السلام عليكم ورحمه الله وبركاته

هاى على البنانيت العصل والولاد العصل برضو

(العنوسه)طبعا هتستغربوا انا بقول الكلمه دى ليه واصل هيا كلمه رخمه ومستفزه بس المجتمع الى فرض كده بس حصل قدامى نقاش فالموضوع ده وحابه اطرحوا عليكم بس اولاقبل ما ابدا اتكلم فالموضوع الكلمه دى تنطبق على البنت والولد مش البنت بس دى حاجه

الحاجه التانيه وهى هل بقينا نقول الكلمه دى دلوقتى فمجتمعنا ليه على البنت الى بتتاخر فى سن الزواج

ليه البنت بس هيا الى بيطلق عليها الاسم ده (عانس)

ليه الولد من حقوا انو لو اتاخر فسن الزواج عادى خالص وليه البنت يتقال عليها ويتنظر ليها نظره يأأأس
ليه الولد من حقوا ان ممكن يتجوز فى سن كبير والبنت بتبقى بالنسبه لها حاجه شاذه جدا

الحاجه الاهم الى هتكلم فيها بقى ...

هل الولد سبب فى عنوسه البنت دلوقتى ولا البنت هيا السبب ولا الحياه

بمعنى افضل هل ان الولد دلوقتى خلاص مش محتاج للزواج والولد دلوقتى بقى غير زمان مش محتاج لتكوين اسره ولا مهتم بكده وبقى عندو النت والنادى والجامعه وعايش مع بنت واتنين واكتر وحياتو كامله وحتى لما بيجى بيكون فقد الثقه قالبنت لانو حاسس انها زى الى عرفهم

ولا البنت الى ممكن تكون شايف انها لازم تدرس وتشتغل الاول والزواج ده اخر حاجه تفكر فيها طب لما البنت يجيلها عريس ولا اتنين وترفض طب ما هيا الى هتسنى بعد كده الى يخبط على بابها ولا البنت دلوقتى بقت تهتم وتفكر فالماديات الى ممكن الولد ميقدرش عليها وانو لازم يجيب ويعمل ويسوى وووووووو.....

ولا الحياااااااااه حياتنا بقت صعبه انها تفتح الفرص للشباب علشان يقدر يعيش حياتوا ويقدر يبنى بيت واسره

طولت عليكم بس حاجه حابه المشاركه فيها
فكذا حاجه انا قولتها

ليه فى تفرقه فالكلمه دى بين البنت والولد بكل حاجه فيها ؟؟؟

السبب مين الولد ولا البنت ولا الحياه ومجتمعنا السئ والعيشه الصعبه؟؟؟

هل فى استهتار من الولد وعدم المسئوليه ؟؟؟؟هل البنت طموحه ونظره نظره بعيده وماديه؟؟؟

عاوزه اعرف ردودكم فالموضوع بكل جوانبه

وشكرااااااااااااااا

انتي اختارتي يا بطوطه موضوع متشابك بدرجة غير عادية بتشترك فيها عدة عوامل مختلفة ولكنها للاسف في النهاية شكلت لدينا الملايين من الفتيات والشباب يعانوا من مشكلة تأخر سن الزواج

يلا بسرعة ندخل في صلب الموضوع والمشكلة ونشوف الاسباب من وجهة نظري المتواضعة للغاية في عدة نقاط بإيجاز بسيط

1 - الظروف الاقتصادية والبطالة
لو نظرنا حولنا سنجد الاف الشباب الذين يتخرحون سنويا من الجامعات والمعاهد والمدارس الثانوية الفنية ليبدأ رحلة البحث عن عمل ليصدم بالواقع المرير فرص العمل صعبه جدا وإن وجدت للاسف الدخل غير مجزي ويتبخر سريعا في ظل ارتفاع اسعار كل شيء من حولنا فأيا كان المرتب الذي يتحصل عليه الشاب يكون ضعيف امام الاسعار وب ما يدخره الشاب يكون قليل وقد يصل الي صفر في بعض الاحيان

2 - المتطلبات المبالغ فيها من قبل العروسة او اهلها
دي بقى شوفتها كتير قدام عيني لما شاب مسكين يقدر يهرب من السبب اللي قولناه من شوية ولقى شغل وقدر يوفر مبلغ بسيط وبقى عنده استعداد انه يتجوز يلاقى بقى اهل العروسة في إنتظاره ولديهم طلبات يقدر يوفرهالهم كمان 200 سنة مش عارف شقة فين وشكلها ايه وشبكة مش عارف بكام وفرح مش عارف في قاعة ايه وفندق مين وهلم جرا

3 - تأثر الشباب والبنات بما يرونه في الافلام والمسلسلات فالشاب اصبح يسعى وراء الجمال الشكلي فقط من عيون ملونه وشعر اصفر وجسم متناسق والفتاة عايزة اللي تتجوزه يكون وسيم وتحبه قبل الارتباط ويكون رومانسي للاسف افرزت هذه الافكار شباب وبنات سطحيين

4 - الصحوبية بين الولد والبنت ومظاهر الحب التي خارج الاطار الشرعي اثرت بشكل كبير على تفكير الشباب بشكل كبير
لكي ان تتخيلي شاب يحصل من فتاته كل مايريد من حب وكلمات حلوة وخروجات وفي الكثير من الاحيان تتساهل الفتاه ووتتساهل الي ان يجد الشاب نفسه حصل كل شيء مجانا وبكل سهولة طيب ايه اللي يخليه يتعب نفسه بارتبطات ومسئوليات هو في غنى عنها طلما بيحصل عليها بدون مقابل
والفتاه في الناحية الاخري تضيع من بين يديها فرص زواج لشباب افضل بمليون مرة من اللي ضاحك على دماغها وفي النهاية تجد نفسها مر بها العمر وقد لا تحصل على شاب ليس به اي ميزة تذكر

المشكلة الاكبر انه في النهاية الفتاة التي تحمل هذا اللقب البغيض ( عانس ) تصاب بالعديد من الالم النفسية نظرا لنظرة المجنمع للفتاه وب في الكثير من الاحيان تكون معظم الوقت مصابه بالهم والحزن والاكتئاب وتضيق بها الدنيا

في النهاية اتمنى من الله ييسر لنا امورنا
ويرزق شباب المسلمين بالزوجات الصالحات وفتيات المسلمين بالازواج الصالحين

شكرا لكي على الموضوع الجاد ده
وتمنياتي لكي بالتوفيق
وشكرا

ميرسى على ردك الجميل وفعلا المشكله مبقتش مشكله واحد دى عده مشاكل فبعض


وانا اتمنى انها تتحل

السلام عليكم ورحمة الله وبركاته، والله المشكلة في رايي من الطرفين الشباب والبنات ، فاما الشباب كثيرون يشترطون الجمال ، اما البنات يرون الزواج نقود وذهبا واثاث يعني مادي وحتى الاباء والامهات لهم دور في ذلك ، ببساطة العرس بركة ونحن نذهب بركته لهذا هنا تاخر في الزواج ، في الاخير كل شي بمكتوب ربي تحياتي

جميل اوى ومعاك فالرائى بس يعنى ايه البنت تفضل باصه للفلوس وعايزه وعايزه الولد يبص للجمال وبس اومال فين الاخلاق بقى فين التفاهم فين الحب

يلا ربنا يهدى لان تفكيرهم دلوقتى سواء بنت اوى ولد تفكير غلط جدا ومش كلهم يعنى