اصدرت جريدة "ربيان بيزنيس " قائمتها السنوية بالشخصيات العريبه الاكثر تأثيرا فى العالم و حاز الشاب المصرى وائل غنيم على المركز الثانى يعمل وائل غنيم مدير لتسويق لشركة جوجل فى منطقة الشرق الاوسط و قالت الجريده ان وائل استطاع من خلال الفيس بوك ان يجمع الشباب و ينسق بينهم وذلك من خلال صفحة " كلنا خالد سعيد " و قالت الجريده ايضا ان غنيم يعتبر مثالا لشباب مصرى كثير حالم ولديه هدف و يريد مستقبل افضل لمصر و الجدير بالذكر هو ان غنيم تم اعتقاله اكثر من 12 يوم حيث ان جهاز امن الدولة كان يقوم بالتحقيق معه فى انه هو ادمنصفحة كلنا خالد سعيد

الحقيقه وائل غنيم ده شخصيه محترمه
وانا شخصيا بحبه فعلا بصرف النظر عن ما قيل عنه
من شائعات الله اعلم بها ولكنه شاب مصرى
ثورى - الى الان لم يظهر منه سوى الوطنيه الحقيقيه
ولكن الناس مش سايبه حد فى حاله

الحقيقه وائل غنيم ده شخصيه محترمه[/

وانا شخصيا بحبه فعلا بصرف النظر عن ما قيل عنه

من شائعات الله اعلم بها ولكنه شاب مصرى
ثورى - الى الان لم يظهر منه سوى الوطنيه الحقيقيه
ولكن الناس مش سايبه حد فى حاله

الناس مش سايباه في حالة علشان اللي حواليه عملوه زعيم واختزلوا الثورة في شخصة

ولو كان في حد يليق به لقب الزعيم يبقي البرادعي لانه هو فقط صاحب الحقوق الحصرية لكلمة مليونية
ولن انسى تصريحة من عدة شهور حينما قال لو قامت مظاهرة مليونية في الشارع المصري سيسقط نظام مبارك

ورغم كدة هو معملش روحة زعيم وكل الناس قالت اني الثورة دي مفيهاش محرك او زعيم ليها
ولو مشينا بمبدأ الزعماء تبقي اسماء محفوظ ليها دور قيادي اكبر واعظم من دور وائل غنيم لانيها قبل ليلة 25 يناير نشرت فيديو كان ليه صدي كبير جدا علي الفيس بوك ورغم كدة محدش عملها زعيمة
وائل غنيم اخد هالة كبيرة حوالية بسبب عملية اختطافة من قبل امن الدولة واللي حاوليه بسبب القصة دي صوروه علي انه شهيد وسرعان منطلقت حملات علي فيس بوك بعنوان كلنا وائل غنيم
غير كدة التركيز المبالغ فيه علي جروب خالد سعيد وكاني مكنش فيه غيرة اللي دعى للتظاهر
غير كدة وائل غنيم في احاديثة كان بيتناقض كتير مع نفسة
مرة يقول امن الدولة عاملوني بطيبة وحنان
ومرة تانية يقول انا قمت بتقبيل ظباط امن الدولة اللي عذبوني !
وانتي عارفة الفترة دي فترة حساسة جدا واي واحد بيقول اي كلام بيكون محسوب عليه
علشان كدة الناس ارتابت منه ومن كلامه ومن تصويره كا زعيم - وهو دوره لا يقارن مع الادوار الحقيقية للناس اللي نزلت الشارع خاصة اول 3 ايام
يعني وائل غنيمك ببساطة اخد اهتمام اعلامي لم يأخذة ناس بذلت ارواحها
ودمائها في سبيل حرية مصر
عرفتي ليه محدش سايبة في حالة

انا معاك طبعا ان فى غيره بذل مجهود عظيم لا يقارن تماما بوائل
وخصوصا الشهداء والمتظاهرين فى اول 3 ايام فعلا
لكن كل اللى اقصده انه شاب زى اى حد مشفناش منه حاجه وحشه وهو مش بطل ولا زعيم ولا حاجه
هو طنى بس وده اللى انا قولته فى البدايه
وانت فعلا عندك حق ان الناس هى اللى صورت منه زعيم