اعلن الاعلامى الكبير محمود سعد من خلال مكالمة هاتفية مع منى الشاذلى فى برنامج العاشرة مساءا انه قد اعتذر عن الاستمرار فى برنامج مصر النهاردة و انهى تعاقده والذى كان يمتد الى نوفمبر 2011 بسبب انه قد طلب منه ان يستضيف احمد شفيق رئيس الحكومة فى حلقة اليوم السبت 26-2-2011 على مدار الحلقة بالكامل ، واكد سعد انه يرفض التعامل مع حكومة شفيق لان وجودها ضد ارادة الشعب ، واعلن محمود سعد انه لن يظهر على شاشة التلفزيون المصرى مرة اخرى ولن يسمح بأن يفرض عليه لقاءات وحوارات لا يريد اجرائها

انا لسة سامع الخبر ناو من العاشرة مسائا

بس السبب غريب يا استاذ محمود متستضيفه و ماله و ريهم اننا احسن طلع منه الخبايا
مفيش مشكلة يعني ؟

شكرا علي الخبر

ممتاز مقاطعة هـــــــــــــــــــــذا العجوز الذي يتوعد الشعب

يقول شفيق انه أي محمود ترك البرنامج لانهم أخفضوا مرتبه من 9 مليون في السنه الي واحد ونص مليون

مين الصادق ومين الكذاب ؟؟؟؟

تم اضافة الفيديو

ورغم انى من الناس اللى بتحب محمود سعد بس اصدق كلام احمد شفيق لانى كلام سعد غير مقنع -- واحمد شفيق مدخلش على التليفون مع منى الشاذلى الا بعد استفزازه من مداخلة سعد

يا جماعة مع احترامي الكامل لشفيق .... بس الراجل ده كداب و لازم يسيب منصبه
المرتبات في برنامج مصر النهارده بالنسب المئوية ... على حسب الاعلانات اللي بتيجي للبرنامج في السنة

يعني لو دخل 100مليون هو بيبقى ليه نسبة منها ..... لو زادت يبقى نسبته تزيد ولو قلت يبقى هياخد مرتب اقل

كفاية بقى يا شفيق ياللي لحد دلوقتي بتسمى الثورة حركة شوية شباب

بس انا مش معي محمود سعد لأن رسالته كإعلامي إظهار الحقيقة ........... كان لازم يعمل معاة حوار ويقول كل اللي عايزة مش يهرب

ياجماعه مش معقول كل واحد زى محمود سعد هيجى يقول انا مع الثوره علشان حصلتلو مشكله فى راتبه هو يعنى قثبل الثوره كان محمود سعد بيرفض ال9 مليون ويقول دى حق مصر متحسبوها صح ياجماعهوبعدين الثوره علشان فى ناس بتاخد مرتبات زى محمود سعد وناس بتاخد مناديل وتسرح فى الشارع محمود سعد كان بياخد 9 مليون لازم يقول انه مع الشباب وقبل الثوره كان بيستضيف الناس ومعبرش براى ليه دلقوت مع الثوره سبحان مغير الاحوال بس كلمه اخير يا استاذ محمود احنا شباب اذكى مما حضرتك تتخيل يارب نفكر صح

شكرا على الخبر

والله احنا احتارنا نكدب مين ونصدق مين

والله انا شخصيا كنت بحترم الاستاذ محمود سعد جدا وكمان الاستاذه من الشاذلى بس بعد المواقف الكثيره اللى مرت بيها البلد بدأت أتأمل أعيد النظر فى كل الناس وأولهم الاعلاميين وخصوصا الاستاذ محمود سعد والاستاذه من الشاذلى بجد أحساسى بمصداقيتهم ونزاهتهم المهنيه والانسانيه باتت مهزوزه للغايه وفى مثل قديم يجب العمل به الان وهو (((يا مرحب بالشده اللى تبينلى عدوى من حبيبى )))

اصل الحكايه ان القناه خفضت راتب محمود سعد قبل البرنامج وعملها حجه علشان يبان انه عمر الكختار
الاعيبك كلها مكشوفه يا بردعي

أريد أن أسأل محود أفندى سعد الاعلانى الشهير- كيف عرفت أن الشعب لا يريد حكومة شفيق؟ هل تستقى معلوماتك الجباره من الاعلانات الأخيره فى الميدان الأشهر بعد نص الليل؟ يا خساره وألف حساره. كل يوم يمضى بعد الثوره نتأكد يوما بعد يوم اننا كنا فى منتهى العبط والسذاجه. والبطيخه طلعت قرعه رغم أننا كنا متأكدين أنها حمار وحلاوه.

برجاء نشر التعليق/لو سمحت يأستاذ/محمودسعد انت مش راضى بسيادة الفريق/شفيق وخضرتك بتتكلم مع المذيعة الفاضلة منى وبتشكر فى سيادة الفريق بمعنى انة راجل محترم وشايف شغلة كويس وكل الناس محدش بيقول علية حاجة غلط طب لية مرحبتش انك تتناقش معاه ولا انت معاهم معاهم ولاعليهم عليهم ومع كل احترامى لك سيادة الفريق ميتشرفش انة يجلس معاك علشان انت محترمتش روحك مع كل احترامى لسيادة الفريق وفى مثل انا بحترمةجدا(جحا معجبش حد)وعلشان الفريق مش عجبك يبقى مش عاجب الشعب ولا اية انت واحد من ضمن 85مليون هو انتم بتحورو اللى بتحبة وبس (صورتك بقة وحشة وياريت مترحش التلفزيون تانى وانا ماكنتش بحب حواراتك كنت بحس انها بردة وانا والله لا تبع اى حزب اوالخ مع احترامى لك

محمود سعد دا بتاع مصلحتة فقط دا إلى أنا شايفه يا 9 مليون جنيه يابلاش. لأ بلاش. نوفرهم لحاجة أحسن للغلابة ياجماعة كل هذا من دم الشعب المطحون. وهو بيقول إنه بيدخل إعلانات كثيرة أثناء برنامجة إلذى ليس لة أى قيمة نافعة فى حياة الإنسان الغلبان المقيم فى العشش الصفيح. كل الفلوس دى من ميزانية التلفزيون المصرى إلى الشعب بيدفعها من دمه.