هوا إحنا كشعب يعني باين علينا الهبل للدرجه دي ؟؟؟؟؟؟
ولا الناس دي فاهمانا لسه غلط وبتحسبنا متخلفين عقليا ؟؟؟
هوا إحنا شكلنا بنريل على هدومنا ولا إيه الحكايه بالضبط؟؟؟
من يوم 25 يناير كان بيطلع علينا كل يوم في القنوات الرياضيه مدحت شلبي ومصطفى عبده ومصطفى يونس وخالد الغندور وأحمد شوبير ومجدي عبدالغني يسبوا في الشباب ويجيبوا تقارير بإن كل شئ تمام ويشتموا في قناة الجزيره ووصفوا الشباب إنهم عملاء وكان بالطبع معاهم سبب كل فتنه التوأمان وجهاز المنتخب الكروي كله واتحاد الكوره واللعيبه حتى أبوتريكه (لأن سكوته يعني انه مستني يشوف الدفه راحه فين ) وميدو وشيكابالا والصقر وزيدان .
وفجأه لما الثوره نجحت بدأ الكل يغازل الشباب ويكيل لهم بالمدح وكأنهم كانوا بايتيين مع الناس بميدان التحريرمن أول يوم سبحان الله امبارح كانوا عاوزيين يمنعوا الأكل والميه عن الشباب ويضربوهم بالنار والنهارده بيقولوا احنا كنا مع الثوره ههههههههههههههههههههه والله حاجه تضحك لكن الحمد لله إن احنا عرفناهم على حقيقتهم متسلقين منافقين كل اللي يهمهم الفلوس وازاي يخدروا الناس ويشعلوا الفتن بين الناس بس المصيبه انهم لسه مش عارفين اننا فهماهم .
والقائمه تشمل خيري رمضان ومنى الشاذلي وسيد علي وهناء سمري وننوس عين أمه تموره وعمرو هباب وعسل اسود والسقا وسماح أنور وغيرهم لذلك أرجو من كل اللي عاوز يضيف رد يذكر أسماء اللي يعرف منهم ولم أذكره