إنا لله وإنا إليه لراجعون ... البقاء لله يا جماعة



أنا عارفة أن الصدمة شديدة عليكم...



بس ده واقع ... ودى الحقيقة اللى لازم تصدقوها



أنها ماتت خلاص...





"
"





لغتنا العربية ...







ومش هى بس ...دى لغتنا المصرية كمان ماتت





لغتنا ... يعنى ثقافتنا ... يعنى حضارتنا .. يعنى كياننا















مش ببالغ لما قلت انها ماتت ..



بدأت تختفى تدريجيا من حياتنا



طبعا انتوا مستغربين ازاى انا بقول كده ..



امال احنا بنتكلم مع بعض ازااااى ؟؟؟





"
"



ماهو ربنا عوض علينا بردو ...





مش قاعدين من غير لغة يعنى






عقبال عندكم كده بقى عندنا لغة جديدة




..





اسمها ...




..






" لغة الروشنة " ...








والشكرمون طاخ فى الترلوللى



وأوعى الفحت لاتوقع تحت



هارشين الموضوع ولا لسه ؟؟


"



طبعا محدش فهم السطرين الملونين اللى فاتوا دول ( ولا انا والله انا جبتهم من النت دول )




واللى فاهم بحييه جدا على نباهته وبنتهز فرصة الموضوع ده ييجى يشرحنا اللغة الجديدة والكلام الغريب ده للناس اللى متأخرة زينا ومش متابعة التطورات الجديدة فى قاموسنا اللغوى الموقر




طيب خلينا نفهم الموضوع أكتر ..




طبعا كلنا عارفين أن اللغة العربية هى لغة القرآن الكريم ... وده اللى أداها أعظم أهمية وإن كنا للأسف كتير مننا غير مدرك لمكانتها العظيمة




أنا مش بقول أننا نتكلم باللغة العربية الفصحى لأن كل الشعب المصرى تقريبا بيتكلم باللهجة المصرية (أو بالأصح اللغة المصرية)





أيوة .. اللغة المصرية ..




هى فعلا لغة معتمدة ومعترف بيها وكود اللغة بالنسبة لقانون المنظمة الدولية للتوحيد القياسى (أيزو 639) هو arz




وهى كمان لغة أكتر من 76 مليون مصرى ده غير انها من أكتر اللغات المشتقة من اللغة العربية فهماً بسبب انتشار الأفلام والمسلسلات المصرية فى العالم العربى والغربى




يعنى ليها أهميتها بردو ...




فخلينا بس نحافظ على لهجتنا لانها من أهم عناصر شخصيتنا المصرية والثقافة والحضارة والإنتماء ..




كده أنا حخرج بعيد عن الموضوع اللى كنت بتكلم فيه ..





طيب نرجع تانى للأهم

لغة الروشنة .... قلولى بقى اللغة دى جاية منين وفين أصلها .... بصراحة دورت على مصدر اللغة دى مش لاقية غير مجموعة من الأفلام اللى ظهرت على شاشات سينماتنا من سنوات وظهرت معاها مصطلحات جديدة وبدأت تنتشر بين الشباب بصورة كبيرة ...













طيب نفكر فى الأسباب اللى خلت اللهجة دى تنتشر ب دى ...





-هل لأن لغتنا مقدرتش تستوعب أفكار الشباب وتعبر عنها ؟؟



-وللا بسبب حب الشباب لكل ماهو جديد وغريب ومختلف !!



-ولا يمكن إحساسهم أنهم عايزين يكون ليهم كيان مستقل بعيدا عن تعقيدات المجتمع اللى فى نظرهم ظلمهم كتير ..





وعشان كدا هما بدأوا يكونوا لنفسهم قاموس لغوى جديد خاص بيهم ؟؟؟




مش عارفة هل هو سبب واحد من دول ولا يمكن الثلاث أسباب مجتمعين ويمكن يكون فى أسباب تانية بس أنا مش عارفاها






لدرجة أنى مرة كنت بشترى كتابين من أحد معارض الكتب ... لقيت كتاب أسمه..







..





" قاموس المصطلحات الروشة "..






بصراحة اندهشت فى الأول لكن أول ما بدأت أقرأ الكتاب ....





..






اندهشت أكتر طبعا ..






لأنى ببساطة لقيت كتاب شبه المعجم العربى بالظبط لكنه عن المصطلحات والكلمات الروشة















واضح أن الموضوع كبير لدرجة أنهم ينزلوا كتاب معجم للمصطلحات الروشة عشان محدش يستهين بيها ..




دى لغة الروشنة ..




بس بصراحة والحق يتقال بردو ... فى كلمات قريتها وسمعتها كانت بتموتنى من الضحك


زى الولد اللى راح قال لجدته ... وهى بتسمع لام كلثوم..


"أيه الأغنية اللى عليها تراب اللى بتسمعيها دى ؟؟"







ممكن تكون الجملة مفيهاش كلمات غريبة ... لكن تركيبة الكلمات لتكوين الجملة هو اللى غريب !!





وده اللى اكتشفته فى لهجة الروشنة دى .. أنها ممكن تعتمد على تركيب كلمات مختلفة فى المعنى أو الاستعانة بتشبيهات معينة لتكوين الجملة الروشة





زى الجملة اللى فاتت دى ...





فلغة الروشنة برغم أنها بتنطق باللغة العربية الا أن معانيها غامضة وغير مفهومة بالنسبة لقطاع الكبير من المجتمع






ومهما كانت الأسباب لازم نفتكر أن اللغة هى وسيلة تواصلنا مع الآخرين ومسألة انفراد الشباب بلغة معينة تعنى انعزاله عن باقى المجتمع خصوصاً الأجيال السابقة اللى تخطت مرحلة الشباب




ومعناه كمان تخلينا عن انتمائنا للغتنا وحضارتنا لبلدنا ...




مش معنى كلامى أننا نمنع الكلام باللغة دى لأن ده بقى صعب بعد انتشارها ب الكبيرة دى لكن ممكن يكون الكلام بيها على سبيل الطرافة والفكاهة .. لكن استخدمها كلغة أساسية للتعامل مع الغير حتفقد خطوط تواصل كتير ومهمة مع الآخرين الشخص بيكون محتاجها فى حياته





"
"



مش ملاحظين ان صاحبة الموضوع مش كاتباه باللغة العربية الفصحى ...




كتبته باللغة المصرية ... شوية انتماء للبلد بردو ...




حبيت كمان يكون الموضوع خفيف ومختلف شوية عن المواضيع السابقة ..




المرة الجاية حكتبلكم الموضوع باللغة الكوريكانية ..





من اختراعى الخاص ..





ومحدش يسألنى ايه اللغة دى ؟؟؟













تحيـــــــــــــاتى ،،،

لغتنا ... يعنى ثقافتنا ... يعنى حضارتنا .. يعنى كياننا




الموضو بجد روووووووووووووووعة

لغتنا ... يعنى ثقافتنا ... يعنى حضارتنا .. يعنى كياننا




الموضو بجد روووووووووووووووعة

شكرا لحضورك
نورتى الموضوع

بجد كوضوع جميل جدا تسلم ايدك يا ريري يا قمر

بجد الموضوع مهم وحلو جدا و انااحييكي علي المجهود ده
انتي عارفه كمان بقينا نستخدم لغات اجنبيه في معظم كلامنا
عندك حق لازم نرجع نستخدم اللغه العريبه من تاني
شكررررررررررا

بجد كوضوع جميل جدا تسلم ايدك يا ريري يا قمر

انتى اللى جميله و شكرا لمرو رك و نورتى الموضوع و المنتدى كله يا قمر

بجد الموضوع مهم وحلو جدا و انااحييكي علي المجهود ده
انتي عارفه كمان بقينا نستخدم لغات اجنبيه في معظم كلامنا
عندك حق لازم نرجع نستخدم اللغه العريبه من تاني
شكررررررررررا

شكرا لحضورك معانا ف الموضوع و بقيت لغات غريبه كتيير بتدخل و معرفش ليه مع ان كل بلد متمسكة بلغتها و بتحبها انا معرفش ليه بناخد لغات غيرنا يلا ربنا يهدينا
و منورانى يا جميله

موضوع جميل يل ريري تسلم ايدك

شكرا ليكي ياريهام علي الموضوع الجميل دة
وبالفعل مهم جدا
لغتنا بدأت تندثر او تختفي
وتظهر اللغة الغريبة دي
انا فكرت قبل كدة في الموضوع دة وقولت لنفسي
ان لغتنا ممكن تختفي مع ظهور بعض المصطلحات الغريبة
ومش عارف اذا كانت هتتطور اكتر من كدة ولا لا
وربنا يستر
شكرا ليكي ياريهام علي الموضوع الجميل دة
وفعلا مواضيعك كلها ممتازة

موضوع جميل يل ريري تسلم ايدك

تسلمى يا حببتى نورتى الموضوع

اولا انا اتحسررررررت بس انا معاكى ان اللغه العربيه ماتت من زماااااااااان اوى

شكرا ليكي ياريهام علي الموضوع الجميل دة
وبالفعل مهم جدا
لغتنا بدأت تندثر او تختفي
وتظهر اللغة الغريبة دي
انا فكرت قبل كدة في الموضوع دة وقولت لنفسي
ان لغتنا ممكن تختفي مع ظهور بعض المصطلحات الغريبة
ومش عارف اذا كانت هتتطور اكتر من كدة ولا لا
وربنا يستر
شكرا ليكي ياريهام علي الموضوع الجميل دة
وفعلا مواضيعك كلها ممتازة

انا متشكرة جدا لحضورك للموضوع
و فعلا خلاص بقت بتتلاشى بقينا نحط لغه غريبة على الانجليزى على الفرنساوى و لو جينا عدينا كلامنا بالعربى هنلقيه قليل اوى بالنسبه للكلام باللغات التانيه
متشكرة جدا لحضرتك

اللغه العربيه لم ولن تموت ابدا لانها لغه القرأن الكريم وكفاها فخرا ذلك

اولا انا اتحسررررررت بس انا معاكى ان اللغه العربيه ماتت من زماااااااااان اوى

فعلا و الله حاجة تحسر و خساارة
يلا بس ان شاء الله طالما بنحاول نعمل حاجة ان شاء الله هننجح متقلقيش
و بجد نورتينى يا قمراية

هايل موووووووووووووووت

اللغه العربيه لم ولن تموت ابدا لانها لغه القرأن الكريم وكفاها فخرا ذلك

اكيد اللغه ممتتش طبعا هى لغة القران الكريم و المشكله ان فيه شباب مش فاهمة الكلام ده مش فاهمة ان اللغه العربيه اللى هما مش بيحبوها و لا بيحبوا يتكلموا بيها ديه لغة القران و فلاع هم مش فاهمين كده مش فاهمين ان و الله فيه غيرنامش عربيين لكن مسلمين و عايزين يتعلموا اللغة العربيه عشان يقروا القران انما احنا اللى مش عايزين و معرفش ليه ... دايما بنفكر ف حاجات ملهاش لازمة
متشكرة لحضورك الموضوع و راي حضرتك

هايل موووووووووووووووت

انا متشكرة جدا لحضورك الموضوع

انتى بجد يا ريهاام سكرة و تسلم ايدك على التوبيك

انا عايزة اشوف اللغة الجديدة بتاعتك بقي

الموضوع جميل واكيد سبب اللغه دى ان الشباب بيحب التغييير


بس نااااايس لغه يعنى


وطبعا اللغه العربيه هى لغه القرأن ولها مكانتها الخاصه



ميرسي علي التوبيك

لغة الروشنة .... قلولى بقى اللغة دى جاية منين وفين أصلها .... بصراحة دورت على مصدر اللغة دى مش لاقية غير مجموعة من الأفلام اللى ظهرت على شاشات سينماتنا من سنوات وظهرت معاها مصطلحات جديدة وبدأت تنتشر بين الشباب بصورة كبيرة ...


هي جت علي اللغه بس
ديه المخدرات مبوظه الدنيا

المرة الجاية حكتبلكم الموضوع باللغة الكوريكانية
حرام عليكى يا ريهام ميبقاش انتى والزمن علينا دا خلاص الدمعه هتفر من عينى
بس سؤال فى سرك هى اللغه الكوريكانيه دى ايه حكايتها كمان
اللغات اتكاترت على اللغه العربيه بيه بس
موضوعك جميل شكرا ليكى