الحلقة التانية من برنامج يلا نغير حياتنا
زحف العادات الغربية للمجتمع الشرقى
السلام عليكم و رحمة الله و بركاته
اهلا بيكم معانا ف برناامج
يلا نغير حياتنا
قبل ما بتدى الحلقة التانية
انانفسى اشكركم على محبتكم للبلد ديه اللى واضح جدا و اللى
عايزين تعملوه و تغيره حالها و حال الشباب دلوقتى المصرى
و العربى كله و حال بلدنا و باالبرنامج البسيط ده بنحاول نعمل حاجة بسيطة كده لمصر و الوطن العربى كله و لشبابنا اللى
هما الامل و احنا اهو شغاليين باقل حاجة ممكن نعملها
احب كمان اشكر كل الناس اللى شجعونى و خلونى اعمل الحلقه اللى فاتت و اللى خرجنا منها بحاجة كويسة و
ترضى ربنا و نخلينا نعرف الحب اللى هو حب بجد مش خروجات و تليفونات يبقى كده انا بحب و كمان عايزة
اقول حاجة ان لسة الحمله شغالة و ياريت نعملها بره كمان المنتدى و من الناس اللى شجعونى "" scorpion اللى حضر معايا
الحلقة ديه بافكاره الهايلة و"it-is-my-destiny "اللى عمل لوجو البرنامج الرائع ده و كمان احب اشكر كمان "etch
evil"اللى بيعمل تصميم الحملات و كل الاعضاء اللى شرفونى فى التريلر و شجعونى على فكرة البرنامج
و تقديم الحلقة الاولى بشكل حلو
معلش طولت عليكم فى المقدمة بس كان لازم ادى كل الناس اللى
شجعونى و شرفونى ف التريلر و الحلقة الاولى حقها ,
الحلقة انهارده بتتكلم عن موضوع مهم جدا و انتشر جاامد اوى مش ف مصر بس ده ف الوطن العربى كله و هى ان
الشباب العربى بقى بياخد العادات الغربية السيئة و بيقلدها تقليد اعمى من غير ميفكر كويس ف اثرها , ف ان
الغرب دول شعب متحرر ملهومش نفس عادتنا مش نفس ديننا مع ان احنا لو استعملنا دماغنا و الله هنطلع احسن
منهم بكتيير بس المشكله ف الشباب العربى انه للاسف مش بيشغل دماغه لاغيها تماما مع ان دماغنا كبييرة جدا
و تقدر تعمل حاجات احسن اكبر مثال على اللى بقوله دكتور احمد زويل بجد البنى ادم ده انا بحترمه اوى بس
للاسف هو بره مصر دلوقتى طب ليه عشان مش لاقى اللى يشجعه هنا بجد احنا احسن من الغرب بكتير جدا
بديننا,باخلاقنا,بالقيم و العادات اللى احنا شيفنها وحشة مع اننا مدخلناش جواها
و يسعدنى انى يكون معانا ف حلقة انهارده عضو بجد عايز يغير حياة اى شااب او بنت عضو متحمس جدا لفكرة البرنامج
يسعدنى و يشرفنى يكون معانا العضو "scorpion"
اهلا بحضرتك معانا ف البرنامج نحب نسال حضرتك عن رايك فى العادات الغربية اللى احنا كعرب بننجذب
ليها و بنقلدها تقليد اعمى راى حضرتك ايه ف الموضوع ده
رد الاستاذ "scorpion" وقال :
اولا احب اشكرك و اشكرك واشكر كل الناس اللى بتابع البرناامج الرائع ده و فرحان ان لسه فيه شباب كويس زى شباب
منتدى نجوم اف ام عامة و شباب برنامج يلا نغير حياتنا خاصة ف الاول احب ابتدى كلامى بالايه الكريمة من سورة الرعد قال الله
تعالى (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ ) طبعا اى مجتمع مبيخلاش من العادات السيئة و فى مجتمعنا الاسلامى و
العربى بنشوف كتيير من العادات السيئة بتنتشر بسرعة هائلة بين شبابنا , ولازم ان احنا نحاول نقضى
على العادات السيئة ديه بايه بقى .... ؟؟؟ بان احنا نرجع لطريق الصواب و نرجع لربنا سبحانه و تعالى و يستكمل حديثه قائلا :
للاسف فيه عادة دارجه بين شبابنا وهي تقليد الغرب في اللبس وقصات الشعر المقززه للنفس ,أنا شوفت بعيني شباب لابسين
اساور فى ايديهم والسلاسل حول رقبتهم و ده تقليد أعمى انا بدعوالله أن يهديهم الى طريق الحق. وتنطبق عليهم مقولة علي بن
أبي طالب رضي الله عنه"أشباه الرجال وماهم برجال حلوم أطفال وعقول ربات حجال".
فعلا عند حضرتك حق
ويستكمل حديثه قائلا :
وايضا عادة رفع صوت المسجل في السيارة بصوت الاغاني والرسول عليه الصلاة والسلام يقول في معنى حديثه
(كل امتي معافى الا المجاهرون ) وغيرها من العادات السيئة على مجتمعنا المسلم .
اسال الله ان يهدينا الي الطريق الحق
متشكرين لحضرتك جدا على رايك و تشريفك معانا ف يلا نغير حياتنا و نتمنى نشوف حضرتك تانى ف البرنامج
عارفين المشكلة ف ايه ان احنا مش بنشغل دماغنا و بس لأ ده احنا بنقلدهم و فى الحاجات السيئة مش نبص للحلو و نقلده لأ احنا ليه
بنبص للوحش دايما يمكن برده ديه حلقة ان شاء الله مهمة جدا و هنعمل حلقة عن الموضوع ده قريب باذن الله
,احنا للاسف سبنا التقدم العلمى و انهم كل يوم بيقدموا اختراع جديد ف كل مكان و بصينا على ايه على لبس و
قصة شعر شوفو الفرق يا جماعه ده مفيش وجه مقارنة انا و انا بكتب دلوقتى الكلام ده انا بضحك من كتر مانا
مستغربة ان فيه عقول عندنا نضيفه اوى و مش واخدين بالنا منها و بصين على لبس و كلام فاضى و يا ريتها
جت على لبس بس انا يا جماعه بشوف شباب لابسة حلقان و سلاسل و غوايش طب ليه تعالى شوف عقولهم من
جوه اغلبهم ممكن يعملوا حاجة للبلد ديه و انا بسال نفسى سؤال بيتكرر من ساعة لما فكرت ف موضوع حلقة
انهارده و هو ليه الغرب متمسكين بعاداتهم و مش بيسمحوا لنفسهم انهم يقلدوا العرب مع اننا احسن منهم
بديننا و اخلاقنا اللى للاسف اتمحت من كتر بصنا لبرة و كتر تقليدنا العمى للغرب و العادات الغربية
كمان انا عايزة اقول للشباب حاجة اتخيل كده و انت اللى هتقول بنفسك لو فيه اتنين متقدمين لبنت واحد لابس
بنطلون ساقط و القميص مفتوح و سلسة و الحلق و الشعر طويل بجد تخيل معايا و التانى لابس قميص محترم و
بنطلون و مظبط شعره (قصير)و هى زى متفقنا ف الحلقة اللى فاتت متعرفهمش المهم تفتكر هتختار مين اللى
هتحس انه يقدر يتحمل المسئوليه و اللى ممكن و تحتيها مليون خط يبقى كويس انا مش بقول ان الناس اللى بتلبس
الحاجات ديه تبقى ناس مش كويسة انا مش بقول كلهم مش كويسين لا فيه ناس بتلبس الحجات ديه و كويسة و
محترمة بس عجابها الاستايل بتاع الغرب ده بس زى مبيقولوا ف المثل الشرقى الجميل-الجواب بيبان من عنوانه-يعنى لو حد
شافك لابس اللبس ده هيقول الانسان ده مش محترم .طبعا مش كلامى بس اغلبية الناس هتقول كده و كمان فيه ناس تلاقيهم
مطولين شعرهم لدرجة انه بيبقى اطول من شعر البنات ههههههه بجد و تلاقيه فرحان بيه و بيكويه يا مشاء الله -مع احترامى لكل
اللى مطول شعره- بس اللى عايزة اقوله ليه يعنى شعرك طويل البنات هتتهبل عليك مثلا انا اهو بنت و بقولك مش هتعجب بيك
يمكن هتكون عايزة تتعرف او تتسلى بس لا يمكن تقبل تتجوزك و تحملك مسئوليه لانها مش شايفه قدامها الكلام
ده مع انك من جوه ممكن تكون كويس جدا و احسن من اى واحد شعره مظبوط بس الجواب بيبان من عنوانه
غير بقى اللبس و المظهر العادات الغربية بقيت عماله تزحف و تتسحب تتسحب لغاية ماهجمت ع الطباع
الشرقية و انتصرت عليها بجد تصوروا ان فيه زوجات بيبقى عندهم صديق و لما تيجى تعرفنا تقول احب اعرفك
ده جوزى و ده صاحبى ههههههههههههههههه بجد حاجة تضحك مع اانها حاجة مستفزة جدا و بجد بستفز لما
بشوف حاجة زى ديه طب انا كالعادة هكلم الطرفين هكلم الزوج ازاى تسمح لمراتك انه يكون لها صاحب ازاى
تقبل على نفسك الكلام ده فين رجولتك فين شهامتك فين شهامة الراااااجل الشرقى اللى معروف برجولته و كرمه
و شهامته و لا هو خلاص الغرب عمونا للدرجة ديه الزوجة: حضرتك ليه بتعملى ف نفسك كده لو جوزك ماثر معاكى ف
حاجة اقنعيه بهدوء و اتكلمى معاه و لو لقيتى مفيش فايدة من حقك تنفصلى و تتجوزى من تانى لكن انتى
جوزك ده المفروض بالنسبالك كل حاجة صاحبك و حبيبك و اخوكى و ابوكى كل حاجة انا شايفه ان ملهاش
لزمة خاللص حكايه الصاحب و انتى متجوزة ده حبى جوزك و اتكلمى معاه و مش اى حاجة بيعملوها بره تبقى
ديه الصح لأ ده احنا اللى عندنا ديننا اللى نازل من ربنا سبحانه و تعالى سواء المسيحية ااو الاسلام يبقى ليه
بقى كده كمان المجموعات الغربية اللى بتتعامل هناك اللى بنقلده بطريقة كوبى باست من غير ما نفهم ايه اضرارها اخر
حاجة نزلت مجموعات الايموز ديه الفكرة حلوة جدا الفكرة هى تجميع الناس اللى شايفه نفسها وحيده و مش لاقيه
اصحاب كويسين و مفيش حد يسمعهم و يتكلموا مع بعض و يبقوا اصحااب بس الوحش ف الموضوع ده شكل الشعر لازم يطولوه
على عينهم و يلبسوا لون اسود و عليها صور جماجم طب ليه يعنى احنا بنعمل حاجة كويسه بنساعد الناس اللى مش لاقيه حد تتكلم
معاه انها تطلع اللى جواهم نقوم نكأبهم باللون الاسود و بعدين ايه لزمة الشعر الطويل المفروض الالوان تبقى فيها بهجة عشان
نساعدهم على انهم يتخطوا المرحلة الصعبة ديه نقوم احنا نزودها ده تفكير ايه ده و المشكله ان احنا قلدناهم كأن فولة و
اتقسمت نصين من غير منفكر ايه الصح من الغلط طب مناخد الحلو وننفذه بدل ما ناخد اى حاجة من غير منفكر
و كمان خدنا اللى ابشع من اللى قولته ده كله الجواز العرفى يعنى بقينا للاسف فى منتهى الغباء مع ان عقولنا و
الله نضيفة و نقدر نطلع افكار هايلةاحنا للاسف وصلنا لنهاية حلقتنا انهارده مستنيين رايكم و زى كل حلقة بنعمل حملات اسم
الحمله -لن اعيش فى جلباب الغرب- مستنين لوجو الحملة و الكل اللى معانا ياريت
يحطها ف التوقيع و نرسل بيها رسايل للناس اللى مش متابعه البرنامج و بره كمان المنتدى انا عارفه ان الموضوع
صعب بس انا واثقة فى شباب نجوم اف ام الرائع اللى شغالين و بكل حمااس ف البرنامج معايا
مننساش اسم الحمله - لن اعيش فى جلباب الغرب-
و فى نهاية الحلقة يلااااااا.......نغير حياتنا
و السلام عليكم و رحمة الله و بركاته
|