الموضوع يا جماعة اني حبيت واحدة وحصلي معاها مشكلة ياريت حد يحلهالي وياريت اي حد عنده مشكلة عاطفية يكتبهالي في موضوع قاضي العشق اللي انا عامله في منتديالحوار العام وانا احاول احله انا بقي مشكلتي اني زي كل الشباب اول ما دخلت الكلية اتعرفت علي بنات كتير وده علي فكرة كان سهل بالنسباليوده مش غرور والله بس دي الحقيقة ان اي بنت كنت عايز اكلمها كنت بلاقي منها ترحيب كان اصحابي بيستغربو عليه لحد ما جت هي هي بقي كانت محولة من علوم اسكندرية واول ما عيني جت في عينها وقفت مكاني حسيت ان الزمن وقف وان في حاجة غريبة لدرجة ان اللي حواليا استغربو من كده تقريبا مش سامع اي حد بيتكلم ومبردش علي حد كنت سا عتها واقف مع انتيكتي في الكلية (اميرة)قالتلي ايه يا عم انت روحت فين طبعا مرديتش عليها المهم ان انا وهي فضلنا فتر كبيرة عدت كانها ساعات عينينا في عينين بعض لحد ما اميرة ندهت عليا فضلنا علي الحال ده كل يوم عينينا مبتنزلش من علي بعض 000واتطور الموضوع شوية وبقيت اقعد جمبها في المحاضرات وهي كانت بتستناني لحد ماجي كنا بنشغل اغاني لبعض علي التليفونات انا اغنية وبعدين هي اغنية وده كله واحنا لسة متكلمناش 000المهم كنا بنغني مع الغاني انا بغنيلها وهي بتغنيلي استمر الحال كده تقريبا شهرينلحد ما جت الفرصة وكلمتها بس ما صا رحتهاش بحاجة كنت ناوي اصرحها كل يوم بس مكنتش بقدر وكنت حاسس انها نفسها تسحبها من علي لساني وجه آخر يوم في امتحانات الترم قولت لنفسي خلاص انا لازم اقولها النهاردة وشاورتلها وانا طالع من اللجنة وشاوريتلي بما معناه انها طالعة ورايا وفعلا طلعت لكن بعدها اختفت اتجننت ومعرفتش اعمل ايه وطبعا جريت علي اميرة طلبت منها رقم تليفونها لانه ومش عارف ازاي مكنش معايا واول ما روحت البيت حاولت اكلمها لكن قلت لنفسي لا كده قلة ذوق لازم كنت آخد النمرة منها بس جتلي فكرة اني ابعتلها رسالة 00000000الرسالة كان مضمونها كالاتي (ازيك يا (0000) انا محمد معلش اني مخدتش الرقم منك بس كان لازم اتكلم معاكي لو عندك استعداد تسمعيني ابعتيلي كلمني) وطبعا متخيلين انا كنت قاعد جمب التليفون طول النهار ومش هتصدقوني لو قولتلكو ان الرسالة جتلي تاني يوم وانا استنيتها ومانمتش لحد ما جت الرسالة وكلمتها وصارحتها بحبي وكانت الحياة زي الفل والترم التاني كله عدي عليا كانه اسعد ايام حياتي لحد ماجه يوم بتصل بيها وماردتش عليا طبعا اتجننت وقلقت اوي اتصلت بيها 52 مرة ولما فتحت التليفون لقت 52 مكالمة لم يرد عليها اتصلت بيا وكانت الصدمة00000000000 قالتلي معلش يا محمد مش هينفع اكلمك لاني مش عايزة اتعلق بيك اكتر من كده لان احنا لسة في سنة اولي والمفروض منفكرش في الكلام ده دلوقتي مش هتتخيلو كان احساسي ايه سا عتها التليفون وقع من ايدي نتيجة الصدمة ولما فقت من اللي انا كنت فيه حاولت اتصل بيها بس لقيت التليفون مقفول ومن ساعتها لا شوفتها ولا سمعت صوتها بقالي شهر تقريبا وبصراحة وحشتني قوي وخلاص مش قادر

مستني ردودكم وتقييمكم يالا يا جماعة

علي فكرة يا جماعة الموضوع فعلا منقول بس هي قصتي فعلا انا ناقل الموضوع من رد من ردودي علي موضوع راحة كل واحد

بجد القصه مؤثره اوي
وبجد ربنا يكون في عونك
بس هي برضه بتفكر صح ومتنساش انها بنت
ولو ارتبطت بيك طول الفتره بتاعت الجامعه كلها وجه لا قدر الله ومحصلش نصيب هيبقي الموضوع
اصعب مما هو عليه دلوقتي الف مره
وربنا يكتبلك الخير ويحققلك احلامك

بجد القصه مؤثره اوي
وبجد ربنا يكون في عونك
بس هي برضه بتفكر صح ومتنساش انها بنت
ولو ارتبطت بيك طول الفتره بتاعت الجامعه كلها وجه لا قدر الله ومحصلش نصيب هيبقي الموضوع
اصعب مما هو عليه دلوقتي الف مره
وربنا يكتبلك الخير ويحققلك احلامك

ميرسي علي مرورك يا قمر نورتيني

اصبر لحد ما تخلص جامعة وبعد ذلك لو الظروف سمحت اتقدم لها
لو ربنا اراد انكم هتكونوا لبعض لا شى يقدر يمنع انكم تكون لبعض
وكل شى قسمة ونصيب
حاول انك تركز فى دراستك وسيب الموضوع مؤقتنا

اصبر لحد ما تخلص جامعة وبعد ذلك لو الظروف سمحت اتقدم لها
لو ربنا اراد انكم هتكونوا لبعض لا شى يقدر يمنع انكم تكون لبعض
وكل شى قسمة ونصيب
حاول انك تركز فى دراستك وسيب الموضوع مؤقتنا

ميرسي ونورتيني