اننا اكتفينا بالشكوى لبعضنا البعض .واكتفى كل منا بان يعلن استياءه .وقرفه وزهقه .وكل الامور .ماعدا ان يتخذ
رد فعل احتجاجى عملى..وطبعا العنوان واضح انه لايصدر الا من شخص ارتضى بالخنوع . ومش بس ارتضى
ده اصبح سعيد بالشلاليت وشايف انها دفعه للامام .. وعلشان اشرح اصل حاله الخنوع اسمحوا لى بالاطاله
والقصه تبدا بملك كان لديه فيلا سايبه يبرطع فى المدينه يكسر محلات يدوس اطفال .مين يقدر يكلمه؟؟
فاجتمع الناس واصروا على الاحتجاج للملك الظالم والذى كان لايسمح لاحد بالاحتجاج..وفى اثناء الاجتماع فوضوا واحد منهم
لكى يتكلم عنهم ..فلما اقبل الملك وكان الرجل يتصدر الجماهير المحتجه .ساله الملك
عاوز ايه ليه الاحتجاج ده مجتمعين كده ليه..
فتلعثم الرجل ونظر خلفه ليستقوى بالجماهير ..فلم يجد احدا ..فقد هرب الجميع ..وتركوه وحيدا
فقال الرجل ... ابدا يا مولاى . جئنا نطالبك بان تزوج الفيل وان تجمع منا تبرعات لشراء فيله انثى .تؤنث وحدته وتنجب لنا
افيالا اخرى .فقد لاحظنا ان الفيل حزين .ولم يعد يلعب ويحطم محلاتنا ويدوس اطفالنا وهو ما حرمنا من شرف مشاركتكم
رعايه الفيل ...
هكذا ياساده تبدا عمليه تحويل اى شخص قرر ان يكون ايجابيا الى مدمن نفاق ..بل الى الابداع فى النفاق والتلذذ به
وبصراحه كان عندى قائمه طويله جدا اردت ان اوجه لهم كلمات النفاق التى تسعدهم على لسان مواطن منافق
اصابه الياس .ووصل الى اقصى مراحل الايمان بعدم تغيير الواقع الاليم..
واعذرونى لو اختلطت الامور.ودخلت السياسه فى الكوره وطبق اليوم فى ايدلوجيه الفكر الماجوجى والفاشيستى
لان ده هو واقع مانعيش فيه ..تمام مثل خلطه فوزيه..وكله بيطلع فى الغسيل
وعلى طريقه .عيش ندل تموت مستور..ومنهجيه ان التنطع بيوصلك الى ماتتطلع اكتب . وكلى امل
ان انجح فى توصيل .مابين السطور. فكلنا الى زوال.وتبقى مواقف وكلمات وافعال كل منا بعد الرحيل
وتصاحبه الى حيث يقابل المولى الجليل ..
وقد فرض علينا تلك الامعه .صاحب الالسنه الاربعه والسحنه المربعه وصوت يشبه ذوى الاربعه..... ان تكون اولى رسائلى له
.................................
تلقينا 19 شلوت ب19 دفعه للخلف ..قصدى للامام من جنابك ومفيش فايده .. وصحيح ان كتبه المحكمه الجالسون على كراسى
المستشارين فى المجلس الاعلى هما اللى اخدوا الشلاليت دى ..ويستحقوها ..لان اى واحد قاعد بكرسى وترابيزه
ومنديل محلاوى تحت الطربوش امام المحاكم بيفهم عنهم.. ومع ذلك ..افتكر انهم قاصدين وسعادتك جزء من لعبه كبيره ..مجرد
عروسه مربوطه بخيط بتحركها ايدين قذره..وتلتف حولها ناس اقذر .لكن فى الاخر ..هاقول عندك حق ..
والله يافندم احنا جمهور الزمالك يستاهل ..والزمالك كمان يستاهل ..واعمل اللى انت عاوزه ..مايهمكش من حد ..اخرتها ايه
شويه شتيمه لسعادتك فى المدرج!!؟؟ ..والا كلمتين فى عضمك فى المنتديات!!!؟؟ولا يهمك سعادتك ..دول شويه رعاع بتهلفط
اخرتهم كلام... دول شويه زمالكاويه يا متر..هما وناديهم اتعودوا على الاستباحه
. مين فى مصر بيعمل لهم حساب .اعلام ؟؟ صحافه ؟ حكام؟؟ ولا حتى برنامج طبق اليوم ...ده لو زمالكاوى اتصل يعرف طبق اليوم وعرفوا انه زمالكاوى ..هايقولولوا ..انت ليك نفس تاكل ..ياشيخ روح.
. محترمين يا باشا ؟؟
والمحترم فى البلد دى ..بياخد بالجزمه وبيبقى مسخره..مالوش قيمه ..بلد فيفى عبده ونانسى وهيفا وهبى .اشهر من زويل والعقاد ولو سالت مين طه حسين . هايقولوا ده كان باك لفت بتاع الاهلى
طيب خللى زويل يمشى فى اى شارع اذا حد عبره او عرفه .وحتى لو عرفه ممكن بالكتير يقول ازيك يابو حميد..
هيفا تقدر تمشى من غير حراسه ؟؟..ياكلوها يابا .وحاف كمان .علشان طوابير العيش مافيش وقت
الزمالكاويه ناس مستباحه مالهمش وزن .براحتك معاهم وبعدين دول محترمين..مافيش منهم خوف
لانهم مش جماهير الاهلى ..دى اللى يتخاف منها سعادتك.. ماحدش يقدر يمس ناديهم ...بيطاردوه فى كل مكان ..حتى فى بيته
فاكر سعادتك ؟؟؟ لو حكم ظلمهم بيردموا الاستاد طوب .غير الشتيمه وغير انهم كمان بيوصلوا لبيوتهم ..ولو مقدم برنامج
اتعرض للاهلى .تبقى نهايته على ايديهم ..اتصالات على الهوا ورسائل .ده غير انه ممكن ينضرب من اى حد يشوفه فى الشارع
ونفس الحكايه مع صحفى مخرج اى حد .اما الزمالكاويه دول . دول ناس اخرها كلام ..واخرها شتيمه ..يعنى مافيش ضرب
وماتنساش سعادتك ان اللى حواليك اهلويه ..هما اعضاء فى الزمالك لكن اهلاويه..يعنى انت محمى كمان ..
براحتك سعادتك ..وفى انتظار الشلوت ال20 ..ولا يهمك دى كلها دفعات للامام ..للنادى وللجماهير وللكره المصريه
والله يافندم انت معلم اجيال ومدرسه كمان..وماحدش عارف قيمتك. مصداقيه ايه.واخلاق ..وقيم ايه ولا ابو تريكه..
ده حتى انت صاحب رؤيا ..ومنام .صدقنى يافندم انا كنت بفكر اجمع فلوس وانتج رؤيه سعادتك بفوزك بالانتخابات فيلم
انا لسه كلامك بيرن فى ودانى..لما الوالد الكريم جالك فى الحلم ..ولابس احمر فى احمر.. وحط ايده على قفاك ..قصدى كتفك
يووووه .على المؤخره ..وقالك يا مر يابنى ..المؤخره دى .متفصله على كرسى الزمالك..رووووح .انت هاتنجح فى الانتخابات
وهاتبقى رئيس الزمالك ...يا سلاااااااااام يافندم سعادتك ولى وتستحق نعملك شيخ طريقه ..ماهى موضه ..
اشمعنى الحامديه الشاذليه .واشمعنى الطريقه التريكيه ..من حقك تبقى شيخ الطريقه المرتضاويه..
هو ليه كان لابس احمر فى احمر .يمكن علشان الرؤيا جاتك وانت فى السجن..؟؟
مين يقدر يجارى مواهب جنابك يعنى قلب الحقايق انت استاذ ..واخذ الحق بالصوت العالى بس ...مين يقدر يجاريك؟؟
اما السفاله وقله الادب وسلاطه اللسان فحضرتك فريد عصرك واوانك.لما تفوز ..بتشكر كل ما ساهم فى الانتخابات المحترمه
واختارك..ولما تخسر ..الانتخابات مزوره وفاسده.. اللى معاك حبيبك والى مش معاك..
..فاسد وعميل وعليه قضايا ..واخته عليها حكم نفقه وامه متهمه بقلب نظام الحكم فى بوركينافاسوا
انت خساره فى الزمالك يافندم ..بجد خساره حتى فى مصر ..وتستاهل انك تولع فيها .بجاز وسخ كمان..
طيب فيه حد يقدر يلعب بالقانون زيك؟؟؟ حد مسخر كل القوانين زيك؟؟.حد خللى القوانين مسخره ومسخه وتداس بالجزم
وبمناسبه الجزم ..ياريت سعادتك تتكرم وتتعطف ..وتجهز لنا كام جزمه ترفعهم فى وشنا ..مع الشلوت رقم 20
اهو نوع من التغيير ..طمعانين فى كرم جنابك.واللى خلاك تكرمنا بالشلاليت دى لمده خمس سنين ..كتير علينا جزمتين زياده
فى وشنا ..دول حتى هايبقوا اوسمه نعتز بيها يا فندم...
يا سعاده المستشار
شلوت سعادتك بيدفعنا للامام ..وسفاله جنابك .كلمات غزل ..ووقاحه لسان حضرتك قصائد شعر..واللى بتعمله فى الزمالك
لمصلحه الزمالك وضد استقرار الاهلى طبعا.. واحنا نستاهل اكثر من كده وفكك من الشويه الهتيفه دول بيعرقلوا مسيره سعادتك
فى هدم الزمالك علشان تبنيه من جديد ..ودول فى الاخر اخرهم كلام ..مجرد كلام..
تحياتى لك
الراصد