مصر .....هيا مصر بخير يا جماعه نفسى أطمئن بس هيا لسه بخير ولا آلامها ذادت أصلى شايفها لسه بتنزف وعنيها كلها دموع ما طمنونى يا أخواتى أمنا مالها حطيت ايدى على جبنها لقيتها سخنه وحرارتها عاليه قوى وجيت احضنها لقيت هدومى كلها دم اصلى انا كنت بلعب مع اصحابى ولما رجعت ودخلت عليها سمعت انين جريت عليها شفتها بالحال ده انتو مش ولادها ولا ايه سيبنها كده ليه فين محمد وجرجس هما مش جمبها ليه ومين الى بيديها حقنه ده انا معرفهوش ده شكله مش مننا ليكون عاوز يموت امنا انتا مين يا عم انتا ومالك بامى يا امى هما اخواتى فين ردت بصوت كله الم بيتخانؤ مع بعض ولقيتها بتبكى بحرقه ..رديت عليها طب قوليلى اعمل ايه انا مش عارف اعمل ايه يا امى ردت عليا ادعيلى يا ابنى وما تخفش اخواتك جرجس ومحمد متعودين على كده وهيجو يخدونى فى حضنهم تانى انا عرفاهم دول طيبين ربنا يهديهم قلتلها طب وده وقته يا امى سيبينك وانتى تعبانه كده وبتنزفى وناس عماله تضرب فيكى وتديكى حجات وحشه كده قلتلى ما تخفش يا ابنى امك قويه وشديده بتعب شويه وقوم على طول واخواتك لما يجو هياخدو بالهم منى قلتلها طيب يا امى انا هدعيلك لحد ما يجو ربنا يقومك بالسلامه يا امى احنا ملناش غيرك ربنا يحميكى ويحرصك طب انده عليهم علشان يجو بسرعه يا امى امى انتى ساكته ليه انتى تعبتى تانى ولا ايه يا ربى اعمل ايه يا محمد يا جرجس يا خواتى انتو مش هتيجو ولا ايه ولا ايه ولا ايه كفايه حرام عليكو امنا بتعانى انتو مش ولادها وايه