انا احب ابدا القصة معاكم من بلد او مدينه صغيرة من مدن مصر
الزمان شتاء 2007
مجموعة من الشباب فى نهاية المرحلة الثانوية
القصة مقسمة من جزئين
ابطال الجزء الاول
1- سيف: شاب فى المرحلة الثانوية طيب الى حد يصل الى السذاجة فى احيان قليلة ومع ذلك له شخصية مستقلة
2- مى : او دولسى فتاه متحررة انتقلت الى المدرسة الثانوية فى تلك البلدة من مدينه مصرية راقية وطبعا انتو ممكن تعرفوا شخصيتها من دلوقتى متحررة وفرى جدا ودا طبعا مينفش مع البلد اللى هى اتنقلت فيها

3- امجد : صديق ليس مقرب لسيف علاقته به عادية لاهى بالقوية ولا هى بالضعيفةولكنه اول من تعرف على مى
3- مصطفى - صديق امجد المقرب وصديق لسيف ولكن علاقته به عادية ايضا وان كانت اقوى من علاقة امجد به
4- احمد مصطفى : صديق مقرب لسيف ومعه فى الفصل فى المدرسة الثانوية
5- احمد كمال : صديق مقرب ايضا لسيف وهم الثلاثة لا يفترقا عن بعضهم معظم اليوم فى المدرسة


شخصيات ثانويه
1- محمد : يحب مى لدرجة الجنون بغض النظر عن اخلاقها وتحررها
2- ولاء صديقة مى وان كانت تختلف عنها الى حد ما نظرا لانها من بلدة هولاء الشباب
ملحوظة : بعض الشخصيات دورهم سيقوى فقط ومنهم بطلة القصة ذاتها فى الجزء الثانى حيث ان معظم الحوار سيكون بين الشباب فى الجز ءالاول

حاجة جلوة شكل القصة كده مشوقة من الاول هاااااااا مستنية بقة التفاصيل
وشكرا ليك

شكرا ليكى يا قمر وان شاء الله الحلقة الاولى النهاردة

( الحلقة الاولى)

تبدأ الاحداث بعد عدة ايام من بداية العام الدراسى احمد كمال واحمد مصطفى واقفينفى فناء المدرسة وسيف يدخل من بوابة المدرسة

احمد كمال : اية يا عم هتعمل اية فى الدروس دى
احمد مصطفى : والله العظيم انا اتخنقت مش عارف كل شوية اروح عند مدرس وميعجبنيش
احمد كمال: ما ترسى يا بنى على بر احنا لسه اهوه فى اولها
احمد مصطفى : خلاص يا عم خلاص لما الواد سيف يجى نساله ونشوف
احمد كمال : اهوه يا عم شرف الاستاذ
سيف : ايه يا خويا انت هو واقفين كده ليه هو الجرس لسه مضربش وبعدين حاجة غريبة اية ده ايه الالتزام اللى من اولها ده
احمد كمال : احنال قولنا بقى يعنى نيجى بدرى النهاردة التزام ايه
احمد مصطفى : يا عم هى دى مدرسة دى استراحة احنا بنيجى نريح من وجع الدماغ بتاع الدروس هنا
سيف: والله عل رايك دا انا هلكت امبارح اربع دروس ورى بعض يابنى
مانتو كنتو معايا امبارح فى درس الفلسفة
احمد كمال : وحياة ابوك ما تفكرنى دا وائل ده عقله ضارب
احمد مصطفى : دا الواحد بيحسده على شدة الاعصاب اللى هو فيها دى طول النهار بيقدر يستحمل ازاى ده يا خويا
سيف: ماهو ننفع فى سنتنا المنيلة دى وبعدين ما انتو شوفتو السنة اللى فاتت جبنا 50فى علم النفس
احمد مصطفى : اه ما هو بعد ما طلع عين اللى جابونا طول السنة
احمد كمال : طب يلا يلا ياخويا انت وهو كفاية رغى الجرس ضرب

فى الفصل

احمد كمال : اية يلا زى كل يوم هنخلع امتى
سيف : انت لحقت تزهق
احمد كمال : يا عم عايز اروح اذاكر عندى درسين النهاردة
احمد مصطفى : خلاص نشوف بقية الرجالة ونحدد
الا صحيح انت يا بنى عامل اية فى الدروس اصل انا لسه مش ثابت عند حد
سيف: وانا والله اتخنقت من مدرس التاريخ اللى كنت عنده قلولى فى مدرس كده لسه غير هروح النهاردة الساعة 4
احمد كمال : ربنا معاك يا سيدى

فى الدرس

سيف وقد ذهب امام المنزل وجد امجد امام المنزل الذى يوجد به الدرس

سيف : ايه يا بنى انت فين
امجد : فى الهدوم يا عم
سيف:مجدتش المدرسة ليه
امجد : يا عم مدرسة اية اللى على الصبح دى الواحد يبقى يجى يقعد شوية بكرة ويمشى
سيف : مش غارمان حاجة انت ما هو دا بيتك كل الدروس هنا
امجد: قروا بقى على العالم انت عندك عند مين هنا
سيف : ولد بتاع التاريخ
امجد: اه بيقولو عليه كويس
سيف : والله لسه هنشوف ربنا يسهل

داخل الدرس
الاستاذ وليد يبدا معهم الحصة وبعد مرور ربع ساعة يطرق الباب احد ما بالخارج

الاستاذ وليد : النهاردة يا جماعة هنخلص الفصل ده باذن الله ونراجعه المرة اللى جاية

اية ده مين اللى جاى دلوقتى افتح يا محمود
سيف : مين دى يا سعيد

فعلا الكلام ده بتاع الدروس فعلا بيحصل وكمان الطلبة مابقتشى بتعامل المدرسين بينهم وبين بعضهم قصدى بين الطلبة ةبعضها باحترام ومافيش القاب خاااالص
تسلم كمل انت بس وأنا هتابعك على طووووووووووووووووووووووووول

شكرا يا طماطم على التشجيع ده ميرسى يا قمر بس يارب تعجب كل اللى فى المنتدى ده مفيش حد عبر خالص

ان شاء الله هتعجبهم بس توكل انت بس على الله وخلى نيتك انك تخلى القصة دى حاجة الناس تستفيد بيها بجد وأصدق النية مع الله سبحانه وتعالى وماتكونش نيتك حاجة تسلى بيها الناس وخلاص وتقبل مرورى

طبعا وشكرا على اهتمامك

بجد واضح انها قصة حلوة اوى

تسلم ايديك

وانا هاستمر فى المتابعة

قصه جامده كملها انت بس واحنا كلنا معاك

خالص تقديري واحترامى .......

قصة جميلة اوووووووووووووووووووووي

تسسسسسسسسسلم ايدك بجد

شكرا ليكم يا احلى اعضاء فى احلى منتدى

تسلم ايديك يا اسلام

فى انتظار باقى الحلقات

شكرا يا جوماندا وان شاء الله هكتبلك حلقات تعجبك

( الحلقة الثانية)

سيف: مين دى يا سعيد
سعيد: دى مى انت متعرفهاش
سيف: وانا هعرفها منين
سعيد :دا انت غلبان هقولك بعد الدرس

دخلت مى الدرس فى منتهى اللامبالاه والسذاجة تبتسم للمدرس الذى كاد يشيط غضبا

الاستاذ : اية يا هانم كنتى فين هو كل مرة كده
مى : عادى بقى يا مستر كنت نايمة وراحت عليا نومة
**** فى خيالها ( ماله ده كمان هى نقصاك انت كمان )
ولاء : انتى اتاخرتى ليه
مى : كنت نايمه اعمله ايه يعنى وبعدين ايه الوجوه الجديدة
ولاء: دا لسه جاى النهاردة اسمه سيف
مى: هى ناقصة مش كفاية اللى معانا
ولاء : عادى مش مشكلة بقى
الاستاذ: ممكن نركز شوية الرغى ده يبقى بره

بعد الدرس

سيف : مالها بقى دى
سعيد : يابنى دى اشهر من وليد ووائل بتاع الفلسفة انت ازاى متعرفهاش
سيف: يا بنى واناليه اعرف الاشكال دى اصلا كل ده يبقى فى الجامعة يا سعيد دلوقتى انا مش فاضى للعب العيال ده
سعيد: دى منقوله عندنا من السنه اللى فاتت اصحابها بيقولولها دولسى
سيف: دولسى انا سمعت الاسم ده قبل كده
سعيد : ماهو حاتم بتاع العربى هو اللى مطلع عليها الاسم ده م انت عارفه
سيف: اةةةةةةة انا سمعته وهو بيقولهولها بس تصدق اول مرة اشوف شكلها النهاردة
سعيد : يارااااااااجل
سيف: يالا يا عم سلام


استمر سيف فى حضور الدرس بانتظام ومى وولاء مندهشين فهو لم يغب ولا حصة ولم يخطئ فى مرة
ودائما الاول فى الامتحانات اللهم الا مرة او مرتين وهو يجد نفسه لا يطيق النظر الى تلك الفتاه ورغم ذلك يكثر من الحديث عنها لا يعرف لماذا الا ان لاحظ بعض اصدقائه ذلك

مى: ايه الواد ده ده دحاح ده عمره ما غاب ولا غلط وعلى طول الاول فى الامتحانات
ولاء : بطلى ار على الراجل دا انتى ايه

سعيد: ايه يا عم سيف انت بقيت مهم ولا ايه
سيف: ليه يعنى
سعيد : البنات دول عمالين يتكلموا عليك من الصبح بيقولو انك دحاح وعمرك ما غلطت
سيف: يا عم افتكرلنا حاجة حلوة بيقولو ايه هههههه دحاح والله العيال دول اغبيه
سعيد : ليه
سيف: فاكرنى دحاح وموس وانا لاده ولا ده والله عادى انا بس بحب التاريخ شويه عشان كده بزاكره اول باول انما مانت عارفنى فى بقيت المواد.


بعد عده ايام فى الفصل احمد مصطفى وسيف واحمد كمال واحمد شوقى احد اصدقاء سيف المرقربين ايضا

احمد مصطفى: انت مش ملاحظ حاجة
احمد شوقى : اناا عارف انت بتتكلم على البت دى كتير ليه
سيف: ايه..... انا .... لالا يا عم بكلم عليها لا والله يا عم دى بت زباله انا مالى ومالها
احمد شوقى : ومالك اتنفضت كده ليه دا مجرد سؤال
سيف: لا يا عم عادى والله
احمد مصطفى: ماهو اللى مخوفنى انك عمرك ما اتكلمت مع بنت ودى زبالة هدوخك اسمع كلامى
سيف: ايه يا اخوانا فى ايه والله عادى
احمد شوقى : احنا يا سيف بنسمع عليها كلام مينفعش يا بنى يتقال
احمد مصطفى: انت عارف محمد محمد عبدالرحيم بيموت فيها مش عارف على ايه وخسر صاحبه عشانها
الواد مصطفى ماانت عارفه ماسبو ش بعض من الابتدائى وسابه عشانها
سيف: محمد واية اللى جاب ده لدى
احمد شوقى: هتعمل ايه بقى
سيف: انا هشوف مصطفى واعرف منه الحكايه
احمدمصطفى: بقولك ايه
سيف: ايه
احمد مصطفى: انت بتحبها

تسلم بجد الحكاية بدأت تحلو أكتر وأكتر لأه وايه بسم الله مشاء الله عليك قفلتها قفلة جاااااااااااااااااااااامدة نفسى اعرف بقه ايه اللى هيحصل بعد كده ياريت ماتتأخرش فى كتابة الجزء التالت تسلم

بجد قصة حلوة اوى

تسلم

الله ينور

وتسلم ايديك

منتظرة باقى الحلقات

الله ةيا اسلام بجد جامدة القصة دى ومستنى منك باقى الحلقات

شكرا ليكم ويارب بقية الحلقات تعجبكم

قصة جميلة وفى انتظار باقى الحلقات

تسلم ايدك

شكرا يا قمر مستنينك

انا اسف يا جماعة لانى اتأخرت فى نزول الحلقة الثالثة بس والله غصب عنى
( الحلقة الثالثة)
احمد مصطفى: بقولك اية
سيف: اية؟
احمد مصطفى: انت بتحبها
سيف: اية..... لالالالالالالا بحبها اية لايا عم دى بت زبالة لالالالا
احمد شوقى: هو الواد كهربك ده سؤال انت بتحبها ولا لا وبصراحة عنده حق انت بتكلم عليها كتير
سيف: ايوة ماشى انا عارف ان كلامى عليها كتير بس انا حتى مش بطيق ابص ليها
احمد مصطفى : بس بتكلم عليها كتير وده ممكن يخلى اى حد يفكر انك بتحبها سهلة اوى ان حد يفهم غلط
سيف: لا يا عم لا والله لا حب ولا حاجة
احمد شوقى: خلاص يا عم انا عارف ان انت ملكش فى مواضيع البنات الفاضية دى
استيقظ احمد كمال على صوتهم
احمد كمال : برده البت دى تانى والله لو سمعت حد فيكم بيتكلم عليها انا ما هعرف انا هعمل فية اية انا
كل ما هروح فى حته الاقى حد بيتكلم عليها وبعدين شوفولنا حل خلينا نمشى من هنا انا اتخنأقت
سيف: دا انت لسه قايم من النوم انت لحقت
احمد شوقى: هتعيش وتموت فاشل ياض
بعد عدة ايام فى الدرس
سيف: هى ايةو حكاية البت دى يا سعيد انا كل ما اروح فى حته الاقى حد بيتكلم عليها
سعيد : بص هو الواد امجد اللى هيجيبلك اخرها
سيف: اشمعنا
سعيد: هو اول واحد كلمها اول ماجت
فى المساء سيف واحمد شوقى واحمد مصطفى يسيران فى المنطقة التى بها منزل امجد واذا هم
يجدوا بعض الشباب من ضمنهم امجد ومصطفى ومحمد الذى يحب مى يلعبون كرة قدم

امجد : اية يا رجالة ما تيجوا هنقسم من جديد
سيف: طيب ماشى مع انى ما كنتش عامل حسابى بس مش مشكلة
احمد شوقى: اية يا ابو تريكة هتخسرنا ولا اية انت رجليك مفيش زيها
احمد مصطفى: عييييييييييييييب ياراجل مش عيب وانت معايا
سيف: اما نشوف
بعد اللعب سيف يجلس مع امجد
سيف: اية بقى حكاية البت دى
امجد : بت مين
سيف: البت اللى اسمها مى دى مالها واخدة اكتر من حقها لية
امجد: دى بت زبالة اول ما جت كانت ةعايزة تعلق معايا انا ومصطفى بس انت عارف مصطفى صدرلها الوش الخشب من ساعتها مش بطيقه خاالص
سيف: والله الواد مصطفى ده راجل وعاجبنى
امجد: يا عم واحد خسرته صاحبة اللى ما سابوش من الابتدائى عايزة يعمل اية
سيف: عندك حق
فى تلك الاثناء يقترب مصطفى منهم
مصطفى : اية ياض انت وهو بترغو فى اية
امجد: دا كان بسال على مى
مصطفى: دى بت بنت......... بس انا هعرفها اللى حايشنى عنها انها بت مش واد
احمد مصطفى واحمد شوقى يطلبون من سيف الرحيل
احمد شوقى: اية يا بنى هنبات هنا
سيف: خلاص يا عم جاى سلام يا رجالة

بعد عدة ايام سيف واحمد مصطفى واحمد شوقى يسيرون بجانب مدرسة البنات بعدما خرجوا من مدرستهم واذ بهم يقبلون مى بالصدفة فاذا بسيف لا يتحرك ولا تكلم
احمد مصطفى: يلا يا خويا انت وهو روحو زاكرلكم كلمتين
احمد شوقى :انت مال اهلك قال يعنى الواد اللى مقطع الكتب
احمد شوقى : اية ياسيف مالك تنحت لية مالك ..... ولا فية ايه
احمد مصطفى: اةةةةةةةةةة دانت مضيع يا عم دا مش سامعنا اصلا
احمد شوقى: اية دة مش دى البت مى
احمد مصطفى :اةةةةةةةةةة عشان كده روح يا سيف يا حبيبى روح
سيف: مين..... هه ... فى ايى
احمد شوقى: لا يا حبيبى مفيش حاجة روح بدل ما تقع مننا فى السكة
بعدما ذهب سيف الى منزله اخذ يتحدث مع نفسه فى غرفته
سيف: اية اللى انا بعملله دة
:اية يعنى بعمل اية
: انت عمرك ما اهتميت ببنت مش لاقى الا دى انت حبتها ولا اية
:ايةلالالالالالالالا حبيتها اية لا طبعا مفيش الا دى
: لا انت حبتها
: لا دى لو اخر واحد ة فى الدنيا عمرى ما هبصلها حتى

هههههههه مسلية شوية بس جميلة جدا جدا جداجدا تسلم ايدك وياريت ماتتأخرشى فى كتابة الجزء الرابع
تسلم ايدك بجد

الله الله قصه جاااااااااااااااااااااااااااااااااامده ومعاكي للاخر يا جميييييييييييييييييييييييييييييييييييييييييييييييي يييييل

بجد قصة حلوة اوى

بجد نفسى اعرف ايه اللى هيحصل فى الاخر

ميرسى ليك

بجد يا جماعة انا متشكر على الردود الجامدة دى وان شاء الله هنزل الحلقة الرابعة قريب اوى

جامده الحلقه دى
وفي انتظار الرابعه

حلوة اوى القصة تسلم ايدك

وفى انتظار الجزء الرابع

شكرا يا جماعة على الردود دى ان شاء الله الحلقة الرابعة النهاردة يا بكرة بالكتير