انا بحب بنت وهي بتحبني وكنا دايما كويسين مع بعض
بس كل لما زاد حبي ليها بغير عليها اكتر وده هو اللي بيعمل المشاكل ما بينا
هي ليها زمايل شباب في الكلية بتقف معاهم كتير وانا بقولها مش بحب كدة وكمان بتكلم شباب على الايميل على اساس انهم اصدقاء وبتقول زي اخواتي ودايما بيحصل مشاكل ما بينا عشان كدة

واخر مرة كان النهاردة اتخانقنا كان بسبب انها بتعد مع زميل ليها هي وبنتين وهو قالها انا جبتلك هدية عشان انتي عزيزة عليا وزي اختي وانا قلتلها معدتيش تعدي معاه واتخانقنا واتعصبت عليها وقفلنا واحنا متخانقين
رجعت كلمتني وقالتلي انا جاية اقولك اني اسفة اني ضيعت وقتك وانا حاولت اتغير عشانك بس انا ليا طبع وانت ليك طبع وانا بدايقك كتير وهبعد عنك وهدوس على قلبي عشان بحبك ومش بحب ادايقك
وقالتلي انا بحبك اوي وهبعد عشانك عشان كل يوم اكتشف اني مش البنت اللي انت عاوزها
قلتلها انتي لو مش البنت اللي انا عاوزها مكنتش حبيتك وانتي لو بتحبيني مش هتعملي اللي يزعلني وقلتلها انا بحبك ومش عاوز ابعد عنك انتي عاوزة تكملي ولا لا قالتلي انا عاوزة اكمل بس كل اللي انا بعمله مش بيعجبك وده طبعي
انا مبقتش عارف اعمل ايه وانا بحبها جدا وهل هي لما كانت بتقولي هبعد عشانك كانت هي اللي عاوزة تبعد ولا فعلا عشاني وهل انا غلطان في غيرتي دي هي بالنسبة لها الصداقة مع الشباب عادي وانا بالنسبة لي لا
مش عارف اعمل ايه يا ريت تساعدوني واسف على الاطالة

انت من حقك انك تغير عليها بس الاهم متكنش غيرة زيادة عن الازوم غيرة ممكن تخنقك اللى امامك
وهى ممكن تكون مقتنع انها مش بتعمل شى غلط انت مهمتك انك تفهمها بهدوء انى الاشياء دى غلط ومينفعش انها تقبل من شخص هدية بدون مناسبة ولازم تكون هادى مينفعش العصبية انت ممكن تخسر اى حد بيحبك بسبب العصبية والبنت مش بتحب الشخص العصبى لازم تكون هادى وتتكلم معها بكل هدوء

وحاول تعطى لها وليك فرصة تانية ولو اتكرار تانى نفس الموضوع يبقى خلاص مينفعش الاستمرار مع بعض لانكم فعلا مختلفين

بتحصل كتير اووى بين الحبيبين
الغيره الزياده اوووى بتعمل مشاكل كتير
فهمها بهدوء وبلاش عصبيه لان العصبيبه متنفعش ف الحب
بس طالما قالتلك انهم زمايل مش اكتر يبقى مفيش مشكله
انت حاول انك تبقى معاها طول الوقت متخليهاش تبقى عندها فرصه انها تفكر ف زمايلها
واكيد هى هتتغير عشانك طالما بتحبك
وانت طالما بتحبها خليك وراها لحد ما تغيرها ومتزهقش ومتبينش انك زهقت من تصرفتها
هو ده طبعها وهتاخد وقت طويل اوووى لحد ما تغيره وانت لازم تستحمل

الاول ميرسى على طرحك لمشكلتك وتاكد اننا هنا علشان ناخذ رأى بعض
من الواضح انك بتحبها وبتغير عليها واى حد بيحب حد بيغبر عليه بس الغيره متبقاش زياده اما بنسبه لطبع البنت الى بتتكلم عليها مفيش حاجه اسمها طبعها انى اكلم ولاد واقعد معاهم يعنى ترضى لو ارتبط بيها جواز مثلا تكلم صاحبها فى الشغل فى التليفون بالساعات وتقولك طبعى وبعد كده يجبها هدية ويجى يقعد معاها ولا يتقبلو بره وعلى الميل كمان وده طبعا من الواضح انك مش مالى عنيها لان اى حد بيحب اى حد بيتغير علشانه فى اى حاجه حتى لو كان الطبع وااكدلك برضو انها لما تكلم ولاد ده مش طبع ده نقص ومفيش مبرر يسمح انها تكلم ولد الا فى اطار الدراسه بمعنى اخرها خمس دقائق فى الكلام انت طبعا نصحتها و هى عرفت انت على ايه لو كملت تانى معاها هتعمل حاجات اكترفيجب تاخذ موقف من دلوقتى وده لانك بتحبها

الموضوع ده بيخصل كتير و من حقك انك تغير و لو غيرتك زايدة شوي بس لازم هي كمان تقدر مشاعرك و تراعيك و كل حاجةليها حل المهم التفاهم و التشاور و كمان التضحية عشان الحب محتاج حاجات كتيرة

شكرا على ردودكم جميعا وياريت لو حد عنده اضافة يكتبها
ولكم مني كل الاحترام والتقدير

بص ياخى انا مقدر الى انتا بتقولوا وعارف من كلامك انك بتحبها

بس هيا لو بتحبك بجد مكنتش عملت حاجة تضايقك وفكر شوية لانك لو خدها على الطباع دى الى مش بتعجبك

هتتعبك او قدام الغيرة مش وحشة هيا لازم تحب دة فيك انما من كلامك هيا يمكن تكون بدات تزهق منك متزعلش بس انا بقولك كدة علشان انا عايز انصحك وانما حصلى موقف زى دة قبل كدة بس دست عليها الحب ممكن يتعوض والبنات كتير

اقولك متفكر تخليها هيا تغير عليك يعنى كلم بنات قدامها حتى لو فى التليفون وكمل بقا

نصيحة منى مفيش حاجة فى الدنيا تستاهل انك تضحى علشانها بكرامتك ...............انت رجل فى الاول والاخر ..

مشكلتى زيك بالظبت بس انا حبيبتى ماسابتنيش انت المفروض الغيره مش لدرجه انك تكون السبب فى انها
تسيبك قولها بحبك وهاغير منك او غير من نفسك

أنا متفق مع كلام العضو hazem_messi بالحرف ، و أحب أضيف إن المشكله مش بس إنها بتكلم شباب كـ "أصدقاء" مع تحفظي على الكلمه أو قبلت هديه أو غيره ، لأ المشكله أكبر من كده .. المشكله إنها ما إحترمتش مشاعرك و ب لم تقدر حُبك و أحب أقولك إنك لو كملت معاها و جت على نفسها و بطلت تعمل ده بعد ما واضح من كلامك إنك صارحتها أكثر من مره بذلك و بغيرتك عليها ، فـ سوف ترى منها ما هو أكثر فيما بعد و ستزيد بينكم المشاكل حتى تكره حياتك و اليوم الذي رأيتها فيه ، الكلام ده عن تجربه والله يا أخي لأنها عندما تقول هذا طبعي فهي لا تقصد أن طبعها هي مُصادقة الشباب و لكن المقصود هو طبعها الذي لا يحترم مشاعر الآخر ولا يقدر حُبـُـه ، ضع كل ذلك خلف ظهرك إذا كنت صاحب مبادئ فهي لا تتجزأ و ربنا يرزقك بخير منها ، أنت تستحق أفضل مما تريد.

انامطلقة وعندي ولدوبحب شخص بحبة جداوهوايضااكثرمني وطلقي اجوزوعندة ولدوعلي خلاف مع زوجتة بستمراروعاوز يرجعني مش عارفة اعمل اية

السلام عليكم ورحمه الله وبركاته
ف الحقيقه انا اول مره اتكلم مع حد ف الموضوعده بس انا بجد مضايقه ومش عارفه اعمل ايه انا بنت عمري ما كلمت شباب خالص وعمري مااعترفت ان ممكن يكون ف صداقه بين ولد وبنت ولا كنت بعترف بالحب اصلا
لحد ماشافني شاب وحاول يكلمني بس انا رفضت وحاول كثيرا ان يعبر لي عن حبه ولكني كنت رافضه ع اعتقاد مني ان لو هو انسان كويس وعايزني هيتقدملي ف البيت ومكنش الموضوع ذات اهميه ف البدايه بالنسبه لي وكن بعد ذالك اكتشفت اني قد احببته
احببته ف الوقت الذي يأس مني فيها وقرر عدم توجيه كلام لي واكتفي فقط بنظرات معبره عن حبه لي وانا لا امتلك الجراه لكي اعترف له بحبي له ولا اعلم ماذا افعل ارجو الرد