أسعار الإنترنت في خارج مصر - مقارنة للاسعار بالاسعار المصرية + سرعات لم تشهدوها من قبل باسعار غريبة

http://www.facebook.com/No.Internet.Monopoly

دا كمان في عرض
Up to 12 Mbps يعني 1.2 علي الاقل ميجا في الثانية مع شوية حاجات
عرض برده بكام بئة دا ب : 20 دولار في الست شهور يعني 150 جنيه في ست شهور و سرعة اسرع من اي سرعة هنا في مصر

سرعة الانترنت في مواقع اجنبي بتقول up to 20 Mbps downloads with PowerBoost
يعني السرعة مش هتقل عن 2 ميجا في الثانية مع شوية حبشتكانات
عرض خاص يعني للعملاء علي برنامج مش عارف ايه و تول بار ايه و خدمة ايه
كل دا بكام ب : 320 جنيه في الشهر اي 53 دولار في الشهر

...ملحوظة يا جماعة بيقولوا Up to يعني السرعة تقريبا ان ليميدت يعني ممكن السرعة توصلها 5 ميجا في الثانية ولا 6 علي حسب لكن مش هتقل عن 2 ميجا في الثانية

في النهاية احب أأكدلكم ان شركاتنا نصابة مية المية
شكرا

رابط حملة لا لإحتكار شركات الانترنت في مصر
http://www.facebook.com/No.Internet.Monopoly

احنا النت اللى عندنا لا يقارن بالنت بره مصر
ودا ليه اسباب كتير
اولا امكانيات وزار الاتصالات والبنية التحتية للسنترالات تعبانه ودا السبب فى ان النت بيقطع كتير والبنج يظهر فيه ريكوست تيم اوت كتير

ثانيا شركات النت اللى بتحقق مكاسب خياليه من وراانا لاحتكارها للنت فى مصر لا اسعار ولا جوده خدمة ولا دعم ولا اى حاجه تستاهل الفلوس اللى بياخدوها

والفرق واضح قوى
احنا اعلى سرعه عندنا 24 ميجا فى ناس تقول ايه ده دى رهيبه هو فى كدا اقولهم لا عادى ولا رهيبه ولا حاجه
بره فى المانيا بلاش نقول امريكا سرعات النت هناك عدت 100 ميجا
السيرفرات ننفسها اللى عليها المواقع اللى على النت دى واللى نصها من المانيا شغاله على سرعات بتوصل 200 ميجا

طبعا مفيش مقارنه بينا وبينهم خالص
لكن لو وزاره الاتصالات عايزه تنمى قطاع التنكنولوجيا فعلا فى مصر لانه لازم يتنمى ويكبر احنا فى مصر 9 مليون تقريبا بيستخدموا النت
يبقى لازم نعمل تحديث للبنية التحتية لكل السنترالات فى مصر لان معظمها مش بيشغل سرعات اعلى من 2 ميجا ولا حاجه مفيش غير فى المدن والمناطق النظيفه

وانا شايف لو الوزاره سعت شويه انها تجيب شركة اجنبية كبيرة تستثمر فى المجال ده فى مصر وتشتغل فيه من اوله
انا شايف ان الشركات الموجوده دلوقتى دى هتختفى من السوق

شكرااااااااااا لعى الخبر المحبط
ده الواحد فاكر إن 1 ميجا بالنسبه له قمة التكنولوجيا
وإحنا اتارينا ضايعيييييييييييييين

هههههههههههههه ههههههههههههه هههههههههه اتحلت ومش هنكلم تانى فى الموضوع ده بس اقل شئ سعر النت ينزل ولا ايههههههههههههههههه

كلنا عارفين إن هذة الشركات المذكورة والعاملة فى مصر شركات نصب أكثر منها شركات نت.

مفيش حد كان بيرحمنا ابداااا ومازالوا ..... لماذا؟ اهم حاجه عندهم المكاسب . حسبى الله ونعم الوكيل.