هيا هنا بتغير عليا ولا مش شرط؟ وتاني يوم لقيتها بتتصل بيا وبتقولي لو فاضي تعالي اشرح ليا المادة فقولتلها شوية هاجي وبعدين انا روحت لها لقيتها هيا وصحبتها مع بعض فجلس وشرحت لهم المادة وفجاة لقيت صحبتها قالتلها كلام في وزنها ومشيت وفضلت انا وهيا لوحدنا وعرفنا عن بعض كل شئ وفي نص الكلام قولتلها ان مستوانا المادي في العائلة اعلي من باقي العائلة فلقيتها بتقولي طيب هوا في حد في العائلة معجب بيك ولا لاء ؟سؤالها ده معناه اية ؟
وتاني يوم لقيتها جاية في منتهي الشياكة وانا كنت بكلم بنت في المحاضرة وفجاة لقيتها بصيت للبنت دي من فوق لتحت وبصيت ليا وبعدين انا بعتلها رسالة رسالة وقولتلها (الغريب انك بعيد بس الاكيد انك في قلبي مهما تغيب) وتاني يوم انا روحت اتكلم معاها عادي وبعدين لقيتها بتقولي انما اية الرسالة اللي انت بعتلها ليا امباح دي فقولتلها وحشة فقالتلي لاء جميلة بس اية المناسبة يعني ما انا كنت معاك امبارح يعني اية اللي جد ؟ هيا هنا تقصد اية (لحقت اوحشك؟) ولا لاء ؟
في حد راح قالها ان انا قولت للناس كلها انها مرمية عليا وان انا مش بعبرها خالص وانها مرتبطة بيا وكلام زي كدة الغريبة بقي انا كانت عاملة نفسها زعلانه ومش بتبص ليا ولما روحت كلمتها قالتلي انت اية اللي عجبك فيا ؟ وبعدين قالتلي الكلام اللي وصلها وكانت بتلومنى علي كدة واستمرت في العلاقة عادي وبعدين انا قولتلها انى عاوز اخطبها فلقيتها بصيت حوليها وبعدين قالتلي اية اللي انت بتقوله ده وفجاة غيرت الكلام من نفسها كده هيا اتكسفت ولا رفضت ؟ وبعدين قالتلي احنا داخلين علي امتحانات لا انا ولا انت المفروض نفكر في الموضوع ده (كلامها ده معناه ان الموضوع مستمر ولا اتقفل خلاص؟) وبعدين في واحد جيه وقف اتكلم معاها امامي واول لما هوا مشي لقيتها بتقولي علي فكرة اللي كان واقف معايا ده مجرد زميل ليا لحسن تفتكر انى بحبه ولا حاجه؟ هيا هنا تقصد اية ؟ وبعدين أنا قولتلها في شئ لازم تاخذي فيه قرار الآن انتى كده من الآخر هتفكري فيا تاني ولا لاء ؟ فقالتلي الله اعلم ممكن اه وممكن لاء فقولتلها طيب لو فكرتي فيا هتقوليلي فقالتلي لاء طبعا مين اللي يقول لمين؟ (هيا كدة موافقة ولا رافضه) وبعدين قولتلها انى اسف فقالتلي انا قابلة اسفك لأني لو مكنتش قابلة اسفك مكنتش اتكلمت معاك تاني وكانت الموضوع كبر أوي .
السؤال هنا بقي (هيا سامحتني علي الحوار ده علشان بتحبني ولا عادي منها؟
وبعدين الترم ده هيا بتبص عليا من تحت لتحت او بطرف عنيها وفي مرة انا كنت جالس في المدرج وهيا واصحابها في الاخر فالدكتور قالهم تعالوا في المدرج اللي انا فيه علشان فاضي وبعدين اصحابها كلهم دخلوا جنبي الا هيا دخلت اخر واحدة وفضلت جنبي بس مننحيتهم دي صدفة ولا هيا قصده تجلس جنبي ما هوا المكان فاضي اشمعنا جنبي؟؟؟؟؟؟؟ انا روحت اعمل عليها لعبة فقولتلها ان في بنت بتحبني وانا مش بحبها اعمل اية فقالتلي قولها انك بتعاملها زي الاخوات وبس وبعدين قالتلي هوا انت بتفكر فيغيرها فقولتلها اه فقالتلي ميييين؟ فقولتلها عادي يعني فقالتلي لاء قولي مين وكانت مصممة انها تعرف مين اللي انا بفكر فيها ؟ فقولتلها انتى فقالتلي احنا مش قولنااننا اصحاب وبس فقولتلها انا جيت اتكلم معاكي عادي كاصحاب انتى اللي سئلتي السؤال وانا جاوبت فقالتلي اصل انا افتكرت انك بتفكر في واحدة تانية يعني فقولتلها لاءالسؤال هنا بقي هيا لية كانت مصممة انها تعرف مين اللي انا بفكر فيها ؟ رغم انها عارفه كويس انى انا اللي بفكر فيها ؟ ده علشان محاولة منها لفتح الموضوع ولابتجس النبض من تاني بتتاكد انى فاكرة ولا لاء ؟وكمان بتبص عليا من تحت لتحت واول لما انا ابص لها وعنيا تاتي في عنيها بتبعد عنيها عني وتعمل نفسها مش مهتمه وكمان بتبص عليا بطرف عنيها ؟ده يبقي اية بقي وبعدين انا غبت من الكلية فترة ولما رجعت ودخلت المحاضرة لقيتها جالسة في الصف قبل الاخير جنب الحائط واول لما شافتني عنيها ورقبتها ماشية معايا واول لما بصيت لها بعدت عنيها عني ولا كانها شافتني وبعدين انا جلست في الاخر ودي كل شوية تبص وراها بنظرة سريعة عليا واول لماابص لها تبعد عنيها وتكون متعمدة انها تبص عليا طول ما انا مش ببص لها وتاني يوم اناكنت جالس في الاخر وهيا واصحابها دخلوا هيا بصيت عليا جامد اوي يوميها وانا منتكش ببص لها خالص وبرده كل شوية تبص وراها عليا لمحة كدة وتشوفني ببص لها ولا لاء وبعدين انا كنت واقف يوم في الطرقة مع واحد صحبي وهيا كانت معدية من جنبي وكان وشها في الارض واول لما عدت من جنبي رفعت وشها لفوق ده كسوف منى ولا مش طايقة تبص ليا ؟ وبعدين في يوم أنا أتاخرت عن المحاضرة وهيا كانت جوا وكانت جالسة معدولة جداواول لما انا خبط علي الباب فالدكتورة قالتلي مينفعش تدخل وليقت البنت دي بتشب براسها وبتشوفي انا في علي الباب ولما الباب اتقفل فالباب فيه فتحه زجاج توضح اللي بره واللي جوا ودي جلست معوجة وعين علي الدكتورة وعين عليا وانا بره وفي نفس اليوم أنا كنت واقف مع صحبي ودي جت لقيتني مع صحبي فبصيت ليا جامد بس أنا مكنتش ببص لها وبعدين هيا شافت صحبي وهوا بيبص لها فحطت وشها في الأرض ودخلت المحاضرة وبعدين ف يوم تاني انا كنت واقف تحت مع اصحابي وهيا كانت ماشية ففي واحد صحبي نده عليا فلقيتها بتبص عليا وعنيا جت في عنيها وبعدين لقيتها رجعت ولوحدها وسابت شنطتها مع صحبتها ورايحه تأخذ واحد من وسط أصحابه علي جنب وتتكلم معاه أمامي وهيا بتكلمه عنيا جت في عنيها واديت لها ظهري فصاحبي قالي دي واكلاك بعينها يعني بتبص عليك وانت مديها ظهرك السؤال بقي هيا ليه راحت تتكلم مع واحد من نفسها لوحدهم وامامي كمان ده عادي ولا بتغيظني ؟ وكمان طول ما انا مديها ظهري هيا عنيها راشقة فيا واول لما عنيا تاتي في عنيها بتبعد عنيها علي طول وفي مرة انا كنت نازل من علي السلم وهيا بصيتعليا وانا نازل نظرة من تحت لتحت وبعدين لما نزلت واديت لها ظهري بصيت عليا جامد وكان جنبها اصحابها وفي المحاضرات كمان طول ما انا مديها ظهري هيا بتبص عليا.
وبعدين صحبي كان معدي من جنبها فسمع صحبتها بتقولها (يوسف) باستغراب شديد وبعدين الأثنين شافوا صحبي سكتوا ده معناه اية ؟
وبعدين امبارح كان اول يوم امتحانات ليا وبعد الامتحان هيا كانت واقفة في الطرقة وبعدين شافتني وعنيا جت في عنيها فقومت بعدت عنيا عنها وروحت علشان اسلم علي صحبي وانا بسلم علي صحبي لقيتها بتقول لصحبي عملت اية في الامتحان النهاردة؟ وكانت بتضحك ولم تقولي شئ ده هيا موجهة الكلام ليا ولا مش شرط؟ وكمان صحبي راح يتكلم معاها وانا نزلت تحت ولقيت صحبي نازل ورايا علي طول والغريب بقي ان صحبي ده هيا مكنتش بتقف تتكلم معاه ولا مرة وكمان هوا مش بيروح الكلية كتير يبقي ازاي بتسئله هوا وانا لاء ؟ وكمان انا روحت المكتبة لقيتها هناك وكانت بتتكلم هيا واصحابها مع صاحبه المكتبة واول لما انا دخلت سكتت وبصيت عليا وكانها اتفاجئت بوجودي وطول ما بتكلم مع صحبه المكتبة هيا بتبص عليا وكانها بتحاول تلفت انتباهي واصحابها كانوا بيتكلموا مع صحبه المكتبة عادي ودي مركزة معايا وبتحاول تبص وتخطف نظرات سريعة اوي عليا ؟
كل ده حب ولا صداقة عادية؟
بيلز عاوز منكم
وبعدين في حاجة كانت حصلت انا كنت غبت يوم من الكلية وصحبي قال ليا انها دخلت هيا واصحابها متاخر وبعدين اصحابها دخلوا بسرعه المحاضرة وهيا دخلت اخر واحدة وببطئ وبعدين بصيت علي المكان اللي دائما بجلس فيه لم تراني ودخلت ببطئ لدرجة ان الدكتورة قالت لها يعني انت داخله متاخر وماشية ببطئ اجري شوية وفي نفس اليوم لقيت نمرة غريبة بتتصل بيا ثلاث مرات وفي كل مرة كنت برد وكنت بقول الو ومكنش حد بيرد وكأن حد عاوز يسمع صوتى وبس ومن بعدها والتليفون ده مغلق بقاله ثلاث شهور انا اقصد يعني مين اللي هيشتري خط علشان يعمل بيه ثلاث مكالمات وبعدين يقفله خالص ؟