موضوع روش روش اخر روشنه بجد يا مان بجد يا ومان
طبعا انتم عاوزين تعرفوا ايه الموضوع اقولكم انا بقي
انا ملاحظ اليومين دول يا بناتيت ويا ولاليد
( جمع ولاد والبنات )

علي المنتديات وفي الشات

البنات والولاد بيتكلموا بطريقه بجد تنقط

يعني تلاقي واحد حاطط صور في ( قسم الصور ) (لنانسي عجرم
ويكتب العنوان

( صور جامدة اخرررررررررررررررر حاجه لننوسه)

(صور موووووووووت لنانسي)

ايه اخر حاجه دى ويعني ايه اصلا صور موووووت

_ _ _ _

وتلاقي البنت في الشات بقي تقول:

انا مش ينفع - انا مش أشرب - انا مش أكل - انا مش أعرف - أنا مش يكتب
انا مش انا تش انا فش - انا مش اعمل كته ابتا ابتا
انا مش بتاعه الكلام ده انا كنت طول عمري جامده


_ _ _ _

وتلاقي الحجه الرقيقه بقي تقول ايه :

( انا مش ينفع اعمل كده انت مش تزعل بقي بيس يا مان )

وهو يرد عليها

( انا مش ازعل منك خالص ابدا يا ومان )_ _ _ _

خدتوا بالكم بقي

مش ازعل مش اكتب مش انام مش اعرف مش اسمع ,,,,,,
مش ممكن كده


واصلا تلاقي البنت اصلا ستايلها ميجبش كده اصلا

_ _ _ _

وتلاقي بقي الحروف اللي ضاربه بالهبل .

طويل = تويل
كده = كته
ابدا = ابتا
خالص = خالس - ولو رقيقه اوى _ خالث
ماشي = ماسي
بجد = بكد
حلو = حووووووووووووووووو
اشرب = اشششششششششب انبوووووه

حاكه تنأت بكد يووووووووووه قصدى حاجه تنقط بجد

_ _ _ _ _

وتلاقي بقي الواد من دول راح السينما

يرجع يقول لصحابه :

اووووووبس رحت حته فيلم روش طحن فيلم اخر حاجه بجد فيلم يهوس هيهئ هيهئ هيهئ
هييييييييييييييييييييييييييييييييييييييييييييييييي يييهئ

مش عارف بيضحك علي ايه بس بيضحك وخلاص :

_ _ _ _

نيجي بقي لكلام الولاد مع بعض

هاي يا مان
بيس يا مان
انت ليه عليا مبتردش
كب الزبون
فكك منه

جبت بدى وشك ( الولاد اصل بقوا يلبسوا بديهات زى البنات )
ومش عارف ليه برضووووووو الولاد لازم يسقطوا البنطلون ولازم حاجات مشجرة
كده تبان وقلوب وفراوله و دباديب روشييييين اوى جدا خالص
وطبعا ده استايل اى شاب دلوقتى وده الطبيعى يعنى

_ _ _ _

ننتقل الي ولد وبنت بيحبوا بعض

يتكلموا في التليفون :

هو : الو يا حبي
هي : حبيبي
هو : ازيك النهارده ( ليه بيقول النهارده هو يعني بيكلمها في زمن الماضي)
هي : بيس وانت
هو : سهران من امبارح مش نمت علشان اكلمك مخسوس
هي : وانا كمان مش نمتش خالس مستنيه تليفونك بجد
( وتلاقيها مخموده بقالها 8 ساعات علشان تحافظ علي بشرتها)
هو : وحشاني موت بجد
هي : وانت بجد موت اكتر حاجه
هو : امبارح شفت فيلم اوووبس يا روحي رومانسي موت كان نفسي تتفرجي معايا
هي : بجد طيب احكيلي
هو : البتل ( البطل يعني ) تول الفيلم بيحب فى البتله ( البطله ) --- ( عاوز يجرجرها بقي في الكلام )
هي : بجد
هو : بجد
هي : بجد بجد
هو اه بجد
وباقي المكالمة بقي بجد وهو يقولها بجد
طالما مش قد الكلام في الحاجات دى بيتكلموا لييييييييييييييييه ::

_ _ _ _

و (( فيلم لبنت ماتت امام البال توك نرجو عدم الدخول ))

حاطط الموضوع لييييييييييييييييييييييييييييييييييييييييييييييييي ه طالما مش عاوز حد يدخل .

_ _ _ _

بلييييييييييييييييز ما تيجوا نتكلم عادى يعني بلاش لغة الروشنه والسهوكه اللي تغيظ دي

شكلي كده طولت عليكم اوعوا تكونوا زهقتم
ها ايه رايكم في الموتوع ده كامد اخر حاجه صح يا روشين .

وأوعوا يكون حد زعل ها .
----------------------
-------------

هههههههههههههههههههههههههههههههههههههه
والله كلامك جامد اخر حاجه
انا فعلا بشوف كده بس لما بتتعامل مع ناس كتير بالشكل ده بتبدي تلقط كلام زي كلمة فكك جامد اخر حاجه
هو فعلا كلام غريب
بس خلاص كلو بيتكلم كده وانت بططر تتكلم ولو كلمتين زيهم عشان تبقي معاهم علي الخط
انا فعلا بضايق لما حد بيتكلم كده بس هعمل ايه هغير الكون
يلا هضيقك بقي
بيس يا مان يلا بقي باااااااااااااااااااااي ومش تعلق علي حد خالس خالس

هههههههههههه
بيس يا ومان
اهم حاجه انك مش اتضايقتى من التطويل
ههههه

هو اه الواحد ممكن يلقط كلمه ولا اتنين لكن ميبقاش كل كلامه بالنظام ديه
مش كفايه ان الناس ماشيه على واحده ونص
يبقى واحده ونص وسهوكه
يعنى الشعب مش ناقص
ومنورة التوبيك

بييييييييس موتوع جامد جامد اخر حاجة
هههههههههههههههههههههههه
فعلا هو الكلام دة بيعصبني فعلا
احيانا كنت بدخل علي شات وكنت بلاقي الكلام دة
كنت بضايق جدا
وكنت بضطر اخرج علشان متنرفزش اكتر من كدة
بجد فعلا حاجة تضايق
وبعدين فيها اية لو نتكلم عادي بطبيعتنا يعني
اية اللي هيحصل يعني بجد حاجة تنرفز
وشكرا علي الموضوع المهم دة

ههههههههههههههههههههههههههههههههههههههه
دة نص المنتدى بيتكلم كده

انا كنت بتغاظ فى الاول خصوصا من طريقة البنات مع انى بنت

بس لما لقيت فى اجماع على الطريقة دى

خدت عليها خلاص مابقتش تفرق

وليه خدتى عليها هيا مخدرات ولا ايه
لا بجد والله اللغه ديه بتضايق وتعصب الواحد
تحس انه شاب ميكى ميكى من اللى بيروح ومش بيجى عشان بيتوه وهو ماشى
مالها اللغه العاديه بتاعتنا حلوة وزى الفل
وكامته اخر حاجه وبييييس يا مان ويا ومان

ههههههههههههههه
فعلا طريقه تضايق
بس دي بقت العادي دلوقتي
كله بقه ببيتكلم كده
وبقت تلقائيه

تثدق اه
ههههههههههههههههههههههههههههه
اما ثحيح بناتيت تنقت
انا مث عايف ايه الثهوكه ديه
هههههههههههههههههههههههههههه

توبيك رائع

ههههههههههههههههههههه

ناااايس توبيك


بس ده العادى بقه

انا مش اعرف انت متضايق ليه هههههههههههههههه

انا مش اضايق انا سعيد بوجودكم ومروركم ع التوبيك
بس مش اكتر ههههه

انا كمان مبحبش السهوكة دية
نايس

هههههههههههههههههههههههه

الحمد لله اني بكرة الشات دة بحس فية بان كلو بيكدب علي كلو

في كل حاجة.......... منهم بقي طريقة الكلام

ههههههههههههههههه
موضوعك جميل اوى
الحمد لله انى مش بدخل شات عشان الصداع ده

موضوع رائع جدا

ههههههههههههههه
موضوع جميل جداا

هو الموضوع بجد يخنق لان الحكاية دي زادت قوي وبقت موجودة حتي في كلامنا يا جماعة احنا قربنا او خلاص نسينا لغتنا العربية اللي المفروض نعتز بيها يا جماعة

هو الموضوع بجد يخنق لان الحكاية دي زادت قوي وبقت موجودة حتي في كلامنا يا جماعة احنا قربنا او خلاص نسينا لغتنا العربية اللي المفروض نعتز بيها يا جماعة

صح والله يا محمد معاك حق
بس دلوقي الناس كلها بتتكلم كده
يعني مش ممكن بقي تيجي واحده صحبتي وتقول سلام عليكم
خلاص ديه اتنست
الكلمه البديله ازيك يا مزتي
ههههههههههه
والله حاجه تنقط بس اتعودنا خلاص
بس بجد نفسي نعتز بلغتنا زي اي دوله ونتكلم عربي صح مش نجيب كلمه من الشرق والغرب