|
انا مخنوق جدا و عاوز اتكلم مع حد عاوز احكيله حد عنده اسنعداد يسمعنى
|
|
حضرتك اتكلم وكلنا هنسمعك
اكتب مشكلتك واى حد عنده الحل هيقولك ع طووول |
|
خلينا نتفق الاول ان مش معنى ان انا بحب يبقى لازم اكون بحب واحده لا انا ممكن احب واحد صحبى ممكن احب اخويا اى كان المهم انا اتعرفت على واحد زميلى فى ظروف خلته اقرب حد ليا فى وقت قصير جدا خلته حتى اقرب ليا من اهل بيتى المهم كنا فى الاول كويسين مع بعض كان هو حاسس انا مرتبط بيه اد ايه و بيحاول يحسسنى ان قريب منه حتى لو مكنش هو حاسس كده بس ده كان مريحنى جدا لحد ما اتحول لحاجه تانيه اتحول لحد شاييفنى تقيل جدا ب النسبه له و مش بس كد شويه شويه و بقى بيحاول يتجنبنى و انتهى الموضوع بجملة " انا مش عاوز اعرفك تانى " بجد انا صعبان عليا جدا و مش عارف معرفوش تانى المشكله ان انا رديت عليه و انا بقوله لا مش هينفع ال انت بتقوله ده مش هينفع و هو متمسك بكلامه و بيقولى كفايه انا مش عاوز اجرحك اكتر من كده لحد ما انتهى الموضوع بينا لتنان عدين لا انقطعت علقتنا ببعض و لا احنا رجعنا زى الاول المهم ان انا المرحله ال احنا وصلناها دى مش مريحانى لان انا مش عارف استغنى عنه و فى نفس الوقت صعبان عليا نفسى جدا لان انا مش استاهل منه كده ..............................
|
|
ما هو انت ممكن تكون تقلت عليه قووووى وهو قالك كده عشان مش تتعلق بيه اكتر من كده وفى الاخر يقولك انا مش عاوز اعرفك تانى
او مش هو الصاحب الى انت تتمسك بيه هو كده باعك وباع الصداقه الى بينكم انت اكيد هتتعب فى الاول زى اى علاقه حب بتنتهى فى احد الطرفين بيتعب ومع مرور الوقت بينسى ويبقى ماضى وفين وفين لما تفتكرو الصديق الى بجد عمره ما يقول لصاحبه كلام يضايقه او يقوله ابعد انا مش عايز اعرفك تانى ده ميستهلش انك تقول عليه صاحبى ده تنساه لانه نسيك وقدر يقولك كده انت المفروض تبعد عنه واكيد هتلاقى صاحب احسن منه واحنا هنا كلنا اصحابك واخواتك وهنبقى جمبك لو احتجت اى حاجه |
|
متشكر جدا ليك و لاهتمامك بكلامى بس انت عارف ايه المشكله ان هو اودامىفى كل حتى فى الكليه و فى السكشن و حتى على شاشة تليفونى فبجد صعب عليا اسيب حد كان فى حياتى كل حاجه ختى لو كنت انا مش بمثله اى حاجه
|
|
ما انت لازم تبعد عنه زى ما هو بعد ومتقلش عليه اكتر من كده
عارفه انه بعده عنك صعب عشان انت اعتبرته اكتر من اخ وصديق بس لازم انت تعرف انك بقيت حمل تقيل عليه وهو مش عايزك كلامى هيضيقك الى يبيعك بيعه وصدقنى مش هو ده الصديق الى انت تتمسك بيه وانا اسفا عشان كلامى ممكن يزعلك |
|
انا ال اسف ان انا صدعتك و بجد مش عارف اقولك ايه انا واثق ان كلاامك صح 1000000% بس للاسف انا مش عارف اعمله
|
|
عايزه اقولك حاجه بس اكيد هتزعل منها
انت شايف نفسك انسان ضعيف عشان كده مش قادره تعمل ده والراجل عمره ما يكون ضعيف او يقلل منه نفسه سوووورى اوعى تزعل من كلامى |
|
لا و الله ب العكس انا مقتنع بكلامك جدا بس انت شيفه ابدا ازاى
|
|
تبدا بايه ؟؟؟
ازاى تبعد عنه متكلموش ولا تسال عنه ولو شوفته اعمل نفسه متعرفوش وهو اكيد هيحس بانه غلط وممكن يجى يتاسفلك بس انت خلى عندك كبرياء ولو حتى رجع واتاسف مش على طووول تسامحه لا عرفه غلطه وخلى عندك الجرئه والشجاعه |
|
يعنى انت شايفه كده عموما انا هحاول بس هقولك على ال هيحصل بصراحه سواء ربنا قدرنى و عرفت اعمل كده او يعنى معرفتش
|
|
طيب هو ممكن مهما انا كنت رخم و كده ده مبرر لل هو عمله ده يعنى ممكن يكون ال عمله ده صح
|
|
هو مش صح الى هو قاله وعمله
كان المفروض يفكر الاول قبل ما يقول كلمه تزعلك هو ممكن يكون زهق من انك معاه ع طووول ممكن برضه ميكنش بيعتبرك صديق واخ زى ما انت كنت معتبره عشان كده خاف انك تتعلق بيه اكتر واكتر ويجى يجرحك وساعتها الحرج هيبقى اصعب انت حاول تتجاهله وتنساه وزى ما قولتلك هتتعب فى الاول بس بعد كده هتفتكر مجرد زكرى مش اكتر |
|
خلاص انا هسمع كلامك و هاجى اقولك على ال حصل ب الظبط
|
|
اوك
ربنا يوفقك |
|
اسمعى بقى ايه ال حصل انا الطبيعى ان مينفعش يكون تيفونى مقووووووول و الا كانت تبقى مش كله المهم حصلت ظروف و اتقفل تليفونى ب الغصب من عنى لمدة يوم كامل و مش عارف هو حس ان انا اتغيرت عموما ابتدا هو يعمل حجات انا كنت مستحيل اتخيل ان هو ممكن يعملهها حجات حلوى طبعا بصراحه حببتنى فيه اكتر و على فكره اكيد الحجات دى كانت رد فعل مع ان الفعل كان غير مقصور ب المره المهم انت شايفه ان انا اعمل ايه ايه رأيك
|
|
كلمك هو يعنى ولا عمل ايه
انا من رائى خليكزى ما انت كده متجاهله لحد ما هو الى يجى ويتاسف عشان يعرف غلطه |
|
خلينى اقولك حاجه بس هو مش من طبعه ان هو يعتذر حتى داكترة الجامعه بتوعنا و ده طبع مش قصد انت ايه رأيك برده
|
