اذيكوا ياحلى اعضاء
اخوانى الاعضاء اعضاء منتدى نجوم مصرية
اليوم مش زى اى يوم انا وصديقتى
شيماء هنقدم موضوع مشترك وهيا رفضت انها تحطة هيا (مع انى اتحايلت عليها)\
على العموم الموضوع دة ماهو الا الجزء الاول من الموضوع
وهيكون فية كالاتى شيماء هتسالنى اسئلة بس من اكتر الاسئلة للبنات مهتمين يعرفوها عننا
واحنا بنكلم جات الفكرة معانا واتفقنا على الموضوع
وانا قعدت احمسها كتير اوى علشان تسال اسئلة صعبة ههههههههههه( اوعى تنكرى)
اتركم مع شيماء :
احلى سلام على احلى اعضاء منتدى نجوم مصرية
وانا اقدر انكر يا زوما
حمستنى فعلا بصوا بقى
انا هسال اللى يخطر على بال اغلب البنات
تيجى نشوف
يلا
1شيماء:-ايه طريقتك لتوصل لقلب بنت معجب بيها؟
حازم::يعنى تقدرى تقولى طريقة خاصة حبتين وبتفرق من شخص للتانى انا فى الغالب لو معجب بيها اوى بحاول اكسب قلبها من خلال افعالى يعنى مثلا لو ابين لها انى خايف عليها واحسسها انى مهتم بيها ومفيش غيرها مهتم بيها وفى اللحظة المناسبة اقولها انى بحبها
بس كدة
2شيماء:-ايه اول حاجة تلفت انتباهك اول ما عينيك تقع على بنت؟ حازم : هههههههههههههه سوال ذكى حبة بصى ياشوشو والله اول حاجة عند كل الشباب هى جمالها بس عندى انا قوة شخصيتها بعرفها من عنيها او ثقتها فى نفسها دى بتخلينى التفت لاى بنت وممكن تاخد عقلى جدا بس الشاب غالبا بيعجب بالبنت الجميلة
3شيماء: -ايه الكلمة اللى بتربكك من البنت؟ حازم: مممممممممم سوال صعب بجد
على حد علمى لما تقولى انتا بتحبنى او تقولى اخرة الحب اية او تندهلى باسمى ثلاثى ههههههههه معناها انها زعلانة
4شيماء:-افى ايهما البنت تكون اجمل الخيال ولا الواقع؟
حازم:عندى الاتنين بس لما بحب واحدة واكون لسا مكلمتهاش او اتعرفت عليها بيكون ليها صورة فى خيالى اكثر اكثر من رائعة وبحلم بيها دايما ودة على فكرة عند اغلب الشباب اما فى الواقع بتكون حب ولهفة واشتياق دايما
5شيماء-هل تبوح للفتاه التى تحبها باخطائك ام لا؟
حازم :مش مع كل البنات ياشيماء يعنى هيا لو طلبت منى كدة اكيد هاقول وبعدين انا مغلطش غلطات كبيرة علشان اخبيها
وعلى فكرة معظم الشباب بيحاولوا يظهروا بمنظر حلو قدام حبايبهم ازاى يشوهو بقا
6شيماء-هتعمل ايه لو عرفت ان الفتاه اللى بتحبها بتكلم غيرك؟
حازم: بعد مرتبط بيها بقصة حب
100% هاسيبها ومستحيل ارجعلها
انا رجل ولى عزة نفسى وكرامتى هيا محترمتنيش وكلمت غيرى يبقى ادوس على قلبى واستحمل
(دة من جانب الحب)
اما لو كلمتة من باب الزمالة والاخوة ومقالتليش (دايما الشاب بيحب حبيبتة متخبيش عنوا حاجة)
مصيرها واحد بردوا
ولو كلمت حد قبل متعرفنى عادى مفيش حد اسمة محبش بس الاهم انك تخلص لحبك
7شيماء-اى طريقة بتحكم بيها على البنت؟ حازم:عندى انا مختلف حب
بس اغلب الشباب بيبصوا للمظهر .
بس انا بحكم من خلال نظرة العين اقرا البنت كاملة من خلال نظرة عنيها
شيماء:اية الى بيميزك عن غيرك فى حبك؟
8
حازم: هههههههه بصى يشيماء الحكاية دى معايا زى الستات فى الطبخ كل واحدة ليها نفس فى الاكل
انا كدة يمكن زى كل الناس الاغلبية بس احساسى بيوصل للقلب وبفهم الى بحبة من غير ميكلم
وبيتهيالى ان دة الى مميزنى
9شيماء:-كام مرة بتشوف فيها نفسك فى المرايا؟
كل يوم لما اجى اخرج بس !!!!
(مع انى مش فاهم تقصدى اية بالسوال دة)
فى النهاية اشكر صديقتى الغالية
شيماء(شيماء س)
على انها غلبتنى فى الاسئلة وانا بجد استمتعت وانا بعمل الموضوع
دة معاها وياريت الكل يخش ويرد
فى كل مرة يخش فيها
دة معاها وياريت الكل يخش ويرد
فى كل مرة يخش فيها
وفى النهاية بطلب منكم طلب
سبق وقلت ان دة الجزء الاول من تقديمى
وفية شيماء بتسالنى وانا برد
الجزء التانى هيكون قريب
بس اما نشوف تفاعل الاعضاء
وعلشا اخلى الموضوع مفتوح هتدخل كل بنت او ولد
هابعتلة الدعوة
وتسال كل بنت عن سر عايزة تعرفة عن الاولاد او الشباب شرط ان ميجاوبش على السوال الا الشباب
ارجو تفاعلكم مع الموضوع
مع تحياتى
حازم.... حازم
مع تحياتى
...... شيماء.............
