|
الحلقة ممتازة يا ريهام
ياريت كل واحد يقرا العلاج ده ويحفظوا كويس ويبدأ ينفذزا على حسب المتاح لديه بمعنى انه لو شاب او فتاه وسنه صغير يبدأو يتمسكوا بدينهم كويس ويحافظوا على مشاعر الاخرين ولما يكبروا يبقوا فاكرين كويس الكلام ده وكل بنت بتتعاكس او حد اتحرش بيها تربي ابنائها كويس علشان ميحصلش في بنات الناس اللي حصل ليهم 
وربنا يوفقنا الي الخير والسعادة تحياتي على الحلقة الجديدة وتمنياتي لكي بالتوفيق وشكرا |
|
حلقه جميله جدا يا ريهاام الله يوفقك ويوفقنا ف تغيير حياتنا
|
|
كلامك صح
وياريت الكل يحاو ينفذة يسلمووووووووووووووو ع الموضوع ياجميل جزاكى الله كل خير |
|
كل حاجه وحشه بتحصل لنا اكيد بتحصل بسبب بعدنا عن ربنا جل تعالى
فالعلاج الشافى لاى حاجه مش المشكله دى بس هى القرب من ربنا تحياتى على الحلقه الجميله دى واللى فاتت ياريهام |
|
موضوع بجد مفيد جدا يا ريهام
وياريت الكلام بتاعك يتنفذ لكن الناس دلوقتي بقت فظيعه جدا ومبقاش حد يخاف على حد وايكي بتشوفي صفحة الحوادث عامله ازاي وفيها كام حادثه من النوع دا يارب الناس تتقرب من ربنا وربنا يهدينا ويوفقك ان شاء الله موضوع رائع تسلم ايدك |
|
موضوع بجد اكتر من الرائع
لكى من جزيل الشكر ودايما يا رب تكونى بخير محمد شلتوت |
|
كح كح
الموضوع ده اتكلمت عنه اكتر من مؤسسة اجتماعيه و عمل شوية مهرجانات فى بعض المجلات اللى كانت بتتعلمل مع الموضوع كانه موضة وبعدين بطلت............... <<<<< عجيب بس انا عرفه ان كلامك ورائه دافع الخير.......... والله كلامك رائع و ان شاء الله يصلح نفوس كتير .............. |
|
جميل جدا..
لكن عاوزة اقولك:لابد منغرس المبادئ والقيم الاخلاقية منذ الصغر لان المشكلة الوقتى ان الطفل عايش مع المربية او فى مدرسة اللغات او مع التليفزيون او النت.. وربنا يهدينا كلنا والسلام ختام |
|
السلام عليكم
اولا انا بشكرك جدا على الحلقة الممتازة والى الامام دائما.... ثانيا موضوع الحلقة مهم جدا ومحتاج اهتمام من اولياء الامور لاولادهم فى صغرهم فيه حكمة بتقول (التعليم فى الصغر كالنقش عالحجر) والا الاولاد يسيرون وراء عقولهم وهذا يؤدى الى الفشل التربوى فالقضية دى بترجع لتربية الاباء والامهات لاولادهم عندما يكونو ضغار وفى حاجة كمان العقل نفسه هو اللى بيوجه الانسان الى الطريق الصحيح والعكس يعنى مثلا انا اعرف اسرة محترمة جدا بتتكون من اب وام واربعة ابناء منهم دكتور ومحاسبان ومدمن يعنى الاربعة نشأو فى بيئة واحدة لكن العقل هو الذى يتحكم فى صاحبه وربنا يهدينا جميعا ميرسى على الحلقة ياقمر |
|
جزاكى الله خيرا يا ريهام...
أنا كانت فاتتنى الحلقة الأولى ... لسه قراها بجد انتى ناقشتى موضوع بقه منتشر جدا دلوقتى تنزلى الشارع تلاقى الشباب فى كل حته واقفين بيتفرجوا على البنات .. ربنا يهديهم.. لغاية الواحد بجد ما حرم ينزل الشارع لوحده ربنا يهدى شباب المسلمين..... قولوا امــين. وربنا يوفقك يا ريهام فى مواضيعك القادمة... تحيـــــــــــــــاتى. |
|
انا اسف بجد اني مكنتش اول واحد يرد زي كل مرة
بجد مافيش كلام تاني ممكن يتقال بعد كل الي اتكتب فعلا اهم علاج فيهم هو القرب من ربنا ودة مش علاج للموضوع دة بس لا دا علاج شامل لكل حاجة وانا اتخيلت كدة لو الناس الي بتعمل كدة طبقت العلاج دة رجعت بذاكرتي لايام زمان...حكايات والدي وجدتي رجعت لايام الشهامةوالجدعنة والاخلاق رجعت لايام ما كانت النساء عبارة عن جوهرة الناس بتحاول تحافظ عليها بكل الطرق لانها تبقي اختهم وامهم وعمتهم وبناتت خلانهم وعممهم يارب نرجع نبقي كدة تاني يارب منبقاش سلبين ونتكلم لو شوفنا حاجة قدامنا نعلم الناس ونقولهم....نرجع تاني جزاكي الله كل خير يا الهاام وشكرااا |
|
فى البدايه احب احييكى على اختيارك لهذا الموضوع الهادف
وحزينه انى مكنتش متابعه معاكى من اول البرنامج بس والله لظروف وانتى عارفه اننا منقدرش نتأخر عنك ثانيا ندخل بقى فى الجد فعلا الشباب دلوقتى مبقاش عندهم الواعظ الدينى لو الشاب من دول عرف ربنا كويس اكيد عمره ماهيعمل كده وعلى فكره اول مواضيعى ليا فى هذا المنتدى كان عن نفس موضوعك ده وناقشته بمنتهى الحريه زيك وانتى فعلا مانسيتيش حاجه ابدا وجمعتيها فى صوره نقط منفرده وكمان نيجى لدور الاباء والامهات فعلا هو دور جوهرى الاساس هو التربيه يعنى انامثلا اخويا مش عشان هو اخويا لا والله العظيم بس بجد عمره فى حياته مافكر يعاكس ولايكلم بنت ده حتى لمااعجب بفتاه معاه فى الجامعه قالى انه مش هيكلمها ابدا وانه لمايخلص ويكون نفسه هيتقدم على طول ومفكرش زى باقى الشبابا وقال طيب مااصاحبها واتكلم معاها اهى تصبيره والسلام على مانخلص الشاب من دول دلوقتى بقى يقول كلام غريب انا صاحبت البت دى ومشيت معاها فعلا كلمه مشيت معاها لايقه اوى على البنت دى كمان الاساس البنت لو البنت دى اتربت كويس مهما حصل ولو الدنيا اتهدات من حواليها مش هتفكر ترمش بعنيها او قلبها يسلم لواحد هو فى الاساس بيضحك عليها اصلا الولد بيبقى حاسبها كويس اناهمشى مع دى ولماازهق اشوف غيرها وهو نفسه لمايفكر يتجوز هيبعد عن اى بنت من اللى مشى معاهم وصاحبهم طب ايها الشاب ياترى انت منتظر انك لماتعوز تتجوز ربنا هيجازيك وتتجوز فتاه محترمه؟ اكيد لاطبعا كماتدين تدان لوانت افتكرت للحظه ان عندك اخت وان ممكن يحصل فيها زى اللى انت بتعمله مع بنات الناس اكيد انت مش هتوافق اشمعنا حلوه ليك ووحشه لاختك؟ وده اناناقشته فى موضوعى بالمنتدى واسمه اه اعاكسها براحتى مبقاش فى خجل ولاحياء سواء من الشاب او الفتاه ارجع برضه وأأكد على دور الاسره هو الاساس فى العمليه دى لو انتى ياام ربيتى بنتك كويس واحتضنتيها بحنانك اللى حباكى الله اياه اكيد بنتك لماتقع فى مشكله هتلجأ ليكى وعلى فكره فى مقاله هنا للعضو lionhmada اسمها مشروه للحب فى منتدى الحوار العام لوحبيتى الربط بينها وبين موضوعك الهايل ده وفى النهايه احب اقولك ان الموضوع ده مش عارفه اخلص كلام فيه لانه مهم بس اناكده طولت عليكى ربنايجازيكى كل خير ويجعله فى ميزان حسناتك |
|
فى البدايه احب احييكى على اختيارك لهذا الموضوع الهادف وحزينه انى مكنتش متابعه معاكى من اول البرنامج بس والله لظروف وانتى عارفه اننا منقدرش نتأخر عنك ثانيا ندخل بقى فى الجد فعلا الشباب دلوقتى مبقاش عندهم الواعظ الدينى لو الشاب من دول عرف ربنا كويس اكيد عمره ماهيعمل كده وعلى فكره اول مواضيعى ليا فى هذا المنتدى كان عن نفس موضوعك ده وناقشته بمنتهى الحريه زيك وانتى فعلا مانسيتيش حاجه ابدا وجمعتيها فى صوره نقط منفرده وكمان نيجى لدور الاباء والامهات فعلا هو دور جوهرى الاساس هو التربيه يعنى انامثلا اخويا مش عشان هو اخويا لا والله العظيم بس بجد عمره فى حياته مافكر يعاكس ولايكلم بنت ده حتى لمااعجب بفتاه معاه فى الجامعه قالى انه مش هيكلمها ابدا وانه لمايخلص ويكون نفسه هيتقدم على طول ومفكرش زى باقى الشبابا وقال طيب مااصاحبها واتكلم معاها اهى تصبيره والسلام على مانخلص الشاب من دول دلوقتى بقى يقول كلام غريب انا صاحبت البت دى ومشيت معاها فعلا كلمه مشيت معاها لايقه اوى على البنت دى كمان الاساس البنت لو البنت دى اتربت كويس مهما حصل ولو الدنيا اتهدات من حواليها مش هتفكر ترمش بعنيها او قلبها يسلم لواحد هو فى الاساس بيضحك عليها اصلا الولد بيبقى حاسبها كويس اناهمشى مع دى ولماازهق اشوف غيرها وهو نفسه لمايفكر يتجوز هيبعد عن اى بنت من اللى مشى معاهم وصاحبهم طب ايها الشاب ياترى انت منتظر انك لماتعوز تتجوز ربنا هيجازيك وتتجوز فتاه محترمه؟ اكيد لاطبعا كماتدين تدان لوانت افتكرت للحظه ان عندك اخت وان ممكن يحصل فيها زى اللى انت بتعمله مع بنات الناس اكيد انت مش هتوافق اشمعنا حلوه ليك ووحشه لاختك؟ وده اناناقشته فى موضوعى بالمنتدى واسمه اه اعاكسها براحتى مبقاش فى خجل ولاحياء سواء من الشاب او الفتاه ارجع برضه وأأكد على دور الاسره هو الاساس فى العمليه دى لو انتى ياام ربيتى بنتك كويس واحتضنتيها بحنانك اللى حباكى الله اياه اكيد بنتك لماتقع فى مشكله هتلجأ ليكى وعلى فكره فى مقاله هنا للعضو lionhmada اسمها مشروه للحب فى منتدى الحوار العام لوحبيتى الربط بينها وبين موضوعك الهايل ده وفى النهايه احب اقولك ان الموضوع ده مش عارفه اخلص كلام فيه لانه مهم بس اناكده طولت عليكى ربنايجازيكى كل خير ويجعله فى ميزان حسناتك بعد إذنك يا ريهام
احيي المبدعة ريري على الكلام الجامد ده فعلا كلام عاقل جدا لمن قرأه واستوعبه واكرمه ربنا بتطبيقه انتي قصدك يا ريري على مقالة الهروب الي الحب فعلا يا جماعة المقالة دي ممتازة مش من كتابتي دي من كتابات الاستاذة ايمان القدوسي وانا نقلتها للاستفادة وادي الرابط http://100fm6.com/vb/showthread.php?t=30826 انصحكم بقراتها وقرأت رد ريري على المقالة لانه بصراحة ردها على المقالة هو الرد العملي والحياتي لما طرأ نظريا في المقالة شكرا لكم |
|
بارك الله فيكى يا ريهام
الحلقة حلوة اوى |
|
بجد شكرا ليكم كلكم على حضوركم للحلقة و يا رب يكون كلنا استفادنا من الحلقة و بجد انا بشكر ريرى حببتى و روح قلبى على كلامها الرائع التحفة ده ربنا يحميكى يا رب و يحميكم كلكم و يبارك فيكم بجد انتم ناس زى العسل و ان شاء الله ربنا يجزيكم خير يا رب
|
|
بعد إذنك يا ريهام احيي المبدعة ريري على الكلام الجامد ده فعلا كلام عاقل جدا لمن قرأه واستوعبه واكرمه ربنا بتطبيقه انتي قصدك يا ريري على مقالة الهروب الي الحب فعلا يا جماعة المقالة دي ممتازة مش من كتابتي دي من كتابات الاستاذة ايمان القدوسي وانا نقلتها للاستفادة وادي الرابط http://100fm6.com/vb/showthread.php?t=30826 انصحكم بقراتها وقرأت رد ريري على المقالة لانه بصراحة ردها على المقالة هو الرد العملي والحياتي لما طرأ نظريا في المقالة شكرا لكم شكرا ليك يامحمد بجد
معلش اناغلطت فى اسم المقاله لاتؤاخذنى وبعدين لوانامبدعه يبقى انت ايه؟ عبقرى ولو ردى عجبك فده عشان انت بتجيب مقالات مميزه الواحد لازم يتفاعل معاها وميقدرش يرد عليها فى سطر او اتنين جزاك الله كل خير ياعبقرى المنتدى المفروض ده يبقى لقبك وعلى فكره دى مش مجامله وابقى اسال البت مون صاحبتى هى مجربانى وعارفه انى بلدوزر زى القصه ومبعرفش اجامل |
|
بجد شكرا ليكم كلكم على حضوركم للحلقة و يا رب يكون كلنا استفادنا من الحلقة و بجد انا بشكر ريرى حببتى و روح قلبى على كلامها الرائع التحفة ده ربنا يحميكى يا رب و يحميكم كلكم و يبارك فيكم بجد انتم ناس زى العسل و ان شاء الله ربنا يجزيكم خير يا رب
الشكر ليكى انتى ياحبيبتى على طرحك لهذا الموضوع الشيق
وفى انتظار جديدك باذن الله ادام الله لنا ابداعك |
|
شكرا ليك يامحمد بجد معلش اناغلطت فى اسم المقاله لاتؤاخذنى وبعدين لوانامبدعه يبقى انت ايه؟ عبقرى ولو ردى عجبك فده عشان انت بتجيب مقالات مميزه الواحد لازم يتفاعل معاها وميقدرش يرد عليها فى سطر او اتنين جزاك الله كل خير ياعبقرى المنتدى المفروض ده يبقى لقبك وعلى فكره دى مش مجامله وابقى اسال البت مون صاحبتى هى مجربانى وعارفه انى بلدوزر زى القصه ومبعرفش اجامل سجل يا تاريخ
ريري بتشهدي بالعبقرية عبقري مرة واحده طيب قولي بيفهم ماشي زكي ممكن هههههههههههه يا ريري ده من ذوقك بس مش عارف اقول حاجة بصراحة غير ربنا يكرمك ويعزك يا رب |
|
سجل يا تاريخ ريري بتشهدي بالعبقرية عبقري مرة واحده طيب قولي بيفهم ماشي زكي ممكن هههههههههههه يا ريري ده من ذوقك بس مش عارف اقول حاجة بصراحة غير ربنا يكرمك ويعزك يا رب هههههههههههههههه
اشهد ياتاريخ ليه هو انابقيت حدث عالمى ولاايه هههههههههههه الله يضحكك يامحمد بس خلاص من هنا ورايح اسمك عبقرينو المنتدى وهتلاقى الاسم ده انتشر واناهبقى السبب عشان اناعارفه هنا معظم الاعضاء وهروح اقولهم |
|
بجد حلقة جميلة
وياريت الناس ينفدوا الكلام ده وياريت بجد نقضى ع الحكاية دى لانها بقت عادة وعادة سيئة اووووى وياريت فعلا الشباب يتقرب من ربنا ويعرف ربنا كويس اوووى وجزاكى الله خيراا وتسلم ايدك ياريهااام |
|
شكرا على الحلقة المفيدة..
وأهم حاجة فعلا هي التدين والاتزام , لانها هي اللى بتبعد الشاب عن كل الانحرفات ده. وجزاكى الله خيرا. |
|
الحلقة السادسة من برنامج يلا نغير حياتنا
فى رمضان السلام عليكم و رحمة الله و بركاته اهلا بيكم معانا ف حلقة جديدة من حلقات برنامج يلا نغير حياتنا اول حاجة كل سنة و انتم طيبين خلاص كلها يومين و نبدا شهر رمضان اللى فيه كلنا باذن الله نعتق من النار و نختم القران مرة و اتنين و تلاتة بس بقى فيه حاجات بنعملها ف الشهر الكريم ده للاسف و بننشغل عن الصلاة و عن ختم القران الكريم و اقولكم على مفاجاة احنا ساعات بنصوم غلط و احنا مش حاسين بس الحلقة ديه هنغير حياتنا ف رمضان و لو غيرناه بجد ف رمضان اكيد هنتغير بعد رمضان حلقتنا انهاردة بتتكلم عن العادات السيئة اللى بنعملها ف رمضان للاسف و كلنا بنغلط فيها ...... تعالوا كده نشوف بعض الصور اللى اكيد بنشوفها ف رمضان و بس تعالوا نشوف و نعلق على ديه  هههههههه لا حول و لا قوة الا بالله ديه صورة كده ممكن نقول شاملة اول صورة يقولك ايه ( انا جاى متاخر و انا صايم و كلام من ده ) طب بصوا انا هسالكم انتم ده كده صيام عمر ماكان الصيام فيه تعب الصيام مش ان انت تصوم عن الاكل و الشرب و بس الصيام انك تصوم عن الاكل و الشرب و قلة الادب و العصبية و الزعيق و الخناق و النرفزة بالعكس الصيام ده بيريح و بيخلينا منمرضش بدل ماحنا قاعدين ليل و نهار ناكل و نشرب ده الرسول صلى الله عليه و سلم قال ( صوموا تصحوا ) و كمان الصيام بيعلمنا الصبر و الهدوء مش تبقى عصبى و متنرفز على طول لا بالعكس تلاقى حاجة مديقاك قول اللهم انى صائم عشان ربنا شايف كل ده فاكيد مش هتكدب على ربنا و تقول انا كنت صايم لا صيام مش بس كلام لا راعى تصرفاتك و انت ف رمضان و اصبر على اى حاجة و متتنرفزش بسرعة و ربنا يهدينا تعالوا نشوف التانية .......  يا مشاء الله يا مشاء الله صحيح زى التعليق لما بيقول مش كفايه فعلا كان صايم هيعمل ايه تانى حرام عليكى يا حاجة انك تصحيه انا زعلت كده .......... انا اقول ايه دلوقتى بقى عن ديه خلاص رمضان بقى صياام و بس يجى حتى الادان ناكل و بعدين نبحلق ف التلفزيون لا مهو رمضان مش من الفجر للمغرب بس و بعد كده تلفزيون و مسلسلات بصوا انا مش هكدب عليكم و اقولكم انى مش بتفرج لا انا بتفرج على مسلسلات بس برده مش ناسية واجبى ف رمضان الحمد لله باصلى و اقرا قران بس اللى مديقانى ان فيه ناس خلاص بتقول امتى رمضان يجى و تكتب ف ورقة مواعيد البرامج و المسلسلات و تقعد تتابع و تتفرج طب فين بقى فرصة رمضان اللى ربنا ادنا الشهر ده بيقولنا اهو فرصة ف الشهر ده فيه ناس هتعتق من النار ف الشهر ده فيه ليلة القدر خير من الف شهر ف الشهر ده هتتسلسل الشيطان نقوم نقوله شكرا مش عايزين و نتفرج على المسلسلات شوف قد ايه ربنا بيحبنا و احنا مش مقدرين الحب ده شوف ربنا مش عايز اى حد يدخل النار و احنا مش مقدرين لو فكرنا كويس هنحمد ربنا و هنعيط من اللى بنعمله نشوف صورة تانية ....... شوفوا بقى ديه .....  ههههههه ..... للاسف الظاهرة ديه بقيت منتشرة بطريقة غير طبيعيةاول حاجة ف ديه البنت فكرة نفسها محجبة هى محجبة ديه كلمة كده و بس و لا حاجة تتحط على الراس و خلاص حجاب يعنى ساتر ازاى يعنى تبقى مغطية كل حاجة ف جسمك ماعدا الوجه و الكفين زى ما الرسول عليه الصلاة و السلام قال و بعدين لو عايزة تبقى محجبة اقرى كتاب ربنا و شوفى هو قايل الحجاب ازاى و كمان فيه ناس تبقى مغطية جسمها كله بس ضيق طب يبقى عملنا ايه راعى يا حببتى ان ربنا شايفك و اعرفى انك هتتحسبى و زى مقولنا ف الحلقات اللى فاتت انتى مش رخيصة ربنا بيعمل كده عشان تبقى غالية هتقولى مثلا انا مش هتحجب غير لما اتجوز و كان الحجاب ممانع الجواز مكنش ربنا فرضه , ربنا مش عايز حد ميتجوزش بالعكس ده ربنا عايز ذرية ادم تكبر عشان ننشر ديننا العظيم ده عشان يعرفوا ان فيه ربنا و نصلح ف الارض .... غير كده فيه بنات بتقول لما اقتنع هبقى البسه تقتنعى بايه ....ز ؟؟ طب انا هقولك على حاجة انتى لما مثلا المدرس او المدير او دكتور الجامعة يجى يقولك بصى خلصيلى الحاجة ديه دلوقتى هتقوليله ايه هتقوليله لما اقتنع و لا حاضر يا فندم اكيد هتقولى حاضر و تقومى تعمليها حالا ما بالك ده ربنا و لله المثل الاعلى طبعا بس احب اوضح شوفى ربنا مديكى قد ايه و فكرى كتير ف نعم ربنا عليكى و انتى اديتى ربنا ايه فمفيش حاجة اسمها اقتناع ده فرض واجب نيجى برده فيه بنات كتير تقول انا هتحجب ف رمضان و بعدين اشيله طب ليه بقى هو ربنا مش موجود الا ف رمضان ده ربنا موجود ف كل وقت و كل مكان غير كده طب مانتى عارفه اهو ان عدم لبسك للحجاب حاجة غلط يبقى مش بتلبسيه ليه و لا هو عند و خلاص و بعدين الحجاب مش لعبة عشان نشيله و نحطه لا ده الحجاب فريضة من الله عز وجل يعنى حاجة كبيرة اوى تخيلى كده ربنا بيكلمك و يقولك اتحجبى و انتى مش عايزة يااه فكرى يا حببتى كويس هتلاقى نفسك غلطانة غلطانة غلطانة ربنا معاكى و معانا و يهدينا يا رب نشوف بقى صورة تانية ...........  طب بقى ده نسميه ايه فجع و لا ايه ده و كاننا بنصوم بالعافية و مستنين الادان بفارغ الصبر طب ليه ده كله انتم مش مجبرين على حاجة انتم اللى بتختاروا يا تمشوا ف الطريق الكويس من غير متنحرفوا و لا مرة ياما تمشوا ف الطريق الغلط و ربنا هو اللى هيحاسب حكاية ان لما انتم صايمينصايمين يعنى صابرين صايمين يعنى مش بتاكلوا و تشربوا علشان رضا ربنا صايمين عشان بنحب ربنا مش اول لما نسمع الادان ننط على الاكل و نلتهم الاكل و ناكل بشراهة هو لما كنا صايمين ده عذاب مثلا و خلصته منه و لا ايه ده الصيام ده ربنا عمله عشان نبقى ناس كويسة نتعود نمشى ف الطريق الصح و الرسول صلى الله عليه و سلم بيقول ( صوموا تصحوا ) يعنى ده مش عذاب ده ربنا عايز يقربكم منه و عايز يقربكم كمان من الجنة كل اللى انتم بتاكلوه ده بعد الصيام و بتجروا عليه ده يجى ايه جنب اكل الجنة بجد يا ريت نبطل العاده ديه افطروا و اتسحروا باعتدال و فكر دايما ان ربنا بيديك فرصة انه يقربك منه و انت بتضيعها بيديك فرصة انه يعتقك من النار و انت بتبعد برده و الله العظيم رمضان مش عذاب و لا سجن لا رمضان فرصة و فرصة غالية كمان ربنا يهدينا كلنا امين نشوف بقى صورة تانية .....  اكييييييييد ديه بتحصل ف اى مكان ف مصر ف رمضان او ف غير رمضان بس انا هقولك على حاجة الرسول صلى اللى الله عليه و سلم كان من صفاته التسامح و الصبر لو اتبعت الصفتين دول و انت ماشى ف الشارع بالعربية و قولت اللهم انى صائم و شغلت القران مش هيحصل كده و حتى و انت مروح البيت و خلاص فاضل عشر دقايق على الفطار و الطريق زحمة مثلا و الله تاكد انك هتفطر اول لما يدن الادان و ديه حصلت معايا و مع اختى كذه مرة ياريت تعرف انك صايم مش من الاكل و الشرب صايم عن فعل الذنوب و المنكرات و الالفاظ البذيئة اللى بقيناا بنسمعها ف الشارع عينى عينك مييعصبش خد الامور ببساطة و راعى ربنا ف صيامك صدقنى ده مش عذاب لو فكرت كويس هتلاقى ان ف شهر ده حكمة كبيرة جدا و من اهمها التقرب من الله و بيعلمنا حاجات كتييير لو اتعودنا عليها ف الشهر ده حياتنا هتتغير 180 درجة على اللى احنا كنا فيه قبل رمضان مااشى يلا بقى اوعدونى قدام ربنا مفيش عصبية اثناء الصيام و انا برده بتعلم من الكلام اللى بكتيه مش انتم بس و انا كمان اوعدكم مفيش عصبية اثناء الصام و ربنا معانا كلنا نشووووف بقى صورة تانية .... يلا بينا  طبعا ديه كتير بنشوفها و مش بس السجاير ديه كمان المكيفات زى الشاى و القهوة و النسكافيه ممكن فيه من كتر متعودت او اعتمدت عليه اللى ادى بعد كده للادمان و بعدين انت عملت زى مابيقولواتصوم تصوم و ترضى ربنا و فى الاخر تفطر على بصلة و تضيع كل اللى عملته طب ليه يعنى انت صايم صايم و كل ده ربنا مبسوط منك انك استحملت كل حاجة عشانه و بعدين تفطر على السجاير اللى تغضب ربنا و كانك و لا صمت و لا عملت اى حاجة ترضى ربنا ده شهر رمضان ده ربنا جيبهولك عشان تطهر نفسك فرصة انك تبعد عن الشهوات و المنكرات ربنا جيبلك فرصة اهو جرب انك تبطلها ف رمضان زى مجربت انك تشربها مش هتخسر حاجة يمكن تحب انك تسيبها و عود نفسك يمكن انا بقول الكلام ده قبل رمضان بتلات ايام بس يمكن تعمل حاجة عود نفس انك متشربش الحاجات ديه قبل رمضان عشان لما تبتدى متشربش ف رمضان الجهاز العصبى كده هيجيله صدمة فانت ف التلات ايام دول حاول تخفف من المكيفات و السجاير و بجد صدقنى رمضان ده الفرصة الوحيدة ف السنة كلها اللى ممكن تغير حياتنا و فى ناس ف رمضان اتغيرت و بعد رمضان بقيت للاحسن يعنى سبحان الله ربنا مديك فرصة و هى فايديك و سهله تقوم انت تقول لا شكرا مش السنة دى السنة الجاية لا و انت اللى يضمنك انك تعيش لبكرة اصلا فانت خد الفرصة ديه و اعمل بيها كويس و متخليش حتة سيجارة تخسرك ربنا و تخسرك نفسك ربنا يهدينا نشوف بقى صورة تانيه ........  هنا بقى فيه ناس بتفتى بكلام مش مقنع نهائى قال ايه روح ابعتلها اس ام اس و التانى زى الاهبل يقوله يا سلام عليك عارف الدين كويس و مع ذلك مش متشدد يا سلام طب الكلام ده جيبه منين و لا ايه ان احنا نصوم بالنهار و نرقص بليل اولا هو رمضان مثلا الصبح بس ده بالعكس ده ربنا بيقرب للعبد اكتر بليل و مثلا برده ربنا مش موجود غير الصبح بس و لا ف رمضان بس انا مرة شوفت ف التلفزيون خيمة رمضان بلوى سودة و مصيبة و كارثة البنات مع الولاد و كلهم بيشربوا شيشة و سجاير و بيرقصوا و عايشين حياتهم ده ف الايام العادية مش بيعملوا كده نيجى ف شهر رمضان الشهر الهدية من ربنا لينا و نعمل كده بجد لو فكرتوا كمية الحسنات اللى بتخدها ف رمضان و كمية التقوى و التقرب من ربنا بجد مش هنعمل كده و ده راجع برده للاهالى معودوش ابناءهم يعنى ايه رمضان يعنى ايه صيام و ازاى نقرب من ربنا و ازاى نحب ربنا كل حاجة غلط ف حياتنا راجعه لعد التربية فيا ريت نحترم رمضان و نفكر نفسنا دايما لما نعمل اى حاجة زى ما الرسول صلى الله عليه و سلم قلنا قول اللهم انى صائم 3 ايام اشغل نفسك بقراية القران شغل شريط لقارئ يعجبك و اسمعه اسمع ادعية هتتاثر بيها جدا و تحس ان نفسك صافية و طاهرة و هتحب ربنا اكتر و هتبقى مستعد تعمل اى حاجة عشان بس ترضى ربنا .... فيه حاجة نسيت اقولها انا سمعت حلقة للدكتور هشام حتاتة من برنامج الدين و الحياة بيقولك عشان تعمل فرامل لنفسك و متتعصبش تعمل حاجة من التلاتة 1- العلاج المعرفى اللى هو زى ما الرسول عليه الصلاة و السلام قلنا نفكر نفسنا ان احنا صايمين عشان نعمل لنفسنا فرامل و يقول لنفسه لا اللهم انى صائم اللهم انى صائم اللهم انى صائم هيلاقى نفسه بيبعد عن العصبية و مش يقولها كده و خلاص و يبقى من قلبه فعلا عايز ميتعصبش على حد ف رمضان و يبقى عايز بس انه يرضى ربنا و بعدين هو قال حاجة تانية ان الصيام علميا مش بيسبب العصبية فيه ناس بتقول انه بيقلل نسبة الجلوكوز هى فعلا بتقلل بس بس ده بعد الصيام ب11 ساعة يعنى بيبتدى يقل قبل الفطار بنص ساعه يعنى كل الكلام اللى بيتقال غلط ف غلط 2- العلاج السلوكى تمرين النفس ازاى بقى هى طريقة حلوة و انا عن نفسى هجربها انك تغمض عينك و تتنفس من بطنك مش من انفك و تاخد شهيق عميق و زفير ببطء ابقوا جربوها و قولولى انا عن نفسى هجربها بس هو ديه الحاجات اللى احنا بنعملها ف رمضان و للاسف ان احنا بنعملها هى كده حلقتنا خلصت و عايزين بقى ف رمضان نعمل بس على ارضاء ربنا و كل واحد بصراحة يقول انت بتعمل ايه من الحاجات ديه ف رمضان انا عن نفسى الصراحة بتفرج على التلفزيون و المسلسلات بس الحمد لله بيبقى فيه حاجة دايما تقولى انتى كده نسيتى ربنا فبقوم اقرا قران و اصلى بس الحمد لله مش ناسية ربنا قولى بقى انت او انتى بتعملوا ايه من الحاجات ديه ف رمضان و هتبطلها و كمان لو فيه عادة تانية سيئة بنعملها ف رمضان غير دول يدخل و يقولها و بجد رمضان ده شهر كريم و هدية من ربنا و لازم نستغلها صح فيه حاجة كمان ركزوا ف رمضان على دعوتين تلاتة كده ركزوا عليهم و ان شاء الله رمضان الجاى مش هيجى غير لما تتحقق وحدة من الدعوات و ادعولى معاكم كتير انى اجيب درجة حلوة ف الثانوية و ادخل الكلية اللى انا عيزاها و متنسوش يوم الجمعة باذن الله هنحتفل بالشهر الفضيل و هيبقى معانا مفاجأة جامدة جدا و كل عضو هيبقى ليه هديتين بمناسبة الشهر الكريم و انتهاء البرنامج و ده عشان مذاكرتى و ربنا يوفقكم و رمضان كريم عليكم و ف اخر الحلقة هقول يلاااااااااااااااا....... نغير حياتنا و رمضان كريم و السلام عليكم و رحمة الله و بركاته |
|
السلام عليكم ورحمة
تهنئة بقرب حلول شهر الطاعات والخير شهر رمضان المبارك، سائلين من الله العلي القدير أن يبلغنا وإياكم الشهر في أوفر صحة وأتم حال، وأن يتقبّل منّا ومنكم صالح الأعمال، وأن يجعلنا من يصومه ويقومه احتساباً ليغفر له ما تقدم من ذنبه. من احكام الصيام النية وجوب تبييت النية في صوم الفريضة قبل طلوع الفجر، لقول النبى -صلى الله عليه وسلم-: "من لم يُجمِع الصيام قبل الفجر فلا صيام له" [صحيح أبي داود] وقال - صلى الله عليه وسلم-: "من لم يبيت الصيام من الليل فلا صيام له" [صحيح النسائي] والنية محلها القلب، والتلفظ بها لم يرد عن النبي - صلى الله عليه وسلم- ولا عن أحد من أصحابه رضي الله عنهم . وقت الصوم : قال تعالى: { وكلوا واشربوا حتى يتبين لكم الخيط الأبيض من الخيط الأسود من الفجر} ما يجب على الصائم تركه : * قول الزور: قال صلى الله عليه وسلم : "من لم يدع قول الزور والعمل به فليس لله عز وجل حاجة أن يدع طعامه وشرابه" [رواه البخاري] * اللغو والرفث: قال : صلى الله عليه وسلم: "ليس الصيام من الأكل والشراب ، وإنما الصيام من اللغو والرفث ، فإن سابَّـك أحد أو جَهِل عليك فقل : إني صائم" [صحيح ابن خزيمة] على ماذا يفطر؟ عن أنس بن مالك رضي الله عنه قال : "كان النبي - صلى الله عليه وسلم - يفطر على رطبات قبل أن يصلي، فإن لم يكن رطبات فتمرات، فإن لم يكن تمرات حسا حسوات من ماء" [ صحيح أبي داود ] الصوم مع تركه الصلاة : * من صام وترك الصلاة فقد ترك الركن الأهم من أركان الإسلام بعد التوحيد، ولايفيده صومه شيئاً ما دام تاركاً للصلاة ، لأن الصلاة عماد الدين الذي يقوم عليه، وتارك الصلاة محكوم بكفره، والكافر لا يقبل منه عمل لقوله صلى الله عليه وسلم: "العهد الذي بيننا وبينهم الصلاة، فمن تركها فقد كفر" [صحيح رواه الإمام أحمد] |
|
اولا هبدا كلامي ب
رمضان كريم ....اعادة الله علينا بالخير واليمن والبركة ثانيا الموضوع متقدم المرة دي بشكل كومدي شوية بنضحك علي الحاجات الي بنعملها في رمضان....او علي الاقل بنشوفها طبعا عندك حق في كل الي قولتية من اول اننا نريح دمغنا ومنعملش الي علينا علشان صايمين مرورا بنومنا طول نهار رمضان علشان تعبانين من الصيام مرورا بالاكل الكتير و الفطار علي الحرام و......كل دة والغريب بقي كمية المسلسلات والبرامج الي بتتعمل في الشهر دة زي ما بيقولو كدة موسم.....موسم للمسلسلات والبرامج والاعلانات في كل القنوات ......عن المسلسلات يارب نحاول بقدر الامكان نغير كل العادات دي ومرة تانية رمضان كريم شكرااا بجد |
|
السلام عليكم ورحمه الله وبركاته
انا عاوز اقول حاجة بجد احنا بناخد رمضان كأنه لعبة او تسلية بمعني اصح انا بشوف حاجات غريبة بتحصل في رمضان والعادات السيئة الموجودة بكثرة واللي احنا بنعملها وزى ماقولتي اننا مش مجبرين علي حاجة انا هقول علي معلومة كدة كنت سمعتها يعني في دراسات في امريكا كانت بتتعمل عن صحة الانسان وكانت نتيجتها ان علشان يكون الانسان في تمام الصحة لازم يصوم واسلم عن طريق المعلومة دي الكثير لانهم عارفين ان ربنا بيحثنا علي الصيام وبعدين الصيام مش نهار بس فعلا لا دا نهار وليل وطول الشهر الكريم يعني لازم نخلي بالنا من تصرفاتنا في ناس بتمتنع عن الاكل والشرب بس بتعمل كل اللي هي عاوزاة طيب انت كدة عملت اية ؟؟؟؟ ولا عملت اي حاجة لان الصيام مش موضوع اكل احنا لو فكرنا شوية هنلاقي ان الصيام دا بيعلمنا الصبر وبيعودنا علي حاجات حلوة كتير طيب انا هقول حاجة كمان حقيقية انا اعرف واحد هو كبير في السن شوية يعني عندة زيادة في نسبة الكولسترول في الدم وبيعمل تحاليل كتيرة وفي رمضان اللي فات عمل تحليل قبل رمضان لقية مش مظبوط وبعد رمضان عمل تحليل لقيه مظبوط جدا سبحان الله وفعلا صدق رسول الله صلي الله عليه وسلم عندما قال " صوموا تصحوا " والله كل حاجة موجودة في القران والسنة بس احنا ناخد بالنا ونفكر شوية احنا لو استغلينا رمضان دا صح والله هنخرج منه مرتاحين جدا وقال رسول الله صلي الله عيله وسلم ايضا :- " اذا دخل رمضان فتحت ابواب الجنه وغلقت ابواب جهنم وتسلسلت الشياطين " فانا مش عارف احنا لية بنعمل كدة ومصممين علي اللي احنا فيه يارب اهدي جميع المسلمين وفي اخر كلامي اقول يلا نغير حياتنا اللي بجد نفسي انها تتغير |
|
الحلقه مهمه جدا يا ريهام بجد
وشكرا ليكي انتي عملتي حلقه بجد حلوه وهتساعد حلقت اول رمضان بتاعة حملة هنتغير بجد فعلا والله ياريهام كل الي انت قولتيه بيحصل ومبقيناش عارفين نعمل ايه بس هما كده ومن شب علي شيء شاب عليه بجد والله انا بشوف كده كتير وبحاول اتكلم مع الي بيعملو كده وبالذات حوار الطرؤحه الي انتي جبتيه بتاعت البنت المحجبه الي اصلا متعرفش رحت الحجاب بجد معظم اصحابي كده وفاكرين بقي ان هما كده بنات مؤدبه ومتدينه وخايفه علي صيمها والله فكرتيني امبارح اتنين بيقولو لبعض ايه يابنتي هو هنلبس عادي الجينس في رمضان ولا ايه ردت قالتلها اه طبعا هنلبس جينس يابنتي وعليه اي بدي كويس طويل يعني رمضان بقي قالتلها لحد فين مثلا قالتلها لحد الجيبوب يلا هنعمل ايه بقي واهو رمضان شهر هانت ولبس العيد بقي مقولكيش بجد انا استغربت من طريقة تفكرهم في الاستعداد لرمضان يا جماعه استعدو لرمضان كويس يعني تقولو هنصلي في انهي جامع هنقضي يومنا ازاي في صلاتنا وشغلنا وكده وعلي قد ما الواحد يقدر يحافظ علي صلاته وصيامه بجد لان اهم حاجه في حيتنا صيمنا حافظو عليه وابعدو عن العادات السيئه الي بنعملها واسمحيلي يا ريهام بقي بعد كل الرغي ده اقولهم ان باذن الله انا هكمل في حلقة اول يوم رمضان عندي الجانب الديني اكتر الي هو بقي طريقة الصلاه اسفه لو طولت بس بجد الموضووع يستحق المناقشه |
|
الحلقة جاية فى وقتها يا رهومة
وفعلا انتى معاكى حق فى ناس كتييييييييير اوى فاهمة رمضان غلط يعنى انا مثلا من يومين واحدة بتسألنى انتى هاتبعى ايه فى رمضان!!!!!!!!!!!!!!! استغربت جدا وقولتلها هاتابع ايه ازاى يعنى؟؟؟قالتلى من المسلسلات والبرامج انا قولتلها انا مش من هواة الحجات دى ....انا بتفرج اه بس مش دى الاولوية ...الاولوية بتبقى للصلاة الذكر وقراءة القران ...........يعنى بمعنى اصح القرب من ربنا سبحانه وتعالى ومحاولة نيل رضاه.......وياريت منخليش اللى وسائل الاعلام بتعملة فى رمضان تلهينا عن اعظم الاعمال نيجى بقى للناس اللى بتقعد تشتم وتلعن و..........و..........و............و فى الاخر تقولك اللهم انى صائم؟؟؟؟؟؟؟؟؟؟؟؟طب ازاى يعنى انا لما بشوف المواقف دى قدامى بستغرب جدا والله لان النوعية دى بتبقى فاهمة الصيام على انه صيام عن الاكل والشرب فقط زى ما يكونوا بيبقوا ماسكين نفسهم بالعافية واول ما المغرب يأذن تبص تلاقى نافورة نازلة من كل حاجة غلط وكل حاجة بتغضب ربنا لا حول ولا قوة الا بالله العلى العظيم لأ.....والحاجة الغريبة اللى انا بلاحظها كمان فى بنات بشوفهم لابسين اسدال او......زمحجبات من وجهة نظرهم طبعا وفجأة بعد رمضان بيبقوا حاجة تانية!!!!!!!!!!!!!!!!!!!!!!!! بس لييييييييييييييييه هو ربنا خصص شهر رمضان من السنة كلها علشان ده الشهر اللى كلنا نصوم ونطيع ربنا فيه ربنا شايفنا طول السنة ورقيب علينا وموجود طول الوقت وفى كل مكان فياريت يا جماعة نعتبر طول السنة شهر رمضان وجزاكى الله كل خير يا ريهاام على الحلقة الجميلة دى واتمنى انها تأثر فى ناس كتيييير يا رب |
|
معلشي ياريهـــام ياقمــــــر ,,,,,,,, انا مقصـــــــــرة معاكي والله
الحلقة الخامسة جميلة جدااااااااااا ,,,,,,, وياريت كل النااااااااااااس تحفظ طرق العلاج دي كويس وتعمل بيها لان فعلا ......... لو الناس اخدت بيها وتم تنفيذها كويس ,,,,,,,, بجد والله حياتنا هتتغير واهم حاجة في النصائح دي التقرب من الله ,,,,,,, والمشي على منهجه ومنهج رسولنا محمد (صلى الله عليه وسلم). ربنا يوفقك ياريهام ياحبيبتي ياقمرررررررر ,,,,,,,, انا هقرأ الحلقة الجديدة وهعلقلك عليها برده. |
|
بجـــــــــد.......... بجـــــــــد .......... بجـــــــــد ,,,,,,,,,,,, انا مش عارفة أقولك ايه ؟؟؟؟؟؟؟
الله عليكي بجد ,,,,,,,, جزاكي الله خيرآ ,,,,,,, وكثــــــر من أمثالكــ يا ريهـــام ,,,,,,,,, يااااااااااااااااارب الحلقة دي جاية في وقتهـــا فعلا والله ,,,,,,,,,,, ولازم نخاف من ربنا ,,,,,, ومش في رمضان بس ,,,,,, في كل الاوقات لان رب رمضان ,,,,,, رب السنة كلهــا ,,,,,,,, ورمضان موجود نهار وليل ,,,,, ومش نصوم بالنهار ,,,,,,, ونضيع كل اللي احنا عملناه بالليل ,,,,,, يارب احفظنا يارب من كل سوووووووووووء ,,,,,,,,, وانا معاكـــم في الحفلة اللي هتتعمل النهارده ان شاء الله ,,,,,,, اعملو حسابي في الهدايا ....... ههههههههههههههههه |
|
تسلم الايادى يا حبيبتى
بجد موضوع هايل المره دى وانا استفدت جامد جدا وانا عن نفسى جاتلى فتره وكنت بفطر على نسكافيه من كتر مكنت مدمناه وربنا يوفقك يارب فى حياتك ومتقلقيش يا حبى هدعيلك |
