فى عيد الشرطة
كل الناس كانو متظاهرين
خرجت كل المصريين
خرجوا شباب خمسة وعشرين
ضد الفقر و ضد الجوع
ياه الشعب كتير موجوع
لازم الصوت هايكون مسموع
............ لازم نهتف ...........
ضد نظيف وحمته الظلمة
ضد طريق مليان بالضلمة
ضد سياسة حكمها باطل
ضد شباب الشعب العاطل
............ لازم نهتف ...........
ضد محمد حسنى الريس
إمتى الحكم هايبقى كويس
إمتى هانحكم بالدستور
إمتى هانمشى فى طريق نور
............ لازم نهتف ...........
مجلس شعب حقيقى مزيف
و احمد عز دا بيته مكيف
مين حاسس بالمصريين
دا العيان مش لاقى تأمين
............ لازم نهتف ...........
ضد حكومة قوية وفجرة
ضد مياه الشرب العكرة
كام مليار مسروق م الدولة
حد يقولى مين الأولى
............. لازم ننهض ............
علشان بلدى
علشان مصر
لامش هانقبل
ناس بتنام فى رصيف الشارع
وناس بتنام فى حرير و فى قصر
علشان مصر
لازم ننهض
............ لازم نهتف ...........
بقلم أسير الشعر الحزين / مصطفى حافظ الجنيدى