نجوم مصرية
منتديات نجوم مصرية منتديات شباب وبنات منتدى الرياضة أخبار الرياضة المصرية

تابع نجوم مصرية على أخبار جوجل



شحاته : سأرحل عن المنتخب فى حالة واحدة !

 

شحاته : سأرحل عن المنتخب فى حالة واحدة !


وصلت بعثة المنتخب المصرى الى القاهرة فى السادسة صباح اليوم الثلاثاء قادمة من جنوب افريقيا بعد ان خسر الفراعنة امام الاخيرة بهدف نظيف ضمن التصفيات المؤهلة لنهائيات كأس الامم الافريقية .


ووصلت البعثة وسط اجواء هادئه وصامته حيث لم يكن فى استقالبهم سوى بعض الاعلاميين بالاضافة الى الافراد الذين كانوا متواجدين فى صالة المطار .


وظهرت حالة من الحزن والصمت على اللاعبين والجهاز الفنى وامتنعو بعضهم عن الادلاء بتصريحات بإستثناء حسن شحاته المدير الفنى لمنتخب مصر وسمير زاهر رئيس الاتحاد المصرى لكرة القدم .


واعلن حسن شحاته انه باق مع المنتخب ولن يرحل الا اذا رأى الاتحاد المصرى لكرة القدم ضرورة رحيله مشيرا الى ان المنتخب قدم ادائا جيدا طوال المباراة ولكن لسوء الحظ جاء هدف فى الوقت القاتل .


واشار شحاته انه يعلم جيدا ان الامل فى التأهل لأمم افريقيا ضعيفا جدا ولكنه سيتسمك به .
تابع نجوم مصرية على أخبار جوجل







تابع نجوم مصرية على أخبار جوجل




المقال "شحاته : سأرحل عن المنتخب فى حالة واحدة !" نشر بواسطة: بتاريخ:
شمس الاسكندرية
يا عم حسن خلاص و النبى بلاش تعشمونا
احنا اصلا عارفين اننا مش هنتاهل
واحنا مش فاضيين نسيب بلدنا و نفضل نتابعكم و انتو بتحرقو دمنا
زمنكم ولى خلاص كنا غفلانين و الحمد لله صحينا
يعنى المساله بالنسبة لنا مبقتش حياة او موت زى ما كنا معودينكم
ENT.ELGHALY
هههههههههههه نايس احساس شمس ..... انا حاسس انك هتكسى الكيبورد وانتى بتكتبى الكلام ده
ENT.ELGHALY
*هتكســـــرى
شمس الاسكندرية
هههههههههههه نايس احساس شمس ..... انا حاسس انك هتكسى الكيبورد وانتى بتكتبى الكلام ده
و الله الواحد فعلا مضايق
لاننا عيشنا فعلا سنوات كتير مضحوك علينا و احنا كمان ضحكنا على نفسنا
عارف يعنى ايه احنا عيشنا و ماتش كورة بلنسبالنا حياة او موت
و كاس العالم و غيره
طيب ما امريكا خرجت من كاس العالم
ايه الى حصلهم يعنى ؟؟
و احنا عشان ماطلعناش و الا لو خسرنا ماتش عادي حتى كانت الدنيا تتهد
انا يوم ماتش انجلترا الودى لما خسرناه قعدت فترة مش بكلم حد و مخنوقه
ليه يعنى للدرجادى الواحد كان ساذج و مغيب عن الوعى

المهم الحمد لله و يا رب بس بلدنا تبقي احسن و لا كورة غيره
مصراوي بالامارات
اعتقد كان متوقع ان حوستي مبارك في انتظاره في المطار

على رأئ شمس

زمنكم ولى خلاص كنا غفلانين و الحمد لله صحينا

انستونا
جدة مصرية
مش عارفة انا الوحيدة بس ليه متعاطفة مع حسن شحاتة
يمكن انا مش شايفة غير انجازاته فقط السابقة ؟؟؟
وعلى رأى شمس مش فايقين لشحاته ولا لحرق الدم

شكرا
ISLAMAZ
يا عم حسن خلاص و النبى بلاش تعشمونا
احنا اصلا عارفين اننا مش هنتاهل
واحنا مش فاضيين نسيب بلدنا و نفضل نتابعكم و انتو بتحرقو دمنا
زمنكم ولى خلاص كنا غفلانين و الحمد لله صحينا
يعنى المساله بالنسبة لنا مبقتش حياة او موت زى ما كنا معودينكم
الناس كلها اليومين دول بتقول احنا خلاص معودناش فاضيين للكورة, ممكن اسأل سؤال ساذج ايه التغيير اللى حصل فى البرنامج اليومى لأى واحد فينا؟ يعنى ماشاءالله بقينا بنشتغل 18 ساعة فى اليوم و بننام بالعافية 6 ساعات!!!!
ايه المانع ان احنا نشتغل كويس جدا, و برضة نعيش حياتنا ويبقى عندنا اهتمامات تانية و منها الكورة
مصراوي بالامارات
الناس كلها اليومين دول بتقول احنا خلاص معودناش فاضيين للكورة, ممكن اسأل سؤال ساذج ايه التغيير اللى حصل فى البرنامج اليومى لأى واحد فينا؟ يعنى ماشاءالله بقينا بنشتغل 18 ساعة فى اليوم و بننام بالعافية 6 ساعات!!!!
ايه المانع ان احنا نشتغل كويس جدا, و برضة نعيش حياتنا ويبقى عندنا اهتمامات تانية و منها الكورة
====
لكل حادث حديث

الفتره دي في اشياء مهمه في حياه كل مصري

نكون او لا نكون
تلك هي المسائله

وبعدين ان شاء الله نبقى نفكر في كل شيئ

مش كوره بس واسكواش كمان
شمس الاسكندرية
الناس كلها اليومين دول بتقول احنا خلاص معودناش فاضيين للكورة, ممكن اسأل سؤال ساذج ايه التغيير اللى حصل فى البرنامج اليومى لأى واحد فينا؟ يعنى ماشاءالله بقينا بنشتغل 18 ساعة فى اليوم و بننام بالعافية 6 ساعات!!!!
ايه المانع ان احنا نشتغل كويس جدا, و برضة نعيش حياتنا ويبقى عندنا اهتمامات تانية و منها الكورة
هو انا هتكلم عن نفسي لانى اتغيرت كتير جايز حضرتك ماتغيرتش و لا فى حاجة فى حياتك اتغيرت
بس انا عن نفسي حاسه فعلا بتغيير فى حياتى
الاول بعد الواحد ما كان عايش حياته كدة و خلاص
لا بقيت افكر فى بكرة و بقيت لاول مرة اقرا تاريخ بلادى و اهتم انى اعرفه كويس جدا لاننا فى تعليمنا درسنا بس عشان ننجح لكن قليل اوى الى يعرف تاريخ مصر على اصوله
بقيت افكر انى اطور من نفسي و رجعت تانى اقرا وبقيت اهتم بالسياسه و عايزة اعرف ايه الصح و الغلط و اسمع اكتر من راى عشان اقدر احدد ايه الى عايزاه
كمان بفكر اعمل مشروع صغير و اشتغل و ان شاء الله انا وصحابى بنجمع بعض عشان نجرب جايز ننجح و جايز لا بس نبقي حاولنا و ربنا يقدرنا و ننفذه
لا انا عن نفسي حجات كتير اتغير ت فيا
جايز تكون حجات بسيطة بالنسبالك او لاى حد يقراها
لكنها بالنسبالى تغيير فعلا اثر فيا و على تفكيرى
و زى ما قال الاستاذ مصراوى لكل حادث حديث
ENT.ELGHALY
جميل اوى يا شمس الكلام الى انت بتقوليه ...
متنسيش تضمينى معاكى فى المشروع الى بتفكرى فيه
شكرا لمروركم
شمس الاسكندرية
جميل اوى يا شمس الكلام الى انت بتقوليه ...
متنسيش تضمينى معاكى فى المشروع الى بتفكرى فيه
شكرا لمروركم
دة مشروع للبنات وبس
كل واحدة فينا بتعرف تعمل حاجة وو هى فى البيت
فى الى بتعمل اكسسوارات من الخرز شكلها حلو
و فى الى بتعرف تستخدم الشنط الجلد القديمة بتاعتنا و تصنع منها حاجة بسيطة برضو
و فى الى بتعرف تستخدم الاقمشه القديمة فى البيت
و الى بتعرف تعمل براويز حلوة وتابلوهات
يعنى حجات يدوية و احنا فى بيوتنا هنعلمها وهنحاول نسوقها
زى الصينين ما بيعملو
ENT.ELGHALY
بجد يا شيماء فكره رائعه ..... بالتوفيق ان شاء الله
مصراوي بالامارات
ربنا يوفقك ياشمس

هي دي مصر

انا متفائل خلاص ان شاء الله

وشكلي كده هرجع مصر تاني

انا تاني عنك مش هبعد بعيد
هفضل معاكي وأعيش من جديد
وإن شاء الله ساعتها اكسر حديد
هحس اني عايش معاكي في عيد

-----
راجعلك يامصر راجع أكيد
شمس الاسكندرية
ربنا يوفقك ياشمس

هي دي مصر

انا متفائل خلاص ان شاء الله

وشكلي كده هرجع مصر تاني

انا تاني عنك مش هبعد بعيد
هفضل معاكي وأعيش من جديد
وإن شاء الله ساعتها اكسر حديد
هحس اني عايش معاكي في عيد

-----
راجعلك يامصر راجع أكيد
ههههههههههههههههههههههههههه
تصدق انا فكرت القصيدة دى ليا ؟

هههههههههههههه
بس يلا بقي مصر هى امى
شمس الاسكندرية
بجد يا شيماء فكره رائعه ..... بالتوفيق ان شاء الله
ربنا يخليك شكرا علىة ذوقك
مع ان اسمى شمس
بس هعذرك ممكن نورى خلاك متعرفش تركز
ENT.ELGHALY
هههههههههههههه ... سورى يا شمس الخطوط بس دخلت فى بعضها .. هعوضها المره الجايه وهقولك يا لمياء
شمس الاسكندرية
هههههههههههههه ... سورى يا شمس الخطوط بس دخلت فى بعضها .. هعوضها المره الجايه وهقولك يا لمياء
هههههههههههههههههههههههههههه
شكلك كدة حبايبك ياما
ISLAMAZ
بس أنا طبعا ماقصدش أبداانى أهاجم الأحت شمس, بس أنا حبيت أوضح ان التوازن مطلوب فى حياتنا مينفعش ان اهتمامتنا كلها تكون فى جانب واحد فقط مهما كان, يعنى لسه لغاية شهرين فاتوا كان اهتمام الغالبية العظمى من الناس بالكورة و نجومها بصورة مبالغ فيها جدا لدرجة ان أمل كل واحد يكون ابنه لعيب كورة, ودلوقتى بقينا مش فاضيين للكورة بس فضينا لحكايات الفساد و مبارك و جمال و اشاعات جوازهم و طلاقهم اللى أعتقد ان 90% منها غير صحيح أو مبالغ فيه, كل ده فى الوقت اللى لم تتخذ أى خطوات عملية فى سبيل استرداد الأموال المسروقة وكل المسئولين( ماعدا 4) قاعدين فى قصورهم زى الفل

واحنا زى ماحنا مابنعرفش نركز الا فى حاجة واحدة بس, يعنى انشغالنا بموضوع الاستفتاء على تعديل الدستور 20 يوم كاملة و لم يكن لنا هم سواه بالرغم انها فى النهاية تعديلات مؤقته ليس الا, وكان يكفى كل واحد فينا انه يعرف ايه هي المواد المعدلة و يدرسها كويس و لو مش مستوعب حاجة يسأل ثم يذهب للادلاء بصوته فى ساعة ساعتين زمن وانتهينا,

يا جماعة الوطن ليس سياسة بس ولا كورة بس ولا فن بس, ولا شغل بس ولا أولاد بس
لكن الوطن هو حياتنا كلها بكل جوانبها و تفاصيلها, يعنى عايزينه يكون مستقر سياسيا, و منتعش اقتصاديا, و متفوق فى كل حاجة حتى لو كانت (لعب البلي)
وشكرا
ENT.ELGHALY
هههههههههههههههههههههههههههه
شكلك كدة حبايبك ياما
مش اوى يا شمس حوالى من 90 لــ 105 :d:d
شمس الاسكندرية
بس أنا طبعا ماقصدش أبداانى أهاجم الأحت شمس, بس أنا حبيت أوضح ان التوازن مطلوب فى حياتنا مينفعش ان اهتمامتنا كلها تكون فى جانب واحد فقط مهما كان, يعنى لسه لغاية شهرين فاتوا كان اهتمام الغالبية العظمى من الناس بالكورة و نجومها بصورة مبالغ فيها جدا لدرجة ان أمل كل واحد يكون ابنه لعيب كورة, ودلوقتى بقينا مش فاضيين للكورة بس فضينا لحكايات الفساد و مبارك و جمال و اشاعات جوازهم و طلاقهم اللى أعتقد ان 90% منها غير صحيح أو مبالغ فيه, كل ده فى الوقت اللى لم تتخذ أى خطوات عملية فى سبيل استرداد الأموال المسروقة وكل المسئولين( ماعدا 4) قاعدين فى قصورهم زى الفل

واحنا زى ماحنا مابنعرفش نركز الا فى حاجة واحدة بس, يعنى انشغالنا بموضوع الاستفتاء على تعديل الدستور 20 يوم كاملة و لم يكن لنا هم سواه بالرغم انها فى النهاية تعديلات مؤقته ليس الا, وكان يكفى كل واحد فينا انه يعرف ايه هي المواد المعدلة و يدرسها كويس و لو مش مستوعب حاجة يسأل ثم يذهب للادلاء بصوته فى ساعة ساعتين زمن وانتهينا,

يا جماعة الوطن ليس سياسة بس ولا كورة بس ولا فن بس, ولا شغل بس ولا أولاد بس
لكن الوطن هو حياتنا كلها بكل جوانبها و تفاصيلها, يعنى عايزينه يكون مستقر سياسيا, و منتعش اقتصاديا, و متفوق فى كل حاجة حتى لو كانت (لعب البلي)
وشكرا


معك حق و الله
و انا ماقولتش انك بتهاجمنى و لا حاجة
بس انا لو فكرت فى كل الى انت قلته دة
كنت هفضل زى منا كدة
لكن انا قلت ابدا بنفسي
يمكن اقدر اتغير للاحسن و لو خطوة واحدة
وحاولت اخرج من الدوامة الى احنا حطينا نفسنا فيها وبقت افكر في اى شئ جديد و مفيد حتى لو بسيط بالنسبه لغيري
لكنه ممكن يكون يعنى لى الكثير
شكرا يا اسلام على ذوقك
وان شاء الله ربنا يصلح حال بلادنا و بلاد المسلمين
ISLAMAZ
أيه رأيك يا شمس الأسكندرية بعد 3 سنين من هذا الحوار الجميل

هل احنا كشعب اتعلمنا حاجة
و هل مصر اتقدمت خطوة أم
تأخرت خطوات؟؟!!!



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
هل انت من مؤيدى اقالة حسن شحاته من المنتخب؟؟
حسن شحاته : جدو لن يلعب في المنتخب _ تفاصيل

Powered by vBulletin Version 3.8.8
Copyright ©2000 - 2022, Jelsoft Enterprises Ltd
جميع الحقوق محفوظة © fmisr.com منتديات نجوم مصرية