نشر الإنتربول الدولى اليوم على صفحته الرئيسية على الإنترنت صورة لوزير التجارة المصرى السابق رشيد محمد رشيد تحت عنوان مطلوب القبض عليه وقد تم توزيع صورة رشيد على كل المطارات الدولية وكل الموانى فى كل دول العالم و كان النائب العام قد أحال رشيد للمحاكمة وذلك بعد تورطه فى قضايا كثيرة منها منحه 200 مليون جنيه من صندوق دعم الصادارت الذي يخضع لإشرافه ويتحكم فيه بحكم مسئوليته كوزير لشركات ابنتيه وشقيقته بالإضافة لموافقته على منح أحمد عز رخصة مصنع إنتاج حديد السويس رغم عدم دعم الرسوم المقرر والتي بلغت 345 مليون جنيه

مهما يهرب وحا يروح فين
احسن كده ليأخذ عقابه
شكرا مشرفنا العام

ولسه البقيه تأتي
اللهم اهلك الظالمين بالظالمين

يعنى إحنا عماليين ندور على رشيد وزفت وطين بالإنتربول وهو فى الخارج وسيبين الحرامية والقواديين داخل مصر زى زكريا عزمى وصفوت الغير شريف وفتحى شرور ومنتظريين لما يهربوا خارج مصر علشان نبداء ندور عليهم بالإنتربول . بصراحة حاجة تقرف دا إسمه تواطؤ.

طيب صفوت الغير شريف بيحاول يهرب من مصر حاليا ولوخرج هنشوف هتجيبوه الزاى.

نتمني ان الحكومة تمسك الحرامية اللي بداخل اليلد قبل ما يهربوا وبعدين نقعد ندور عليهم بالانتربول ولا فيه تواظؤ

هو احنا لازم نبقي زي الافلام الابيض و اسود , لازم البوليس يجي في اخر الفيلم
طيب ما هو كان هنا واحنا اللي سيبناه يهرب
وبعدين طيب ما نلحق الحرامية اللي هنا الاول قبل ما يهربوا وبعدين نرجع ندور عليهم

انا كل ما اسمع ان حد سرق الاقيه واخد 200 مليون
هم الحرامية متفقين على الرقم ده ولا ايه يا جماعة انا زهقت

ملاقيش مع حد 200 جنيه سلف

انا بخمن ان الصور دى متفبركة

شكراً ع الخبر