ) الطريق المستقيم اللى ربنا عيزنا نمشى فيه ده اسمه مستقيم يعنى صدقونى مفهوش اى تعب راعى ربنا ف كل حاجة ووالله لو كلنا قربنا من ربنا هترتاح والله و مفيهوش اى تعب خالص للناس اللى بتقول كده لا و الله ابدا الطريق ده اوله نبتديه بايه بالصلاة صلى و قرب من ربنا لو خايف على بناتك او اخواتك او مامتك او خطيبتك او مراتك صلى عشان ربنا يحبك و يوفقك و يحفظك و يحفظ عرضك و شرفك صدقنى لو قربت من ربنا بقلبك كل حاجة ف الدنيا هتتصلح و متوقفش عندك انت بس لا ده انت خليفة الله ف الارض لا قول و اتكلم مهما اتعرضت لاى مضايقة مع الطرف التانى لا خد بالك طول مانت بتعمل حاجة صح ربنا هيوقف جنبك و يحميك صدقنى كده عرفنا ان اول خطوة ف طريق ربنا الصلاة ... تانى خطوة القرآن وطريقة القران في القضية هي العفاف قال تعالى : ( قل للمؤمنينَ يغضوا من أبصارهم ويحفظوا فرُوجَهم .. الآية ) وقال : ( قل للمؤمنات يغضضنَ من أبصارهنَّ ويحفظنَ فرُجَهن .. الآية ) وقال عليه الصلاة والسلام : ( يا أمة محمد ما أحد أغير من الله أن يزني عبده أو أمته تزني يا أمة محمد لو تعلمون ما أعلم لضحكتم قليلا وبكيتم كثيرا ) وعن ابن عباس رضي الله عنه عن النبي صلى الله عليه وسلم قال : ( من ستر عورة أخيه المسلم ستر الله عورته يوم القيامة ومن كشف عورة أخيه كشف الله عورته حتى يفضحه بها ) وأخيراً اقرءوا قول الله تعالى : ( إن الذين يحبونَ أن تشيعَ الفاحشة في الذين آمنوا لهم عذابُُ أليمُُ في الدنيا والآخرةِ والله يعلمُ وأنتم لا تعلمون ) تانى حاجة بقى : عدم التربية خلاص مبقناش نحافظ على ولادنا مبقناش نربيهم التربية الصح دول هنتحاسب عليهم و كمان مبقناش نقعد معاهم نعرف بيفكروا ازاى بيعملوا ايه طب انت او انتى وراكى ايه اهم من ابنك مفيش حاجة و لا ملايين الدنيا اهم من ابنك راعى ربنا ف تربية ابنك عشان يبقى فرد صالح ف المجتمع عشان يساعدك لما يكبر عشان تفتخر بيه قدام الناس علشان ...... و علشان ..... وعلشان ...... مش عشان يجيبلك العار و المذلة و ف الاخر تقولوا ليه يا بنى عملت كده طب متفكر مع نفسك هتلاقى ان انت السبب ف كل ده فين التربية اللى انت ربته عليها فين كلامك معاه فين مراقبتك ليه خليك صاحبه يحكيلك كل حاجة و يامنك على اسراره و ربنا معانا و يهدينا كلنا امين يا رب العالمين و ف نهاية الحلقة اقول يا رب اهدينا و حافظ على كل بنات و سيدات المؤمنات امين و انت كمان راعى ربنا و فكر قبل متعمل اى حاجة هيحصل ايه ف اللى حوليك متبقاش انانى و تفكر ف نفسك لا فكر ف رببنا ف اخواتك و بناتك فكر ف كل ده قرب من ربنا اوى اشغل نفسك باى حاجة متغضبش ربنا لو عايز تحافظ على نفسك و على شرفك و بجد صدقنى و الله م هتستفاد حاجة بالعكس هتتعذب ف الدنيا باللى هيحصل بعد الشر ف شرفك و ف الاخرة بعذاب ربنا ليك راعى كل ده و اعرف قبل متعمل اى حاجة النواتج بتاعتها عشان متقعش ف الغلط و تخسر ربنا و ربنا يوفقنا كلنا و يهدينا و بجد يا رب نكون استفدنا من الحلقتين دول و نكون فكرنا شوية مع نفسنا و ف حاجة الحلقة الجاية مهمة جدا جدا جدا لابعد الحدودد باذن الله و بجد لازم العدد الكبير بتاع اول حلقة لازم كلكم تبقوا موجودين لانى هقول حااجة مهمة جدا و عيزاكم تكونوا كلكم موجودين و اخر كلامى هاقول يلااااااااااااا........ نغير حياتنا و السلام عليكم و رحمة الله و بركاته |
|
شكرا يا ريهام علي الكلام الجميل ده وياريت اي حد ينفذه
وبتمني من كل انسان ان يكون رقيب علي نفسه قبل ما حد يبقي رقيب عليه |
|
شكرا ليكي ياريهام علي الحلقة بجد جميلة جدا
بس " لا يغير الله قوم حتي يغيروا ما بأنفسهم " بمعني اننا اساسا معندناش حافز علشان نعمل كدة نتغير يعني بس احنا لو فكرنا وعرفنا الحق فين اكيد وبدون شك هنمشي فيه والله ديننا دا بجد بيحافظ علينا في كل حاجة كبيرة وصغيرة دا الكافر عرف انه كدا " مال هذا الكتاب لا يغادر كبيرة ولا صغيرة" العيب فينا احنا لازم نتغير بجد ونقول لا للعادات السيئة دي والله احنا جوانا حاجات كتيرة وحشة بس محتاجين نفكر بجد ومنخدهاش بهزار كدة واستهتار ويلا نغير حياتنا وشكرا ليكي ياريهام علي الحلقة الجميلة دي وجزاكي الله كل خير |
|
مرررررسي للحلقه ويالا نغير حياااتنا
|
|
موضوع هايل ياريهام كالعاده
تسلم ايديكى |
|
موضوع جميل جدااااا كالعاده
يسلموووووووووووو ياقمر |
|
بجد يا ريهام انا مش عارفة اقول اية
بجد حلووووووووووو كتير تسلم ايدك يا رب |
|
فعلا العلاج الاول للموضوع ده
هو القرب من ربنا سبحانه وتعالى ساعتها بس هانفكر الف مرة فى اللى بنعمله وكمان توعية الاهل والتربية مهمة اوى خاصة فى مرحلة المراهقة لانها بتبقى مرحلة صعبة جدا بيواجه الشاب فيها صراعات نفسية كتيرة اوى وانا من رأيى ان الاباء لازم يقربوا من اولادهم ويصاحبوهم ويحولوا يحلوا المشاكل عن طريق النقاش وليس القهر والعنف وساعتها بس الولد هايطمن لبباه ومش هايلاقى اى حرج فى الكلام معاه وكمان هايخد كلامه على محمل الجد لانه جاى من صديق مش من اب وانتوا عارفين بقى شعور الشباب فى الموضوع ده واكيد فى الاول ولاخر اى اب بيتمنى ان ابنه يكون على خلق فاياريت الاباء ينفذوا الكلام ده والشباب يقربوا من ربنا اكتر وفى النهاية احب اشكرك يا ريهاام يا قمر على تكملة الموضوع وانك كمان ادتيله الاهمية اللى كنت بتمناها |