وعايزة رايكم
1- الشاب بيبص على البنت الحلوة
2-الشاب مش بيحب البنت تعاكسه وتترمى عليه علشان ده دوره اصلا
3-ممكن الشاب يعجب بيكى للحظة وينساكى بعديها ولا كأنه شافك
4-لما يقوللك انا مش قادر افهمك يقصد ان انتى مبتفكريش بطريقته او زيه
5-بتعملى ايه؟ ولا كلتى ولا لسة؟ اول اسئلة يسألك اول ميكلمك على التليفون بدل ميقعد ساكت
6-صح ممكن الشاب تبقى عينه زايغة بس قبلا ما ييجى ينام بيفكر فى البنت اللى بيحبها
7-لما الشاب بيحبك بجد بيتجاهل كل عيوب شخصيتك
8-ابتسامة جميلة منك عند الشاب الدنيا وما فيها
9-الشاب ممكن يعمل اى حاجة تتصوريها او ماتتصوريهش علشان يلفت انتباهك
10-الشاب بيضايق جدا لما بتتكلمى عن الشباب وخصوصا حبك الاولانى
11-لما الشاب يقوللك انه عايز يقابل اهللك اوعى ترفضى بالعكس شجعيه واقفى جنبة فى المعركة حتسى بحلاوة النصر
12-الشاب بيبقى نفسه يقول ويقول عن نفسة بس مش بيعرف يقول غير عن مغامراته اللى تتصدق بالعافية
13-الشاب بيعيط مهما بان انه جامد وقوى
14-لما تبقى فى بداية علاقتك متحاوليش تضايقى الشاب علشان تتخانقوا - علشان هتتخانقوا هتتخانقوا
15-الشاب مش بيعرف يتامل زيك ومعندوش صبر عايز اللى يتمناه يلاقيه فى ساعتها
16-الشاب يموت علشان يوصل للبنت اللى نفضتلوا علشان بيحس بهزيمته لان هو دايما المفروض يكسب
17-لما توصلى لقلب شاب اتاكدى ان دى سكة مفيهش رجعة
18-اوعى تدى لشاب رسالة متعلقة زى(عارف - عايزة اقوللك حاجة وتسيبيه كدة علشان دماغه بتروح لاستنتاج بعيد اووووى عن اللى فى دماغك
19-الشاب بيتجنن لما بيلمس ايديك
20-لما الشاب يلعب بكلامه وينطق كلام زى العسل يدوخ بيه اجدع بنت بس تعالى حطيه قدام البنت اللى بيحبها هيتأتأ وكان القطة اكلت لسانه
21-قوللى للشاب من الاول اللى انتى عايزه قبل ما تقع الفأس فى الراس ويقول ياريت اللى جرىما كان
22-لما الشاب يقوللك" امم"اويديكى اى عذر اعرفى انك مش عجابه
23-لما تقولى للشاب" لأ"هو بيسمعها حاول تانى بكرة
24-الشاب بيكره الشاب الفافى
25-الشاب بيموت فى امه" يعنى كله الا هى"
26-الشاب ممكن يضحى بالفلوس اللى هيتغدى بيها علشان يجيبلك بوكيه ورد احمر(يجوع علشان سواد عيونك"
27-متستبعديش ان الشاب يفكر فى بنت معجبة بيه بس مش معناه انه مغرم بيها
28-مستحيل تفهمى الشاب الا لو سمعتيه كويس
29-الشاب لو قالك بحبك مرة واحدة فى القرن معناه انه بيحبك بجد
30-حاسبى..... الشاب احسن واحد ينشر الاشاعات يعنى فى خلال ساعة واحدة شباب مصر يعرفوا هو عايز يقولك ايه
يارب يكون عجبكم