أحباء مصر في كل مكان وحشتوني جداً جداً .. النهاردة نفسي اوجه دعوة لكل مصري ومصرية سواء كانوا بيعيشوا على أرض مصر أو خارجها بانهم يساهموا في بناء بلدنا الجديدة .. مش هتفرق المساهمة هتكون مادية أو معنوية الأهم إن الكل يشارك ويساعد باللي يقدر عليه .. كنت مبسوطة قوي وانا شايفة المصريين جوه وبره مصر ومعاهم إخواتنا العرب متكاتفين علشان بورصة مصر تقدر تقف على رجليها من تاني .. كان المردود فوق الخيال والنتائج لم تراود طموحات أكثر المتفائلين .. ياسلام لو استغلينا التلاحم والتكاتف ده في بناء مصر الجديدة وفي كل المجالات لأن مصر محتاجة بجد اولادها في الوقت الحساس ده .. يالا كلنا ايد واحدة علشان أجمل وأحلى مستقبل لمصرنا الحبيبة