السلام عليكم انا يا جماعه تعبانه جدا ومحتاجه افضفض معلش انا هطول عليكوا فى الكلام بس فعلا لانى محتاجه اتكلم انا كنت مخطوبه لواحد سنه اول ما جه اتقدملى كان الموضوع عادى خطوبه تقليديه المهم اتخطبنا بس مشكلته انه مش بيعرف يتكلم خالص يعنى عمره ماحسسنى ابدا انه بيحبنى على الرغم ان كان بيقولى الكلمه دى كتير بس عمرى ما حسيتها عمرى ما حسيت انه فرحان بيا زى اى عريس فرحان بعروسته لا هو ولا اهله المهم اتكلمت معاه فى النقطه دى وقالى استحملينى انا والله مابعرفش اعبر عن اللى جوايا ومن بعدها يعنى اتغير شويه وانا برضوا كنت بحاول اكبر دماغى على قدر الامكان المهم قضينا السنه مع بعض حبه حلوين وحبه شادين مع بعض عادى يعنى زى اى اتنين بس المشكله الكبيره بقا كانت فى ولدته بتدخل بينا فى كل حاجه ولو اتدخلت فى اى مشكله لازم تولعها حريقه ما بنا لدرجه انها بتوصل للانفصال المهم حصل مشكلنا بينا من حوالى اسبوعين كنا بنتكلم على موضوع الفرش لان المفروض كان فاضل يومين علشان نروح نجيبه المهم طبعا احنا متفقين على مبلغ محدد فبقوله لو المبلغ ده ماكفاش نجيب اربع اوض ممكن نبقا نجيب الاوضه الرابعه قسط على اساس ان المفروض الكلام ده كان بينى وبينه طبعا كل واحده منا بتحلم ان تكون شقتها احسن شقه وتجيب احسن فرش وكنت بقوله كده مجرد اقتراح يعنى الاهل مايعرفوش جاجه عن الموضوع ده المهم هو شد معايا بسبب الموضوع ده وقفانا التليفون على كده فى اليوم ده المفروض كنا رايحين فرح بنت خالتى وهو طبعا جاى معايا المهم جه على البيت علشان نروح جاى طبعا وهو مكشر وراح برضوا الفرح وفضل مكشر فبقوله فكها شويه علشان احنا قدام الناس المهم طبعا عمل نفسه مش سامع حاجه بقوله طالما اتن مضايق كده ماكنتش جيت من الاول ولو مضايق من القعده معايا قوم امشى فقالى ما ده اللى هيحصل فعلا وقام وسابنى قدم الناس اللى كانت قاعده المهم انا طبعا اضايقت من الموقف وقعدت اعيط وبعدها مافيس بخمس دقايق لقيته بيقولى انا واخد شنطتى ومسافر على الشغل اضايقت اكتر طبعا وقولته بس احنا بطريقنا دى مش نافعين بعض جت مامته طبعا تانى يوم علشان تعرف ايه اللى مزعلنى وبدل ما تهدى النفوش شعللتها زياده بكلمها وراحت اتكلمت علينا بره عن الناس وعملتلنا قصص ومتهاهات فى الفتره دى كان خطيبى سافر على شغله وبعتنالهم حاجتهم بعد ما امه بعتت وقالت خليهم يجيبوا حاجت ابنى وبعدها جه خالوا وصالحنا وخلاص واتراضينا بعدها برضوا افجأ بكلام تانى بتقوله للناس راحت ماما قالتلى بصى الموضوع اللى بيبقا كله مشاكل من اوله بيفضل طول عمره كده وخطيبى طبعا قلب عليا لانه بيمشى ورا كلام مامته جدا المهم لما كلمنى فبقوله يعنى يصح مامتك تقول الكلام اللى قالته ده شتمنى وقالى خليكى الناس تبقا تنفعك وخليكى ماشيه ورا كلامهم مع ان انا واثقه ومتأكده ان راحت وغلطت فينا وفوق ده كله راحت تتكلم على ماما وتعايرها بمرضها المهم رجعنا الحاجه ليهم وخلص الموضوع على كده بس بعد ما سيبته حسيت انا بحبه اوى معرفش ده حب بجد ولا كان عملية تعود ودلوقتى جه ابن عمى وعايز يخطبنى وانا مش عارفه اعمل ايه حاسه ان انا لسه بحب خطيبى اوى فقولولى لو رجعت للموضوع ده تانى يا ترى هفضل فعلا فى مشاكل زى ما ماما قالتلى ولا ممكن يتغيروا بعد الجواز

انا رائي انك تصرفي نظر عن موضوع خطيبك الاولاني ده لسبب بسيط اوي وهو ان امه هاتفضل متحكمه فيه علي طول الطريق وواضح انه بيسمع كلامها اوي .. انا ماقولتش انه يعاملها وحش علشانك لا بس الواضح ان اي قرار بياخده بيبقي اللي وراه امه والموضوع اصلا كده هايبقي فيه مشاكل بينك وبين والدته علطول .. وانتي بس تلاقيكي اتعودتي عليه مش موضوع حب .. جربي حظك مع ابن عمك وحاولي تنسي اللي فات.. اكنه لم يكن .. وصدقيني مافيش حاجه اسمها حب قبل الجواز.. الحب بييجي بعد الجواز فعلا دي حقيقه لان كل واحد بيبيان علي طبيعته قدام التاني.. وربنا يوفقك..

علي فكره انا ولد .. ياريت تحكمي عقلك شويه وابعدي عن الجوازه الاولي دي ووجع دماغها.. انتي ربنا بعدك عنها لانه بيحبك تقومي انتي تفكري ترجعي تاني؟؟

انا رايي زي رايك بالظبط فعلا لازم تنسيه وتبعدي عنه نهائي وده مجرد تعود لا حب ولا غيره

تدخل الام بطريقة سلبية دائما ينتهى بفشل اى علاقة وانا بنصحك تردى على

امك لانها بتعرف مصلحتك ولانه خطيبك عمره ما ح يتغير وازا تم زواجك من خطيبك

عمرك ما حتكونى سعيدة معه خصوصا انه الزواج مسؤولية ومش حتقدرى تقضى عمرك كله بالنكد

وشعورك الحالى من ناحية خطيبك شعور تعود مش اكتر اعطى نفسك اجازة من التفكير قبل ما ترتبطى باى

انسان ولما تحسى نفسك هديتى من مشاكل خطيبك الاول فكرى بارتباط جديد

موفقة .

بجد يا جماعه متشكره جدا على ارأكم دى وبجد انتوا فعلا شجعتونى انى افكر تانى فى الموضوع والمره دى بعقلى

انا اقول لكى انسى خطيبك الاولنى
لاان الموضوع اللى فى مشاكل من الاول هيفضل فى مشاكل طول العمر
انا من رائى اتخطبى لى ابن عمك وادى فرصة لنفسك تحبى
بدون ما تفكرى فى حبيبك الاولنى

احب اعرفك يا ابننتى /ان الطبع يغلب التطبع وهو هيفضل كده على طول فا اتركيه احسن لكى

انتى ربنا بيحبك

حاولى تنسية
انتى شايفة البداية عاملة ازاى




ربنا يسعدك

انا رايى ان ديه مسالة تعود مش اكتر لان دة اول واحد في حياتك ورايى انك تنسيه وتبداي حياة تانية ولو شايفة ان ابن عمك مناسب ارتبطى بيه واكيد الحب عايجى بعد كدة بس قبل ماترتبطى بيه ادى لنفسك فترة تنسي فيها خطيبك الاولانى شوية وان شاء الله ربنا معاكى