اكد الفريق احمد شفيق فى مداخلة تلفونية وفى تعقيب على مكالمة محمود سعد انه قد ابلغ انه برنامج مصر النهاردة يريد اجراء حوار معه وانه لم يتم فرضه على محمود سعد تماما واكد شفيق ان السبب الحقيقى فى استقالة محمود سعد هو تخفيض اجره من 9 مليون الى مليون ونصف المليون جنيه عن العام وان سعد قد تم ابلاغه بالقرار قبل حلقة اليوم من البرنامج وان اعتذار سعد عن الظهور على الهواء لهذا السبب وانه ليس له علاقة من قريب او من بعيد بالامر مشيرا الى ان كلام محمد سعد فى المكالمة غير صحيح على الاطلاق وانه قرر ان يقوم بمداخلة هاتفيه لتوضيح حقيقة الامر

تم اضافة الفيديو للموضوع

والله بلد غريبة كل حاجة اشاعات نفسنا كدة نجيب كل الشخصيات الي ماسكه اي حاجة من التمنينات و نرميها بره البلد
و نبتدي من جديد كلهم حرامية و فساد و محدش بئة يعرف مين فعلا الفاسد
البلد كلها اشعات البلد كلها تخريف البلد كلها كلام في الهوا
كله بيكدب والله ما حد بئة يعرف اي حاجة ربنا يستر و يعدينا من الازمة بتاعت الاحزاب دي
انا متأكد مليون المية ان حكومة مبارك لازلت تعمل للانتقام مش لازم حكومة احمد شفيق
مش المقصود فقط الوزرا
الحكومة بمعني كل اتباع حسني الي لسة موجودين من شرطة و مخابرات و امن دولة
و وزراء و احزاب كل الي كانوا تبع مبارك بيخططوا جامد لينا و ان شاء الله يتجروا
قبل ما يعملوا حاجة

اولا لا يحق للاستاذ محمود سعد رفض استقبال اي ضيف مهما كان مين هو.. وخاصة اذا كان الوضع الراهن يتطلب ذلك حتى ولو كنت على خلاف معه...
على كده انت تستقبل فقط من تتفق معهم في الرأي؟؟
آمال استقبالك للوزراء السابقين يبقى ايه؟ اذن انت كنت على اتفاق معهم؟
المفروض انك تستقبل الكل وتحاور معهم وتعرف وجهة نظرهم وتترك للجمهور الحكم..
مش هو ده برضه حرية الاعلام؟ ألا تفرض على المشاهدين رأيك أو رأي اي شخص آخر حتى ولو كانت الحكومة....
لاستاذ محمود سعد حب يعمل فيها بطل مرة اخرى ..
الحركات ديه مش هتخيل على الشعب المصري والشباب بالذات ..
اما اذا كان الموضوع غير ذلك فممكن جدا يكون موضوع تخفيض الأجر اللى قالتها بعض التعليقات فأنك بهذا الشكل تناقض نفسك .. فين عدم التفاوت الفظيع في الاجر في العمل الواحد..
الناس بتهاجم محمود سعد مش حبا فى احمد شفيق ولا فى الحكومة بس ضيق من تصرفاته المبالغ فيها ليه عند محمود سعد اصرار بالتظاهر بالوطنية المبالغ فيها ومساندة وهمية للفقراء دون ان نسمع عن اى مشروع خيرى من الملايين الكتير اللى بيكسبها فى الحقيقة انه مش تخفيض المرتب بس اللى مطفشه وخلاها حركة وطنيه ولكن سيتم استدعاؤه حسب ما قرأنا عند الكسب غير المشروع بسبب اجره المبالغ فيه مش موضوع اعلانات كتير بيجيبها زى مابيدعى . القذر انس الفقى مش ناوى يسيبه ويستاهل

أنا مع الكلام إن محمود سعد إستقال من منصبة علشان تخفيض مرتبة إلى بالملايين مش حكاية مقابلة مع رئيس الوزراء أحمد شفيق والغريب إن الناس دى عمليين فيها وطنيين وهما عماليين يمصوا فى دم الغلابة المطحونيين ييأخذ 9 مليون يابلاش .لأ بلاش أحسن وهو كدا نوفر الملايين لشئ مفيد أحسن من اللت والعجن .والله عجن ومش هو بس دا كل المذعيين بيعجنوا وعمليين فيها محررين العبيد يلا يلموا نفسهم أحسن . كان نفسى أسمع عن أى واحد فيهم بيتبرع لمستشفى السرطان بنصف مرتبة المليونى أو إقامة مشاريع لتشغيل الشباب أو المبادرة منهم بتخفيض مرتباتهم الفلكية للمرور من هذة الأزمة الطاحنة التى تمر بها البلاد بعد سرقتها من قبل لصوص الحكم .
ياريت يشوفوا مذعيين وفنانى ومليارديرات أوروبا وأمريكا بيسهموا كيف فى سبيل رفعة أوطانهم وعلى سبيل المثال (بيل جيتس) صاحب شركة ميكروسوفت لبرامج الكمبيوتر الشهيرة بيتبرع بعشرة مليار دولار سنويا وبكرر سنويا لأعمال الخير من أصل ثروة بلغت 40 مليار دولار يعنى ربع ثروتة وهناك ممثليين أمريكيين بيتبرعوا بنسبة كبيرة من دخلهم لأعمال الخير فى بلادهم وخارج بلادهم . وإحنا هنا بنتكلم على القيم والأخلاق ذى هؤلاء الإعلاميين المبجليين . روح ياشيخ ووفر الملايين إلى بتلهفها من ميزانية التلفزيون الخربان المديون ب 12 مليار جنيها مصريا فقط لاغير وفى الأخر بتقول أنا بدخل إعلانات كثير . مرتبك إنت وأمثالك هما إلى وصلوا الديون لهذا الرقم المخيف. روحوا ربنا ينتقم منكم جميعا.

ملحوظة :-
أنا بعد كدة هسمع لأى مذيع بشرط يكون مرتبة زى أى موظف عادى بالبلد علشان يكون كلامة نابع من معاناة وإحساس بالناس المطحونة وعامة الشعب مش يفضل يكلم عن الغلابة والمطحونين وبعدكدة يقبض مرتب 9 مليون جنيها ويروح إلى قصرة بالتجمع الخامس يأكل كفيار.
وأنا بقول إن أنا شخصيا هفضحة على هذة المرتبات الخيالية فى جميع المنتديات المحترمة وياريت جميع الشباب يتتبعوا ذوى المرتبات الخيالية التى هى بالملايين علشان يفضحوهم وعلشان الدنيا الخربانة دى تتعدل شوية شوية وتنضف.

اولا لا يحق للاستاذ محمود سعد رفض استقبال اي ضيف مهما كان مين هو.. وخاصة اذا كان الوضع الراهن يتطلب ذلك حتى ولو كنت على خلاف معه...
على كده انت تستقبل فقط من تتفق معهم في الرأي؟؟
آمال استقبالك للوزراء السابقين يبقى ايه؟ اذن انت كنت على اتفاق معهم؟
المفروض انك تستقبل الكل وتحاور معهم وتعرف وجهة نظرهم وتترك للجمهور الحكم..
مش هو ده برضه حرية الاعلام؟ ألا تفرض على المشاهدين رأيك أو رأي اي شخص آخر حتى ولو كانت الحكومة....
لاستاذ محمود سعد حب يعمل فيها بطل مرة اخرى ..
الحركات ديه مش هتخيل على الشعب المصري والشباب بالذات ..
اما اذا كان الموضوع غير ذلك فممكن جدا يكون موضوع تخفيض الأجر اللى قالتها بعض التعليقات فأنك بهذا الشكل تناقض نفسك .. فين عدم التفاوت الفظيع في الاجر في العمل الواحد..
الناس بتهاجم محمود سعد مش حبا فى احمد شفيق ولا فى الحكومة بس ضيق من تصرفاته المبالغ فيها ليه عند محمود سعد اصرار بالتظاهر بالوطنية المبالغ فيها ومساندة وهمية للفقراء دون ان نسمع عن اى مشروع خيرى من الملايين الكتير اللى بيكسبها فى الحقيقة انه مش تخفيض المرتب بس اللى مطفشه وخلاها حركة وطنيه ولكن سيتم استدعاؤه حسب ما قرأنا عند الكسب غير المشروع بسبب اجره المبالغ فيه مش موضوع اعلانات كتير بيجيبها زى مابيدعى . القذر انس الفقى مش ناوى يسيبه ويستاهل

هو ده الكلام
تسلم

يسلم الشباب المفتح

محمود سعد خلاص راحة عليه

وعايز اقول حاجة
كافية كدة الشعب مش ناقص .... وانا من رائى انو يبطل علشان معتش فى مصدقية عندو خلاص

أخيرا أنكشفت على حقيقتك يا محمود ياسعد ، بكره تسأل كمان من أين لك هذا ، أنا أفتكرت كلام مرتضى منصور من أسبوعين لما قال القصر بتاعك اللي في فرنسا والمبالغ اللي اتحطت ليك وكنت فاكراه ساعتها بيهول ، لكن يتضح بعد أسبوعين أن كلامه صح ، لك الحمد يااللله

يا جماعة كتبوها النهاردة فى اخبار اليوم انهم سألوا المشرف على البرنامج مصر النهاردة و اكدلهم ان كان فى مشاكل امبارح بسبب مرتب محمود سعد اللى هيقل ل مليون و نصف بدم من 9 مليوووووووووووووووون
و اكد ان مقابلة رئيس الوزراء احمد شفيق كانت غير مرتبة بالمرررررررررة
دة كلام مشرف البرنامج

يامحمود يسعد اظهر على حقيقتك عيب عليك فى الأيام العاديه كنت تتمنى تعمل لقاء مع نظيف على سبيل المثال دلوقتى بقى كخه

ماينفعش نتهم محمود سعد واحنا كلنا عارفين مواقفه قبل الثورة
دي محاولة فاشلة من الحكومة لتشويه صورة الشرفاء
وياجماعة برنامج مصر النهاردة برنامج خاص يعني مش تبع التليفزيون والفلوس اللي بياخدها دي نسبة الاعلانات يعني الحكومة مش دافعة حاجة من جيبها
واحنا بقى عاوزين نعرف مرتب شفيق بيه كام

مع احترامي الكامل للمذيع محمود سعد لا اعتقد ان عدم رغبته في استضافة رئيس الوزراء احمد شقيق هو السبب لتركه التلفزيون المصري لانه مكانته كالعلامي ليس من حقه استضافة من يتفقون معه في الاراء فقط بل العكس صحيح اذا استضفت من تختلف معه و حاورته في كل ما يدور من حوله و الخروج بحلقه جيده يستفيد منها المشاهد كالراي و الراي الاخر هو الاعلام الجيد وليس حكر علي راي واد فقط كما كان يقوم به النظام السابق