قالت صحيفه اسرائيليه فى مقال لها عن ان ويكيليكس نشرت وثيقة بين القاده العسكريين الاسرائيليين و الامريكيين تتحدث عن بعض القاده العسكريين ومن ضمن هؤلاء القاده كان المشير طنطاوى رئيس المجلس الاعلى لقوات المسلحه و على حسب الجريده قالت الوثيقه ان طنطاوى يدعم العرب ضد اسرائيل و انه كان يريد فتح المعابر لتخفيف الحصار على قطاع غزه اثناء العملية العسكرية البشعه التى قامت بها اسرائيل العام الماضى مشيرا الى ان طنطاوى يريد تقليل التعاون مع اسرائيل و الجدير بالذكر هو ان طنطاوى اشترك فى كل الحروب التى دخلت فيها مصر ضد اسرائيل

اسرائيل لا خايف على مستقبلها ولا هم يحزنون كل ده كلام فارغ والمراد هو توصيل هذه الاشاعات للمواطن الغلبان . ولا توجد اسرار عسكريه او سياسيه تصل للعامه بسهوله .
شكرا على الخبر

عبد الرحمن
والنبى اهدى شوية ها
وفعلا فى وثيقة امريكية من ويكيليكس بتقول ان امريكا كانت عايزة الجيش المصرى يوسع مهمامة
ويشترك مع امريكا فى حربها ضد الارهاب لكن هو اعترض وقال ان الجيش المصرى كل مهمة الدفاع عن ارض مصر ومصالحها وبس
ووصفتة بان هو العقبة الاساسية فى كدة
ولو فعلا فى ناس عايزة طنطاوى يمشى فهمى الامريكان واليهود واذا كان فى حد من الشعب عايزة يمشى فدة انا اسف يعنى يا من دمهم يا رضيهم انهم اهلة
لان بكلامة دة عايز البلد تولع وتخرب
وياريت نهدى شوية ها نهدى

والله يا اخ جون انا مش هكذب عليك انا فعلا متوتر شويه مع اني الي الامس كنت مثلك بطلب من الاخوان الهدوء وقد تكون انت لاحظت هذا في مشاركاتي لكن يا اخي الانسان طاقه وطفح الكيل بجد كل شويه الشعب الغلبان طالع نازل على التحرير عشان خاطر لص زي مبارك وطنطاوي مش عاوز ياخد اي خطوه اجابيه لدرجه ان الشعب قال له يا طنطاوي عيلة مبارك بينا وبينك وهذا معناه ان الشعب المسكين مش عاوز طنطاوي يمشي لكن عاوز طنطاوي بصفتة القائد حاليا ينفذ مطالب الثورة ويرجع اللي راح ويثار لدم الشهداء والعمليه بسيطه اقبض على مبارك يا طنطاوي وما فيش حد عاوزك تمشي . هو لو كان مبارك نفسه كويس كان فيه حد عاوزه يمشي الناس عاوزه تعيش مش اكتر .

بالنسبه لنقطة تخوف اسرائيل وامريكا وخلافه والله يا اخي لا توجد حقائق في هذه الامور تصل الي المواطن العادي هذه اسرار وما يصلك هو عكس الواقع بنسبة 90% .
تقبل تحياتي اخي جون

ولله يا جماعه كلنا نفسنا مبارك يتحاكم

لكن وزير العدل قالها انا لو جبت مبارك عشان احقق معاه من غير ادلة واضحه عليه فعلا هيقدر يخرج منها بسهولة عشان كده التحقيقات بتكون بطيئه شوية
مهو طول عمر القضاء المصرى بطى اشمعنا دلوقتى عايزه يبقى سريع

ولله يا جماعه كلنا نفسنا مبارك يتحاكم

لكن وزير العدل قالها انا لو جبت مبارك عشان احقق معاه من غير ادلة واضحه عليه فعلا هيقدر يخرج منها بسهولة عشان كده التحقيقات بتكون بطيئه شوية
مهو طول عمر القضاء المصرى بطى اشمعنا دلوقتى عايزه يبقى سريع

طبعا لازم الان القضاء يكون سريع حفاظا على البلد من الدمار .
الشعب رافض يعمل اي حاجه غير الاعتصامات بسبب قلقة على عدم محاكمة مبارك
اذاً ما هو الحل نقبض على مبارك عشان الشعب يشوف شغله وعجلت الانتاج تدور ولا نفضل نماطل وكله خساره على الدوله وبعدين بلاش مبارك. طيب عائلة مبارك جمال مبارك صفوت الشريف .
الحاجه التانيه حتى لو كان القضاء المصري بطيئ فهذا قبل الثورة اذا ايه لازمة الثورة .
واشمعن القضاء كان سريع اوي في العادلي والطبال احمد عز .
وبصراحه ان مش عارف احنا عاوزين ايه ادله على مبارك المفروض ان اي حاجه غلط حصلة يتحاكم عليها مبارك قبل الفاعل الاصلي لان مبارك هو القائد وهو الراعي انما ان كان هو خيشه او طرطور كان ترك الكرسي لاحد يخلفه ويخرج مكرم افضل من انه يترك الفاسدين يقضوا على الشعب بهذا الشكل وهو ولا في دماغه حاجه . ولا انتم شايفين غير كده يا جماعه

ربنا يستر
و الله انا بجد بدات اخاف اوى

اية تخافى وانا موجود