ايه اللى يخلينى اعيش من غيره او اقسى عليه.
انا لو مرتاحة معاه وبالاقى فى قربه اللى انا عايزاه واللى انا حاساه
ايه اللى يخلينى ابعد روحى ولا اسأل فيه.
بيعاملنى يا ناس معاملة مش هيا وراضية بيها والكلام يدوب على اد السؤال
يرضى مين فى الدنيا دى ابقى عايشة انا وحدانية وهو مبيسألش عنى ولو سؤال.
انا استحملت كتير انا عمرى ما كنت استاهل منه ده غير الخير
انا مش ندمانة بس انا زعلانة وخايفة عليه.
معرفش انا كل ده ليه؟ايه اللى جراله غير حاله اثر فيه؟
قساه على قلبى ونساه حبى وعشرتى ليه.
بيعاملنى يا ناس معاملة مش هيا وراضية بيها والكلام يدوب على اد السؤال
يرضى مين فى الدنيا دى ابقى عايشة وحدانية وهو مبيسألش عنى ولو سؤال.