الخبر ده اتنشر فى كل الجرايد الساعه 2 صباحا بتوقيت القاهره يوم 1/4/2011

المجلس الأعلى يشدد عقوبة التحرش للمؤبد والإعدام
أصدر المجلس الأعلى للقوات المسلحة قراراً بتعديل بعض أحكام قانون العقوبات، يتضمن تشديد العقوبات على التحرش بالأنثى.
طبعا الخبر فى حد ذاته رائع ونصر مهم للبنات
بس تعالوا نفكر ثانيه واحده
ليه الخبر ده النهارده بالذات يوم جمعه انقاذ الثوره
ليه الساعه 2 بالليل بعد ماالناس نامت وهتصحى تصلى وتروح الميدان
الخبر ريحته فايحه ...مش كده
اللى مش فاهم: انا كنت حذرت قبل كده فى بعض المواضيع من نزول البنات عشان متضربش بينا المظاهره
فاكرين يوم 9 مارس
طب فاكرين لما بنت صوتت فى مدخل عماره فى الميدان ان الشباب بيتحرشوا بيها والشباب دول كانوا بلطجيه كلهم لابسين نفس التىشيرت ويومها ضربولهم كام واحد من المعتصمين
ده كان قصدى ان ممكن حد يستغل البنات ويتحرش بيهم عشان يبهدلوا الشباب والمظاهرات تقلب بخناق
بس مكنتش فاكر انها هتوصل لكده
دا كده ممكن اى شاب يلبسوه تمه تحرش ويتعدم يا ولداه وهو فاهم انه بيحمى بنت مصريه محترمه
عشان كده بقول تانى للبنات خليكم فى البيت
بلاش نشغل الشباب ونشتت فكرهم بين حمايةالبنات وبين حمايه الثوره

يارب تكونوا فهمتوا قصدى
وطبعا الخلاف فى الرأى لا يفسد للود قضيه ولا لمصر مظاهره
وصباح الحريه علينا كلنا

نعم أوافقك على هذا الرأي شكرا لك

نحتاج إلى إعنمال العقل ولا ننساق وراء العواطف والحماس

اى نعم
اوافقك الراى

ماشاء الله عليك ومفيش اى حد فكر فى تحليلك ولما نزلت اشترى الجرائد
الجميع كان بيدعى للقوات المسلحة علشان حا تحافظ على بناتها
ولكن تحليلك كان بعيد تماما عن تفكيرهم وتفكيرى انا كمان
برافو عليك وماشاء الله عليك واسع الأفق
شكرا حجاج

معك حق

تسلملى ردودكم
شكرا جدة

متى نخلص من التشكك والشكوك
والتفسيرات الغريبة للامور
حسبي الله ونعم الوكيل